Revakhanda of the Vayupurana 170

कामप्रमोदिनीसख्यो नीयमानां च तेन तु । दृष्ट्वा ताश् चुक्रुशुः सर्वा निःसृत्य जलमध्यतः

kāmapramodinīsakhyo nīyamānāṃ ca tena tu / dṛṣṭvā tāś cukruśuḥ sarvā niḥsṛtya jalamadhyataḥ

Sanskrit only: no published translation is held for this verse.

गता राजगृहे सर्वाः कथयन्ति सुदुःखिताः । कामप्रमोदिनी राजन्हृता श्येनेन पक्षिणा

gatā rājagṛhe sarvāḥ kathayanti suduḥkhitāḥ / kāmapramodinī rājanhṛtā śyenena pakṣiṇā

Sanskrit only: no published translation is held for this verse.

क्रीडन्ती च जलस्थाने तडागे देवसन्निधौ । अन्वेष्या च त्वया राजंस्तस्य मार्गं विजानता

krīḍantī ca jalasthāne taḍāge devasannidhau / anveṣyā ca tvayā rājaṃstasya mārgaṃ vijānatā

Sanskrit only: no published translation is held for this verse.

तासां तद्वचनं श्रुत्वा देवपन्नः सुदुःखितः । हाहेत्युक्त्वा समुत्थाय रुदमानो वरासनात्

tāsāṃ tadvacanaṃ śrutvā devapannaḥ suduḥkhitaḥ / hāhetyuktvā samutthāya rudamāno varāsanāt

Sanskrit only: no published translation is held for this verse.

मन्त्रिभिः सहितस्तस्मिंस्तडागे जलसन्निधौ । न चिह्नं न च पन्थानं दृष्ट्वा दुःखान्मुमोह च

mantribhiḥ sahitastasmiṃstaḍāge jalasannidhau / na cihnaṃ na ca panthānaṃ dṛṣṭvā duḥkhānmumoha ca

Sanskrit only: no published translation is held for this verse.

तस्य राज्ञस्तु दुःखेन दुःखितो नागरो जनः । क्षणेनाश्वासितो राजा मन्त्रिभिः सपुरोहितैः

tasya rājñastu duḥkhena duḥkhito nāgaro janaḥ / kṣaṇenāśvāsito rājā mantribhiḥ sapurohitaiḥ

Sanskrit only: no published translation is held for this verse.

किं कुर्म इत्युवाचेदमस्मिन्काले विधीयताम् । सर्वैस्तत्संविदं कृत्वा वाहिनीं चतुरङ्गिणीम्

kiṃ kurma ityuvācedamasminkāle vidhīyatām / sarvaistatsaṃvidaṃ kṛtvā vāhinīṃ caturaṅgiṇīm

Sanskrit only: no published translation is held for this verse.

प्रेषयामि दिशः सर्वा हस्त्यश्वरथसंकुला । वादित्राणि च वाद्यन्ते व्याकुलीभूतसंकुले

preṣayāmi diśaḥ sarvā hastyaśvarathasaṃkulā / vāditrāṇi ca vādyante vyākulībhūtasaṃkule

Sanskrit only: no published translation is held for this verse.

नाराचैस्तोमरैर्भल्लैः खड्गैः परश्वधादिभिः । राजा संनाहबद्धो ऽभूद्गनं ग्रसते किल

nārācaistomarairbhallaiḥ khaḍgaiḥ paraśvadhādibhiḥ / rājā saṃnāhabaddho 'bhūdganaṃ grasate kila

Sanskrit only: no published translation is held for this verse.

न देवो न च गन्धर्वो न दैत्यो न च राक्षसः । किं करिष्यति राजाद्य न जाने रोषनिष्कृतिम्

na devo na ca gandharvo na daityo na ca rākṣasaḥ / kiṃ kariṣyati rājādya na jāne roṣaniṣkṛtim

Sanskrit only: no published translation is held for this verse.

नागरो ऽपि जनस्तत्र दृष्ट्वा चकितमानसः । चतुर्दशसहस्राणि दन्तिनां सृणिधारिणाम्

nāgaro 'pi janastatra dṛṣṭvā cakitamānasaḥ / caturdaśasahasrāṇi dantināṃ sṛṇidhāriṇām

Sanskrit only: no published translation is held for this verse.

अश्वारोहसहस्राणि ह्यशीतिः शस्त्रपाणिनाम् । रथानां त्रिसहस्राणि विंशतिर्भरतर्षभ

aśvārohasahasrāṇi hyaśītiḥ śastrapāṇinām / rathānāṃ trisahasrāṇi viṃśatirbharatarṣabha

Sanskrit only: no published translation is held for this verse.

सङ्ग्रामभेरीनिनदैः खुररेणुर्नभोगता । एतस्मिन्नन्तरे तात रक्षको नगरस्य हि

saṅgrāmabherīninadaiḥ khurareṇurnabhogatā / etasminnantare tāta rakṣako nagarasya hi

Sanskrit only: no published translation is held for this verse.

