गोपेश्वरं ततो गच्छेत् सर्पक्षेत्रादनन्तरम् । यत्र स्नानेन चैकेन मुच्यन्ते पातकैर्नराः
gopeśvaraṃ tato gacchet sarpakṣetrādanantaram / yatra snānena caikena mucyante pātakairnarāḥ
Sanskrit only: no published translation is held for this verse.
Library·Revakhanda of the Vayupurana·162
Revakhanda of the Vayupurana 162
तत्र तीर्थे तु यः स्नात्वा कुरुते प्राणसंक्षयम् । स गच्छेद्यदि युक्तो ऽपि पापेन शिवमन्दिरम्
tatra tīrthe tu yaḥ snātvā kurute prāṇasaṃkṣayam / sa gacchedyadi yukto 'pi pāpena śivamandiram
Sanskrit only: no published translation is held for this verse.
तत्र तीर्थे तु यः स्नात्वा पूजयेद्देवमीश्वरम् । मुच्यते सर्वपापैश्च रुद्रलोकं स गच्छति
tatra tīrthe tu yaḥ snātvā pūjayeddevamīśvaram / mucyate sarvapāpaiśca rudralokaṃ sa gacchati
Sanskrit only: no published translation is held for this verse.
क्रीडित्वा च यथाकामं रुद्रलोके महातपाः । इह मानुष्यतां प्राप्य राजा भवति धार्मिकः
krīḍitvā ca yathākāmaṃ rudraloke mahātapāḥ / iha mānuṣyatāṃ prāpya rājā bhavati dhārmikaḥ
Sanskrit only: no published translation is held for this verse.
हस्त्यश्वरथसम्पन्नो दासीदाससमन्वितः । पूज्यमानो नरेन्द्रैश्च जीवेद्वर्षशतं सुखी
hastyaśvarathasampanno dāsīdāsasamanvitaḥ / pūjyamāno narendraiśca jīvedvarṣaśataṃ sukhī
Sanskrit only: no published translation is held for this verse.