Revakhanda of the Vayupurana 128

ततो गच्छेत्तु राजेन्द्र भृकुटेश्वरम् उत्तमम् । यत्र सिद्धो महाभागो भृगुः परमकोपनः

tato gacchettu rājendra bhṛkuṭeśvaram uttamam / yatra siddho mahābhāgo bhṛguḥ paramakopanaḥ

Sanskrit only: no published translation is held for this verse.

तेन वर्षशतं साग्रं तपश्चीर्णं पुरानघ । पुत्रार्थं वरयामास पुत्रं पुत्रवतां वरः

tena varṣaśataṃ sāgraṃ tapaścīrṇaṃ purānagha / putrārthaṃ varayāmāsa putraṃ putravatāṃ varaḥ

Sanskrit only: no published translation is held for this verse.

वरो दत्तो महाभाग देवेनान्धकघातिना । तत्र तीर्थे तु यः स्नात्वा पूजयेत् परमेश्वरम्

varo datto mahābhāga devenāndhakaghātinā / tatra tīrthe tu yaḥ snātvā pūjayet parameśvaram

Sanskrit only: no published translation is held for this verse.

अग्निष्टोमस्य यज्ञस्य फलमष्टगुणं लभेत् । भृकुटेशं तु यः कश्चिद् घृतेन मधुना सह

agniṣṭomasya yajñasya phalamaṣṭaguṇaṃ labhet / bhṛkuṭeśaṃ tu yaḥ kaścid ghṛtena madhunā saha

Sanskrit only: no published translation is held for this verse.

पुत्रार्थी स्नापयेद् भक्त्या स लभेत् पुत्रमीप्सितम् । तत्र तीर्थे तु यः स्नात्वा दद्याद् विप्राय काञ्चनम्

putrārthī snāpayed bhaktyā sa labhet putramīpsitam / tatra tīrthe tu yaḥ snātvā dadyād viprāya kāñcanam

Sanskrit only: no published translation is held for this verse.

गोदानं वा महीं वापि तस्य पुण्यफलं शृणु

godānaṃ vā mahīṃ vāpi tasya puṇyaphalaṃ śṛṇu

Sanskrit only: no published translation is held for this verse.

ससमुद्रगुहा तेन सशैलवनकानना । दत्ता पृथ्वी न सन्देहस् तेन सर्वा नृपोत्तम

sasamudraguhā tena saśailavanakānanā / dattā pṛthvī na sandehas tena sarvā nṛpottama

Sanskrit only: no published translation is held for this verse.

तेन दानेन स स्वर्गे क्रीडयित्वा यथासुखम् । मर्त्ये भवति राजेन्द्रो ब्राह्मणो वा सुपूजितः

tena dānena sa svarge krīḍayitvā yathāsukham / martye bhavati rājendro brāhmaṇo vā supūjitaḥ

Sanskrit only: no published translation is held for this verse.