Revakhanda of the Vayupurana 18

निर्दग्धे ऽस्मिंस्ततो लोके सूर्यैरीश्वरसम्भवैः । सप्तभिश्चार्णवैः शुष्कैर्द्वीपैः सप्तभिरेव च

nirdagdhe 'smiṃstato loke sūryairīśvarasambhavaiḥ / saptabhiścārṇavaiḥ śuṣkairdvīpaiḥ saptabhireva ca

Sanskrit only: no published translation is held for this verse.

ततो मुखात् तस्य घना महोल्बणा निश्चेरुरिन्द्रायुधतुल्यरूपाः । घोराः पयोदा जगदन्धकारं कुर्वन्त ईशानवरप्रयुक्ताः

tato mukhāt tasya ghanā maholbaṇā niścerurindrāyudhatulyarūpāḥ / ghorāḥ payodā jagadandhakāraṃ kurvanta īśānavaraprayuktāḥ

Sanskrit only: no published translation is held for this verse.

नीलोत्पलाभाः क्वचिदंजनाभा गोक्षीरकुन्देन्दुनिभाश्च केचित् । मयूरचन्द्राकृतयस् तथा ऽन्ये केचिद्विधूमानलसप्रभाश्च

nīlotpalābhāḥ kvacidaṃjanābhā gokṣīrakundendunibhāśca kecit / mayūracandrākṛtayas tathā 'nye kecidvidhūmānalasaprabhāśca

Sanskrit only: no published translation is held for this verse.

केचिन्महापर्वतकल्परूपाः केचिन्महामीनकुलोपमाश्च । केचिद्गजेन्द्राकृतयः सुरूपाः केचिन्महाकूटनिभाः पयोदाः

kecinmahāparvatakalparūpāḥ kecinmahāmīnakulopamāśca / kecidgajendrākṛtayaḥ surūpāḥ kecinmahākūṭanibhāḥ payodāḥ

Sanskrit only: no published translation is held for this verse.

चलत्तरङ्गोर्मिसमानरूपा महापुरोधाननिभाश्च केचित् । सगोपुराट्टालकसंनिकाशाः सविद्युदुल्काशनिमण्डितान्ताः

calattaraṅgormisamānarūpā mahāpurodhānanibhāśca kecit / sagopurāṭṭālakasaṃnikāśāḥ savidyudulkāśanimaṇḍitāntāḥ

Sanskrit only: no published translation is held for this verse.

समावृताङ्गः स बभूव देवः संवर्तकोनाम गणः स रौद्रः । प्रवर्षमाणो जगदप्रमाणमेकार्णवं सर्वमिदं चकार

samāvṛtāṅgaḥ sa babhūva devaḥ saṃvartakonāma gaṇaḥ sa raudraḥ / pravarṣamāṇo jagadapramāṇamekārṇavaṃ sarvamidaṃ cakāra

Sanskrit only: no published translation is held for this verse.

ततो महामेघविवर्धमानम् ईशानम् इन्द्राशनिभिर् वृताङ्गम् । ददर्श नाहं भयविह्वलाङ्गो गङ्गाजलौघैश्च समावृताङ्गः

tato mahāmeghavivardhamānam īśānam indrāśanibhir vṛtāṅgam / dadarśa nāhaṃ bhayavihvalāṅgo gaṅgājalaughaiśca samāvṛtāṅgaḥ

Sanskrit only: no published translation is held for this verse.

गजाः पुनश्चैव पुनः पिबन्तो जगत् समन्तात् परिदह्यमानम् । आपूरितं चैव जगत् समन्तात् सर्वैश्च तैर्जग्मुरदर्शनं च ते

gajāḥ punaścaiva punaḥ pibanto jagat samantāt paridahyamānam / āpūritaṃ caiva jagat samantāt sarvaiśca tairjagmuradarśanaṃ ca te

Sanskrit only: no published translation is held for this verse.

महार्णवाः सप्त सरांसि द्वीपा नद्यो ऽथ सर्वा अथ भूर्भुवश्च । आपूर्यमाणाः सलिलौघजालैर् एकार्णवं सर्वमिदं बभूव

mahārṇavāḥ sapta sarāṃsi dvīpā nadyo 'tha sarvā atha bhūrbhuvaśca / āpūryamāṇāḥ salilaughajālair ekārṇavaṃ sarvamidaṃ babhūva

Sanskrit only: no published translation is held for this verse.

न दृश्यते किंचिदहो चराचरं निरग्निचन्द्रार्कमये ऽपि लोके । प्रणष्टनक्षत्रतमोऽन्धकारे प्रशान्तवातास्तमितैकनीडेः

na dṛśyate kiṃcidaho carācaraṃ niragnicandrārkamaye 'pi loke / praṇaṣṭanakṣatratamo'ndhakāre praśāntavātāstamitaikanīḍeḥ

Sanskrit only: no published translation is held for this verse.

महाजलौघे ऽस्य विशुद्धसत्त्वा स्तुतिर्मया भूप कृता तदानीम् । ततोऽहमित्येव विचिन्तयानः शरण्यम् एकं क्व नु यामि शान्तम्

mahājalaughe 'sya viśuddhasattvā stutirmayā bhūpa kṛtā tadānīm / tato'hamityeva vicintayānaḥ śaraṇyam ekaṃ kva nu yāmi śāntam

Sanskrit only: no published translation is held for this verse.

स्मरामि देवं हृदि चिन्तयित्वा प्रभुं शरण्यं जलसंनिविष्टः । नमामि देवं शरणं प्रपद्ये ध्यानं च तस्येति कृतं मया च

smarāmi devaṃ hṛdi cintayitvā prabhuṃ śaraṇyaṃ jalasaṃniviṣṭaḥ / namāmi devaṃ śaraṇaṃ prapadye dhyānaṃ ca tasyeti kṛtaṃ mayā ca

Sanskrit only: no published translation is held for this verse.

ध्यात्वा ततो ऽहं सलिलं ततार तस्य प्रसादादविमूढचेताः । ग्लानिः श्रमश्चैव मम प्रणष्टौ देव्याः प्रसादेन नरेन्द्रपुत्र

dhyātvā tato 'haṃ salilaṃ tatāra tasya prasādādavimūḍhacetāḥ / glāniḥ śramaścaiva mama praṇaṣṭau devyāḥ prasādena narendraputra

Sanskrit only: no published translation is held for this verse.