Revakhanda of the Vayupurana 180

ततो गच्छेन्महीपाल दशाश्वमेधिकं परम् । तीर्थं सर्वगुणोपेतं महापातकनाशनम्

tato gacchenmahīpāla daśāśvamedhikaṃ param / tīrthaṃ sarvaguṇopetaṃ mahāpātakanāśanam

Sanskrit only: no published translation is held for this verse.

यत्र गत्वा महाराज स्नात्वा सम्पूज्य चेश्वरम् । दशानामश्वमेधानां फलं प्राप्नोति मानवः

yatra gatvā mahārāja snātvā sampūjya ceśvaram / daśānāmaśvamedhānāṃ phalaṃ prāpnoti mānavaḥ

Sanskrit only: no published translation is held for this verse.

अश्वमेधो महायज्ञो बहुसम्भारदक्षिणः । अशक्यः प्राकृतैः कर्तुं कथं तेषां फलं लभेत्

aśvamedho mahāyajño bahusambhāradakṣiṇaḥ / aśakyaḥ prākṛtaiḥ kartuṃ kathaṃ teṣāṃ phalaṃ labhet

Sanskrit only: no published translation is held for this verse.

अत्याश्चर्यमिदं तत्त्वं त्वयोक्तं वदता सता । यथा मे जायते श्रद्धा दीर्घायुस्त्वं तथा वद

atyāścaryamidaṃ tattvaṃ tvayoktaṃ vadatā satā / yathā me jāyate śraddhā dīrghāyustvaṃ tathā vada

Sanskrit only: no published translation is held for this verse.

इदमाश्चर्यभूतं हि गौर्या पृष्टस्त्रियम्बकः । तत्ते ऽहं सम्प्रवक्ष्यामि पृच्छते निपुणाय वै

idamāścaryabhūtaṃ hi gauryā pṛṣṭastriyambakaḥ / tatte 'haṃ sampravakṣyāmi pṛcchate nipuṇāya vai

Sanskrit only: no published translation is held for this verse.

पुरा वृषस्थो देवेश ह्युमया सह शङ्करः । कदाचित्पर्यटन्पृथिवीं नर्मदातटमाश्रितः

purā vṛṣastho deveśa hyumayā saha śaṅkaraḥ / kadācitparyaṭanpṛthivīṃ narmadātaṭamāśritaḥ

Sanskrit only: no published translation is held for this verse.

दशाश्वमेधिकं तीर्थं दृष्ट्वा देवो महेश्वरः । तीर्थं प्रत्यञ्जलिं बद्ध्वा नमश्चक्रे त्रिलोचनः

daśāśvamedhikaṃ tīrthaṃ dṛṣṭvā devo maheśvaraḥ / tīrthaṃ pratyañjaliṃ baddhvā namaścakre trilocanaḥ

Sanskrit only: no published translation is held for this verse.

कृताञ्जलिपुटं देवं दृष्ट्वा देवीदमब्रवीत्

kṛtāñjalipuṭaṃ devaṃ dṛṣṭvā devīdamabravīt

Sanskrit only: no published translation is held for this verse.

किमेतद्देवदेवेश चराचरनमस्कृत । प्रह्वनम्राञ्जलिं बद्ध्वा भक्त्या परमया युतः

kimetaddevadeveśa carācaranamaskṛta / prahvanamrāñjaliṃ baddhvā bhaktyā paramayā yutaḥ

Sanskrit only: no published translation is held for this verse.

एतदाश्चर्यमतुलं सर्वं कथय मे प्रभो

etadāścaryamatulaṃ sarvaṃ kathaya me prabho

Sanskrit only: no published translation is held for this verse.

प्रत्यक्षं पश्य तीर्थस्य फलं मा विस्मिता भव । वियत्स्था मे भुविस्थस्य क्षणं देवि स्थिरा भव

pratyakṣaṃ paśya tīrthasya phalaṃ mā vismitā bhava / viyatsthā me bhuvisthasya kṣaṇaṃ devi sthirā bhava

Sanskrit only: no published translation is held for this verse.

एवमुक्त्वा तु देवेशो गौरवर्णो द्विजो ऽभवत् । क्षुत्क्षामकण्ठो जटिलः शुष्को धमनिसंततः

evamuktvā tu deveśo gauravarṇo dvijo 'bhavat / kṣutkṣāmakaṇṭho jaṭilaḥ śuṣko dhamanisaṃtataḥ

Sanskrit only: no published translation is held for this verse.

उपविश्य भुवः पृष्ठे सुस्वरं मन्त्रमुच्चरन् । क्रमप्रियो महादेवो माधुर्येण प्रमोदयन्

upaviśya bhuvaḥ pṛṣṭhe susvaraṃ mantramuccaran / kramapriyo mahādevo mādhuryeṇa pramodayan

Sanskrit only: no published translation is held for this verse.

