Revakhanda of the Vayupurana 172

अथ ते ऋषयः सर्वे देवाश्चेन्द्रपुरोगमाः । माण्डव्यस्याश्रमे पुण्ये समीयुर्नर्मदातटे

atha te ṛṣayaḥ sarve devāścendrapurogamāḥ / māṇḍavyasyāśrame puṇye samīyurnarmadātaṭe

Sanskrit only: no published translation is held for this verse.

शङ्खदुन्दुभिनादेन दीपिकाज्वलनेन च । अप्सरोगीतनादेन नृत्यन्त्यो वारयोषितः

śaṅkhadundubhinādena dīpikājvalanena ca / apsarogītanādena nṛtyantyo vārayoṣitaḥ

Sanskrit only: no published translation is held for this verse.

कथानकैः स्तुवत्यन्ये तस्य शूलाग्रधारिणः । अष्टाशीतिसहस्राणि स्नातकानां तपस्विनाम्

kathānakaiḥ stuvatyanye tasya śūlāgradhāriṇaḥ / aṣṭāśītisahasrāṇi snātakānāṃ tapasvinām

Sanskrit only: no published translation is held for this verse.

समाजे त्रिदशैः सार्द्धं तत्र ते च दिदृक्षया । ब्रह्मविष्णुमहेशानास्तत्र हर्षात्समागताः

samāje tridaśaiḥ sārddhaṃ tatra te ca didṛkṣayā / brahmaviṣṇumaheśānāstatra harṣātsamāgatāḥ

Sanskrit only: no published translation is held for this verse.

मातरो मल्लिकाद्याश्च क्षेत्रपाला विनायकाः । दिक्पाला लोकपालाश्च गङ्गाद्याश्च सरिद्वराः

mātaro mallikādyāśca kṣetrapālā vināyakāḥ / dikpālā lokapālāśca gaṅgādyāśca saridvarāḥ

Sanskrit only: no published translation is held for this verse.

ऋषिदेवसमाजे तु नित्यं हर्षप्रमोदने । तत्र राजा समायातः पौरजानपदैः सह

ṛṣidevasamāje tu nityaṃ harṣapramodane / tatra rājā samāyātaḥ paurajānapadaiḥ saha

Sanskrit only: no published translation is held for this verse.

दृष्ट्वा कौतूहलं तत्र व्याकुलीकृतमानसम् । वित्रस्तमनसो भूत्वा भयात्सर्वे समास्थिताः

dṛṣṭvā kautūhalaṃ tatra vyākulīkṛtamānasam / vitrastamanaso bhūtvā bhayātsarve samāsthitāḥ

Sanskrit only: no published translation is held for this verse.

तस्मिन्समागमे दिव्ये ब्रह्मविष्ण्वीशमब्रुवन् । भो माण्डव्य महासत्त्व वरदास्ते ऽमरैः सह

tasminsamāgame divye brahmaviṣṇvīśamabruvan / bho māṇḍavya mahāsattva varadāste 'maraiḥ saha

Sanskrit only: no published translation is held for this verse.

अनेककष्टतपसा तव सिद्धिर्भविष्यति । प्रार्थयस्व यथाकामं यस्ते मनसि रोचते

anekakaṣṭatapasā tava siddhirbhaviṣyati / prārthayasva yathākāmaṃ yaste manasi rocate

Sanskrit only: no published translation is held for this verse.

अनादित्यमयं लोकं निर्वषट्कारमाकुलम् । नष्टधर्मं विजानीहि प्रकृतिस्थं कुरुष्व च । अनुग्रहं तु शाण्डिल्याः प्रार्थयाम द्विजोत्तम

anādityamayaṃ lokaṃ nirvaṣaṭkāramākulam / naṣṭadharmaṃ vijānīhi prakṛtisthaṃ kuruṣva ca / anugrahaṃ tu śāṇḍilyāḥ prārthayāma dvijottama

Sanskrit only: no published translation is held for this verse.

एष ते कष्टदो राजा समायातस्तवाग्रतः । संभूषयस्व विप्रर्षे जनं देवासुरं गणम्

eṣa te kaṣṭado rājā samāyātastavāgrataḥ / saṃbhūṣayasva viprarṣe janaṃ devāsuraṃ gaṇam

Sanskrit only: no published translation is held for this verse.

