Revakhanda of the Vayupurana 13

एवं भगवती पुण्या स्तुता सा मुनिपुंगवैः । चिन्तयामास सर्वेषां दास्यामि वरमुत्तमम्

evaṃ bhagavatī puṇyā stutā sā munipuṃgavaiḥ / cintayāmāsa sarveṣāṃ dāsyāmi varamuttamam

Sanskrit only: no published translation is held for this verse.

ततः प्रसुप्तांस्ताञ्ज्ञात्वा रात्रौ देवी जगाम ह । एकैकस्य ऋषेः स्वप्ने दर्शनं चारुहासिनी

tataḥ prasuptāṃstāñjñātvā rātrau devī jagāma ha / ekaikasya ṛṣeḥ svapne darśanaṃ cāruhāsinī

Sanskrit only: no published translation is held for this verse.

ततो ऽर्धरात्रे सम्प्राप्त उत्थिता जलमध्यतः । विमलाम्बरसंवीता दिव्यमालाविभूषिता

tato 'rdharātre samprāpta utthitā jalamadhyataḥ / vimalāmbarasaṃvītā divyamālāvibhūṣitā

Sanskrit only: no published translation is held for this verse.

घृतातपत्रा सुश्रोणी पद्मरागविभूषिता । जगाद मा भैर् इति तान् एकैकं तु पृथक्पृथक्

ghṛtātapatrā suśroṇī padmarāgavibhūṣitā / jagāda mā bhair iti tān ekaikaṃ tu pṛthakpṛthak

Sanskrit only: no published translation is held for this verse.

वसध्वं मम पार्श्वे तु भयं त्यक्त्वा क्षुधादिजम्

vasadhvaṃ mama pārśve tu bhayaṃ tyaktvā kṣudhādijam

Sanskrit only: no published translation is held for this verse.

एवमुक्त्वा तदा देवी स्वप्नान्ते तान्महामुनीन् । जगामादर्शनं पश्चात्प्रविश्य जलम् आत्मिकम्

evamuktvā tadā devī svapnānte tānmahāmunīn / jagāmādarśanaṃ paścātpraviśya jalam ātmikam

Sanskrit only: no published translation is held for this verse.

ततः प्रभाते मुनयो मिथ ऊचुर्मुदन्विताः । तथा दृष्टा मया दृष्टा स्वप्ने देवी सुदर्शना

tataḥ prabhāte munayo mitha ūcurmudanvitāḥ / tathā dṛṣṭā mayā dṛṣṭā svapne devī sudarśanā

Sanskrit only: no published translation is held for this verse.

अभयं दत्तमस्माकं सिद्धिश्चाप्यचिरेण तु । प्रशस्तं दर्शनं तस्या नर्मदाया न संशयः

abhayaṃ dattamasmākaṃ siddhiścāpyacireṇa tu / praśastaṃ darśanaṃ tasyā narmadāyā na saṃśayaḥ

Sanskrit only: no published translation is held for this verse.

अथान्यदिवसे राजन्मत्स्यानां रूपम् उत्तमम् । पश्यन्ति सपरीवाराः स्वकीयाश्रमसन्निधौ

athānyadivase rājanmatsyānāṃ rūpam uttamam / paśyanti saparīvārāḥ svakīyāśramasannidhau

Sanskrit only: no published translation is held for this verse.

तान्दृष्ट्वा विस्मयाविष्टा मत्स्यांस्तत्र महर्षयः । पूजयामासुरव्यग्रा हव्यकव्येन देवताः

tāndṛṣṭvā vismayāviṣṭā matsyāṃstatra maharṣayaḥ / pūjayāmāsuravyagrā havyakavyena devatāḥ

Sanskrit only: no published translation is held for this verse.

तान्मत्स्यसङ्घान्सम्प्राप्य महादेव्याः प्रसादतः । सपुत्रदारभृत्यास्ते वर्तयन्ति पृथक्पृथक्

tānmatsyasaṅghānsamprāpya mahādevyāḥ prasādataḥ / saputradārabhṛtyāste vartayanti pṛthakpṛthak

Sanskrit only: no published translation is held for this verse.

दिने दिने तथाप्येवमाश्रमेषु द्विजातयः । मत्स्यानां सञ्चयं दृष्ट्वा विस्मिताश्चाभवंस्तदा

dine dine tathāpyevamāśrameṣu dvijātayaḥ / matsyānāṃ sañcayaṃ dṛṣṭvā vismitāścābhavaṃstadā

Sanskrit only: no published translation is held for this verse.

