Revakhanda of the Vayupurana 178

ततो गच्छेत्तु राजेन्द्र गङ्गावाहकमुत्तमम् । नर्मदायां महापुण्यं भृगुतीर्थसमीपतः

tato gacchettu rājendra gaṅgāvāhakamuttamam / narmadāyāṃ mahāpuṇyaṃ bhṛgutīrthasamīpataḥ

Sanskrit only: no published translation is held for this verse.

तत्र गङ्गा महापुण्या चचार विपुलं तपः । पुरा वर्षशतं साग्रं परमं व्रतमास्थिता

tatra gaṅgā mahāpuṇyā cacāra vipulaṃ tapaḥ / purā varṣaśataṃ sāgraṃ paramaṃ vratamāsthitā

Sanskrit only: no published translation is held for this verse.

ध्यात्वा देवं जगद्योनिं नारायणमकल्मषम् । आत्मानं परमं धाम सरित्सा जगतीपते

dhyātvā devaṃ jagadyoniṃ nārāyaṇamakalmaṣam / ātmānaṃ paramaṃ dhāma saritsā jagatīpate

Sanskrit only: no published translation is held for this verse.

ततो जनार्दनो देव आगत्येदमुवाच ह

tato janārdano deva āgatyedamuvāca ha

Sanskrit only: no published translation is held for this verse.

तपसा तव तुष्टो ऽहं मत्पादाम्बुजसम्भवे । मत्तः किमिच्छसे देवि ब्रूहि किं करवाणि ते

tapasā tava tuṣṭo 'haṃ matpādāmbujasambhave / mattaḥ kimicchase devi brūhi kiṃ karavāṇi te

Sanskrit only: no published translation is held for this verse.

त्वत्पादकमलाद्भ्रष्टा गङ्गा सहचरा विभो । यदृच्छया त्रिलोकेश वन्द्यमाना दिवौकसैः

tvatpādakamalādbhraṣṭā gaṅgā sahacarā vibho / yadṛcchayā trilokeśa vandyamānā divaukasaiḥ

Sanskrit only: no published translation is held for this verse.

नृपो भगीरथस् तस्मात् तपः कृत्वा सुदुष्करम् । समाराध्य जगन्नाथं शङ्करं लोकशङ्करम्

nṛpo bhagīrathas tasmāt tapaḥ kṛtvā suduṣkaram / samārādhya jagannāthaṃ śaṅkaraṃ lokaśaṅkaram

Sanskrit only: no published translation is held for this verse.

अवतारयामास हि मां पृथिव्यां धरणीधर । मया वै युवयोर् वाक्यादवतारः कृतो भुवि

avatārayāmāsa hi māṃ pṛthivyāṃ dharaṇīdhara / mayā vai yuvayor vākyādavatāraḥ kṛto bhuvi

Sanskrit only: no published translation is held for this verse.

वैष्णवीमिति मां मत्वा जनः सर्वाप्लुतो मयि । ये वै ब्रह्मणो लोके ये च वै गुरुतल्पगाः

vaiṣṇavīmiti māṃ matvā janaḥ sarvāpluto mayi / ye vai brahmaṇo loke ye ca vai gurutalpagāḥ

Sanskrit only: no published translation is held for this verse.

त्यागिनः पितृमातृभ्यां ये च स्वर्णहरा नराः । गोघ्ना ये मनुजा लोके तथा ये प्राणिहिंसकाः

tyāginaḥ pitṛmātṛbhyāṃ ye ca svarṇaharā narāḥ / goghnā ye manujā loke tathā ye prāṇihiṃsakāḥ

Sanskrit only: no published translation is held for this verse.

अगम्यागामिनो ये च ह्यभक्ष्यस्य च भक्षकाः । ये चानृतप्रवक्तारो ये च विश्वासघातकाः

agamyāgāmino ye ca hyabhakṣyasya ca bhakṣakāḥ / ye cānṛtapravaktāro ye ca viśvāsaghātakāḥ

Sanskrit only: no published translation is held for this verse.

देवब्राह्मणवित्तानां हर्तारो ये नराधमाः । देवब्रह्मगुरुस्त्रीणां ये च निन्दाकरा नराः

devabrāhmaṇavittānāṃ hartāro ye narādhamāḥ / devabrahmagurustrīṇāṃ ye ca nindākarā narāḥ

Sanskrit only: no published translation is held for this verse.

