ततो गच्छेत्पाण्डुपुत्र मोक्षतीर्थमनुत्तमम् । सेवितं देवगन्धर्वैर्मुनिभिश्च तपोधनैः
tato gacchetpāṇḍuputra mokṣatīrthamanuttamam / sevitaṃ devagandharvairmunibhiśca tapodhanaiḥ
Sanskrit only: no published translation is held for this verse.
Library·Revakhanda of the Vayupurana·160
Revakhanda of the Vayupurana 160
बहवस्तन्न जानन्ति विष्णुमायाविमोहिताः । यत्र सिद्धा महाभागा ऋषयः सतपोधनाः
bahavastanna jānanti viṣṇumāyāvimohitāḥ / yatra siddhā mahābhāgā ṛṣayaḥ satapodhanāḥ
Sanskrit only: no published translation is held for this verse.
पुलस्त्यः पुलहो विद्वान्क्रतुश्चैव महामतिः । प्राचेतसो वसिष्ठश्च दक्षो नारद एव च
pulastyaḥ pulaho vidvānkratuścaiva mahāmatiḥ / prācetaso vasiṣṭhaśca dakṣo nārada eva ca
Sanskrit only: no published translation is held for this verse.
एते चान्ये महाभागाः सप्तसाहस्रसंज्ञिताः । मोक्षं गताः सह सुतैस्तत्तीर्थं तेन मोक्षदम्
ete cānye mahābhāgāḥ saptasāhasrasaṃjñitāḥ / mokṣaṃ gatāḥ saha sutaistattīrthaṃ tena mokṣadam
Sanskrit only: no published translation is held for this verse.
तत्र प्रवाहमध्ये तु पतिता तमहा नदी । तत्र तत्सङ्गमं तीर्थं सर्वपापक्षयंकरम्
tatra pravāhamadhye tu patitā tamahā nadī / tatra tatsaṅgamaṃ tīrthaṃ sarvapāpakṣayaṃkaram
Sanskrit only: no published translation is held for this verse.
ऋग्यजुःसामसंज्ञानाम् अभ्यस्तानां तु यत्फलम् । सम्यग्जप्त्वा तु विधिना गायत्रीं तत्र तल्लभेत्
ṛgyajuḥsāmasaṃjñānām abhyastānāṃ tu yatphalam / samyagjaptvā tu vidhinā gāyatrīṃ tatra tallabhet
Sanskrit only: no published translation is held for this verse.
तत्र दत्तं हुतं जप्तं तीर्थसेवार्जितं फलम् । सर्वमक्षयतां याति मोक्षसाधनमुत्तमम्
tatra dattaṃ hutaṃ japtaṃ tīrthasevārjitaṃ phalam / sarvamakṣayatāṃ yāti mokṣasādhanamuttamam
Sanskrit only: no published translation is held for this verse.
तत्र तीर्थे मृतानां तु संन्यासेन द्विजन्मनाम् । अनिवर्तिका गतिस्तेषां मोक्षतीर्थप्रभावतः
tatra tīrthe mṛtānāṃ tu saṃnyāsena dvijanmanām / anivartikā gatisteṣāṃ mokṣatīrthaprabhāvataḥ
Sanskrit only: no published translation is held for this verse.
एष ते विधिरुद्दिष्टः संक्षेपेण मयानघ । व्युष्टिस्तीर्थस्य महती पुराणे याभिधीयते
eṣa te vidhiruddiṣṭaḥ saṃkṣepeṇa mayānagha / vyuṣṭistīrthasya mahatī purāṇe yābhidhīyate
Sanskrit only: no published translation is held for this verse.