Revakhanda of the Vayupurana 153

तस्यैवानन्तरं चान्यद्रवितीर्थमनुत्तमम् । यस्य संदर्शनादेव मुच्यन्ते पातकैर्नराः

tasyaivānantaraṃ cānyadravitīrthamanuttamam / yasya saṃdarśanādeva mucyante pātakairnarāḥ

Sanskrit only: no published translation is held for this verse.

रवितीर्थे तु यः स्नात्वा नरः पश्यति भास्करम् । तस्य यत्फलमुद्दिष्टं स्वयं देवेन तच्छृणु

ravitīrthe tu yaḥ snātvā naraḥ paśyati bhāskaram / tasya yatphalamuddiṣṭaṃ svayaṃ devena tacchṛṇu

Sanskrit only: no published translation is held for this verse.

नान्धो न मूको बधिरः कुले भवति कश्चन । कुरूपः कुनखी वापि तस्य जन्मानि षोडश

nāndho na mūko badhiraḥ kule bhavati kaścana / kurūpaḥ kunakhī vāpi tasya janmāni ṣoḍaśa

Sanskrit only: no published translation is held for this verse.

दद्रुचित्रककुष्ठानि मण्डलानि विचर्चिका । नश्यन्ति देवभक्तस्य षण्मासान्नात्र संशयः

dadrucitrakakuṣṭhāni maṇḍalāni vicarcikā / naśyanti devabhaktasya ṣaṇmāsānnātra saṃśayaḥ

Sanskrit only: no published translation is held for this verse.

चरितं तस्य देवस्य पुराणे यच्छ्रुतं मया । न तत्कथयितुं शक्यं संक्षेपेण नृपोत्तम

caritaṃ tasya devasya purāṇe yacchrutaṃ mayā / na tatkathayituṃ śakyaṃ saṃkṣepeṇa nṛpottama

Sanskrit only: no published translation is held for this verse.

तत्र तीर्थे तु यद्दानं रविमुद्दिश्य दीयते । विधिना पात्रविप्राय तस्यान्तो नास्ति कर्हिचित्

tatra tīrthe tu yaddānaṃ ravimuddiśya dīyate / vidhinā pātraviprāya tasyānto nāsti karhicit

Sanskrit only: no published translation is held for this verse.

अयने विषुवे चैव चन्द्रसूर्यग्रहे तथा । रवितीर्थे प्रदत्तानां दानानां फलमुत्तमम्

ayane viṣuve caiva candrasūryagrahe tathā / ravitīrthe pradattānāṃ dānānāṃ phalamuttamam

Sanskrit only: no published translation is held for this verse.

संक्रान्तौ यानि दानानि हव्यकव्यानि भारत । अपामिव समुद्रस्य तेषामन्तो न लभ्यते

saṃkrāntau yāni dānāni havyakavyāni bhārata / apāmiva samudrasya teṣāmanto na labhyate

Sanskrit only: no published translation is held for this verse.

येन येन यदा दत्तं येन येन यदा हुतम् । तस्य तस्य तदा काले सविता प्रतिदायकः

yena yena yadā dattaṃ yena yena yadā hutam / tasya tasya tadā kāle savitā pratidāyakaḥ

Sanskrit only: no published translation is held for this verse.

सप्त जन्मानि तान्येव ददात्यर्कः पुनः पुनः । शतमिन्दुक्षये दानं सहस्रं तु दिनक्षये

sapta janmāni tānyeva dadātyarkaḥ punaḥ punaḥ / śatamindukṣaye dānaṃ sahasraṃ tu dinakṣaye

Sanskrit only: no published translation is held for this verse.

संक्रान्तौ शतसाहस्रं व्यतीपाते त्वनन्तकम्

saṃkrāntau śatasāhasraṃ vyatīpāte tvanantakam

Sanskrit only: no published translation is held for this verse.

