Revakhanda of the Vayupurana 167

नर्मदादक्षिणे कूले त्वच्चिह्नेनोपलक्षितम् । तीर्थम् एतन् ममाख्याहि सम्भवं च महामुने

narmadādakṣiṇe kūle tvaccihnenopalakṣitam / tīrtham etan mamākhyāhi sambhavaṃ ca mahāmune

Sanskrit only: no published translation is held for this verse.

पुरा कृतयुगस्यादौ दक्षिणे गिरिमुत्तमम् । विन्ध्यं सर्वगुणोपेतं नियतो नियताशनः

purā kṛtayugasyādau dakṣiṇe girimuttamam / vindhyaṃ sarvaguṇopetaṃ niyato niyatāśanaḥ

Sanskrit only: no published translation is held for this verse.

ऋषिसङ्घैः कृतातिथ्यो दण्डके न्यवसं चिरम् । उषित्वा सुचिरं कालं वर्षाणामयुतं सुखी

ṛṣisaṅghaiḥ kṛtātithyo daṇḍake nyavasaṃ ciram / uṣitvā suciraṃ kālaṃ varṣāṇāmayutaṃ sukhī

Sanskrit only: no published translation is held for this verse.

तान् ऋषीन् समनुज्ञाप्य शिष्यैरनुगतस्ततः । निवृत्तः सुमहाभाग नर्मदाकूलम् आगतः

tān ṛṣīn samanujñāpya śiṣyairanugatastataḥ / nivṛttaḥ sumahābhāga narmadākūlam āgataḥ

Sanskrit only: no published translation is held for this verse.

पुण्यं च रमणीयं च सर्वपापविनाशनम् । कृत्वाहमास्पदं तत्र द्विजसंघसमायुतः

puṇyaṃ ca ramaṇīyaṃ ca sarvapāpavināśanam / kṛtvāhamāspadaṃ tatra dvijasaṃghasamāyutaḥ

Sanskrit only: no published translation is held for this verse.

ब्रह्मचारिभिराकीर्णं गार्हस्थ्ये सुप्रतिष्ठितैः । वानप्रस्थैश्च यतिभिर्यताहारैर् यतात्मभिः

brahmacāribhirākīrṇaṃ gārhasthye supratiṣṭhitaiḥ / vānaprasthaiśca yatibhiryatāhārair yatātmabhiḥ

Sanskrit only: no published translation is held for this verse.

तपस्विभिर्महाभागैः कामक्रोधविवर्जितैः । तत्राहं वर्षमयुतं तपः कृत्वा सुदारुणम्

tapasvibhirmahābhāgaiḥ kāmakrodhavivarjitaiḥ / tatrāhaṃ varṣamayutaṃ tapaḥ kṛtvā sudāruṇam

Sanskrit only: no published translation is held for this verse.

आराधयं वासुदेवं प्रभुं कर्तारम् ईश्वरम् । जपंस्तपोभिर्नियमैर्नर्मदाकूलमाश्रितः

ārādhayaṃ vāsudevaṃ prabhuṃ kartāram īśvaram / japaṃstapobhirniyamairnarmadākūlamāśritaḥ

Sanskrit only: no published translation is held for this verse.

ततस्तौ वरदौ देवौ समायातौ युधिष्ठिर । प्रत्यक्षौ भास्करौ राजन्नुमाश्रीभ्यां विभूषितौ

tatastau varadau devau samāyātau yudhiṣṭhira / pratyakṣau bhāskarau rājannumāśrībhyāṃ vibhūṣitau

Sanskrit only: no published translation is held for this verse.

प्रणम्याहं ततो देवौ भक्तियुक्तो वचो ऽब्रुवम् । भवन्तौ प्रार्थयामि स्म वरार्हौ वरदौ शिवौ

praṇamyāhaṃ tato devau bhaktiyukto vaco 'bruvam / bhavantau prārthayāmi sma varārhau varadau śivau

Sanskrit only: no published translation is held for this verse.