मृतांस्तांस्तु सुपुष्टाङ्गान् पाठीनांश्च विशेषतः । द्वारे द्वारे चाश्रमाणां तापसानां युधिष्ठिर

mṛtāṃstāṃstu supuṣṭāṅgān pāṭhīnāṃśca viśeṣataḥ / dvāre dvāre cāśramāṇāṃ tāpasānāṃ yudhiṣṭhira

Sanskrit only: no published translation is held for this verse.

हृष्टपुष्टास्तदा सर्वे नर्मदातीरवासिनः । ऋषयस्ते भयं सर्वे तत्यजुः क्षुत्तृषोद्भवम्

hṛṣṭapuṣṭāstadā sarve narmadātīravāsinaḥ / ṛṣayaste bhayaṃ sarve tatyajuḥ kṣuttṛṣodbhavam

Sanskrit only: no published translation is held for this verse.

ते जपन्तस्तपन्तश्च तिष्ठन्ति भरतर्षभ । अर्चयन्ति पित्ःन्देवान्नर्मदातटमाश्रिताः

te japantastapantaśca tiṣṭhanti bharatarṣabha / arcayanti pitḥndevānnarmadātaṭamāśritāḥ

Sanskrit only: no published translation is held for this verse.

तैर्जपद्भिस्तपद्भिश्च सततं द्विजसत्तमैः । भ्राजते सा सरिच्छ्रेष्ठा ताराभिर् द्यौर् ग्रहैरिव

tairjapadbhistapadbhiśca satataṃ dvijasattamaiḥ / bhrājate sā saricchreṣṭhā tārābhir dyaur grahairiva

Sanskrit only: no published translation is held for this verse.

तत्र तैर्बहुलैः शुभ्रैर् ब्राह्मणैर् वेदपरागैः । नर्मदा धर्मदा पूर्वं संविभक्ता यथाक्रमम्

tatra tairbahulaiḥ śubhrair brāhmaṇair vedaparāgaiḥ / narmadā dharmadā pūrvaṃ saṃvibhaktā yathākramam

Sanskrit only: no published translation is held for this verse.

ऋषिभिर् दशकोटिभिर् नर्मदातीरवासिभिः । विभक्तेयं विभक्ताङ्गी नर्मदा शर्मदा नृणाम्

ṛṣibhir daśakoṭibhir narmadātīravāsibhiḥ / vibhakteyaṃ vibhaktāṅgī narmadā śarmadā nṛṇām

Sanskrit only: no published translation is held for this verse.

यज्ञोपवीतैश्च शुभैर् अक्षसूत्रैश्च भारत । कूलद्वये महापुण्या नर्मदोदधिगामिनी

yajñopavītaiśca śubhair akṣasūtraiśca bhārata / kūladvaye mahāpuṇyā narmadodadhigāminī

Sanskrit only: no published translation is held for this verse.

पृथगायतनैः शुभ्रैर्लिङ्गैर्वालुकमृन्मयैः । भ्राजते या सरिच्छ्रेष्ठा नक्षत्रैरिव शर्वरी

pṛthagāyatanaiḥ śubhrairliṅgairvālukamṛnmayaiḥ / bhrājate yā saricchreṣṭhā nakṣatrairiva śarvarī

Sanskrit only: no published translation is held for this verse.

एवं त ऋषयः सर्वे तर्पयन्तः सुरान्पित्ःन् । न्यवसन्नर्मदातीरे यावदाभूतसम्प्लवम्

evaṃ ta ṛṣayaḥ sarve tarpayantaḥ surānpitḥn / nyavasannarmadātīre yāvadābhūtasamplavam

Sanskrit only: no published translation is held for this verse.

किंचिद्गते ततस्तस्मिन्घोरे वर्षशताधिके । अर्धरात्रे तदा कन्या जलादुत्तीर्य भारत

kiṃcidgate tatastasminghore varṣaśatādhike / ardharātre tadā kanyā jalāduttīrya bhārata

Sanskrit only: no published translation is held for this verse.

विद्युत्पुंजसमाभासा व्यालयज्ञोपवीतिनी । त्रिशूलाग्रकरा सौम्या तानुवाच ऋषींस्तदा

vidyutpuṃjasamābhāsā vyālayajñopavītinī / triśūlāgrakarā saumyā tānuvāca ṛṣīṃstadā

Sanskrit only: no published translation is held for this verse.