यदि प्रसन्ना मे देवाः समायाताः सुरैः सह । त्रिकालमत्र तीर्थे च स्थातव्यम् ऋषिभिः सह

yadi prasannā me devāḥ samāyātāḥ suraiḥ saha / trikālamatra tīrthe ca sthātavyam ṛṣibhiḥ saha

Sanskrit only: no published translation is held for this verse.

भवतां तु प्रसादेन रुजा मे शाम्यतां सदा । एवमस्त्विति देवेशा यावज्जल्पन्ति पाण्डव

bhavatāṃ tu prasādena rujā me śāmyatāṃ sadā / evamastviti deveśā yāvajjalpanti pāṇḍava

Sanskrit only: no published translation is held for this verse.

तावद्रक्षो गृहीत्वा ऽग्रे कन्यां कामप्रमोदिनीम् । उवाच भगवञ्छापं पुरा दत्त्वोर्वशी मम

tāvadrakṣo gṛhītvā 'gre kanyāṃ kāmapramodinīm / uvāca bhagavañchāpaṃ purā dattvorvaśī mama

Sanskrit only: no published translation is held for this verse.

यदा कन्यां हरे रक्षःशापान्तस्ते भविष्यति । तेन मे गर्हितं कर्म शापेनाकृतबुद्धिना

yadā kanyāṃ hare rakṣaḥśāpāntaste bhaviṣyati / tena me garhitaṃ karma śāpenākṛtabuddhinā

Sanskrit only: no published translation is held for this verse.

क्षन्तव्यम् इति चोक्त्वा च गतश्चादर्शनं पुनः । गते चैव तु सा कन्या दृष्ट्वा पद्मदलेक्षणा

kṣantavyam iti coktvā ca gataścādarśanaṃ punaḥ / gate caiva tu sā kanyā dṛṣṭvā padmadalekṣaṇā

Sanskrit only: no published translation is held for this verse.

मन्त्रयित्वा सुरैः सर्वैर् दत्ता माण्डव्यधीमते । तां वज्रशूलिकां प्लाव्य पवित्रैर् नर्मदोदकैः

mantrayitvā suraiḥ sarvair dattā māṇḍavyadhīmate / tāṃ vajraśūlikāṃ plāvya pavitrair narmadodakaiḥ

Sanskrit only: no published translation is held for this verse.

माण्डव्यम् ऋषिमुत्तार्य जयशब्दादिमङ्गलैः । विवाहयित्वा तां कन्यां माण्डव्यर्षिपुंगवः

māṇḍavyam ṛṣimuttārya jayaśabdādimaṅgalaiḥ / vivāhayitvā tāṃ kanyāṃ māṇḍavyarṣipuṃgavaḥ

Sanskrit only: no published translation is held for this verse.

अभिवाद्य च तान् सर्वान् दानसन्मानगौरवैः । अथ राजा समीपस्थो रत्नैश्च विविधैरपि

abhivādya ca tān sarvān dānasanmānagauravaiḥ / atha rājā samīpastho ratnaiśca vividhairapi

Sanskrit only: no published translation is held for this verse.

धिग्वादैर्निन्दितः सर्वैस्तैर्जनैर्भूषितः पुनः । राज्ञा च ब्राह्मणाः सर्वे भूषणाच्छादनाशनैः

dhigvādairninditaḥ sarvaistairjanairbhūṣitaḥ punaḥ / rājñā ca brāhmaṇāḥ sarve bhūṣaṇācchādanāśanaiḥ

Sanskrit only: no published translation is held for this verse.

सुवर्णकोटिदानेन तुष्टान्कृत्वा क्षमापिताः । वृत्ते विवाह आहूय शाण्डिलीं तामथाब्रवीत्

suvarṇakoṭidānena tuṣṭānkṛtvā kṣamāpitāḥ / vṛtte vivāha āhūya śāṇḍilīṃ tāmathābravīt

Sanskrit only: no published translation is held for this verse.

मानयस्व इमान् विप्रान् मोचयस्व दिवाकरम् । अपहृत्य तमो येन कृपा सद्यः प्रवर्तते

mānayasva imān viprān mocayasva divākaram / apahṛtya tamo yena kṛpā sadyaḥ pravartate

Sanskrit only: no published translation is held for this verse.

