Revakhanda of the Vayupurana 164

ततो गच्छेन्महाराज सांवौरं तीर्थमुत्तमम् । यत्र संनिहितो भानुः पूज्यमानः सुरासुरैः

tato gacchenmahārāja sāṃvauraṃ tīrthamuttamam / yatra saṃnihito bhānuḥ pūjyamānaḥ surāsuraiḥ

Sanskrit only: no published translation is held for this verse.

तत्र ये पङ्गुतां प्राप्ताः शीर्णघ्राणनखा नराः । दद्रुमण्डलभिन्नाङ्गा मक्षिकाकृमिसंकुलाः

tatra ye paṅgutāṃ prāptāḥ śīrṇaghrāṇanakhā narāḥ / dadrumaṇḍalabhinnāṅgā makṣikākṛmisaṃkulāḥ

Sanskrit only: no published translation is held for this verse.

मातापितृभ्यां रहिता भ्रातृभार्याविवर्जिताः । अनाथा विकला व्यङ्गा मग्ना ये दुःखसागरे

mātāpitṛbhyāṃ rahitā bhrātṛbhāryāvivarjitāḥ / anāthā vikalā vyaṅgā magnā ye duḥkhasāgare

Sanskrit only: no published translation is held for this verse.

तेषां नाथो जगद्योनिर्नर्मदातटमाश्रितः । सांवौरनाथो लोकानामार्तिहा दुःखनाशनः

teṣāṃ nātho jagadyonirnarmadātaṭamāśritaḥ / sāṃvauranātho lokānāmārtihā duḥkhanāśanaḥ

Sanskrit only: no published translation is held for this verse.

तत्र तीर्थे तु यः स्नात्वा मासमेकं निरन्तरम् । पूजयेद् भास्करं देवं तस्य पुण्यफलं शृणु

tatra tīrthe tu yaḥ snātvā māsamekaṃ nirantaram / pūjayed bhāskaraṃ devaṃ tasya puṇyaphalaṃ śṛṇu

Sanskrit only: no published translation is held for this verse.

यत्फलं चोत्तरे पार्थ तथा वै पूर्वसागरे । दक्षिणे पश्चिमे स्नात्वा तत्र तीर्थे तु तत् फलम्

yatphalaṃ cottare pārtha tathā vai pūrvasāgare / dakṣiṇe paścime snātvā tatra tīrthe tu tat phalam

Sanskrit only: no published translation is held for this verse.

कौमारे यौवने पापं वार्द्धके यच्च संचितम् । तत् प्रणश्यति सांवौरे स्नानमात्रान्न संशयः

kaumāre yauvane pāpaṃ vārddhake yacca saṃcitam / tat praṇaśyati sāṃvaure snānamātrānna saṃśayaḥ

Sanskrit only: no published translation is held for this verse.

न व्याधिर्नैव दारिद्र्यं न चैवेष्टवियोजनम् । सप्तजन्मानि राजेन्द्र सांवौरपरिसेवनात्

na vyādhirnaiva dāridryaṃ na caiveṣṭaviyojanam / saptajanmāni rājendra sāṃvauraparisevanāt

Sanskrit only: no published translation is held for this verse.

सप्तम्यामुपवासेन तद्दिने चाप्युपोषिते । स तत्फलमवाप्नोति तत्र स्नात्वा न संशयः

saptamyāmupavāsena taddine cāpyupoṣite / sa tatphalamavāpnoti tatra snātvā na saṃśayaḥ

Sanskrit only: no published translation is held for this verse.

रक्तचन्दनमिश्रेण यदर्घ्येण फलं स्मृतम् । तत्र तीर्थे नृपश्रेष्ठ स्नात्वा तत्फलमाप्नुयात्

raktacandanamiśreṇa yadarghyeṇa phalaṃ smṛtam / tatra tīrthe nṛpaśreṣṭha snātvā tatphalamāpnuyāt

Sanskrit only: no published translation is held for this verse.

नर्मदासलिलं रम्यं सर्वपातकनाशनम् । निरीक्षितं विशेषेण सांवौरेण महात्मना

narmadāsalilaṃ ramyaṃ sarvapātakanāśanam / nirīkṣitaṃ viśeṣeṇa sāṃvaureṇa mahātmanā

Sanskrit only: no published translation is held for this verse.

ते धन्यास्ते महात्मानस् तेषां जन्म सुजीवितम् । स्नात्वा पश्यन्ति देवेशं सांवौरेश्वरमुत्तमम्

te dhanyāste mahātmānas teṣāṃ janma sujīvitam / snātvā paśyanti deveśaṃ sāṃvaureśvaramuttamam

Sanskrit only: no published translation is held for this verse.

सूर्यलोके वसेत् तावद् यावद् आभूतसम्प्लवम्

sūryaloke vaset tāvad yāvad ābhūtasamplavam

Sanskrit only: no published translation is held for this verse.