आगच्छध्वं मुनिगणा विशध्वं मामयोनिजाम् । समेताः पुत्रदारैश्च ततः सिद्धिमवाप्स्यथ

āgacchadhvaṃ munigaṇā viśadhvaṃ māmayonijām / sametāḥ putradāraiśca tataḥ siddhimavāpsyatha

Sanskrit only: no published translation is held for this verse.

यस्य यस्य हि या वाञ्छा तस्य तां तां ददाम्यहम् । विष्णुं ब्रह्माणमीशानमन्यं वा सुरमुत्तमम्

yasya yasya hi yā vāñchā tasya tāṃ tāṃ dadāmyaham / viṣṇuṃ brahmāṇamīśānamanyaṃ vā suramuttamam

Sanskrit only: no published translation is held for this verse.

तत्र सर्वान्नयिष्यामि प्रसन्ना वरदा ह्यहम् । प्राणायामपरा भूत्वा मां विशध्वं समाहिताः

tatra sarvānnayiṣyāmi prasannā varadā hyaham / prāṇāyāmaparā bhūtvā māṃ viśadhvaṃ samāhitāḥ

Sanskrit only: no published translation is held for this verse.

सह पुत्रैश्च दारैश्च त्यक्त्वाश्रमपदानि च । कालक्षेपो न कर्तव्यः प्रलयो ऽयमुपस्थितः

saha putraiśca dāraiśca tyaktvāśramapadāni ca / kālakṣepo na kartavyaḥ pralayo 'yamupasthitaḥ

Sanskrit only: no published translation is held for this verse.

संहारः सर्वभूतानां कल्पदाहः सुदारुणः । एकाहम् अभवं पूर्वं महाघोरे जनक्षये

saṃhāraḥ sarvabhūtānāṃ kalpadāhaḥ sudāruṇaḥ / ekāham abhavaṃ pūrvaṃ mahāghore janakṣaye

Sanskrit only: no published translation is held for this verse.

शेषा नद्यः समुद्राश्च सर्व एव क्षयंगताः । वरदानान् महेशस्य तेनाहं न क्षयं गता

śeṣā nadyaḥ samudrāśca sarva eva kṣayaṃgatāḥ / varadānān maheśasya tenāhaṃ na kṣayaṃ gatā

Sanskrit only: no published translation is held for this verse.

अमृतः शाश्वतो देवः स्थाणुरीशः सनातनः । स पूजितः प्रार्थितो वा किं न दद्याद् द्विजोत्तमाः

amṛtaḥ śāśvato devaḥ sthāṇurīśaḥ sanātanaḥ / sa pūjitaḥ prārthito vā kiṃ na dadyād dvijottamāḥ

Sanskrit only: no published translation is held for this verse.

एवमुक्त्वा ऋषीव्रेवा प्रविवेश जलं ततः । करात्तशूला सा देवी व्यालयज्ञोपवीतिनी

evamuktvā ṛṣīvrevā praviveśa jalaṃ tataḥ / karāttaśūlā sā devī vyālayajñopavītinī

Sanskrit only: no published translation is held for this verse.

ततस्ते तद्वचः श्रुत्वा विस्मयापन्नमानसाः । अभिवन्द्य च मां सर्वे क्षामयन्तः पुनः पुनः

tataste tadvacaḥ śrutvā vismayāpannamānasāḥ / abhivandya ca māṃ sarve kṣāmayantaḥ punaḥ punaḥ

Sanskrit only: no published translation is held for this verse.

क्षम्यतां नो यदुक्तं हि वसतां तव संश्रये । गृहांस्त्यक्त्वा महाभागाः सशिष्याः सहबान्धवाः

kṣamyatāṃ no yaduktaṃ hi vasatāṃ tava saṃśraye / gṛhāṃstyaktvā mahābhāgāḥ saśiṣyāḥ sahabāndhavāḥ

Sanskrit only: no published translation is held for this verse.

जप्त्वा चैकाक्षरं ब्रह्म हृदि ध्यात्वा महेश्वरम् । स्नात्वा च मन्त्रपूताभिरथ चाद्भिर् जितव्रताः

japtvā caikākṣaraṃ brahma hṛdi dhyātvā maheśvaram / snātvā ca mantrapūtābhiratha cādbhir jitavratāḥ

Sanskrit only: no published translation is held for this verse.

विविशुर्नर्मदातोयं सपक्षा इव पर्वताः । द्योतयन्तो दिशः सर्वाः कुशहस्ताः सहाग्रयः

viviśurnarmadātoyaṃ sapakṣā iva parvatāḥ / dyotayanto diśaḥ sarvāḥ kuśahastāḥ sahāgrayaḥ

Sanskrit only: no published translation is held for this verse.

