ततो गच्छेत् पाण्डुपुत्र शक्रतीर्थम् अनुत्तमम् । यत्र सिद्धो महाभागो देवराजः शतक्रतुः
tato gacchet pāṇḍuputra śakratīrtham anuttamam / yatra siddho mahābhāgo devarājaḥ śatakratuḥ
Sanskrit only: no published translation is held for this verse.
Library·Revakhanda of the Vayupurana·138
Revakhanda of the Vayupurana 138
गौतमेन पुरा शप्तं ज्ञात्वा देवाः सुरेश्वरम् । ब्रह्माद्या देवताः सर्व ऋषयश्च तपोधनाः
gautamena purā śaptaṃ jñātvā devāḥ sureśvaram / brahmādyā devatāḥ sarva ṛṣayaśca tapodhanāḥ
Sanskrit only: no published translation is held for this verse.
गौतमं प्रार्थयामासुर् वाक्यैः सानुनयैः शुभैः । गतराज्यं गतश्रीकं शक्रं प्रति मुनीश्वर
gautamaṃ prārthayāmāsur vākyaiḥ sānunayaiḥ śubhaiḥ / gatarājyaṃ gataśrīkaṃ śakraṃ prati munīśvara
Sanskrit only: no published translation is held for this verse.
इन्द्रेन रहितं राज्यं न कश्चित् कामयेद् द्विज । देवो वा मानवो वापि एतत्ते विदितं प्रभो
indrena rahitaṃ rājyaṃ na kaścit kāmayed dvija / devo vā mānavo vāpi etatte viditaṃ prabho
Sanskrit only: no published translation is held for this verse.
तस्य त्वं भगयुक्तस्य दयां कुरु द्विजोत्तम । गतश्चादर्शनं शक्रो दूषितः स्वेन पाप्मना
tasya tvaṃ bhagayuktasya dayāṃ kuru dvijottama / gataścādarśanaṃ śakro dūṣitaḥ svena pāpmanā
Sanskrit only: no published translation is held for this verse.
देवानां वचनं श्रुत्वा गौतमो वेदवित्तमः । तथेति कृत्वा शक्रस्य वरं दातुं प्रचक्रमे
devānāṃ vacanaṃ śrutvā gautamo vedavittamaḥ / tatheti kṛtvā śakrasya varaṃ dātuṃ pracakrame
Sanskrit only: no published translation is held for this verse.
एतद्भगसहस्रं तु पुरा जातं शतक्रतो । तल्लोचनसहस्रं तु मत्प्रसादाद् भविष्यति
etadbhagasahasraṃ tu purā jātaṃ śatakrato / tallocanasahasraṃ tu matprasādād bhaviṣyati
Sanskrit only: no published translation is held for this verse.
एवमुक्तः सहस्राक्षः प्रणम्य मुनिसत्तमम् । ब्राह्मणांस् तान् महाभागान् नर्मदां प्रत्यगात् ततः
evamuktaḥ sahasrākṣaḥ praṇamya munisattamam / brāhmaṇāṃs tān mahābhāgān narmadāṃ pratyagāt tataḥ
Sanskrit only: no published translation is held for this verse.
स्नात्वा स विमले तोये संस्थाप्य त्रिपुरान्तकम् । जगाम त्रिदशावासं पूज्यमानो ऽप्सरोगणैः
snātvā sa vimale toye saṃsthāpya tripurāntakam / jagāma tridaśāvāsaṃ pūjyamāno 'psarogaṇaiḥ
Sanskrit only: no published translation is held for this verse.
तत्र तीर्थे तु यः स्नात्वा पूजयेत् परमेश्वरम् । परदाराभिगमनान् मुच्यते पातकान् नरः
tatra tīrthe tu yaḥ snātvā pūjayet parameśvaram / paradārābhigamanān mucyate pātakān naraḥ
Sanskrit only: no published translation is held for this verse.