Revakhanda of the Vayupurana 173

ततो गच्छेत्तु राजेन्द्र तीर्थं परमशोभनम् । नर्मदादक्षिणे कूले सर्वपापप्रणाशनम्

tato gacchettu rājendra tīrthaṃ paramaśobhanam / narmadādakṣiṇe kūle sarvapāpapraṇāśanam

Sanskrit only: no published translation is held for this verse.

सिद्धेश्वरमिति ख्यातं महापातकनाशनम् । यत्र शुद्धिं परां प्राप्तो देवदेवो महेश्वरः । पुरा हत्यायुतः पार्थ देवदेवस् त्रिशूलधृक्

siddheśvaramiti khyātaṃ mahāpātakanāśanam / yatra śuddhiṃ parāṃ prāpto devadevo maheśvaraḥ / purā hatyāyutaḥ pārtha devadevas triśūladhṛk

Sanskrit only: no published translation is held for this verse.

पुरा पञ्चशिरा आसीद्ब्रह्मा लोकपितामहः । तेनानृतं वचश्चोक्तं कस्मिंश्चित्कारणान्तरे

purā pañcaśirā āsīdbrahmā lokapitāmahaḥ / tenānṛtaṃ vacaścoktaṃ kasmiṃścitkāraṇāntare

Sanskrit only: no published translation is held for this verse.

तच्छ्रुत्वा सहसा तस्मै चुकोप परमेश्वरः । छेदयामास भगवान्मूर्धानं करजैस्तदा

tacchrutvā sahasā tasmai cukopa parameśvaraḥ / chedayāmāsa bhagavānmūrdhānaṃ karajaistadā

Sanskrit only: no published translation is held for this verse.

तस्य तत्करसंलग्नं च्यवते न कदाचन । ततो हि देवदेवेशः पर्यटन् पृथिवीमिमाम्

tasya tatkarasaṃlagnaṃ cyavate na kadācana / tato hi devadeveśaḥ paryaṭan pṛthivīmimām

Sanskrit only: no published translation is held for this verse.

ततो वाराणसीं प्राप्तस्तस्यां तदपतच्छिरः । पतिते तु कपाले च ब्रह्महत्या न मुञ्चति

tato vārāṇasīṃ prāptastasyāṃ tadapatacchiraḥ / patite tu kapāle ca brahmahatyā na muñcati

Sanskrit only: no published translation is held for this verse.

ततस्तु सागरे गत्वा पूर्वे च दक्षिणे तथा । पश्चिमे चोत्तरे पार्थ देवदेवो महेश्वरः

tatastu sāgare gatvā pūrve ca dakṣiṇe tathā / paścime cottare pārtha devadevo maheśvaraḥ

Sanskrit only: no published translation is held for this verse.

पर्यटन्सर्वतीर्थेषु ब्रह्महत्या न मुञ्चति । नर्मदादक्षिणे कूले सुतीर्थं प्राप्तवान् प्रभुः

paryaṭansarvatīrtheṣu brahmahatyā na muñcati / narmadādakṣiṇe kūle sutīrthaṃ prāptavān prabhuḥ

Sanskrit only: no published translation is held for this verse.

कुलकोटिं समासाद्य प्रार्थयामास चात्मवान् । प्रायश्चित्तं ततः कृत्वा बभूव गतकल्मषः

kulakoṭiṃ samāsādya prārthayāmāsa cātmavān / prāyaścittaṃ tataḥ kṛtvā babhūva gatakalmaṣaḥ

Sanskrit only: no published translation is held for this verse.

ततो निष्कल्मषो जातो देवदेवो महेश्वरः । हत्वा सुरेभ्यस्तत्स्थानं ततश्चान्तर्दधे प्रभुः

tato niṣkalmaṣo jāto devadevo maheśvaraḥ / hatvā surebhyastatsthānaṃ tataścāntardadhe prabhuḥ

Sanskrit only: no published translation is held for this verse.

तदाप्रभृति तत्तीर्थं शुद्धरुद्रेति कीर्तितम् । विख्यातं त्रिषु लोके ब्रह्महत्याहरं परम्

tadāprabhṛti tattīrthaṃ śuddharudreti kīrtitam / vikhyātaṃ triṣu loke brahmahatyāharaṃ param

Sanskrit only: no published translation is held for this verse.

मासे मासे सिते पक्षे ऽमावास्यायां युधिष्ठिर । स्नात्वा तत्र विधानेन तर्पयेत् पितृदेवताः

māse māse site pakṣe 'māvāsyāyāṃ yudhiṣṭhira / snātvā tatra vidhānena tarpayet pitṛdevatāḥ

Sanskrit only: no published translation is held for this verse.

दद्यात् पिण्डं पित्ःणां तु भावितेनान्तरात्मना । तस्य ते द्वादशाब्दानि सुतृप्ताः पितरो नृप

dadyāt piṇḍaṃ pitḥṇāṃ tu bhāvitenāntarātmanā / tasya te dvādaśābdāni sutṛptāḥ pitaro nṛpa

Sanskrit only: no published translation is held for this verse.

गन्धधूपप्रदीपाद्यैरभ्यर्च्य परमेश्वरम् । शुद्धेश्वराभिधानं तु शिवलोके महीयते

gandhadhūpapradīpādyairabhyarcya parameśvaram / śuddheśvarābhidhānaṃ tu śivaloke mahīyate

Sanskrit only: no published translation is held for this verse.

एतत्ते कथितं राजञ्छुद्धरुद्रम् अनुत्तमम् । मया श्रुतं यथा देवसकाशाच्छूलपाणिनः । मुच्यते सर्वपापेभ्यो रुद्रलोकं स गच्छति

etatte kathitaṃ rājañchuddharudram anuttamam / mayā śrutaṃ yathā devasakāśācchūlapāṇinaḥ / mucyate sarvapāpebhyo rudralokaṃ sa gacchati

Sanskrit only: no published translation is held for this verse.