गतेषु तेषु राजेन्द्र अहमेकः स्थितस्तदा । अमरेशं समासाद्य पूजयन्नर्मदां नदीम्

gateṣu teṣu rājendra ahamekaḥ sthitastadā / amareśaṃ samāsādya pūjayannarmadāṃ nadīm

Sanskrit only: no published translation is held for this verse.

अनुभूताः सप्तकल्पा मायूराद्या मया नृप । प्रसादाद् वेधसः सर्वे रेवया सह भारत

anubhūtāḥ saptakalpā māyūrādyā mayā nṛpa / prasādād vedhasaḥ sarve revayā saha bhārata

Sanskrit only: no published translation is held for this verse.

जन्मतोऽद्य दिनं यावन्न जाने ऽस्याः पुरास्थितिम्

janmato'dya dinaṃ yāvanna jāne 'syāḥ purāsthitim

Sanskrit only: no published translation is held for this verse.

इयं हि शांकरी शक्तिः कला शम्भोरिलाह्वया । नर्मदा दुरितध्वंसकारिणी भवतारिणी

iyaṃ hi śāṃkarī śaktiḥ kalā śambhorilāhvayā / narmadā duritadhvaṃsakāriṇī bhavatāriṇī

Sanskrit only: no published translation is held for this verse.

यदाहमपि नाभूवं पुराकल्पेषु पाण्डव । चतुर्दशसु कल्पेषु तेष्वियं सुखसंस्थिता

yadāhamapi nābhūvaṃ purākalpeṣu pāṇḍava / caturdaśasu kalpeṣu teṣviyaṃ sukhasaṃsthitā

Sanskrit only: no published translation is held for this verse.

चतुर्दश पुरा कल्पा न मृता येषु नर्मदा । तानहं सम्प्रवक्ष्यामि देवी प्राह यथा मम

caturdaśa purā kalpā na mṛtā yeṣu narmadā / tānahaṃ sampravakṣyāmi devī prāha yathā mama

Sanskrit only: no published translation is held for this verse.

कापिलं प्रथमं विद्धि प्राजापत्यं द्वितीयकम् । ब्राह्मं सौम्यं च सावित्रं बार्हस्पत्यं प्रभासकम्

kāpilaṃ prathamaṃ viddhi prājāpatyaṃ dvitīyakam / brāhmaṃ saumyaṃ ca sāvitraṃ bārhaspatyaṃ prabhāsakam

Sanskrit only: no published translation is held for this verse.

माहेन्द्रम् अग्निकल्पं च जयन्तं मारुतं तथा । वैष्णवं बहुरूपं च ज्यौतिषं च चतुर्दशम्

māhendram agnikalpaṃ ca jayantaṃ mārutaṃ tathā / vaiṣṇavaṃ bahurūpaṃ ca jyautiṣaṃ ca caturdaśam

Sanskrit only: no published translation is held for this verse.

एते कल्पा मया ख्याता न मृता येषु नर्मदा । मायूरं पञ्चदशमं कौर्मं चैवात्र षोडशम्

ete kalpā mayā khyātā na mṛtā yeṣu narmadā / māyūraṃ pañcadaśamaṃ kaurmaṃ caivātra ṣoḍaśam

Sanskrit only: no published translation is held for this verse.

बकं मात्स्यं च पाद्मं च वटकल्पं च भारत । एकविंशतिमं चैतं वाराहं सांप्रतीनकम्

bakaṃ mātsyaṃ ca pādmaṃ ca vaṭakalpaṃ ca bhārata / ekaviṃśatimaṃ caitaṃ vārāhaṃ sāṃpratīnakam

Sanskrit only: no published translation is held for this verse.

इमे सप्त मया साकं रेवया परिशीलिताः । एकविंशतिकल्पास्तु नर्मदायाः शिवाङ्गतः

ime sapta mayā sākaṃ revayā pariśīlitāḥ / ekaviṃśatikalpāstu narmadāyāḥ śivāṅgataḥ

Sanskrit only: no published translation is held for this verse.

संजाताया नृपश्रेष्ठ मया दृष्टा ह्यनेकशः । कथिता नृपतिश्रेष्ठ भूयः किं कथयामि ते

saṃjātāyā nṛpaśreṣṭha mayā dṛṣṭā hyanekaśaḥ / kathitā nṛpatiśreṣṭha bhūyaḥ kiṃ kathayāmi te

Sanskrit only: no published translation is held for this verse.