ऋषीणां वचनं श्रुत्वा शाण्डिली दुःखिताब्रवीत् । उदिते ऽर्के तु मे भर्ता मृत्युं यास्यति भो द्विजाः

ṛṣīṇāṃ vacanaṃ śrutvā śāṇḍilī duḥkhitābravīt / udite 'rke tu me bhartā mṛtyuṃ yāsyati bho dvijāḥ

Sanskrit only: no published translation is held for this verse.

तं कथं मोचयामीह ह्यात्मनो ऽनिष्टसिद्धये । क्रियाप्रवर्तनाच् चाद्य किं कार्यं मे महर्षयः

taṃ kathaṃ mocayāmīha hyātmano 'niṣṭasiddhaye / kriyāpravartanāc cādya kiṃ kāryaṃ me maharṣayaḥ

Sanskrit only: no published translation is held for this verse.

निःपुंसी स्त्री ह्यनाथाहं भवामि भवतो मतम् । तिष्ठ त्वमन्धकारे तु नेच्छामि रविणोदयम्

niḥpuṃsī strī hyanāthāhaṃ bhavāmi bhavato matam / tiṣṭha tvamandhakāre tu necchāmi raviṇodayam

Sanskrit only: no published translation is held for this verse.

तेन वाक्येन ते सर्वे देवासुरमहर्षयः । शिरःसंचालनाः सर्वे साधु साध्विति चाब्रुवन्

tena vākyena te sarve devāsuramaharṣayaḥ / śiraḥsaṃcālanāḥ sarve sādhu sādhviti cābruvan

Sanskrit only: no published translation is held for this verse.

पतिव्रते महाभागे शृणु वाक्यं तपोधने । मन्यसे यदि नः सर्वान्कुरुष्व वचनं च यत्

pativrate mahābhāge śṛṇu vākyaṃ tapodhane / manyase yadi naḥ sarvānkuruṣva vacanaṃ ca yat

Sanskrit only: no published translation is held for this verse.

येन मे न मरेद्भर्ता येन सत्यं मुनेर् वचः । तत्कुरुध्वं विचार्याशु येन संवर्धते सुखम्

yena me na maredbhartā yena satyaṃ muner vacaḥ / tatkurudhvaṃ vicāryāśu yena saṃvardhate sukham

Sanskrit only: no published translation is held for this verse.

तस्यास्तद्वचनं श्रुत्वा स्वप्नावस्थाकृतो हृषिः । अन्तर्हितो मुहूर्तं च शाण्डिल्याश्च प्रपश्य ताम्

tasyāstadvacanaṃ śrutvā svapnāvasthākṛto hṛṣiḥ / antarhito muhūrtaṃ ca śāṇḍilyāśca prapaśya tām

Sanskrit only: no published translation is held for this verse.

पुनरादाय ते सर्वे कृत्वा निर्व्रणसत्तनुम् स्नापितो नर्मदातोये शाण्डिल्यायै समर्पितः

punarādāya te sarve kṛtvā nirvraṇasattanum snāpito narmadātoye śāṇḍilyāyai samarpitaḥ

Sanskrit only: no published translation is held for this verse.

ततः सा हृष्टमनसा पतिं दृष्ट्वा तु तैजसम् । प्रणम्य तान् ऋषीन् देवान् विमलार्कं जगत्कृतम्

tataḥ sā hṛṣṭamanasā patiṃ dṛṣṭvā tu taijasam / praṇamya tān ṛṣīn devān vimalārkaṃ jagatkṛtam

Sanskrit only: no published translation is held for this verse.

क्रियाप्रवर्तिताः सर्वे देवगन्धर्वमानुषाः । हृष्टतुष्टा गताः सर्वे स्वमाश्रमपदं महत्

kriyāpravartitāḥ sarve devagandharvamānuṣāḥ / hṛṣṭatuṣṭā gatāḥ sarve svamāśramapadaṃ mahat

Sanskrit only: no published translation is held for this verse.

पतिव्रता स्वभर्त्रा सा मासमेवाश्रमे स्थिता । माण्डव्येनाप्यनुज्ञाता ययौ नत्वा स्वमाश्रमम्

pativratā svabhartrā sā māsamevāśrame sthitā / māṇḍavyenāpyanujñātā yayau natvā svamāśramam

Sanskrit only: no published translation is held for this verse.

