Revakhanda of the Vayupurana 151

उत्तरे नर्मदाकूले तीर्थं परमशोभनम् । जयवाराहमाहात्म्यं सर्वपापप्रणाशनम्

uttare narmadākūle tīrthaṃ paramaśobhanam / jayavārāhamāhātmyaṃ sarvapāpapraṇāśanam

Sanskrit only: no published translation is held for this verse.

उद्धृता जगती येन सर्वदेवनमस्कृता । लोकानुग्रहबुद्ध्या च संस्थितो नर्मदातटे

uddhṛtā jagatī yena sarvadevanamaskṛtā / lokānugrahabuddhyā ca saṃsthito narmadātaṭe

Sanskrit only: no published translation is held for this verse.

तत्र तीर्थे तु यः स्नात्वा वीक्षते मधुसूदनम् । मुच्यते सर्वपापेभ्यो दशजन्मानुकीर्तनात्

tatra tīrthe tu yaḥ snātvā vīkṣate madhusūdanam / mucyate sarvapāpebhyo daśajanmānukīrtanāt

Sanskrit only: no published translation is held for this verse.

मत्स्यः कूर्मो वराहश्च नरसिंहो ऽथ वामनः । रामो रामश्च कृष्णश्च बुद्धः कल्किश्च ते दश

matsyaḥ kūrmo varāhaśca narasiṃho 'tha vāmanaḥ / rāmo rāmaśca kṛṣṇaśca buddhaḥ kalkiśca te daśa

Sanskrit only: no published translation is held for this verse.

मत्स्येन किं कृतं तात कूर्मेण मुनिसत्तम । वराहेण च किं कर्म नरसिंहेन किं कृतम्

matsyena kiṃ kṛtaṃ tāta kūrmeṇa munisattama / varāheṇa ca kiṃ karma narasiṃhena kiṃ kṛtam

Sanskrit only: no published translation is held for this verse.

वामनेन च रामेण राघवेण च किं कृतम् । बुद्धरूपेण किं वापि कल्किना किं कृतं वद

vāmanena ca rāmeṇa rāghaveṇa ca kiṃ kṛtam / buddharūpeṇa kiṃ vāpi kalkinā kiṃ kṛtaṃ vada

Sanskrit only: no published translation is held for this verse.

एवमुक्तस्तु विप्रेन्द्रो धर्मपुत्रेण धीमता । उवाच मधुरां वाणीं तदा धर्मसुतं प्रति

evamuktastu viprendro dharmaputreṇa dhīmatā / uvāca madhurāṃ vāṇīṃ tadā dharmasutaṃ prati

Sanskrit only: no published translation is held for this verse.

मीनो भूत्वा पुरा कल्पे प्रीत्यर्थं ब्रह्मणो विभुः । समर्पयत्समुद्धृत्य वन्दान्मग्नान्महार्णवे

mīno bhūtvā purā kalpe prītyarthaṃ brahmaṇo vibhuḥ / samarpayatsamuddhṛtya vandānmagnānmahārṇave

Sanskrit only: no published translation is held for this verse.

अमृतोत्पादने राजन्कूर्मो भूत्वा जगद्गुरुः । मन्दरं धारयामास तथा देवीं वसुंधराम्

amṛtotpādane rājankūrmo bhūtvā jagadguruḥ / mandaraṃ dhārayāmāsa tathā devīṃ vasuṃdharām

Sanskrit only: no published translation is held for this verse.

उज्जहार धरां मग्नां पातालतलवासिनीम् । वाराहं रूपमास्थाय देवदेवो जनार्दनः

ujjahāra dharāṃ magnāṃ pātālatalavāsinīm / vārāhaṃ rūpamāsthāya devadevo janārdanaḥ

Sanskrit only: no published translation is held for this verse.

नरस्यार्द्धतनुं कृत्वा सिंहस्यार्द्धतनुं तथा । हिरण्यकशिपोर्वक्षो विददार नखाङ्कुशैः

narasyārddhatanuṃ kṛtvā siṃhasyārddhatanuṃ tathā / hiraṇyakaśiporvakṣo vidadāra nakhāṅkuśaiḥ

Sanskrit only: no published translation is held for this verse.

जटी वामनरूपेण स्तूयमानो द्विजोत्तमैः । तद्दिव्यं रूपमास्थाय क्रमित्वा मेदिनीं क्रमैः

jaṭī vāmanarūpeṇa stūyamāno dvijottamaiḥ / taddivyaṃ rūpamāsthāya kramitvā medinīṃ kramaiḥ

Sanskrit only: no published translation is held for this verse.

कृतवांश्च बलिं पश्चात् पातालतलवासिनम् । स्थापयित्वा सुरान् सर्वान् गतो विष्णुः स्वकं पुरम्

kṛtavāṃśca baliṃ paścāt pātālatalavāsinam / sthāpayitvā surān sarvān gato viṣṇuḥ svakaṃ puram

Sanskrit only: no published translation is held for this verse.

जमदग्निसुतो रामो भूत्वा शस्त्रभृतां वरः । क्षत्रियान् पृथिवीपालान् अवधीद्धैहयादिकान्

jamadagnisuto rāmo bhūtvā śastrabhṛtāṃ varaḥ / kṣatriyān pṛthivīpālān avadhīddhaihayādikān

Sanskrit only: no published translation is held for this verse.