धर्मस्थितिं महाभागौ भक्तिं वानुत्तमां युवाम् । अजरो व्याधिरहितः पञ्चविंशतिवर्षवत् । अस्मिन्स्थाने सदा स्थेयं सह देवैरसंशयम्

dharmasthitiṃ mahābhāgau bhaktiṃ vānuttamāṃ yuvām / ajaro vyādhirahitaḥ pañcaviṃśativarṣavat / asminsthāne sadā stheyaṃ saha devairasaṃśayam

Sanskrit only: no published translation is held for this verse.

एवमुक्तौ मया पार्थ तौ देवौ कृष्णशङ्करौ । मामूचतुः प्रहृष्टौ तौ निवासार्थं युधिष्ठिर

evamuktau mayā pārtha tau devau kṛṣṇaśaṅkarau / māmūcatuḥ prahṛṣṭau tau nivāsārthaṃ yudhiṣṭhira

Sanskrit only: no published translation is held for this verse.

देवावूचतुः । अस्मिन्स्थाने स्थितौ विद्धि सह देवैः सवासवैः । एवमुक्त्वा ततो देवौ तत्रैवान्तरधीयताम्

devāvūcatuḥ / asminsthāne sthitau viddhi saha devaiḥ savāsavaiḥ / evamuktvā tato devau tatraivāntaradhīyatām

Sanskrit only: no published translation is held for this verse.

अहं च स्थापयित्वा तौ शङ्करं कृष्णमव्ययम् । कृतकृत्यस्ततो जातः सम्पूज्य सुसमाहितः

ahaṃ ca sthāpayitvā tau śaṅkaraṃ kṛṣṇamavyayam / kṛtakṛtyastato jātaḥ sampūjya susamāhitaḥ

Sanskrit only: no published translation is held for this verse.

तस्मिंस्तीर्थे नरः स्नात्वा पूजयेत् परमेश्वरम् । मार्कण्डेश्वरनाम्ना वै विष्णुं त्रिभुवनेश्वरम्

tasmiṃstīrthe naraḥ snātvā pūjayet parameśvaram / mārkaṇḍeśvaranāmnā vai viṣṇuṃ tribhuvaneśvaram

Sanskrit only: no published translation is held for this verse.

स गच्छेत्परमं स्थानं वैष्णवं शैवमेव च । घृतेन पयसा वाथ दध्ना च मधुना तथा

sa gacchetparamaṃ sthānaṃ vaiṣṇavaṃ śaivameva ca / ghṛtena payasā vātha dadhnā ca madhunā tathā

Sanskrit only: no published translation is held for this verse.

नार्मदेनोदकेनाथ गन्धधूपैः सुशोभनैः । पुष्पोपहारैश्च तथा नैवेद्यैर् नियतात्मवान्

nārmadenodakenātha gandhadhūpaiḥ suśobhanaiḥ / puṣpopahāraiśca tathā naivedyair niyatātmavān

Sanskrit only: no published translation is held for this verse.

एवं विष्णोः प्रकुर्वीत जागरं भक्तितत्परः । स्नानादीनि तथा राजन्प्रयतः शुचिमानसः

evaṃ viṣṇoḥ prakurvīta jāgaraṃ bhaktitatparaḥ / snānādīni tathā rājanprayataḥ śucimānasaḥ

Sanskrit only: no published translation is held for this verse.

ज्येष्ठे मासि सिते पक्षे चतुर्दश्यामुपोषितः । द्वादश्यां कारयेद् देवपूजनं वैष्णवो नरः

jyeṣṭhe māsi site pakṣe caturdaśyāmupoṣitaḥ / dvādaśyāṃ kārayed devapūjanaṃ vaiṣṇavo naraḥ

Sanskrit only: no published translation is held for this verse.

एवं कृत्वा चतुर्दश्यामेकादश्यां नरोत्तम । वैष्णवं लोकम् आप्नोति विष्णुतुल्यो भवेन्नरः

evaṃ kṛtvā caturdaśyāmekādaśyāṃ narottama / vaiṣṇavaṃ lokam āpnoti viṣṇutulyo bhavennaraḥ

Sanskrit only: no published translation is held for this verse.

माहेश्वरे च राजेन्द्र गणवन्मोदते पुरे । श्राद्धं च कुरुते तत्र पित्ःन् उद्दिश्य सुस्थिरः

māheśvare ca rājendra gaṇavanmodate pure / śrāddhaṃ ca kurute tatra pitḥn uddiśya susthiraḥ

Sanskrit only: no published translation is held for this verse.