गतेषु तेषु सर्वेषु स्थापयामास चाच्युतम् । माण्डव्येश्वरनामानं नारायण इति स्मृतम्

gateṣu teṣu sarveṣu sthāpayāmāsa cācyutam / māṇḍavyeśvaranāmānaṃ nārāyaṇa iti smṛtam

Sanskrit only: no published translation is held for this verse.

दिव्यं वर्षसहस्रं तु पूजयामास भारत । गतो ऽसावृषिसङ्घैश्च सहितो ऽमरपर्वतम्

divyaṃ varṣasahasraṃ tu pūjayāmāsa bhārata / gato 'sāvṛṣisaṅghaiśca sahito 'maraparvatam

Sanskrit only: no published translation is held for this verse.

तपस्तपन्तौ तौ तत्र ह्यद्यापि किल भारत । भ्रातरौ संयतात्मानौ ध्यायतः परमं पदम्

tapastapantau tau tatra hyadyāpi kila bhārata / bhrātarau saṃyatātmānau dhyāyataḥ paramaṃ padam

Sanskrit only: no published translation is held for this verse.

तत्र तीर्थे तु यः स्नात्वा तर्पयेत् पितृदेवताः । पितरस्तस्य तृप्यन्ति पिण्डदानाद्दशाब्दिकम्

tatra tīrthe tu yaḥ snātvā tarpayet pitṛdevatāḥ / pitarastasya tṛpyanti piṇḍadānāddaśābdikam

Sanskrit only: no published translation is held for this verse.

देवगृहे तु पक्षादौ यः करोति विलेपनम् । गोदानशतसाहस्रे दत्ते भवति यत्फलम्

devagṛhe tu pakṣādau yaḥ karoti vilepanam / godānaśatasāhasre datte bhavati yatphalam

Sanskrit only: no published translation is held for this verse.

उपलेपनेन द्विगुणमर्चने तु चतुर्गुणम् । दीपप्रज्वलने पुण्यमष्टधा परिकीर्तितम्

upalepanena dviguṇamarcane tu caturguṇam / dīpaprajvalane puṇyamaṣṭadhā parikīrtitam

Sanskrit only: no published translation is held for this verse.

दिव्यनेत्रधरो भूत्वा त्रैलोक्ये सचराचरे । दध्ना मधुघृतैर्देवं पयसा नर्मदोदकैः

divyanetradharo bhūtvā trailokye sacarācare / dadhnā madhughṛtairdevaṃ payasā narmadodakaiḥ

Sanskrit only: no published translation is held for this verse.

स्नपनं ये प्रकुर्वन्ति पुष्पमालाविलेपनैः । ये ऽर्चयन्ति विरूपाक्षं देवं नारायणं हरिम्

snapanaṃ ye prakurvanti puṣpamālāvilepanaiḥ / ye 'rcayanti virūpākṣaṃ devaṃ nārāyaṇaṃ harim

Sanskrit only: no published translation is held for this verse.

ते ऽपि दिव्यविमानेन क्रीडन्ते कल्पसंख्यया । दीपाष्टकं तु यः कुर्याद् अष्टमीं च चतुर्दशीम्

te 'pi divyavimānena krīḍante kalpasaṃkhyayā / dīpāṣṭakaṃ tu yaḥ kuryād aṣṭamīṃ ca caturdaśīm

Sanskrit only: no published translation is held for this verse.

एकादश्यां तु कृष्णस्य न पश्यन्ति यमं तु ते । फलैर्नानाविधैः शुभ्रैर् यः कुर्याल् लिङ्गपूरणम्

ekādaśyāṃ tu kṛṣṇasya na paśyanti yamaṃ tu te / phalairnānāvidhaiḥ śubhrair yaḥ kuryāl liṅgapūraṇam

Sanskrit only: no published translation is held for this verse.

ते ऽपि यान्ति विमानेन सिद्धचारणसेविताः । घण्टा चैव पताका च विमाने पुष्पमालिका

te 'pi yānti vimānena siddhacāraṇasevitāḥ / ghaṇṭā caiva patākā ca vimāne puṣpamālikā

Sanskrit only: no published translation is held for this verse.

वादित्राणि यथार्हाणि प्रान्ते च गच्छते शिवम् । देवालयं तु यः कुर्याद् वैष्णवं माण्डवेश्वरम्

vāditrāṇi yathārhāṇi prānte ca gacchate śivam / devālayaṃ tu yaḥ kuryād vaiṣṇavaṃ māṇḍaveśvaram

Sanskrit only: no published translation is held for this verse.