कश्यपाय महीं दत्त्वा सपर्वतवनाकराम् । तपस्तपति देवेशो महेन्द्रे ऽद्यापि भारत

kaśyapāya mahīṃ dattvā saparvatavanākarām / tapastapati deveśo mahendre 'dyāpi bhārata

Sanskrit only: no published translation is held for this verse.

ततो दाशरथी रामो रावणं देवकण्टकम् । सगणं समरे हत्वा राज्यं दत्त्वा विभीषणे

tato dāśarathī rāmo rāvaṇaṃ devakaṇṭakam / sagaṇaṃ samare hatvā rājyaṃ dattvā vibhīṣaṇe

Sanskrit only: no published translation is held for this verse.

पालयित्वा नयाद्भूमिं मखैः संतर्प्य देवताः । स्वर्गं गतो महातेजा रामो राजीवलोचनः

pālayitvā nayādbhūmiṃ makhaiḥ saṃtarpya devatāḥ / svargaṃ gato mahātejā rāmo rājīvalocanaḥ

Sanskrit only: no published translation is held for this verse.

वसुदेवगृहे भूयः संकर्षणसहायवान् । अवतीर्णो जगन्नाथो वासुदेवो युधिष्ठिर

vasudevagṛhe bhūyaḥ saṃkarṣaṇasahāyavān / avatīrṇo jagannātho vāsudevo yudhiṣṭhira

Sanskrit only: no published translation is held for this verse.

सो ऽवधीत्तव सामर्थ्याद्वधार्थं दुष्टभूभृताम् । चाणूरकंसकेशीनां जरासंधस्य भारत

so 'vadhīttava sāmarthyādvadhārthaṃ duṣṭabhūbhṛtām / cāṇūrakaṃsakeśīnāṃ jarāsaṃdhasya bhārata

Sanskrit only: no published translation is held for this verse.

तेन त्वं सुसहायेन हत्वा शत्रून्नरेश्वर । भोक्ष्यसे पृथिवीं सर्वां भ्रातृभिः सह संभृताम्

tena tvaṃ susahāyena hatvā śatrūnnareśvara / bhokṣyase pṛthivīṃ sarvāṃ bhrātṛbhiḥ saha saṃbhṛtām

Sanskrit only: no published translation is held for this verse.

तथा बुद्धत्वमपरं नवमं प्राप्स्यते ऽच्युतः । शान्तिमान्देवदेवेशो मधुहन्ता मधुप्रियः

tathā buddhatvamaparaṃ navamaṃ prāpsyate 'cyutaḥ / śāntimāndevadeveśo madhuhantā madhupriyaḥ

Sanskrit only: no published translation is held for this verse.

तेन बुद्धस्वरूपेण देवेन परमेष्ठिना । भविष्यति जगत्सर्वं मोहितं सचराचरम्

tena buddhasvarūpeṇa devena parameṣṭhinā / bhaviṣyati jagatsarvaṃ mohitaṃ sacarācaram

Sanskrit only: no published translation is held for this verse.

न श्रोष्यन्ति पितुः पुत्रास्तदाप्रभृति भारत । न गुरोर्बान्धवाः शिष्या भविष्यत्यधरोत्तरम्

na śroṣyanti pituḥ putrāstadāprabhṛti bhārata / na gurorbāndhavāḥ śiṣyā bhaviṣyatyadharottaram

Sanskrit only: no published translation is held for this verse.

जितो धर्मो ह्यधर्मेण चासत्येन ऋतं जितम् । जिताश्चौरैश्च राजानः स्त्रीभिश्च पुरुषा जिताः

jito dharmo hyadharmeṇa cāsatyena ṛtaṃ jitam / jitāścauraiśca rājānaḥ strībhiśca puruṣā jitāḥ

Sanskrit only: no published translation is held for this verse.

सीदन्ति चाग्निहोत्राणि गुरौ पूजा प्रणश्यति । सीदन्ति मानवा धर्माः कलौ प्राप्ते युधिष्ठिर

sīdanti cāgnihotrāṇi gurau pūjā praṇaśyati / sīdanti mānavā dharmāḥ kalau prāpte yudhiṣṭhira

Sanskrit only: no published translation is held for this verse.

द्वादशे दशमे वर्षे नारी गर्भवती भवेत् । कन्यास्तत्र प्रसूयन्ते ब्राह्मणो हरिपिङ्गलः

dvādaśe daśame varṣe nārī garbhavatī bhavet / kanyāstatra prasūyante brāhmaṇo haripiṅgalaḥ

Sanskrit only: no published translation is held for this verse.

भविष्यति ततः कल्किर्दशमे जन्मनि प्रभुः

bhaviṣyati tataḥ kalkirdaśame janmani prabhuḥ

Sanskrit only: no published translation is held for this verse.

एतत् ते कथितं राजन्देवस्य परमेष्ठिनः । कारणं दश जन्मनां सर्वपापक्षयंकरम्

etat te kathitaṃ rājandevasya parameṣṭhinaḥ / kāraṇaṃ daśa janmanāṃ sarvapāpakṣayaṃkaram

Sanskrit only: no published translation is held for this verse.