गृहीत्वाभरणं तस्यास्त्वङ्गप्रत्यङ्गिकं तथा । कुण्डलाङ्गदकेयूरहारनूपुरझल्लरीः

gṛhītvābharaṇaṃ tasyāstvaṅgapratyaṅgikaṃ tathā / kuṇḍalāṅgadakeyūrahāranūpurajhallarīḥ

Sanskrit only: no published translation is held for this verse.

निवेद्याकथयद्राज्ञे मया दृष्टं त्ववेक्षणात् । तापसानामाश्रमे तु माण्डव्यो यत्र तिष्ठति

nivedyākathayadrājñe mayā dṛṣṭaṃ tvavekṣaṇāt / tāpasānāmāśrame tu māṇḍavyo yatra tiṣṭhati

Sanskrit only: no published translation is held for this verse.

तापसैर्वेष्टितो यत्र ददृशे तत्र सन्निधौ । दण्डवासिवचः श्रुत्वा प्रत्यक्षाङ्गविभूषणम्

tāpasairveṣṭito yatra dadṛśe tatra sannidhau / daṇḍavāsivacaḥ śrutvā pratyakṣāṅgavibhūṣaṇam

Sanskrit only: no published translation is held for this verse.

स क्रोधरक्तनयनो मन्त्रिणो वीक्ष्य नैगमान् । ईदृग्भूतसमाचारो ब्राह्मणो नगरे मम

sa krodharaktanayano mantriṇo vīkṣya naigamān / īdṛgbhūtasamācāro brāhmaṇo nagare mama

Sanskrit only: no published translation is held for this verse.

चौरचर्यां व्रतच्छन्नः परद्रव्यापहरकः । तेन कन्या हृता मे ऽद्य तपस्विपापकर्मिणा

cauracaryāṃ vratacchannaḥ paradravyāpaharakaḥ / tena kanyā hṛtā me 'dya tapasvipāpakarmiṇā

Sanskrit only: no published translation is held for this verse.

शाकुन्तं रूपमास्थाय जलस्थो गगनं ययौ । पाखण्डिनो विकर्मस्थान् बिडालव्रतिकाञ्छठान्

śākuntaṃ rūpamāsthāya jalastho gaganaṃ yayau / pākhaṇḍino vikarmasthān biḍālavratikāñchaṭhān

Sanskrit only: no published translation is held for this verse.

चाटुतस्करदुर्वृत्तान् हन्यान्नस्त्यस्य पातकम् । न द्रष्टव्यो मया पापः स्तेयी कन्यापहारकः

cāṭutaskaradurvṛttān hanyānnastyasya pātakam / na draṣṭavyo mayā pāpaḥ steyī kanyāpahārakaḥ

Sanskrit only: no published translation is held for this verse.

शूलम् आरोप्यतां क्षिप्रं न विचारस्तु तस्य वै । स च वध्यो मया दुष्टो रक्षोरूपी तपोधनः

śūlam āropyatāṃ kṣipraṃ na vicārastu tasya vai / sa ca vadhyo mayā duṣṭo rakṣorūpī tapodhanaḥ

Sanskrit only: no published translation is held for this verse.

एवं ब्रुवंश्चलन्क्रोधादादिश्य दण्डवासिनम् । कार्याकार्यं न विज्ञाय शूलमारोपयद्द्विजम्

evaṃ bruvaṃścalankrodhādādiśya daṇḍavāsinam / kāryākāryaṃ na vijñāya śūlamāropayaddvijam

Sanskrit only: no published translation is held for this verse.

पौरा जानपदाः सर्वे अश्रुपूर्णमुखास्तदा । हाहेत्युक्त्वा रुदन्त्यन्ये वदन्ति च पृथक्पृथक्

paurā jānapadāḥ sarve aśrupūrṇamukhāstadā / hāhetyuktvā rudantyanye vadanti ca pṛthakpṛthak

Sanskrit only: no published translation is held for this verse.

कुत्सितं च कृतं कर्म राज्ञा चण्डालचारिणा । ब्राह्मणो नैव वध्यो हि विशेषेण तपोवृतः

kutsitaṃ ca kṛtaṃ karma rājñā caṇḍālacāriṇā / brāhmaṇo naiva vadhyo hi viśeṣeṇa tapovṛtaḥ

Sanskrit only: no published translation is held for this verse.

यदि रोषसमाचारो निर्वास्यो नगराद्बहिः । न जातु ब्राह्मणं हन्यात् सर्वपापे ऽप्यवस्थितम्

yadi roṣasamācāro nirvāsyo nagarādbahiḥ / na jātu brāhmaṇaṃ hanyāt sarvapāpe 'pyavasthitam

Sanskrit only: no published translation is held for this verse.

राष्ट्रादेनं बहिष्कुर्यात् समग्रधनमक्षतम् । नाश्नाति च गृहे राजन्नाग्निर्नगरवासिनाम् । सर्वे ऽप्युद्विग्नमनसो गृहव्याप्तिविवर्जिताः

rāṣṭrādenaṃ bahiṣkuryāt samagradhanamakṣatam / nāśnāti ca gṛhe rājannāgnirnagaravāsinām / sarve 'pyudvignamanaso gṛhavyāptivivarjitāḥ

Sanskrit only: no published translation is held for this verse.