स्वर्गे वसति धर्मात्मा यावदाभूतसम्प्लवम् । माण्डव्यनारायणाख्ये विप्रान् भोजयते ऽग्रतः

svarge vasati dharmātmā yāvadābhūtasamplavam / māṇḍavyanārāyaṇākhye viprān bhojayate 'grataḥ

Sanskrit only: no published translation is held for this verse.

एकस्मिन् भोजिते विप्रे कोटिर् भवति भोजिता । आश्विने मासि सम्प्राप्ते शुक्लपक्षे चतुर्दशीम्

ekasmin bhojite vipre koṭir bhavati bhojitā / āśvine māsi samprāpte śuklapakṣe caturdaśīm

Sanskrit only: no published translation is held for this verse.

कृतोपवासनियमो रात्रौ जागरणेन च । दीपमालां चतुर्दिक्षु पूजां कृत्वा तु शक्तितः

kṛtopavāsaniyamo rātrau jāgaraṇena ca / dīpamālāṃ caturdikṣu pūjāṃ kṛtvā tu śaktitaḥ

Sanskrit only: no published translation is held for this verse.

नारी वा पुरुषो वापि नृत्यगीतप्रवादनैः । प्रभाते विमले सूर्ये स्नानादिकविधिं नृप

nārī vā puruṣo vāpi nṛtyagītapravādanaiḥ / prabhāte vimale sūrye snānādikavidhiṃ nṛpa

Sanskrit only: no published translation is held for this verse.

अभिनिर्वर्त्य मौनेन पश्यते देवमीदृशम् । सर्वपापविनिर्मुक्तो रुद्रलोके महीयते

abhinirvartya maunena paśyate devamīdṛśam / sarvapāpavinirmukto rudraloke mahīyate

Sanskrit only: no published translation is held for this verse.

अथवा मार्गशीर्षे च चैत्रवैशाखयोरपि । श्रावणे वा महाराज सर्वकाले ऽथवापि च

athavā mārgaśīrṣe ca caitravaiśākhayorapi / śrāvaṇe vā mahārāja sarvakāle 'thavāpi ca

Sanskrit only: no published translation is held for this verse.

शिवरात्रिसमं पुण्यम् इत्येवं शिवभाषितम् । वाजपेयाश्वमेधाभ्यां फलं भवति नान्यथा

śivarātrisamaṃ puṇyam ityevaṃ śivabhāṣitam / vājapeyāśvamedhābhyāṃ phalaṃ bhavati nānyathā

Sanskrit only: no published translation is held for this verse.

दुर्भगा दुःखिता वन्ध्या दरिद्रा च मृतप्रजा । स्नाति रुद्रघटैर्या स्त्री सर्वान्कामानवाप्नुयात्

durbhagā duḥkhitā vandhyā daridrā ca mṛtaprajā / snāti rudraghaṭairyā strī sarvānkāmānavāpnuyāt

Sanskrit only: no published translation is held for this verse.

कृमिकीटपतङ्गाश्च तस्मिंस्तीर्थे तु ये मृताः । स्वर्गं प्रयान्ति ते सर्वे दिव्यरूपधरा नृप

kṛmikīṭapataṅgāśca tasmiṃstīrthe tu ye mṛtāḥ / svargaṃ prayānti te sarve divyarūpadharā nṛpa

Sanskrit only: no published translation is held for this verse.

अनाशके जले ऽग्नौ तु ये मृता व्याधिपीडिताः । अनिवर्तिका गतिस् तेषां रुद्रलोके ह्यसंशयम्

anāśake jale 'gnau tu ye mṛtā vyādhipīḍitāḥ / anivartikā gatis teṣāṃ rudraloke hyasaṃśayam

Sanskrit only: no published translation is held for this verse.

नित्यं नमति यो राज शिवनारायणावुभौ । गोदानफलमाप्नोति तस्य तीर्थप्रभावतः

nityaṃ namati yo rāja śivanārāyaṇāvubhau / godānaphalamāpnoti tasya tīrthaprabhāvataḥ

Sanskrit only: no published translation is held for this verse.