श्रुत्वा तां मधुरां वाणीं स्वयं देवेन निर्मिताम् । संभ्रान्ता ब्राह्मणाः सर्वे स्नातुं ये तत्र चागताः

śrutvā tāṃ madhurāṃ vāṇīṃ svayaṃ devena nirmitām / saṃbhrāntā brāhmaṇāḥ sarve snātuṃ ye tatra cāgatāḥ

Sanskrit only: no published translation is held for this verse.

नित्यक्रिया च सर्वेषां विस्मृता श्रुतिविभ्रमात् । तं दृष्ट्वा पठमानं तु क्षुत्पिपासाभिपीडितम्

nityakriyā ca sarveṣāṃ vismṛtā śrutivibhramāt / taṃ dṛṣṭvā paṭhamānaṃ tu kṣutpipāsābhipīḍitam

Sanskrit only: no published translation is held for this verse.

द्विजो ऽन्यमन्त्रयत् कश्चिद् भक्त्या तं भोजनाय वै । प्रसादः क्रियतां ब्रह्मन्भोजनाय गृहे मम

dvijo 'nyamantrayat kaścid bhaktyā taṃ bhojanāya vai / prasādaḥ kriyatāṃ brahmanbhojanāya gṛhe mama

Sanskrit only: no published translation is held for this verse.

अद्य मे सफलं जन्म ह्यद्य मे सफलाः क्रियाः । सर्वान्कामान्प्रदास्यन्ति प्रीता मे ऽद्य पितामहाः

adya me saphalaṃ janma hyadya me saphalāḥ kriyāḥ / sarvānkāmānpradāsyanti prītā me 'dya pitāmahāḥ

Sanskrit only: no published translation is held for this verse.

त्वयि भुक्ते द्विजश्रेष्ठ प्रसीद त्वं ध्रुवं मम । एवमुक्तो महादेवो द्विजरूपधरस्तदा

tvayi bhukte dvijaśreṣṭha prasīda tvaṃ dhruvaṃ mama / evamukto mahādevo dvijarūpadharastadā

Sanskrit only: no published translation is held for this verse.

प्रहस्य प्रत्युवाचेदं ब्राह्मणं श्लक्ष्णया गिरा । मया वर्षसहस्रं तु निराहारं तपः कृतम्

prahasya pratyuvācedaṃ brāhmaṇaṃ ślakṣṇayā girā / mayā varṣasahasraṃ tu nirāhāraṃ tapaḥ kṛtam

Sanskrit only: no published translation is held for this verse.

इदानीं तु गृहे तस्य करिष्ये द्विजसत्तम । दशभिर्वाजिमेधैश्च येनेष्टं पारणं तथा

idānīṃ tu gṛhe tasya kariṣye dvijasattama / daśabhirvājimedhaiśca yeneṣṭaṃ pāraṇaṃ tathā

Sanskrit only: no published translation is held for this verse.

इत्युक्तो देवदेवेन ब्राह्मणो विस्मयान्वितः । उत्तमाङ्गं विधुन्वन्वै जगाम स्वगृहं प्रति

ityukto devadevena brāhmaṇo vismayānvitaḥ / uttamāṅgaṃ vidhunvanvai jagāma svagṛhaṃ prati

Sanskrit only: no published translation is held for this verse.

एवं ते बहवो विप्राः प्रत्याख्याते निमन्त्रणे । पुराणार्थमजानन्तो नास्तिका बहवो गताः

evaṃ te bahavo viprāḥ pratyākhyāte nimantraṇe / purāṇārthamajānanto nāstikā bahavo gatāḥ

Sanskrit only: no published translation is held for this verse.

अथ कश्चिद्द्विजो विद्वान्पुराणार्थस्य तत्त्ववित् । देवं निमन्त्रयामास द्विजरूपधरं शिवम्

atha kaściddvijo vidvānpurāṇārthasya tattvavit / devaṃ nimantrayāmāsa dvijarūpadharaṃ śivam

Sanskrit only: no published translation is held for this verse.

तथैव सो ऽपि देवेन प्रोक्तः स प्राह तं पुनः । मनसा चिन्तयित्वा तु पुराणोक्तं द्विजोत्तमः

tathaiva so 'pi devena proktaḥ sa prāha taṃ punaḥ / manasā cintayitvā tu purāṇoktaṃ dvijottamaḥ

Sanskrit only: no published translation is held for this verse.

