Revakhanda of the Vayupurana 157

तस्यैवानन्तरं राजञ्छुक्लतीर्थसमीपतः । वासुदेवस्य तीर्थं तु सर्वलोकेषु पूजितम्

tasyaivānantaraṃ rājañchuklatīrthasamīpataḥ / vāsudevasya tīrthaṃ tu sarvalokeṣu pūjitam

Sanskrit only: no published translation is held for this verse.

तद्धि पुण्यं सुविख्यातं नर्मदायां पुरातनम् । यत्र हुङ्कारमात्रेण रेवा क्रोशं जगाम सा

taddhi puṇyaṃ suvikhyātaṃ narmadāyāṃ purātanam / yatra huṅkāramātreṇa revā krośaṃ jagāma sā

Sanskrit only: no published translation is held for this verse.

यदा प्रभृति राजेन्द्र हुङ्कारेण गता सरित् । तदाप्रभृति स स्वामी हुङ्कारः शब्दितो बुधैः

yadā prabhṛti rājendra huṅkāreṇa gatā sarit / tadāprabhṛti sa svāmī huṅkāraḥ śabdito budhaiḥ

Sanskrit only: no published translation is held for this verse.

हुङ्कारतीर्थे यः स्नात्वा पश्यत्यव्ययमच्युतम् । स मुच्यते नरः पापैः सप्तजन्म कृतैरपि

huṅkāratīrthe yaḥ snātvā paśyatyavyayamacyutam / sa mucyate naraḥ pāpaiḥ saptajanma kṛtairapi

Sanskrit only: no published translation is held for this verse.

संसारार्णवमग्नानां नराणां पापकर्मिणाम् । नैवोद्धर्ता जगन्नाथं विना नारायणं परः

saṃsārārṇavamagnānāṃ narāṇāṃ pāpakarmiṇām / naivoddhartā jagannāthaṃ vinā nārāyaṇaṃ paraḥ

Sanskrit only: no published translation is held for this verse.

सा जिह्वा या हरिं स्तौति तच्चित्तं यत्तदर्पितम् । तावेव केवलौ श्लाघ्यौ यौ तत्पूजाकरौ करौ

sā jihvā yā hariṃ stauti taccittaṃ yattadarpitam / tāveva kevalau ślāghyau yau tatpūjākarau karau

Sanskrit only: no published translation is held for this verse.

सर्वदा सर्वकार्येषु नास्ति तेषाममङ्गलम् । येषां हृदिस्थो भगवान्मङ्गलायतनो हरिः

sarvadā sarvakāryeṣu nāsti teṣāmamaṅgalam / yeṣāṃ hṛdistho bhagavānmaṅgalāyatano hariḥ

Sanskrit only: no published translation is held for this verse.

यद् अन्यद् देवतार्चायाः फलं प्राप्नोति मानवः । साष्टाङ्गप्रणिपातेन तत्फलं लभते हरेः

yad anyad devatārcāyāḥ phalaṃ prāpnoti mānavaḥ / sāṣṭāṅgapraṇipātena tatphalaṃ labhate hareḥ

Sanskrit only: no published translation is held for this verse.

रेणुगुण्ठितगात्रस्य यावन्तो ऽस्य रजःकणाः । तावद्वर्षसहस्राणि विष्णुलोके महीयते

reṇuguṇṭhitagātrasya yāvanto 'sya rajaḥkaṇāḥ / tāvadvarṣasahasrāṇi viṣṇuloke mahīyate

Sanskrit only: no published translation is held for this verse.

सम्मार्जनाभ्युक्षणलेपनेन तदालये नश्यति सर्वपापम् । नारी नराणां परया तु भक्त्या दृष्ट्वा तु रेवां नरसत्तमस्य

sammārjanābhyukṣaṇalepanena tadālaye naśyati sarvapāpam / nārī narāṇāṃ parayā tu bhaktyā dṛṣṭvā tu revāṃ narasattamasya

Sanskrit only: no published translation is held for this verse.

येनार्चितो भगवान्वासुदेवो जन्मार्जितं नश्यति तस्य पापम् । स याति लोकं गरुडध्वजस्य विधूतपापः सुरसङ्घपूज्यताम्

yenārcito bhagavānvāsudevo janmārjitaṃ naśyati tasya pāpam / sa yāti lokaṃ garuḍadhvajasya vidhūtapāpaḥ surasaṅghapūjyatām

Sanskrit only: no published translation is held for this verse.

शाठ्येनापि नमस्कारं प्रयुञ्जंश् चक्रपाणिनः । सप्तजन्मार्जितं पापं गच्छत्याशु न संशयः

śāṭhyenāpi namaskāraṃ prayuñjaṃś cakrapāṇinaḥ / saptajanmārjitaṃ pāpaṃ gacchatyāśu na saṃśayaḥ

Sanskrit only: no published translation is held for this verse.

पूजायां प्रीयते रुद्रो जपहोमैर् दिवाकरः । शङ्खचक्रगदापाणिः प्रणिपातेन तुष्यति

pūjāyāṃ prīyate rudro japahomair divākaraḥ / śaṅkhacakragadāpāṇiḥ praṇipātena tuṣyati

Sanskrit only: no published translation is held for this verse.

भवजलधिगतानां द्वन्द्ववाताहतानां सुतदुहितृकलत्रत्राणभारार्दितानाम् । विषमविषयतोये मज्जतामप्लवानां भवति शरणमेको विष्णुपोतो नराणाम्

bhavajaladhigatānāṃ dvandvavātāhatānāṃ sutaduhitṛkalatratrāṇabhārārditānām / viṣamaviṣayatoye majjatāmaplavānāṃ bhavati śaraṇameko viṣṇupoto narāṇām

Sanskrit only: no published translation is held for this verse.

हुङ्कारतीर्थे राजेन्द्र शुभं वा यदि वाशुभम् । यत्कृतं पुरुषव्याघ्र तन्नश्यति न कर्हिचित्

huṅkāratīrthe rājendra śubhaṃ vā yadi vāśubham / yatkṛtaṃ puruṣavyāghra tannaśyati na karhicit

Sanskrit only: no published translation is held for this verse.