तस्य ते ह्यक्षयां तृप्तिं प्राप्नुवन्ति न संशयः । नर्मदायां द्विजः स्नात्वा मौनी नियतमानसः

tasya te hyakṣayāṃ tṛptiṃ prāpnuvanti na saṃśayaḥ / narmadāyāṃ dvijaḥ snātvā maunī niyatamānasaḥ

Sanskrit only: no published translation is held for this verse.

उपास्य सन्ध्यां तत्रस्थो जपं कृत्वा सुशोभनम् । तर्पयित्वा पित्ःन्देवान्मनुष्यांश्च यथाविधि

upāsya sandhyāṃ tatrastho japaṃ kṛtvā suśobhanam / tarpayitvā pitḥndevānmanuṣyāṃśca yathāvidhi

Sanskrit only: no published translation is held for this verse.

कृष्णस्य पुरतः स्थित्वा मार्कण्डेशस्य वा पुनः । ऋग्यजुःसाममन्त्रांश्च जपेदत्र प्रयत्नतः

kṛṣṇasya purataḥ sthitvā mārkaṇḍeśasya vā punaḥ / ṛgyajuḥsāmamantrāṃśca japedatra prayatnataḥ

Sanskrit only: no published translation is held for this verse.

ऋचमेकां जपेद्यस्तु ऋग्वेदस्य फलं लभेत् । यजुर्वेदस्य यजुषा साम्ना सामफलं लभेत्

ṛcamekāṃ japedyastu ṛgvedasya phalaṃ labhet / yajurvedasya yajuṣā sāmnā sāmaphalaṃ labhet

Sanskrit only: no published translation is held for this verse.

एकस्मिन्भोजिते विप्रे कोटिर्भवति भोजिता । मृतप्रजा तु या नारी वन्ध्या स्त्रीजननी तथा

ekasminbhojite vipre koṭirbhavati bhojitā / mṛtaprajā tu yā nārī vandhyā strījananī tathā

Sanskrit only: no published translation is held for this verse.

रुद्रांस्तु विधिवज्जप्त्वा ब्राह्मणो वेदतत्त्ववित् । लिङ्गस्य दक्षिणे पार्श्वे स्थापयेत् कलशं शिवम्

rudrāṃstu vidhivajjaptvā brāhmaṇo vedatattvavit / liṅgasya dakṣiṇe pārśve sthāpayet kalaśaṃ śivam

Sanskrit only: no published translation is held for this verse.

रुद्रैकादशभिर्मन्त्रैः स्नापयेत् कलशाम्भसा । पुत्रमाप्नोति राजेन्द्र दीर्घायुषमकल्मषम्

rudraikādaśabhirmantraiḥ snāpayet kalaśāmbhasā / putramāpnoti rājendra dīrghāyuṣamakalmaṣam

Sanskrit only: no published translation is held for this verse.

मार्कण्डेश्वरवृक्षान्यो दूरस्थान् अपि पश्यति । ब्रह्महत्यादिपापेभ्यो मुच्यते शङ्करो ऽब्रवीत्

mārkaṇḍeśvaravṛkṣānyo dūrasthān api paśyati / brahmahatyādipāpebhyo mucyate śaṅkaro 'bravīt

Sanskrit only: no published translation is held for this verse.

य इदं शृणुयाद्भक्त्या पठेद्वा नृपसत्तम । सर्वपापविशुद्धात्मा जायते नात्र संशयः

ya idaṃ śṛṇuyādbhaktyā paṭhedvā nṛpasattama / sarvapāpaviśuddhātmā jāyate nātra saṃśayaḥ

Sanskrit only: no published translation is held for this verse.

इदं यशस्यमायुष्यं धन्यं दुःखप्रणाशनम् । पठतां शृण्वतां वापि सर्वपापप्रमोचनम्

idaṃ yaśasyamāyuṣyaṃ dhanyaṃ duḥkhapraṇāśanam / paṭhatāṃ śṛṇvatāṃ vāpi sarvapāpapramocanam

Sanskrit only: no published translation is held for this verse.