Revakhanda of the Vayupurana 136

ततो गच्छेन्महीपाल चाहल्येश्वरमुत्तमम् । यत्र सिद्धा महाभागा त्वहल्या तापसी पुरा

tato gacchenmahīpāla cāhalyeśvaramuttamam / yatra siddhā mahābhāgā tvahalyā tāpasī purā

Sanskrit only: no published translation is held for this verse.

गौतमो ब्राह्मणस्त्वासीत् साक्षाद् ब्रह्मेव चापरः । सत्यधर्मसमायुक्तो वानप्रस्थाश्रमे रतः

gautamo brāhmaṇastvāsīt sākṣād brahmeva cāparaḥ / satyadharmasamāyukto vānaprasthāśrame rataḥ

Sanskrit only: no published translation is held for this verse.

तस्य पत्नी महाभागा ह्यहल्या नाम विश्रुता । रूपयौवनसम्पन्ना त्रिषु लोकेषु विश्रुता

tasya patnī mahābhāgā hyahalyā nāma viśrutā / rūpayauvanasampannā triṣu lokeṣu viśrutā

Sanskrit only: no published translation is held for this verse.

अस्या अप्यतिरूपेण देवराजः शतक्रतुः । मोहितो लोभयामास ह्यहल्यां बलसूदनः

asyā apyatirūpeṇa devarājaḥ śatakratuḥ / mohito lobhayāmāsa hyahalyāṃ balasūdanaḥ

Sanskrit only: no published translation is held for this verse.

मां भजस्व वरारोहे देवराजम् अनिन्दिते । क्रीडयस्व मया सार्द्धं त्रिषु लोकेषु पूजिता

māṃ bhajasva varārohe devarājam anindite / krīḍayasva mayā sārddhaṃ triṣu lokeṣu pūjitā

Sanskrit only: no published translation is held for this verse.

किं करिष्यसि विप्रेण शौचाचारकृशेन तु । तपःस्वाध्यायशीलेन क्लिश्यन्तीव सुलोचने

kiṃ kariṣyasi vipreṇa śaucācārakṛśena tu / tapaḥsvādhyāyaśīlena kliśyantīva sulocane

Sanskrit only: no published translation is held for this verse.

एवमुक्ता वरारोहा स्त्रीस्वभावात् सुचञ्चला । मनसाध्याय शक्रं सा कामेन कलुषीकृता

evamuktā varārohā strīsvabhāvāt sucañcalā / manasādhyāya śakraṃ sā kāmena kaluṣīkṛtā

Sanskrit only: no published translation is held for this verse.

तस्या विदित्वा तं भावं स देवः पाकशासनः । गौतमं वञ्चयामास दुष्टभावेन भावितः

tasyā viditvā taṃ bhāvaṃ sa devaḥ pākaśāsanaḥ / gautamaṃ vañcayāmāsa duṣṭabhāvena bhāvitaḥ

Sanskrit only: no published translation is held for this verse.

विदित्वा चान्तरं तस्य गृहीत्वा वेषमुत्तमम् । अहल्यां रमयामास विश्वस्तां मन्दिरान्तिके

viditvā cāntaraṃ tasya gṛhītvā veṣamuttamam / ahalyāṃ ramayāmāsa viśvastāṃ mandirāntike

Sanskrit only: no published translation is held for this verse.

क्षणमात्रान्तरे तत्र देवराजस्य भारत । आजगाम मुनिश्रेष्ठो मन्दिरं त्वरयान्वितः

kṣaṇamātrāntare tatra devarājasya bhārata / ājagāma muniśreṣṭho mandiraṃ tvarayānvitaḥ

Sanskrit only: no published translation is held for this verse.

आगतं गौतमं दृष्ट्वा भीतभीतः पुरंदरः । निर्गतः स ततो दृष्ट्वा शक्रो ऽयमिति चिन्तयन्

āgataṃ gautamaṃ dṛṣṭvā bhītabhītaḥ puraṃdaraḥ / nirgataḥ sa tato dṛṣṭvā śakro 'yamiti cintayan

Sanskrit only: no published translation is held for this verse.

ततः शशाप देवेन्द्रं गौतमः क्रोधमूर्छितः । अजितेन्द्रियो ऽसि यस्मात्त्वं तस्माद् बहुभगो भव

tataḥ śaśāpa devendraṃ gautamaḥ krodhamūrchitaḥ / ajitendriyo 'si yasmāttvaṃ tasmād bahubhago bhava

Sanskrit only: no published translation is held for this verse.

