Revakhanda of the Vayupurana 143

ततो गच्छेन्महाराज योजनेश्वरम् उत्तमम् । यत्र सिद्धौ पुरा कल्पे नरनारायणावृषी

tato gacchenmahārāja yojaneśvaram uttamam / yatra siddhau purā kalpe naranārāyaṇāvṛṣī

Sanskrit only: no published translation is held for this verse.

तत्र तीर्थे तपस्तप्त्वा सङ्ग्रामे देवदानवैः । जयं प्राप्तौ महात्मानौ नरनारायणावुभौ

tatra tīrthe tapastaptvā saṅgrāme devadānavaiḥ / jayaṃ prāptau mahātmānau naranārāyaṇāvubhau

Sanskrit only: no published translation is held for this verse.

पुनस्त्रेतायुगे प्राप्ते तौ देवौ रामलक्ष्मणौ । तत्र तीर्थे पुनः स्नात्वा रावणो दुर्जयो हतः

punastretāyuge prāpte tau devau rāmalakṣmaṇau / tatra tīrthe punaḥ snātvā rāvaṇo durjayo hataḥ

Sanskrit only: no published translation is held for this verse.

पुनः पार्थ कलौ प्राप्ते तौ देवौ बलकेशवौ । वसुदेवकुले जातौ दुष्करं कर्म चक्रतुः

punaḥ pārtha kalau prāpte tau devau balakeśavau / vasudevakule jātau duṣkaraṃ karma cakratuḥ

Sanskrit only: no published translation is held for this verse.

नरकं कालनेमिं च कंसं चाणूरमुष्टिकौ । शिशुपालं जरासंधं जघ्नतुर् बलकेशवौ

narakaṃ kālanemiṃ ca kaṃsaṃ cāṇūramuṣṭikau / śiśupālaṃ jarāsaṃdhaṃ jaghnatur balakeśavau

Sanskrit only: no published translation is held for this verse.

ततस्तत्र रिपून्संख्ये भीष्मद्रोणपुरःसरान् । कर्णदुर्योधनादींश्च निहनिष्यति स प्रभुः

tatastatra ripūnsaṃkhye bhīṣmadroṇapuraḥsarān / karṇaduryodhanādīṃśca nihaniṣyati sa prabhuḥ

Sanskrit only: no published translation is held for this verse.

धर्मक्षेत्रे कुरुक्षेत्रे तत्र युध्यन्ति ते क्षणम् । भीमार्जुननिमित्तेन शिष्यौ कृत्वा परस्परम्

dharmakṣetre kurukṣetre tatra yudhyanti te kṣaṇam / bhīmārjunanimittena śiṣyau kṛtvā parasparam

Sanskrit only: no published translation is held for this verse.

तत्र तीर्थे पुनर्गत्वा तपः कृत्वा सुदुष्करम् । पूजयित्वा द्विजान्भक्त्या यास्येते द्वारकां पुनः

tatra tīrthe punargatvā tapaḥ kṛtvā suduṣkaram / pūjayitvā dvijānbhaktyā yāsyete dvārakāṃ punaḥ

Sanskrit only: no published translation is held for this verse.

तत्र तीर्थे तु यः स्नात्वा पूजयेद् बलकेशवौ । तेन देवो जगद्धाता पूजितस्त्रिगुणात्मवान्

tatra tīrthe tu yaḥ snātvā pūjayed balakeśavau / tena devo jagaddhātā pūjitastriguṇātmavān

Sanskrit only: no published translation is held for this verse.

उपवासी नरो भूत्वा यस्तु कुर्यात् प्रजागरम् । मुच्यते सर्वपापेभ्यो गायंस्तस्य शुभां कथाम्

upavāsī naro bhūtvā yastu kuryāt prajāgaram / mucyate sarvapāpebhyo gāyaṃstasya śubhāṃ kathām

Sanskrit only: no published translation is held for this verse.

यावतस्तत्र तीर्थे तु वृक्षान् पश्यन्ति मानवाः । ब्रह्महत्यादिकं पापं तावद् एषां प्रणश्यति

yāvatastatra tīrthe tu vṛkṣān paśyanti mānavāḥ / brahmahatyādikaṃ pāpaṃ tāvad eṣāṃ praṇaśyati

Sanskrit only: no published translation is held for this verse.

प्रातरुत्थाय ये केचित् पश्यन्ति बलकेशवौ । तेनैव सदृशाः सर्वे देवदेवेन चक्रिणा

prātarutthāya ye kecit paśyanti balakeśavau / tenaiva sadṛśāḥ sarve devadevena cakriṇā

Sanskrit only: no published translation is held for this verse.

ते पूज्यास्ते नमस्कार्यास्तेषां जन्म सुजीवितम् । ये नमन्ति जगत्पूज्यं देवं नारायणं हरिम्

te pūjyāste namaskāryāsteṣāṃ janma sujīvitam / ye namanti jagatpūjyaṃ devaṃ nārāyaṇaṃ harim

Sanskrit only: no published translation is held for this verse.

तत्र तीर्थे तु यद्दानं स्नानं देवार्चनं नृप । क्रियते तत्फलं सर्वमक्षयायोपकल्पते

tatra tīrthe tu yaddānaṃ snānaṃ devārcanaṃ nṛpa / kriyate tatphalaṃ sarvamakṣayāyopakalpate

Sanskrit only: no published translation is held for this verse.

अग्नेरपत्यं प्रथमं सुवर्णं भूर्वैष्णवी सूर्यसुताश्च गावः । लोकास्त्रयस्तेन भवन्ति दत्ता यः काञ्चनं गां च भुवं च दद्यात्

agnerapatyaṃ prathamaṃ suvarṇaṃ bhūrvaiṣṇavī sūryasutāśca gāvaḥ / lokāstrayastena bhavanti dattā yaḥ kāñcanaṃ gāṃ ca bhuvaṃ ca dadyāt

Sanskrit only: no published translation is held for this verse.

एतत्ते कथितं सर्वं तीर्थमाहात्म्यमुत्तमम् । अतीतं च भविष्यच्च वर्तमानं महाबलम्

etatte kathitaṃ sarvaṃ tīrthamāhātmyamuttamam / atītaṃ ca bhaviṣyacca vartamānaṃ mahābalam

Sanskrit only: no published translation is held for this verse.

श्रुत्वा वापि पठित्वेदं श्रावयिपत्वाथ धार्मिकान् । मुच्यते सर्वपापेभ्यो नात्र कार्या विचारणा

śrutvā vāpi paṭhitvedaṃ śrāvayipatvātha dhārmikān / mucyate sarvapāpebhyo nātra kāryā vicāraṇā

Sanskrit only: no published translation is held for this verse.