Revakhanda of the Vayupurana 139

ततो गच्छेन् महाराज सोमतीर्थमनुत्तमम् । यत्र सोमस्तपस्तप्त्वा नक्षत्रपथमास्थितः

tato gacchen mahārāja somatīrthamanuttamam / yatra somastapastaptvā nakṣatrapathamāsthitaḥ

Sanskrit only: no published translation is held for this verse.

तत्र तीर्थे तु यः स्नायादाचम्य विधिपूर्वकम् । कृतजाप्यो रविं ध्यायेत् तस्य पुण्यफलं शृणु

tatra tīrthe tu yaḥ snāyādācamya vidhipūrvakam / kṛtajāpyo raviṃ dhyāyet tasya puṇyaphalaṃ śṛṇu

Sanskrit only: no published translation is held for this verse.

ऋग्वेदयजुर्वेदाभ्यां सामवेदेन भारत । जपतो यत्फलं प्रोक्तं गायत्र्या चात्र तत्फलम्

ṛgvedayajurvedābhyāṃ sāmavedena bhārata / japato yatphalaṃ proktaṃ gāyatryā cātra tatphalam

Sanskrit only: no published translation is held for this verse.

तत्र तीर्थे तु यो भक्त्या ब्राह्मणान् भोजयेच्छुचिः । तेन सम्यग्विधानेन कोटिर्भवति भोजिता

tatra tīrthe tu yo bhaktyā brāhmaṇān bhojayecchuciḥ / tena samyagvidhānena koṭirbhavati bhojitā

Sanskrit only: no published translation is held for this verse.

पादुकोपानहौ छत्रं वस्त्रकम्बलवाजिनः । यो दत्ते विप्रमुख्याय तस्य तत्कोटिसंमितम्

pādukopānahau chatraṃ vastrakambalavājinaḥ / yo datte vipramukhyāya tasya tatkoṭisaṃmitam

Sanskrit only: no published translation is held for this verse.

सहस्रं तु सहस्राणामनृचां यस्तु भोजयेत् । एकस्य मन्त्रयुक्तस्य कलां नार्हति षोडशीम्

sahasraṃ tu sahasrāṇāmanṛcāṃ yastu bhojayet / ekasya mantrayuktasya kalāṃ nārhati ṣoḍaśīm

Sanskrit only: no published translation is held for this verse.

एवं तु भोजयेत् तत्र बह्वृचं वेदपारगम् । शाखान्तर्गम् अथाध्वर्युं छन्दोगं वा समाप्तिगम्

evaṃ tu bhojayet tatra bahvṛcaṃ vedapāragam / śākhāntargam athādhvaryuṃ chandogaṃ vā samāptigam

Sanskrit only: no published translation is held for this verse.

अग्निहोत्रसहस्रस्य यत्फलं प्राप्यते बुधैः । समं तद्वेदविदुषा तीर्थे सोमस्य तत्फलम्

agnihotrasahasrasya yatphalaṃ prāpyate budhaiḥ / samaṃ tadvedaviduṣā tīrthe somasya tatphalam

Sanskrit only: no published translation is held for this verse.

भोजयेद्यः शतं तेषां सहस्रं लभते नरः । एकस्य योगयुक्तस्य तत्फलं कवयो विदुः

bhojayedyaḥ śataṃ teṣāṃ sahasraṃ labhate naraḥ / ekasya yogayuktasya tatphalaṃ kavayo viduḥ

Sanskrit only: no published translation is held for this verse.

संनिरुध्येन्द्रियग्रामं यत्रयत्र वसेन् मुनिः । तत्रतत्र कुरुक्षेत्रं नैमिषं पुष्कराणि च

saṃnirudhyendriyagrāmaṃ yatrayatra vasen muniḥ / tatratatra kurukṣetraṃ naimiṣaṃ puṣkarāṇi ca

Sanskrit only: no published translation is held for this verse.

तस्मात्सर्वप्रयत्नेन ग्रहणे चन्द्रसूर्ययोः । संक्रान्तौ च व्यतीपाते योगी भोज्यो विशेषतः

tasmātsarvaprayatnena grahaṇe candrasūryayoḥ / saṃkrāntau ca vyatīpāte yogī bhojyo viśeṣataḥ

Sanskrit only: no published translation is held for this verse.

संन्यासं कुरुते यस्तु तत्र तीर्थे युधिष्ठिर । विमानेन महाभागाः स याति त्रिदिवं नरः

saṃnyāsaṃ kurute yastu tatra tīrthe yudhiṣṭhira / vimānena mahābhāgāḥ sa yāti tridivaṃ naraḥ

Sanskrit only: no published translation is held for this verse.

सोमस्यानुचरो भूत्वा तेनैव सह मोदते

somasyānucaro bhūtvā tenaiva saha modate

Sanskrit only: no published translation is held for this verse.