Revakhanda of the Vayupurana 16

समातृभिर्भूतगणश्च घोरैर्वृतः समन्तात्स ननर्त शूली । गजेन्द्रचर्मावरणे वसानः संहर्तुकामश्च जगत्समस्तम्

samātṛbhirbhūtagaṇaśca ghorairvṛtaḥ samantātsa nanarta śūlī / gajendracarmāvaraṇe vasānaḥ saṃhartukāmaśca jagatsamastam

Sanskrit only: no published translation is held for this verse.

महेश्वरः सर्वसुरेश्वराणां मन्त्रैर् अनेकेखबद्धमाली । मेदोवसारक्तविचर्चिताङ्गस्त्रैलोक्यदाहे प्रणनर्त शम्भुः

maheśvaraḥ sarvasureśvarāṇāṃ mantrair anekekhabaddhamālī / medovasāraktavicarcitāṅgastrailokyadāhe praṇanarta śambhuḥ

Sanskrit only: no published translation is held for this verse.

स कालरात्र्या सहितो महात्मा काले त्रिलोकीं सकलां जहार । संवर्तकाख्यः सहभानुभावः शम्भुर्महात्मा जगतो वरिष्ठः

sa kālarātryā sahito mahātmā kāle trilokīṃ sakalāṃ jahāra / saṃvartakākhyaḥ sahabhānubhāvaḥ śambhurmahātmā jagato variṣṭhaḥ

Sanskrit only: no published translation is held for this verse.

स विस्फुलिङ्गोत्करधूममिश्रं महोल्कवज्राशनिवाततुल्यम् । ततो ऽट्टहासं प्रमुमोच घोरं विवृत्य वक्त्रं वडवामुखाभम्

sa visphuliṅgotkaradhūmamiśraṃ maholkavajrāśanivātatulyam / tato 'ṭṭahāsaṃ pramumoca ghoraṃ vivṛtya vaktraṃ vaḍavāmukhābham

Sanskrit only: no published translation is held for this verse.

सहस्रवज्राशनिसंनिभेन तेनाट्टहासेन हरोद्गतेन । आपूरितास्तत्र दिशो दशैव संक्षोभिताः सर्वमहार्णवाश्च

sahasravajrāśanisaṃnibhena tenāṭṭahāsena harodgatena / āpūritāstatra diśo daśaiva saṃkṣobhitāḥ sarvamahārṇavāśca

Sanskrit only: no published translation is held for this verse.

स ब्रह्मलोकं प्रजगाम शब्दो ब्रह्माण्डभाण्डं प्रचचाल सर्वम् । किमेतदित्याकुलचेतनास्ते वित्रस्तरूपा ऋषयो बभूवुः

sa brahmalokaṃ prajagāma śabdo brahmāṇḍabhāṇḍaṃ pracacāla sarvam / kimetadityākulacetanāste vitrastarūpā ṛṣayo babhūvuḥ

Sanskrit only: no published translation is held for this verse.

प्रणम्य सर्वे सहसैव भीता ब्रह्माणमूचुः परमेश्वरेशम् । भीताश्च सर्वे ऋषयस्ततस्ते सुरासुरैश्चैव महोरगैश्च

praṇamya sarve sahasaiva bhītā brahmāṇamūcuḥ parameśvareśam / bhītāśca sarve ṛṣayastataste surāsuraiścaiva mahoragaiśca

Sanskrit only: no published translation is held for this verse.

विद्युत्प्रभाभासुरभीषणाङ्गः क एष चिक्रीडति भूतलस्थः । कालानलं गात्रमिदं दधानो यस्याट्टहासेन जगद्विमूढम्

vidyutprabhābhāsurabhīṣaṇāṅgaḥ ka eṣa cikrīḍati bhūtalasthaḥ / kālānalaṃ gātramidaṃ dadhāno yasyāṭṭahāsena jagadvimūḍham

Sanskrit only: no published translation is held for this verse.

वित्रस्तरूपं प्रबभौ क्षणेन संहर्तुमिच्छेत्किमयं त्रिलोकीम् । सार्धं त्वया सप्तभिरर्णकैश्च जनस्तपः सत्यमभिप्रयाति

vitrastarūpaṃ prababhau kṣaṇena saṃhartumicchetkimayaṃ trilokīm / sārdhaṃ tvayā saptabhirarṇakaiśca janastapaḥ satyamabhiprayāti

Sanskrit only: no published translation is held for this verse.

संहर्तुकामो हि क एष देव एतत्समस्तं कथयाप्रमेय । न दृष्टमेतद् विषमं कदापि जानासि तत्त्वं परमो मतो नः

saṃhartukāmo hi ka eṣa deva etatsamastaṃ kathayāprameya / na dṛṣṭametad viṣamaṃ kadāpi jānāsi tattvaṃ paramo mato naḥ

Sanskrit only: no published translation is held for this verse.

निशम्य तद्वाक्यमथाबभाषे ब्रह्मा समाश्वास्य सुरादिसङ्घान्

niśamya tadvākyamathābabhāṣe brahmā samāśvāsya surādisaṅghān

Sanskrit only: no published translation is held for this verse.

स एष कालस्त्रिदिवं त्वशेषं संहर्तुकामो जगदक्षयात्मा । पूर्णे च शेते परिवत्सराणां भविष्यतीशानविभुर्न चित्रम्

sa eṣa kālastridivaṃ tvaśeṣaṃ saṃhartukāmo jagadakṣayātmā / pūrṇe ca śete parivatsarāṇāṃ bhaviṣyatīśānavibhurna citram

Sanskrit only: no published translation is held for this verse.