देवालये तु राजेन्द्र यश्च कुर्यात् प्रदक्षिणाम् । प्रदक्षिणीकृता तेन ससागरधरा धरा

devālaye tu rājendra yaśca kuryāt pradakṣiṇām / pradakṣiṇīkṛtā tena sasāgaradharā dharā

Sanskrit only: no published translation is held for this verse.

सार्द्धं शतं च तीर्थानि मल्लिकाभवनाद् बहिः । तस्य तीर्थप्रमाणं तु विस्तरं राजसत्तम

sārddhaṃ śataṃ ca tīrthāni mallikābhavanād bahiḥ / tasya tīrthapramāṇaṃ tu vistaraṃ rājasattama

Sanskrit only: no published translation is held for this verse.

सूत्रेण वेष्टयेत् क्षेत्रमथवा शिवमन्दिरम् । अथवा शिवलिङ्गं च तस्य पुण्यफलं शृणु

sūtreṇa veṣṭayet kṣetramathavā śivamandiram / athavā śivaliṅgaṃ ca tasya puṇyaphalaṃ śṛṇu

Sanskrit only: no published translation is held for this verse.

जम्बूद्वीपश्च कृतस्नश्च शाल्मली कुशक्रौञ्चकौ । शाकपुष्करगोमेदैः सप्तद्वीपा वसुंधरा

jambūdvīpaśca kṛtasnaśca śālmalī kuśakrauñcakau / śākapuṣkaragomedaiḥ saptadvīpā vasuṃdharā

Sanskrit only: no published translation is held for this verse.

भूषिता तेन राजेन्द्र सशैलवनकानना । रेवायां दक्षिणे भागे शिवक्षेत्रात्समीपतः

bhūṣitā tena rājendra saśailavanakānanā / revāyāṃ dakṣiṇe bhāge śivakṣetrātsamīpataḥ

Sanskrit only: no published translation is held for this verse.

देवखातं महापुण्यं निर्मितं त्रिदशैरपि । तस्मिन् यः कुरुते स्नानं मुच्यते सर्वपातकैः

devakhātaṃ mahāpuṇyaṃ nirmitaṃ tridaśairapi / tasmin yaḥ kurute snānaṃ mucyate sarvapātakaiḥ

Sanskrit only: no published translation is held for this verse.

पूर्णिमायाममावस्यां व्यतीपाते ऽर्कसंक्रमे । श्राद्धं च संग्रहे कुर्यात्स गच्छेत् परमां गतिम्

pūrṇimāyāmamāvasyāṃ vyatīpāte 'rkasaṃkrame / śrāddhaṃ ca saṃgrahe kuryātsa gacchet paramāṃ gatim

Sanskrit only: no published translation is held for this verse.

देवखाते त्रयो देवा ब्रह्मविष्णुमहेश्वराः । तिष्ठन्ति ऋषिभिः सार्द्धं पितृदेवगणैः सह

devakhāte trayo devā brahmaviṣṇumaheśvarāḥ / tiṣṭhanti ṛṣibhiḥ sārddhaṃ pitṛdevagaṇaiḥ saha

Sanskrit only: no published translation is held for this verse.

तत्र तीर्थे ऽश्विने मासि चतुर्दश्यां विशेषतः । वायुमार्गे स्थितः शक्रस्तिष्ठते दैवतैः सह

tatra tīrthe 'śvine māsi caturdaśyāṃ viśeṣataḥ / vāyumārge sthitaḥ śakrastiṣṭhate daivataiḥ saha

Sanskrit only: no published translation is held for this verse.

पृथिव्यां यानि तीर्थानि सरितः सागरास्तथा । विंशति तानि सर्वाणि देवखाते दिनद्वयम्

pṛthivyāṃ yāni tīrthāni saritaḥ sāgarāstathā / viṃśati tāni sarvāṇi devakhāte dinadvayam

Sanskrit only: no published translation is held for this verse.

गयाशिरे च यत्पुण्यं प्रयागे मकरकण्टके । प्रयागे सोमतीर्थे च तत्पुण्यं माण्डवेश्वरे

gayāśire ca yatpuṇyaṃ prayāge makarakaṇṭake / prayāge somatīrthe ca tatpuṇyaṃ māṇḍaveśvare

Sanskrit only: no published translation is held for this verse.

