Revakhanda of the Vayupurana 165

नर्मदादक्षिणे कूले सिद्धेश्वरमिति श्रुतम् । तीर्थं परं महाराज सिद्धैः कृतमिति प्रभो

narmadādakṣiṇe kūle siddheśvaramiti śrutam / tīrthaṃ paraṃ mahārāja siddhaiḥ kṛtamiti prabho

Sanskrit only: no published translation is held for this verse.

तत्र तीर्थं महापुण्यं सर्वतीर्थेषु पावनम् । नर्मदाया महाराज दक्षिणं कूलमाश्रितम्

tatra tīrthaṃ mahāpuṇyaṃ sarvatīrtheṣu pāvanam / narmadāyā mahārāja dakṣiṇaṃ kūlamāśritam

Sanskrit only: no published translation is held for this verse.

तत्र तीर्थे नरः स्नात्वा तर्पयेत् पितृदेवताः । श्राद्धं तत्रैव यो दद्यात् पित्ःन् उद्दिश्य भारत

tatra tīrthe naraḥ snātvā tarpayet pitṛdevatāḥ / śrāddhaṃ tatraiva yo dadyāt pitḥn uddiśya bhārata

Sanskrit only: no published translation is held for this verse.

तृप्यन्ति पितरस्तस्य द्वादशाब्दान्न संशयः । तत्र तीर्थे तु यो भक्त्या स्नात्वा पूजयते शिवम्

tṛpyanti pitarastasya dvādaśābdānna saṃśayaḥ / tatra tīrthe tu yo bhaktyā snātvā pūjayate śivam

Sanskrit only: no published translation is held for this verse.

रात्रौ जागरणं कृत्वा पठेत्पौराणिकीं कथाम् । ततः प्रभाते विमले स्नानं कुर्याद्यथाविधि

rātrau jāgaraṇaṃ kṛtvā paṭhetpaurāṇikīṃ kathām / tataḥ prabhāte vimale snānaṃ kuryādyathāvidhi

Sanskrit only: no published translation is held for this verse.

वीक्षते गिरिजाकान्तं स गच्छेत् परमां गतिम् । पुरा सिद्धा महाभागाः कपिलाद्या महर्षयः

vīkṣate girijākāntaṃ sa gacchet paramāṃ gatim / purā siddhā mahābhāgāḥ kapilādyā maharṣayaḥ

Sanskrit only: no published translation is held for this verse.

जपन्तश्च परं ब्रह्म योगसिद्धा महाव्रताः । सिद्धिं ते परमां प्राप्ता नर्मदायाः प्रभावतः

japantaśca paraṃ brahma yogasiddhā mahāvratāḥ / siddhiṃ te paramāṃ prāptā narmadāyāḥ prabhāvataḥ

Sanskrit only: no published translation is held for this verse.