ब्रह्मशापप्रदग्धा ये ये चैवात्महनो द्विजाः । भ्रष्टानशनसंन्यासनियतव्रतचारिणः

brahmaśāpapradagdhā ye ye caivātmahano dvijāḥ / bhraṣṭānaśanasaṃnyāsaniyatavratacāriṇaḥ

Sanskrit only: no published translation is held for this verse.

तथैवापेयपेयाश्च ये च स्वगुरुनिन्दकाः । निषेधका ये दानानां पात्रदानपराङ्मुखाः

tathaivāpeyapeyāśca ye ca svagurunindakāḥ / niṣedhakā ye dānānāṃ pātradānaparāṅmukhāḥ

Sanskrit only: no published translation is held for this verse.

ऋतुघ्ना ये स्वपत्नीनां पित्रोः सेहपरा न हि । बान्धवेषु च दीनेषु करुणा यस्य नास्ति वै

ṛtughnā ye svapatnīnāṃ pitroḥ sehaparā na hi / bāndhaveṣu ca dīneṣu karuṇā yasya nāsti vai

Sanskrit only: no published translation is held for this verse.

क्षेत्रसेतुविभेदी च पूर्वमार्गप्रलोपकः । नास्तिकः शास्त्रहीनस्तु विप्रः सन्ध्याविवर्जितः

kṣetrasetuvibhedī ca pūrvamārgapralopakaḥ / nāstikaḥ śāstrahīnastu vipraḥ sandhyāvivarjitaḥ

Sanskrit only: no published translation is held for this verse.

अहुताशी ह्यसंतुष्टः सर्वाशी सर्वविक्रयी । कदर्या नास्तिकाः क्रूराः कृतघ्ना ये द्विजायः

ahutāśī hyasaṃtuṣṭaḥ sarvāśī sarvavikrayī / kadaryā nāstikāḥ krūrāḥ kṛtaghnā ye dvijāyaḥ

Sanskrit only: no published translation is held for this verse.

पैशुन्या रसविक्रेयाः सर्वकालविनाकृताः । स्वगोत्रां परगोत्रां वा ये भुञ्जन्ति द्विजाधमाः

paiśunyā rasavikreyāḥ sarvakālavinākṛtāḥ / svagotrāṃ paragotrāṃ vā ye bhuñjanti dvijādhamāḥ

Sanskrit only: no published translation is held for this verse.

ते मां प्राप्य विमुच्यन्ते पापसङ्घैः सुसंचितैः । तत्पापक्षारतप्ताया न शर्म मम विद्यते

te māṃ prāpya vimucyante pāpasaṅghaiḥ susaṃcitaiḥ / tatpāpakṣārataptāyā na śarma mama vidyate

Sanskrit only: no published translation is held for this verse.

तथा कुरु जगन्नाथ यथाहं शर्म चाप्नुयाम् । एवमुक्तस्तु देवेशस्तुष्टः प्रोवाच जाह्नवीम्

tathā kuru jagannātha yathāhaṃ śarma cāpnuyām / evamuktastu deveśastuṣṭaḥ provāca jāhnavīm

Sanskrit only: no published translation is held for this verse.

अहमत्र वसिष्यामि गङ्गाधरसहायवान् । प्रविशस्व सदा रेवां त्वमत्रैव च मूर्तिना

ahamatra vasiṣyāmi gaṅgādharasahāyavān / praviśasva sadā revāṃ tvamatraiva ca mūrtinā

Sanskrit only: no published translation is held for this verse.

मम पादतलं प्राप्य वह त्रिपथगामिनि । यदा बहूदककाले नर्मदाजलसंभृता

mama pādatalaṃ prāpya vaha tripathagāmini / yadā bahūdakakāle narmadājalasaṃbhṛtā

Sanskrit only: no published translation is held for this verse.

प्रावृट्कालं समासाद्य भविष्यति जलाकुला । प्लाव्योभयतटं देवी प्राप्य मामुत्तरस्थितम्

prāvṛṭkālaṃ samāsādya bhaviṣyati jalākulā / plāvyobhayataṭaṃ devī prāpya māmuttarasthitam

Sanskrit only: no published translation is held for this verse.

प्लावयिष्यति तोयेन यदा शङ्खं करे स्थितम् । तदा पर्वशतोद्युक्तं वैष्णवं पर्वसंज्ञितम्

plāvayiṣyati toyena yadā śaṅkhaṃ kare sthitam / tadā parvaśatodyuktaṃ vaiṣṇavaṃ parvasaṃjñitam

Sanskrit only: no published translation is held for this verse.

