Revakhanda of the Vayupurana 132

ततो गच्छेत्तु राजेन्द्र उत्तरे नर्मदातटे । सर्वपापहरं तीर्थं वाराहं नाम नामतः

tato gacchettu rājendra uttare narmadātaṭe / sarvapāpaharaṃ tīrthaṃ vārāhaṃ nāma nāmataḥ

Sanskrit only: no published translation is held for this verse.

तत्र देवो जगद्धाता वाराहं रूपम् आस्थितः । स्थितो लोकहितार्थाय संसारार्णवतारकः

tatra devo jagaddhātā vārāhaṃ rūpam āsthitaḥ / sthito lokahitārthāya saṃsārārṇavatārakaḥ

Sanskrit only: no published translation is held for this verse.

तत्र तीर्थे तु यः स्नात्वा पूजयेद् धरणीधरम् । गन्धमाल्यविशेषैश्च जयशब्दादिमङ्गलैः

tatra tīrthe tu yaḥ snātvā pūjayed dharaṇīdharam / gandhamālyaviśeṣaiśca jayaśabdādimaṅgalaiḥ

Sanskrit only: no published translation is held for this verse.

उपवासपरो भूत्वा द्वादश्यां नृपसत्तम । वृषलाः पापकर्माणस् तथैवान्धपिशाचिनः

upavāsaparo bhūtvā dvādaśyāṃ nṛpasattama / vṛṣalāḥ pāpakarmāṇas tathaivāndhapiśācinaḥ

Sanskrit only: no published translation is held for this verse.

आलापाद् गात्रसंपर्कान् निःश्वासात् सहभोजनात् । पापं संक्रमते यस्मात् तस्मात् तान् परिवर्जयेत्

ālāpād gātrasaṃparkān niḥśvāsāt sahabhojanāt / pāpaṃ saṃkramate yasmāt tasmāt tān parivarjayet

Sanskrit only: no published translation is held for this verse.

ब्राह्मणान् पूजयेद् भक्त्या यथाशक्त्या यथाविधि । रात्रौ जागरणं कार्यं कथायां तत्र भारत

brāhmaṇān pūjayed bhaktyā yathāśaktyā yathāvidhi / rātrau jāgaraṇaṃ kāryaṃ kathāyāṃ tatra bhārata

Sanskrit only: no published translation is held for this verse.

प्रभाते विमले स्नात्वा तत्र तीर्थे जगद्गुरुम् । ये पश्यन्ति जितक्रोधास्ते मुक्ताः सर्वपातकैः

prabhāte vimale snātvā tatra tīrthe jagadgurum / ye paśyanti jitakrodhāste muktāḥ sarvapātakaiḥ

Sanskrit only: no published translation is held for this verse.

यथा तु दृष्ट्वा भुजगाः सुपर्णं नश्यन्ति मुक्त्वा विषमुग्रतेजः । नश्यन्ति पापानि तथैव शीघ्रं दृष्ट्वा मुखं शूकररूपिणस्तु

yathā tu dṛṣṭvā bhujagāḥ suparṇaṃ naśyanti muktvā viṣamugratejaḥ / naśyanti pāpāni tathaiva śīghraṃ dṛṣṭvā mukhaṃ śūkararūpiṇastu

Sanskrit only: no published translation is held for this verse.

नभोगतं नश्यति चान्धकारं दृष्ट्वा रविं देववरं तथैव । नश्यन्ति पापानि सुदुस्तराणि दृष्ट्वा मुखं पार्थ धराधरस्य

nabhogataṃ naśyati cāndhakāraṃ dṛṣṭvā raviṃ devavaraṃ tathaiva / naśyanti pāpāni sudustarāṇi dṛṣṭvā mukhaṃ pārtha dharādharasya

Sanskrit only: no published translation is held for this verse.

किं तस्य बहुभिर् मन्त्रैर् भक्तिर् यस्य जनार्दने । नमो नारायणायेति मन्त्रः सर्वार्थसाधकः

kiṃ tasya bahubhir mantrair bhaktir yasya janārdane / namo nārāyaṇāyeti mantraḥ sarvārthasādhakaḥ

Sanskrit only: no published translation is held for this verse.

एको ऽपि कृष्णस्य कृतः प्रणामो दशाश्वमेधावभृथेन तुल्यः । दशाश्वमेधी पुनरेति जन्म कृष्णप्रणामी न पुनर्भवाय

eko 'pi kṛṣṇasya kṛtaḥ praṇāmo daśāśvamedhāvabhṛthena tulyaḥ / daśāśvamedhī punareti janma kṛṣṇapraṇāmī na punarbhavāya

Sanskrit only: no published translation is held for this verse.

ध्यायमाना महात्मानो रूपं नारायणं हरेः । ये त्यजन्ति स्वकं देहं तत्र तीर्थे जितेन्द्रियाः

dhyāyamānā mahātmāno rūpaṃ nārāyaṇaṃ hareḥ / ye tyajanti svakaṃ dehaṃ tatra tīrthe jitendriyāḥ

Sanskrit only: no published translation is held for this verse.

ते गच्छन्त्यमलं स्थानं यत्सुरैर् अपि दुर्लभम् । क्षराक्षरविनिर्मुक्तं तद्विष्णोः परमं पदम्

te gacchantyamalaṃ sthānaṃ yatsurair api durlabham / kṣarākṣaravinirmuktaṃ tadviṣṇoḥ paramaṃ padam

Sanskrit only: no published translation is held for this verse.