पट्टबन्धेन यत्पुण्यं मात्रायां लकुलेश्वरे । आश्विन्यामश्विनीयोगे तत्पुण्यं माण्डवेश्वरे

paṭṭabandhena yatpuṇyaṃ mātrāyāṃ lakuleśvare / āśvinyāmaśvinīyoge tatpuṇyaṃ māṇḍaveśvare

Sanskrit only: no published translation is held for this verse.

उज्जयिन्यां महाकाले वाराणस्यां त्रिपुष्करे । संनिहत्यां रविग्रस्ते माण्डव्याख्ये सनातनम्

ujjayinyāṃ mahākāle vārāṇasyāṃ tripuṣkare / saṃnihatyāṃ ravigraste māṇḍavyākhye sanātanam

Sanskrit only: no published translation is held for this verse.

इति ज्ञात्वा महाराज सर्वतीर्थेषु चोत्तमम् । पित्ःन्देवान् समभ्यर्च्य स्नानदानादिपूजनैः

iti jñātvā mahārāja sarvatīrtheṣu cottamam / pitḥndevān samabhyarcya snānadānādipūjanaiḥ

Sanskrit only: no published translation is held for this verse.

चतुर्दश्यां निराहारः स्थितो भूत्वा शुचिव्रतः । पूजयेत् परया भक्त्या रात्रौ जागरणे शिवम्

caturdaśyāṃ nirāhāraḥ sthito bhūtvā śucivrataḥ / pūjayet parayā bhaktyā rātrau jāgaraṇe śivam

Sanskrit only: no published translation is held for this verse.

स्नानैश्च विविधैर्देवं पुष्पागरुविलेपनैः । प्रभाते पौर्णमास्यां तु स्नानादिविधितर्पणैः

snānaiśca vividhairdevaṃ puṣpāgaruvilepanaiḥ / prabhāte paurṇamāsyāṃ tu snānādividhitarpaṇaiḥ

Sanskrit only: no published translation is held for this verse.

श्राद्धेन हव्यकव्येन शिवपूजार्चनेन च । अग्निष्टोमादियज्ञैश्च विधिवच्चाप्तदक्षिणैः

śrāddhena havyakavyena śivapūjārcanena ca / agniṣṭomādiyajñaiśca vidhivaccāptadakṣiṇaiḥ

Sanskrit only: no published translation is held for this verse.

धौतपापो विशुद्धात्मा फलते फलमुत्तमम् । गोसहस्रप्रदानेन दत्तं भवति भारत

dhautapāpo viśuddhātmā phalate phalamuttamam / gosahasrapradānena dattaṃ bhavati bhārata

Sanskrit only: no published translation is held for this verse.

स्नानाद्यैर् विधिवत् तत्र तद्दिने शिवसन्निधौ । हिरण्यं वृषभं धेनुं भूमिं गोमिथुनं हयम्

snānādyair vidhivat tatra taddine śivasannidhau / hiraṇyaṃ vṛṣabhaṃ dhenuṃ bhūmiṃ gomithunaṃ hayam

Sanskrit only: no published translation is held for this verse.

शिवमुद्दिश्य वै वस्त्रयुग्मे दद्यात् सुरूपिणे । पादुकोपानहौ छत्रं भाजनं रक्तवाससी

śivamuddiśya vai vastrayugme dadyāt surūpiṇe / pādukopānahau chatraṃ bhājanaṃ raktavāsasī

Sanskrit only: no published translation is held for this verse.

होमं जाप्यं तथा दानमक्षयं सर्वमेव तत् । ऋचमेकां तु ऋग्वेदे यजुर्वेदे यजुस्तथा

homaṃ jāpyaṃ tathā dānamakṣayaṃ sarvameva tat / ṛcamekāṃ tu ṛgvede yajurvede yajustathā

Sanskrit only: no published translation is held for this verse.

सामैकं सामवेदे तु जपेद् देवाग्रसंस्थितः । सम्यग्वेदफलं तस्य भवेद्वै नात्र संशयः

sāmaikaṃ sāmavede tu japed devāgrasaṃsthitaḥ / samyagvedaphalaṃ tasya bhavedvai nātra saṃśayaḥ

Sanskrit only: no published translation is held for this verse.

गायत्रीजाप्यमात्रस् तु वेदत्रयफलं लभेत् । कुलकोटिशतं साग्रं लभते तु शिवार्चनात्

gāyatrījāpyamātras tu vedatrayaphalaṃ labhet / kulakoṭiśataṃ sāgraṃ labhate tu śivārcanāt

Sanskrit only: no published translation is held for this verse.