स्मृतिवेदपुराणेषु यदुक्तं तत्तथा भवेत् । इति निश्चित्य तं विप्रमुवाच प्रहसन्निव

smṛtivedapurāṇeṣu yaduktaṃ tattathā bhavet / iti niścitya taṃ vipramuvāca prahasanniva

Sanskrit only: no published translation is held for this verse.

भोभो विप्र प्रतीक्षस्व यावदागमनं पुनः । इत्युक्त्वा तु द्विजो गत्वा दशाश्वमेधिकं परम्

bhobho vipra pratīkṣasva yāvadāgamanaṃ punaḥ / ityuktvā tu dvijo gatvā daśāśvamedhikaṃ param

Sanskrit only: no published translation is held for this verse.

स्नानं महालम्भनादि कृतं तेन द्विजन्मना । जपं श्राद्धं तथा दानं कृत्वा धर्मानुसारतः

snānaṃ mahālambhanādi kṛtaṃ tena dvijanmanā / japaṃ śrāddhaṃ tathā dānaṃ kṛtvā dharmānusārataḥ

Sanskrit only: no published translation is held for this verse.

संकल्प्य कपिलां तत्र पुराणोक्तविधानतः । समायात्त्वरितं तत्र यत्रासौ तिष्ठते द्विजः

saṃkalpya kapilāṃ tatra purāṇoktavidhānataḥ / samāyāttvaritaṃ tatra yatrāsau tiṣṭhate dvijaḥ

Sanskrit only: no published translation is held for this verse.

अथागत्य द्विजं प्राह वाजिमेधः कृतो मया । उत्तिष्ठ मे गृहं रम्यं भोजनार्थं हि गम्यताम्

athāgatya dvijaṃ prāha vājimedhaḥ kṛto mayā / uttiṣṭha me gṛhaṃ ramyaṃ bhojanārthaṃ hi gamyatām

Sanskrit only: no published translation is held for this verse.

इत्युक्तः शङ्करस्तेन ब्राह्मणेनातिविस्मितः । उवाच ब्राह्मणं देव इदानीं त्वमितो गतः

ityuktaḥ śaṅkarastena brāhmaṇenātivismitaḥ / uvāca brāhmaṇaṃ deva idānīṃ tvamito gataḥ

Sanskrit only: no published translation is held for this verse.

द्विजवर्य कथं चेष्टा दश यज्ञा महाधनाः

dvijavarya kathaṃ ceṣṭā daśa yajñā mahādhanāḥ

Sanskrit only: no published translation is held for this verse.

न विचारस्त्वया कार्यः कृता यज्ञा न संशयः । यदि वेदाः प्रमाणं तं भुवि देवा द्विजास्तथा

na vicārastvayā kāryaḥ kṛtā yajñā na saṃśayaḥ / yadi vedāḥ pramāṇaṃ taṃ bhuvi devā dvijāstathā

Sanskrit only: no published translation is held for this verse.

दशाश्वमेधिकं तीर्थं तथा सत्यं द्विजोत्तम । यदि वेदपुराणोक्तं वाक्यं निःसंशयं भवेत्

daśāśvamedhikaṃ tīrthaṃ tathā satyaṃ dvijottama / yadi vedapurāṇoktaṃ vākyaṃ niḥsaṃśayaṃ bhavet

Sanskrit only: no published translation is held for this verse.

तदा प्राप्तं मया सर्वं नात्र कार्या विचारणा । एवमुक्तस्तु देवेश आस्तिक्यं तस्य चेतसः

tadā prāptaṃ mayā sarvaṃ nātra kāryā vicāraṇā / evamuktastu deveśa āstikyaṃ tasya cetasaḥ

Sanskrit only: no published translation is held for this verse.

विमृश्य बहुभिः किंचिदुत्तरं न प्रपद्यत । जगाम तद्गृहं रम्यं पठन्ब्रह्म सनातनम्

vimṛśya bahubhiḥ kiṃciduttaraṃ na prapadyata / jagāma tadgṛhaṃ ramyaṃ paṭhanbrahma sanātanam

Sanskrit only: no published translation is held for this verse.

सम्प्राप्तं तं द्विजं भक्त्या पाद्यार्घ्येण तमर्चयत् । षड्रसं भोजनं तेन दत्तं पश्चाद्यथाविधि

samprāptaṃ taṃ dvijaṃ bhaktyā pādyārghyeṇa tamarcayat / ṣaḍrasaṃ bhojanaṃ tena dattaṃ paścādyathāvidhi

Sanskrit only: no published translation is held for this verse.

ततो भुक्ते महादेवे सर्वदेवमये शिवे । पुष्पवृष्टिः पपाताशु गगनात्तस्य मूर्धनि । तस्यास्तिक्यं तु संलक्ष्य तुष्टः प्रोवाच शङ्करः

tato bhukte mahādeve sarvadevamaye śive / puṣpavṛṣṭiḥ papātāśu gaganāttasya mūrdhani / tasyāstikyaṃ tu saṃlakṣya tuṣṭaḥ provāca śaṅkaraḥ

Sanskrit only: no published translation is held for this verse.