एवमुक्तस्तु देवेन्द्रस्तत्क्षणादेव भारत । भगानां तु सहस्रेण तत्क्षणाद् एव वेष्टितः

evamuktastu devendrastatkṣaṇādeva bhārata / bhagānāṃ tu sahasreṇa tatkṣaṇād eva veṣṭitaḥ

Sanskrit only: no published translation is held for this verse.

त्यक्त्वा राज्यं सुरैः सार्द्धं गतश्रीको जगाम ह । तपश्चचार विपुलं गौतमेन महीतले

tyaktvā rājyaṃ suraiḥ sārddhaṃ gataśrīko jagāma ha / tapaścacāra vipulaṃ gautamena mahītale

Sanskrit only: no published translation is held for this verse.

अहल्यापि ततः शप्ता यस्मात् त्वं दुष्टचारिणी । प्रेक्ष्य मां रमसे शक्रं तस्माद् अश्ममयी भव

ahalyāpi tataḥ śaptā yasmāt tvaṃ duṣṭacāriṇī / prekṣya māṃ ramase śakraṃ tasmād aśmamayī bhava

Sanskrit only: no published translation is held for this verse.

गते वर्षसहस्रान्ते रामं दृष्ट्वा यशस्विनम् । तीर्थयात्राप्रसङ्गेन धौतपापा भविष्यसि

gate varṣasahasrānte rāmaṃ dṛṣṭvā yaśasvinam / tīrthayātrāprasaṅgena dhautapāpā bhaviṣyasi

Sanskrit only: no published translation is held for this verse.

एवं गते ततः काले दृष्टा रामेण धीमता । विश्वामित्रसहायेन त्यक्त्वा साश्ममयीं तनुम्

evaṃ gate tataḥ kāle dṛṣṭā rāmeṇa dhīmatā / viśvāmitrasahāyena tyaktvā sāśmamayīṃ tanum

Sanskrit only: no published translation is held for this verse.

पूजयित्वा यथान्यायं गतपापा विमत्सरा । आगता नर्मदातीरे तीर्थे स्नात्वा यथाविधि

pūjayitvā yathānyāyaṃ gatapāpā vimatsarā / āgatā narmadātīre tīrthe snātvā yathāvidhi

Sanskrit only: no published translation is held for this verse.

कृतं चान्द्रायणं मासं कृच्छ्रं चान्यं ततः परम् । ततस्तुष्टो महादेवो दत्त्वा वरमनुत्तमम्

kṛtaṃ cāndrāyaṇaṃ māsaṃ kṛcchraṃ cānyaṃ tataḥ param / tatastuṣṭo mahādevo dattvā varamanuttamam

Sanskrit only: no published translation is held for this verse.

जगामादर्शनं भूयो रेमे चोमापतिश्चिरम् । अहल्या तु गते देवे स्थापयित्वा जगद्गुरुम्

jagāmādarśanaṃ bhūyo reme comāpatiściram / ahalyā tu gate deve sthāpayitvā jagadgurum

Sanskrit only: no published translation is held for this verse.

अहल्येश्वरनामानं स्वगृहे चागमत्पुनः । तत्र तीर्थे तु यः स्नात्वा पूजयेत् परमेश्वरम्

ahalyeśvaranāmānaṃ svagṛhe cāgamatpunaḥ / tatra tīrthe tu yaḥ snātvā pūjayet parameśvaram

Sanskrit only: no published translation is held for this verse.

स मृतः स्वर्गमाप्नोति यत्र देवो महेश्वरः । क्रीडयित्वा यथाकामं तत्र लोके महातपाः

sa mṛtaḥ svargamāpnoti yatra devo maheśvaraḥ / krīḍayitvā yathākāmaṃ tatra loke mahātapāḥ

Sanskrit only: no published translation is held for this verse.

गते वर्षसहस्रान्ते मानुष्यं लभते पुनः । धनधान्यचयोपेतः पुत्रपौत्रसमन्वितः

gate varṣasahasrānte mānuṣyaṃ labhate punaḥ / dhanadhānyacayopetaḥ putrapautrasamanvitaḥ

Sanskrit only: no published translation is held for this verse.

वेदविद्याश्रयो धीमाञ्जायते विमले कुले । रूपसौभाग्यसम्पन्नः सर्वव्याधिविवर्जितः । जीवेद्वर्षशतं साग्रम् अहल्यातीर्थसेवनात्

vedavidyāśrayo dhīmāñjāyate vimale kule / rūpasaubhāgyasampannaḥ sarvavyādhivivarjitaḥ / jīvedvarṣaśataṃ sāgram ahalyātīrthasevanāt

Sanskrit only: no published translation is held for this verse.