Revakhanda of the Vayupurana 137

धर्मपुत्र ततो गच्छेत् कर्कटेश्वरमुत्तमम् । उत्तरे नर्मदाकूले सर्वपापक्षयंकरम्

dharmaputra tato gacchet karkaṭeśvaramuttamam / uttare narmadākūle sarvapāpakṣayaṃkaram

Sanskrit only: no published translation is held for this verse.

तत्र स्नात्वा विधानेन यस्तु पूजयते शिवम् । अनिवर्तिका गतिस्तस्य रुद्रलोकाद् असंशयम्

tatra snātvā vidhānena yastu pūjayate śivam / anivartikā gatistasya rudralokād asaṃśayam

Sanskrit only: no published translation is held for this verse.

तस्य तीर्थस्य माहात्म्यं पुराणे यच्छ्रुतं मया । न तद्वर्णयितुं शक्यं संक्षेपेण वदाम्यतः

tasya tīrthasya māhātmyaṃ purāṇe yacchrutaṃ mayā / na tadvarṇayituṃ śakyaṃ saṃkṣepeṇa vadāmyataḥ

Sanskrit only: no published translation is held for this verse.

तत्र तीर्थे तु यः कुर्यात्किंचित्कर्म शुभाशुभम् । हर्षान् मदान् महाराज तत्सर्वं जायते ऽक्षयम्

tatra tīrthe tu yaḥ kuryātkiṃcitkarma śubhāśubham / harṣān madān mahārāja tatsarvaṃ jāyate 'kṣayam

Sanskrit only: no published translation is held for this verse.

तत्र तीर्थे तपस्तप्त्वा वालखिल्या मरीचयः । रमन्ते ऽद्यापि लोकेषु स्वेच्छया कुरुनन्दन

tatra tīrthe tapastaptvā vālakhilyā marīcayaḥ / ramante 'dyāpi lokeṣu svecchayā kurunandana

Sanskrit only: no published translation is held for this verse.

तत्रस्थास्तन्न जानन्ति नराज्ञानबहिष्कृताः । शरीरस्थम् इवात्मानम् अक्षयं ज्योतिख्ययम्

tatrasthāstanna jānanti narājñānabahiṣkṛtāḥ / śarīrastham ivātmānam akṣayaṃ jyotikhyayam

Sanskrit only: no published translation is held for this verse.

तत्र तीर्थे नृपश्रेष्ठ देवी नारायणी पुरा । अद्यापि तपते घोरं तपो यावत्किलार्बुदम्

tatra tīrthe nṛpaśreṣṭha devī nārāyaṇī purā / adyāpi tapate ghoraṃ tapo yāvatkilārbudam

Sanskrit only: no published translation is held for this verse.

तत्र तीर्थे तु यः स्नात्वा तर्पयेत् पितृदेवताः । तस्य ते द्वादशाब्दानि तृप्तिं यान्ति पितामहाः

tatra tīrthe tu yaḥ snātvā tarpayet pitṛdevatāḥ / tasya te dvādaśābdāni tṛptiṃ yānti pitāmahāḥ

Sanskrit only: no published translation is held for this verse.