नर्मदादक्षिणे कूले तीर्थं कलकलेश्वरम् । विख्यातं सर्वलोकेषु स्वयं देवेन निर्मितम्
narmadādakṣiṇe kūle tīrthaṃ kalakaleśvaram / vikhyātaṃ sarvalokeṣu svayaṃ devena nirmitam
Sanskrit only: no published translation is held for this verse.
Library·Revakhanda of the Vayupurana·154
Revakhanda of the Vayupurana 154
अन्धकं समरे हत्वा देवदेवो महेश्वरः । सहितो देवगन्धर्वैः किन्नरैश्च महोरगैः
andhakaṃ samare hatvā devadevo maheśvaraḥ / sahito devagandharvaiḥ kinnaraiśca mahoragaiḥ
Sanskrit only: no published translation is held for this verse.
शङ्खतूर्यनिनादैश्च मृदङ्गपणवादिभिः । वीणावेणुरवैश्चान्यैः स्तुतिभिः पुष्कलादिभिः
śaṅkhatūryaninādaiśca mṛdaṅgapaṇavādibhiḥ / vīṇāveṇuravaiścānyaiḥ stutibhiḥ puṣkalādibhiḥ
Sanskrit only: no published translation is held for this verse.
गायन्ति सामानि यजूंषि चान्ये छन्दांसि चान्ये ऋचमुद्गिरन्ति । स्तोत्रैर् अनेकैर् अपरे गृणन्ति महेश्वरं तत्र महानुभावाः
gāyanti sāmāni yajūṃṣi cānye chandāṃsi cānye ṛcamudgiranti / stotrair anekair apare gṛṇanti maheśvaraṃ tatra mahānubhāvāḥ
Sanskrit only: no published translation is held for this verse.
प्रमथानां निनादेन कल्कलेन च बन्दिनाम् । यस्मात्प्रतिष्ठितं लिङ्गं तस्माज्जातं तदाख्यया
pramathānāṃ ninādena kalkalena ca bandinām / yasmātpratiṣṭhitaṃ liṅgaṃ tasmājjātaṃ tadākhyayā
Sanskrit only: no published translation is held for this verse.
तत्र तीर्थे तु यः स्नात्वा वीक्षेत्कलकलेश्वरम् । वाजपेयात्परं पुण्यं स लभेन्मानवो भुवि
tatra tīrthe tu yaḥ snātvā vīkṣetkalakaleśvaram / vājapeyātparaṃ puṇyaṃ sa labhenmānavo bhuvi
Sanskrit only: no published translation is held for this verse.
तेन पुण्येन पूतात्मा प्राणत्यागाद्दिवं व्रजेत् । आरूढः परमं यानं गीयमानो ऽप्सरोगणैः
tena puṇyena pūtātmā prāṇatyāgāddivaṃ vrajet / ārūḍhaḥ paramaṃ yānaṃ gīyamāno 'psarogaṇaiḥ
Sanskrit only: no published translation is held for this verse.
उपभुज्य महाभोगान्कालेन महता ततः । मर्त्यलोके महात्मासौ जायते विमले कुले
upabhujya mahābhogānkālena mahatā tataḥ / martyaloke mahātmāsau jāyate vimale kule
Sanskrit only: no published translation is held for this verse.
ब्राह्मणः सुभगो लोके वेदवेदाङ्गपारगः । व्याधिशोकविनिर्मुक्तो जीवेच्च शरदां शतम्
brāhmaṇaḥ subhago loke vedavedāṅgapāragaḥ / vyādhiśokavinirmukto jīvecca śaradāṃ śatam
Sanskrit only: no published translation is held for this verse.