स्नाने दाने तथा श्राद्धे जागरे गीतवादिते । अनिवर्तिका गतिस्तस्य शिवलोकात्कदाचन

snāne dāne tathā śrāddhe jāgare gītavādite / anivartikā gatistasya śivalokātkadācana

Sanskrit only: no published translation is held for this verse.

कालेन महताविष्टो मर्त्यलोके समाविशेत् । राजा भवति मेधावी सर्वव्याधिविवर्जितः

kālena mahatāviṣṭo martyaloke samāviśet / rājā bhavati medhāvī sarvavyādhivivarjitaḥ

Sanskrit only: no published translation is held for this verse.

जीवेद्वर्षशतं साग्रं पुत्रपौत्रधनान्वितः । तच्च तीर्थं पुनः स्मृत्वा लीयमानो महेश्वरे

jīvedvarṣaśataṃ sāgraṃ putrapautradhanānvitaḥ / tacca tīrthaṃ punaḥ smṛtvā līyamāno maheśvare

Sanskrit only: no published translation is held for this verse.

उपास्ते यस्तु वै सन्ध्यां तस्मिंस्तीर्थे च पर्वणि । साङ्गोपाङ्गैश् चतुर्वेदैर् लभते फलमुत्तमम्

upāste yastu vai sandhyāṃ tasmiṃstīrthe ca parvaṇi / sāṅgopāṅgaiś caturvedair labhate phalamuttamam

Sanskrit only: no published translation is held for this verse.

तत्र सर्वं शिवक्षेत्राच्छरपातं समन्ततः । न संचरेद् भयोद्विग्ना ब्रह्महत्या नराधिप

tatra sarvaṃ śivakṣetrāccharapātaṃ samantataḥ / na saṃcared bhayodvignā brahmahatyā narādhipa

Sanskrit only: no published translation is held for this verse.

यत्र तत्र स्थितो वृक्षान् पश्यते तीर्थतत्परः । विविधैः पातकैर् मुक्तो मुच्यते नात्र संशयः

yatra tatra sthito vṛkṣān paśyate tīrthatatparaḥ / vividhaiḥ pātakair mukto mucyate nātra saṃśayaḥ

Sanskrit only: no published translation is held for this verse.

श्वभ्री तत्र महाराज जलमध्ये प्रदृश्यते । कथानिका पुराणोक्ता वानरी तीर्थसेवनात्

śvabhrī tatra mahārāja jalamadhye pradṛśyate / kathānikā purāṇoktā vānarī tīrthasevanāt

Sanskrit only: no published translation is held for this verse.

तत्र कूपो महाराज तिष्ठते देवनिर्मितः । शिवस्य पश्चिमे भागे शिवक्षेत्रमनुत्तमम्

tatra kūpo mahārāja tiṣṭhate devanirmitaḥ / śivasya paścime bhāge śivakṣetramanuttamam

Sanskrit only: no published translation is held for this verse.

वृषोत्सर्गं तु यः कुर्यात्तस्मिंस्तीर्थे नराधिप । क्रीडन्ति पितरस्तस्य स्वर्गलोके यदृच्छया

vṛṣotsargaṃ tu yaḥ kuryāttasmiṃstīrthe narādhipa / krīḍanti pitarastasya svargaloke yadṛcchayā

Sanskrit only: no published translation is held for this verse.

अगम्यागमने पापम् अयाज्ययाजने कृते । स्तेयाच्च ब्रह्मगोहत्यागुरुघाताच्च पातकम् । तत्सर्वं नश्यते पापं वृषोत्सर्गे कृते तु वै

agamyāgamane pāpam ayājyayājane kṛte / steyācca brahmagohatyāgurughātācca pātakam / tatsarvaṃ naśyate pāpaṃ vṛṣotsarge kṛte tu vai

Sanskrit only: no published translation is held for this verse.

माण्डव्यतीर्थमाहात्म्यं यः शृणोति समाधिना । मुच्यते सर्वपापेभ्यो नात्र कार्या विचारणा

māṇḍavyatīrthamāhātmyaṃ yaḥ śṛṇoti samādhinā / mucyate sarvapāpebhyo nātra kāryā vicāraṇā

Sanskrit only: no published translation is held for this verse.