रवितीर्थं कथं तात पुण्यात्पुण्यतरं स्मृतम् । विस्तरेण ममाख्याहि श्रवणौ मम लम्पटौ

ravitīrthaṃ kathaṃ tāta puṇyātpuṇyataraṃ smṛtam / vistareṇa mamākhyāhi śravaṇau mama lampaṭau

Sanskrit only: no published translation is held for this verse.

शृणुष्वावहितो भूत्वा ह्यादित्येश्वरमुत्तमम् । उत्तरे नर्मदाकूले सर्वव्याधिविनाशनम्

śṛṇuṣvāvahito bhūtvā hyādityeśvaramuttamam / uttare narmadākūle sarvavyādhivināśanam

Sanskrit only: no published translation is held for this verse.

पुरा कृतयुगस्यादौ जाबालिर्ब्राह्मणो ऽभवत् । वसिष्ठान्वयसम्भूतो वेदशास्त्रार्थपारगः

purā kṛtayugasyādau jābālirbrāhmaṇo 'bhavat / vasiṣṭhānvayasambhūto vedaśāstrārthapāragaḥ

Sanskrit only: no published translation is held for this verse.

पतिव्रता साधुशीला तस्य भार्या मनस्विनी । ऋतुकाले तु सा गत्वा भर्तारम् इदम् अब्रवीत्

pativratā sādhuśīlā tasya bhāryā manasvinī / ṛtukāle tu sā gatvā bhartāram idam abravīt

Sanskrit only: no published translation is held for this verse.

वर्तते ऋतुकालो मे भर्तारं त्वामुपस्थिता । भज मां प्रीतिसंयुक्तः पुत्रकामां तु कामिनीम्

vartate ṛtukālo me bhartāraṃ tvāmupasthitā / bhaja māṃ prītisaṃyuktaḥ putrakāmāṃ tu kāminīm

Sanskrit only: no published translation is held for this verse.

एवमुक्तो द्विजः प्राह प्रिये ऽद्याहं व्रतान्वितः । गच्छेदानीं वरारोहे दास्य ऋत्वन्तरे पुनः

evamukto dvijaḥ prāha priye 'dyāhaṃ vratānvitaḥ / gacchedānīṃ varārohe dāsya ṛtvantare punaḥ

Sanskrit only: no published translation is held for this verse.

पुनर्द्वितीये सम्प्राप्ते ऋतुकाले ऽप्युपस्थिता । पुनः सा छन्दिता तेन व्रतस्थो ऽद्येति भारत

punardvitīye samprāpte ṛtukāle 'pyupasthitā / punaḥ sā chanditā tena vratastho 'dyeti bhārata

Sanskrit only: no published translation is held for this verse.

इत्थं वा बहुशस्तेन छन्दिता च पुनः पुनः । निराशा चाभवत्तत्र भर्तारं प्रति भामिनी

itthaṃ vā bahuśastena chanditā ca punaḥ punaḥ / nirāśā cābhavattatra bhartāraṃ prati bhāminī

Sanskrit only: no published translation is held for this verse.

दुःखेन महताविष्टा विधायानशनं मृता । तेन भ्रूणहतेनैव पापेन सहसा द्विजः

duḥkhena mahatāviṣṭā vidhāyānaśanaṃ mṛtā / tena bhrūṇahatenaiva pāpena sahasā dvijaḥ

Sanskrit only: no published translation is held for this verse.

शीर्णघ्राणाङ्घ्रिरभवत्तपः सर्वं ननाश च । दृष्ट्वात्मानं स कुष्ठेन व्याप्तं ब्राह्मणसत्तमः

śīrṇaghrāṇāṅghrirabhavattapaḥ sarvaṃ nanāśa ca / dṛṣṭvātmānaṃ sa kuṣṭhena vyāptaṃ brāhmaṇasattamaḥ

Sanskrit only: no published translation is held for this verse.