संवत्सरो ऽयं परिवत्सरश्च उद्वत्सरो वत्सर एष देवः । दृष्टो ऽप्यदृष्टः प्रहुतः प्रकाशी स्थूलश्च सूक्ष्मः परमाणुरेषः

saṃvatsaro 'yaṃ parivatsaraśca udvatsaro vatsara eṣa devaḥ / dṛṣṭo 'pyadṛṣṭaḥ prahutaḥ prakāśī sthūlaśca sūkṣmaḥ paramāṇureṣaḥ

Sanskrit only: no published translation is held for this verse.

नातः परं किंचिदिहास्ति लोके परापरो ऽयं प्रभुरात्मवादी । तुष्येत मे कालसमानरूप इत्येवमुक्त्वा भगवान्सुरेशः

nātaḥ paraṃ kiṃcidihāsti loke parāparo 'yaṃ prabhurātmavādī / tuṣyeta me kālasamānarūpa ityevamuktvā bhagavānsureśaḥ

Sanskrit only: no published translation is held for this verse.

सनत्कुमारप्रमुखैः समेतः संतोषयामास ततो यतात्मा

sanatkumārapramukhaiḥ sametaḥ saṃtoṣayāmāsa tato yatātmā

Sanskrit only: no published translation is held for this verse.

नमो ऽस्तु सर्वाय सुशान्तमूर्ताये ह्यघोररूपाय नमोनमस्ते । सर्वात्मने सर्व नमोनमस्ते महात्मने भूतपते नमस्ते

namo 'stu sarvāya suśāntamūrtāye hyaghorarūpāya namonamaste / sarvātmane sarva namonamaste mahātmane bhūtapate namaste

Sanskrit only: no published translation is held for this verse.

ओङ्कार हुङ्कारपरिष्कृताय स्वधावषट्कार नमोनमस्ते । गुणत्रयेशाय महेश्वराय ते त्रयीमयाय त्रिगुणात्मने नमः

oṅkāra huṅkārapariṣkṛtāya svadhāvaṣaṭkāra namonamaste / guṇatrayeśāya maheśvarāya te trayīmayāya triguṇātmane namaḥ

Sanskrit only: no published translation is held for this verse.

त्वं शङ्करत्वं हि महेश्वरो ऽसि प्रधानमग्र्यं त्वमसि प्रविष्टः । त्वं विष्णुरीशः प्रपितामहश्च त्वं सप्तजिह्वस्त्वमनन्तजिह्वः

tvaṃ śaṅkaratvaṃ hi maheśvaro 'si pradhānamagryaṃ tvamasi praviṣṭaḥ / tvaṃ viṣṇurīśaḥ prapitāmahaśca tvaṃ saptajihvastvamanantajihvaḥ

Sanskrit only: no published translation is held for this verse.

स्रष्टासि सृष्टिश्च विभो त्वमेव विश्वस्य वेद्यं च परं निधानम् । आहुर्द्विजा वेदविदो वरेण्यं परात्परस्त्वं परतः परो ऽसि

sraṣṭāsi sṛṣṭiśca vibho tvameva viśvasya vedyaṃ ca paraṃ nidhānam / āhurdvijā vedavido vareṇyaṃ parātparastvaṃ parataḥ paro 'si

Sanskrit only: no published translation is held for this verse.

सूक्ष्मातिसूक्ष्मं प्रवदन्ति यच्च वाचो निवर्तन्ति मनो यतश्च

sūkṣmātisūkṣmaṃ pravadanti yacca vāco nivartanti mano yataśca

Sanskrit only: no published translation is held for this verse.

त्वया स्तुतोऽहं विविधैश्च मन्त्रैः पुष्णामि शान्तिं तव पद्मयोने । ईक्षस्व मां लोकमिमं ज्वलन्तं वक्त्रैरनेकैः प्रसभं हरन्तम्

tvayā stuto'haṃ vividhaiśca mantraiḥ puṣṇāmi śāntiṃ tava padmayone / īkṣasva māṃ lokamimaṃ jvalantaṃ vaktrairanekaiḥ prasabhaṃ harantam

Sanskrit only: no published translation is held for this verse.

एवमुक्त्वा स देवेशो देव्या सह जगत्पतिः । पितामहं समाश्वास्य तत्रैवान्तरधीयत

evamuktvā sa deveśo devyā saha jagatpatiḥ / pitāmahaṃ samāśvāsya tatraivāntaradhīyata

Sanskrit only: no published translation is held for this verse.

इदं महत्पुण्यतमं वरिष्ठं स्तोत्रं निशम्येह गतिं लभन्ते । पापैरनेकैः परिवेष्टिता ये प्रयान्ति रुद्रं विमलैर्विमानैः

idaṃ mahatpuṇyatamaṃ variṣṭhaṃ stotraṃ niśamyeha gatiṃ labhante / pāpairanekaiḥ pariveṣṭitā ye prayānti rudraṃ vimalairvimānaiḥ

Sanskrit only: no published translation is held for this verse.

भयं च तेषां न भवेत्कदाचित्पठन्ति ये तात इदं द्विजाग्र्याः । सङ्ग्रामचौराग्निवने तथाब्धौ तेषां शिवस्त्राति न संशयो ऽत्र

bhayaṃ ca teṣāṃ na bhavetkadācitpaṭhanti ye tāta idaṃ dvijāgryāḥ / saṅgrāmacaurāgnivane tathābdhau teṣāṃ śivastrāti na saṃśayo 'tra

Sanskrit only: no published translation is held for this verse.