न तेन सदृशं किंचिद्व्यतीपातादिसंक्रमम् । अयने द्वे च न तथा पुण्यात्पुण्यतरं यथा

na tena sadṛśaṃ kiṃcidvyatīpātādisaṃkramam / ayane dve ca na tathā puṇyātpuṇyataraṃ yathā

Sanskrit only: no published translation is held for this verse.

तस्मिन्पर्वणि देवेशि शङ्खं संस्पृश्य मानवः । स्नानमाचरते तोये मिश्रे गाङ्गेयनार्मदे

tasminparvaṇi deveśi śaṅkhaṃ saṃspṛśya mānavaḥ / snānamācarate toye miśre gāṅgeyanārmade

Sanskrit only: no published translation is held for this verse.

पुण्यं त्वशेषपुण्यानां मङ्गलानां च मङ्गलम् । विष्णुना विधृतो येन तस्माच्छान्तिः प्रचक्रमे

puṇyaṃ tvaśeṣapuṇyānāṃ maṅgalānāṃ ca maṅgalam / viṣṇunā vidhṛto yena tasmācchāntiḥ pracakrame

Sanskrit only: no published translation is held for this verse.

तत्रान्तं पापसङ्घस्य ध्रुवमाप्नोति मानवः । शङ्खोद्धारे नरः स्नात्वा तर्पयेत् पितृदेवताः

tatrāntaṃ pāpasaṅghasya dhruvamāpnoti mānavaḥ / śaṅkhoddhāre naraḥ snātvā tarpayet pitṛdevatāḥ

Sanskrit only: no published translation is held for this verse.

तृप्तास्ते द्वादशाब्दानि सिद्धिं च सार्वकामिकीम् । गङ्गावहे तु यः श्राद्धं शङ्खोद्धारे प्रदास्यति

tṛptāste dvādaśābdāni siddhiṃ ca sārvakāmikīm / gaṅgāvahe tu yaḥ śrāddhaṃ śaṅkhoddhāre pradāsyati

Sanskrit only: no published translation is held for this verse.

तेन पिण्डप्रदानेन नृत्यन्ति पितरस्तथा । शङ्खोद्धारे नरः स्नात्वा पूजयेद् बलकेशवौ

tena piṇḍapradānena nṛtyanti pitarastathā / śaṅkhoddhāre naraḥ snātvā pūjayed balakeśavau

Sanskrit only: no published translation is held for this verse.

रात्रौ जागरणं कृत्वा शुद्धो भवति जाह्नवि । यत्त्वं लोककृतं कर्म मन्यसे भुवि दुःसहम्

rātrau jāgaraṇaṃ kṛtvā śuddho bhavati jāhnavi / yattvaṃ lokakṛtaṃ karma manyase bhuvi duḥsaham

Sanskrit only: no published translation is held for this verse.

तस्मिन्पर्वणि तत्सर्वं तत्र स्नात्वा व्यपोहय । एवमुक्त्वा नरश्रेष्ठ विष्णुश्चान्तरधीयत

tasminparvaṇi tatsarvaṃ tatra snātvā vyapohaya / evamuktvā naraśreṣṭha viṣṇuścāntaradhīyata

Sanskrit only: no published translation is held for this verse.

तदाप्रभृति तत्तीर्थं गङ्गावाहकमुत्तमम् । ब्रह्माद्यैरृषिभिस्तात पारम्पर्यक्रमागतैः

tadāprabhṛti tattīrthaṃ gaṅgāvāhakamuttamam / brahmādyairṛṣibhistāta pāramparyakramāgataiḥ

Sanskrit only: no published translation is held for this verse.

तत्र तीर्थे तु यः स्नात्वा भक्तिभावेन भारत । गङ्गातीर्थे तु स स्नातः समस्तेषु न संशयः

tatra tīrthe tu yaḥ snātvā bhaktibhāvena bhārata / gaṅgātīrthe tu sa snātaḥ samasteṣu na saṃśayaḥ

Sanskrit only: no published translation is held for this verse.

तत्र तीर्थे मृतानां तु नराणां भावितात्मनाम् । अनिवर्तिका गतिस्तेषां विष्णुलोकात्कदाचन

tatra tīrthe mṛtānāṃ tu narāṇāṃ bhāvitātmanām / anivartikā gatisteṣāṃ viṣṇulokātkadācana

Sanskrit only: no published translation is held for this verse.