विषादं परमं गत्वा नर्मदातटमाश्रितः । अपृच्छद्भास्करं तीर्थं द्विजेभ्यो द्विजसत्तमः

viṣādaṃ paramaṃ gatvā narmadātaṭamāśritaḥ / apṛcchadbhāskaraṃ tīrthaṃ dvijebhyo dvijasattamaḥ

Sanskrit only: no published translation is held for this verse.

आरोग्यं भास्करादिच्छेदिति संचिन्त्य चेतसि । कुतस्तद्भास्करं तीर्थं भो द्विजाः कथ्यतां मम

ārogyaṃ bhāskarādicchediti saṃcintya cetasi / kutastadbhāskaraṃ tīrthaṃ bho dvijāḥ kathyatāṃ mama

Sanskrit only: no published translation is held for this verse.

तपस् तप्याम्यहं गत्वा तस्मिंस्तीर्थे सुभावितः

tapas tapyāmyahaṃ gatvā tasmiṃstīrthe subhāvitaḥ

Sanskrit only: no published translation is held for this verse.

द्विजा ऊचुः । रेवाया उत्तरे कूले आदित्येश्वरनामतः । विद्यते भास्करं तीर्थं सर्वव्याधिविनाशनम्

dvijā ūcuḥ / revāyā uttare kūle ādityeśvaranāmataḥ / vidyate bhāskaraṃ tīrthaṃ sarvavyādhivināśanam

Sanskrit only: no published translation is held for this verse.

तत्र याह्यविचारेण गन्तुं चेच्छक्यते त्वया । एवमुक्तो द्विजैर्विप्रो गन्तुं तत्र प्रचक्रमे

tatra yāhyavicāreṇa gantuṃ cecchakyate tvayā / evamukto dvijairvipro gantuṃ tatra pracakrame

Sanskrit only: no published translation is held for this verse.

व्याधिना परिभूतस्तु घोरेण प्राणहारिणा । यदा गन्तुं न शक्नोति तदा तेन विचिन्तितम्

vyādhinā paribhūtastu ghoreṇa prāṇahāriṇā / yadā gantuṃ na śaknoti tadā tena vicintitam

Sanskrit only: no published translation is held for this verse.

सामर्थ्यं ब्राह्मणानां हि विद्यते भुवनत्रये । लिङ्गपातः कृतो विप्रैर्देवदेवस्य शूलिनः

sāmarthyaṃ brāhmaṇānāṃ hi vidyate bhuvanatraye / liṅgapātaḥ kṛto viprairdevadevasya śūlinaḥ

Sanskrit only: no published translation is held for this verse.

समुद्रः शोषितो विप्रैर्विन्ध्यश्चापि निवारितः । अहमप्यत्र संस्थस्तु ह्यानयिष्यामि भास्करम्

samudraḥ śoṣito viprairvindhyaścāpi nivāritaḥ / ahamapyatra saṃsthastu hyānayiṣyāmi bhāskaram

Sanskrit only: no published translation is held for this verse.

तपोबलेन महता ह्यादित्येश्वरसंज्ञितम् । इति निश्चित्य मनसा ह्युग्रे तपसि संस्थितः

tapobalena mahatā hyādityeśvarasaṃjñitam / iti niścitya manasā hyugre tapasi saṃsthitaḥ

Sanskrit only: no published translation is held for this verse.

वायुभक्षो निराहारो ग्रीष्मे पञ्चाग्निमध्यगः । शिशिरे तोयमध्यस्थो वर्षास्वप्रावृताकृतिः

vāyubhakṣo nirāhāro grīṣme pañcāgnimadhyagaḥ / śiśire toyamadhyastho varṣāsvaprāvṛtākṛtiḥ

Sanskrit only: no published translation is held for this verse.

साग्रे वर्षशते पूर्णे रविस्तुष्टो ऽब्रवीद् इदम्

sāgre varṣaśate pūrṇe ravistuṣṭo 'bravīd idam

Sanskrit only: no published translation is held for this verse.

