Revakhanda of the Vayupurana 179

ततो गच्छेत्तु राजेन्द्र गौतमेश्वरमुत्तमम् । सर्वपापहरं तीर्थं त्रिषु लोकेषु विश्रुतम्

tato gacchettu rājendra gautameśvaramuttamam / sarvapāpaharaṃ tīrthaṃ triṣu lokeṣu viśrutam

Sanskrit only: no published translation is held for this verse.

गौतमेन तपस्तप्तं तत्र तीर्थे युधिष्ठिर । दिव्यं वर्षसहस्रं तु ततस्तुष्टो महेश्वरः

gautamena tapastaptaṃ tatra tīrthe yudhiṣṭhira / divyaṃ varṣasahasraṃ tu tatastuṣṭo maheśvaraḥ

Sanskrit only: no published translation is held for this verse.

प्रणम्य शिरसा तत्र स्थापितः परमेश्वरः । स्थापितो गौतमेनेशो गौतमेश्वर उच्यते

praṇamya śirasā tatra sthāpitaḥ parameśvaraḥ / sthāpito gautameneśo gautameśvara ucyate

Sanskrit only: no published translation is held for this verse.

तत्र देवैश्च गन्धर्वैर् ऋषिभिः पितृदैवतैः । सम्प्राप्ता ह्युत्तमा सिद्धिर् आराध्य परमेश्वरम्

tatra devaiśca gandharvair ṛṣibhiḥ pitṛdaivataiḥ / samprāptā hyuttamā siddhir ārādhya parameśvaram

Sanskrit only: no published translation is held for this verse.

तत्र तीर्थे तु यः स्नात्वा पूजयेत् पितृदेवताः । पूजयेत् परमीशानं सर्वपापैः प्रमुच्यते

tatra tīrthe tu yaḥ snātvā pūjayet pitṛdevatāḥ / pūjayet paramīśānaṃ sarvapāpaiḥ pramucyate

Sanskrit only: no published translation is held for this verse.

बहवस्तन्न जानन्ति विष्णुमायाविमोहिताः । तत्र संनिहितं देवं शूलपाणिं महेश्वरम्

bahavastanna jānanti viṣṇumāyāvimohitāḥ / tatra saṃnihitaṃ devaṃ śūlapāṇiṃ maheśvaram

Sanskrit only: no published translation is held for this verse.

ब्रह्मचारी तु यो भूत्वा तत्र तीर्थे नरेश्वर । स्नात्वार्चयेन् महादेवं सो ऽश्वमेधफलं लभेत्

brahmacārī tu yo bhūtvā tatra tīrthe nareśvara / snātvārcayen mahādevaṃ so 'śvamedhaphalaṃ labhet

Sanskrit only: no published translation is held for this verse.

ब्रह्मचारी तु यो भूत्वा तर्पयेत् पितृदेवताः । पूजयेत् परमीशानं सर्वपापैः प्रमुच्यते

brahmacārī tu yo bhūtvā tarpayet pitṛdevatāḥ / pūjayet paramīśānaṃ sarvapāpaiḥ pramucyate

Sanskrit only: no published translation is held for this verse.

तत्र तीर्थे तु यो दानं भक्त्या दद्याद् द्विजातये । तदक्षयफलं सर्वं नात्र कार्या विचारणा

tatra tīrthe tu yo dānaṃ bhaktyā dadyād dvijātaye / tadakṣayaphalaṃ sarvaṃ nātra kāryā vicāraṇā

Sanskrit only: no published translation is held for this verse.

मासे चाश्वयुजे राजन् कृष्णपक्षे चतुर्दशीम् । स्नात्वा तत्र विधानेन दीपकानां शतं ददेत्

māse cāśvayuje rājan kṛṣṇapakṣe caturdaśīm / snātvā tatra vidhānena dīpakānāṃ śataṃ dadet

Sanskrit only: no published translation is held for this verse.

पूजयित्वा महादेवं गन्धपुष्पादिभिर् नरः । मुच्यते सर्वपापेभ्यो मृतः शिवपुरं व्रजेत्

pūjayitvā mahādevaṃ gandhapuṣpādibhir naraḥ / mucyate sarvapāpebhyo mṛtaḥ śivapuraṃ vrajet

Sanskrit only: no published translation is held for this verse.

अष्टम्यां च चतुर्दश्यां कार्त्तिक्यां तु विशेषतः । उपोष्य प्रयतो भूत्वा घृतेन स्नापयेच्छिवम्

aṣṭamyāṃ ca caturdaśyāṃ kārttikyāṃ tu viśeṣataḥ / upoṣya prayato bhūtvā ghṛtena snāpayecchivam

Sanskrit only: no published translation is held for this verse.

पञ्चगव्येन मधुना दध्ना वा शीतवारिणा । स च सर्वस्य यज्ञस्य फलं प्राप्नोति मानवः

pañcagavyena madhunā dadhnā vā śītavāriṇā / sa ca sarvasya yajñasya phalaṃ prāpnoti mānavaḥ

Sanskrit only: no published translation is held for this verse.

भक्त्या तु पूजयेत् पश्चात् स लभेत् फलमुत्तमम् । बिल्वपत्रैरखण्डैश्च पुष्पैरुन्मत्तकोद्भवैः

bhaktyā tu pūjayet paścāt sa labhet phalamuttamam / bilvapatrairakhaṇḍaiśca puṣpairunmattakodbhavaiḥ

Sanskrit only: no published translation is held for this verse.

कुशापामार्गसहितैः कदम्बद्रोणजैरपि । मल्लिकाकरवीरैश्च रक्तपीतैः सितासितैः

kuśāpāmārgasahitaiḥ kadambadroṇajairapi / mallikākaravīraiśca raktapītaiḥ sitāsitaiḥ

Sanskrit only: no published translation is held for this verse.

पुष्पैरन्यैर्यथालाभं यो नरः पूजयेच्छिवम् । नैरन्तर्येण षण्मासं यो ऽर्चयेद् गौतमेश्वरम् । सर्वान्कामानवाप्नोति मृतः शिवपुरं व्रजेत्

puṣpairanyairyathālābhaṃ yo naraḥ pūjayecchivam / nairantaryeṇa ṣaṇmāsaṃ yo 'rcayed gautameśvaram / sarvānkāmānavāpnoti mṛtaḥ śivapuraṃ vrajet

Sanskrit only: no published translation is held for this verse.