Revakhanda of the Vayupurana 135

तस्यैवानन्तरं चान्यत्सिद्धेश्वरमनुत्तमम् । तीर्थं सर्वगुणोपेतं सर्वलोकेषु पूजितम्

tasyaivānantaraṃ cānyatsiddheśvaramanuttamam / tīrthaṃ sarvaguṇopetaṃ sarvalokeṣu pūjitam

Sanskrit only: no published translation is held for this verse.

तत्र तीर्थे तु यः स्नात्वा ह्युमारुद्रं प्रपूजयेत् । वाजपेयस्य यज्ञस्य स लभेत् फलमुत्तमम्

tatra tīrthe tu yaḥ snātvā hyumārudraṃ prapūjayet / vājapeyasya yajñasya sa labhet phalamuttamam

Sanskrit only: no published translation is held for this verse.

तेन पुण्येन महता मृतः स्वर्गमवाप्नुयात् । अप्सरोगणसंवीतो जयशब्दादिमङ्गलैः

tena puṇyena mahatā mṛtaḥ svargamavāpnuyāt / apsarogaṇasaṃvīto jayaśabdādimaṅgalaiḥ

Sanskrit only: no published translation is held for this verse.

सहस्रवत्सरांस्तत्र क्रीडयित्वा यथासुखम् । धनधान्यसमोपेते कुले महति जायते

sahasravatsarāṃstatra krīḍayitvā yathāsukham / dhanadhānyasamopete kule mahati jāyate

Sanskrit only: no published translation is held for this verse.

पूज्यमानो नरश्रेष्ठ वेदवेदाङ्गपारगः । व्याधिशोकविनिर्मुक्तो जीवेच्च शरदां शतम्

pūjyamāno naraśreṣṭha vedavedāṅgapāragaḥ / vyādhiśokavinirmukto jīvecca śaradāṃ śatam

Sanskrit only: no published translation is held for this verse.