वरं वरय भद्रं ते किं ते मनसि वाञ्छितम् । अदेयमपि दास्यामि ब्रूहि मां त्वं चिरं कृथाः

varaṃ varaya bhadraṃ te kiṃ te manasi vāñchitam / adeyamapi dāsyāmi brūhi māṃ tvaṃ ciraṃ kṛthāḥ

Sanskrit only: no published translation is held for this verse.

किमसाध्यं हि ते विप्र इदानीं तपसि स्थितः

kimasādhyaṃ hi te vipra idānīṃ tapasi sthitaḥ

Sanskrit only: no published translation is held for this verse.

यदि तुष्टो ऽसि देवेश यदि देयो वरो मम । मम प्रतिज्ञा देवेश ह्यादित्येश्वरदर्शने

yadi tuṣṭo 'si deveśa yadi deyo varo mama / mama pratijñā deveśa hyādityeśvaradarśane

Sanskrit only: no published translation is held for this verse.

कृता तां पारितुं देव न शक्तो व्याधिना वृतः । शुक्लतीर्थे ऽत्र तिष्ठ त्वम् आदित्येश्वरमूर्तिधृक्

kṛtā tāṃ pārituṃ deva na śakto vyādhinā vṛtaḥ / śuklatīrthe 'tra tiṣṭha tvam ādityeśvaramūrtidhṛk

Sanskrit only: no published translation is held for this verse.

एवमुक्ते तु देवेशो बहुरूपो दिवाकरः । उत्तरे नर्मदाकूले क्षणादेव व्यदृश्यत

evamukte tu deveśo bahurūpo divākaraḥ / uttare narmadākūle kṣaṇādeva vyadṛśyata

Sanskrit only: no published translation is held for this verse.

तदाप्रभृति भूपाल तद्धि तीर्थं प्रचक्षते । सर्वपापहरं प्रोक्तं सर्वदुःखविनाशनम्

tadāprabhṛti bhūpāla taddhi tīrthaṃ pracakṣate / sarvapāpaharaṃ proktaṃ sarvaduḥkhavināśanam

Sanskrit only: no published translation is held for this verse.

यस्तु संवत्सरं पूर्णं नित्यम् आदित्यवासरे । स्नात्वा प्रदक्षिणाः सप्त दत्त्वा पश्यति भास्करम्

yastu saṃvatsaraṃ pūrṇaṃ nityam ādityavāsare / snātvā pradakṣiṇāḥ sapta dattvā paśyati bhāskaram

Sanskrit only: no published translation is held for this verse.

यत्फलं लभते तेन तच्छृणुष्व मयोदितम् । प्रसुप्तं मण्डलानीह दद्रुकुष्ठविचर्चिकाः

yatphalaṃ labhate tena tacchṛṇuṣva mayoditam / prasuptaṃ maṇḍalānīha dadrukuṣṭhavicarcikāḥ

Sanskrit only: no published translation is held for this verse.

नश्यन्ति सत्वरं राजंस्तूलराशिरिवानले । धनपुत्रकलत्राणां पूरयेद्वत्सरत्रयात्

naśyanti satvaraṃ rājaṃstūlarāśirivānale / dhanaputrakalatrāṇāṃ pūrayedvatsaratrayāt

Sanskrit only: no published translation is held for this verse.

यस्तु श्राद्धप्रदस्तत्र पित्ःनुद्दिश्य संक्रमे । तृप्यन्ति पितरस्तस्य पितृदेवो हि भास्करः

yastu śrāddhapradastatra pitḥnuddiśya saṃkrame / tṛpyanti pitarastasya pitṛdevo hi bhāskaraḥ

Sanskrit only: no published translation is held for this verse.

इति ते कथितं सर्वमादित्येश्वरमुत्तमम् । सर्वपापहरं दिव्यं सर्वरोगविनाशनम्

iti te kathitaṃ sarvamādityeśvaramuttamam / sarvapāpaharaṃ divyaṃ sarvarogavināśanam

Sanskrit only: no published translation is held for this verse.