किं ते ऽद्य क्रियतां ब्रूहि वरदो ऽहं द्विजोत्तम । अदेयमपि दास्यामि एकचित्तस्य ते ध्रुवम्

kiṃ te 'dya kriyatāṃ brūhi varado 'haṃ dvijottama / adeyamapi dāsyāmi ekacittasya te dhruvam

Sanskrit only: no published translation is held for this verse.

यदि प्रीतो ऽसि मे देव यदि देयो वरो मम । अस्मिंस्तीर्थे महादेव स्थातव्यं सर्वदैव हि

yadi prīto 'si me deva yadi deyo varo mama / asmiṃstīrthe mahādeva sthātavyaṃ sarvadaiva hi

Sanskrit only: no published translation is held for this verse.

उपकाराय देवेश एष मे वर उत्तमः । एवमुक्तस्तु देवेन आरुरोह द्विजोत्तमः

upakārāya deveśa eṣa me vara uttamaḥ / evamuktastu devena āruroha dvijottamaḥ

Sanskrit only: no published translation is held for this verse.

गन्धर्वाप्सरःसम्बाधं विमानं सार्वकामिकम् । पूज्यमानो गतस्तत्र यत्र लोका निरामयाः

gandharvāpsaraḥsambādhaṃ vimānaṃ sārvakāmikam / pūjyamāno gatastatra yatra lokā nirāmayāḥ

Sanskrit only: no published translation is held for this verse.

एतदाश्चर्यमतुलं दृष्ट्वा देवी सुविस्मिता । विस्मयोत्फुल्लनयना पुनः पप्रच्छ शङ्करम्

etadāścaryamatulaṃ dṛṣṭvā devī suvismitā / vismayotphullanayanā punaḥ papraccha śaṅkaram

Sanskrit only: no published translation is held for this verse.

कथम् एतद् भवेत् सत्यं यत्रेदम् असमञ्जसम् । स्नानं कुर्वन्ति बहवो लोका ह्यत्र महेश्वर

katham etad bhavet satyaṃ yatredam asamañjasam / snānaṃ kurvanti bahavo lokā hyatra maheśvara

Sanskrit only: no published translation is held for this verse.

तेषां तु स्वर्गगमनं यथैष स्वर्गतिं गतः । कथम् एतत् समाचक्ष्व विस्मयः परमो मम

teṣāṃ tu svargagamanaṃ yathaiṣa svargatiṃ gataḥ / katham etat samācakṣva vismayaḥ paramo mama

Sanskrit only: no published translation is held for this verse.

एतच्छ्रुत्वा तु देवेशः प्रहसन्प्रत्युवाच ताम् । वेदवाक्ये पुराणार्थे स्मृत्यर्थे द्विजभाषिते

etacchrutvā tu deveśaḥ prahasanpratyuvāca tām / vedavākye purāṇārthe smṛtyarthe dvijabhāṣite

Sanskrit only: no published translation is held for this verse.

विस्मयो हि न कर्तव्यो ह्यनुमानं हि तत् तथा । असंभाव्यं हि लोकानां पुराणे यत्प्रगीयते

vismayo hi na kartavyo hyanumānaṃ hi tat tathā / asaṃbhāvyaṃ hi lokānāṃ purāṇe yatpragīyate

Sanskrit only: no published translation is held for this verse.

यदि पक्षं पुरस्कृत्य लोकाः कुर्वन्ति पार्वति । तस्मान्न सिद्धिर् एतेषां भवत्येको न विस्मयः

yadi pakṣaṃ puraskṛtya lokāḥ kurvanti pārvati / tasmānna siddhir eteṣāṃ bhavatyeko na vismayaḥ

Sanskrit only: no published translation is held for this verse.

नास्तिका भिन्नमर्यादा ये निश्चयबहिष्कृताः । तेषां सिद्धिर् न विद्येत आस्तिक्याद् भवते ध्रुवम्

nāstikā bhinnamaryādā ye niścayabahiṣkṛtāḥ / teṣāṃ siddhir na vidyeta āstikyād bhavate dhruvam

Sanskrit only: no published translation is held for this verse.

श्रुत्वाख्यानम् इदं देवी ववन्दे तीर्थमुत्तमम् । सर्वपापहरं पुण्यं नर्मदायां व्यवस्थितम्

śrutvākhyānam idaṃ devī vavande tīrthamuttamam / sarvapāpaharaṃ puṇyaṃ narmadāyāṃ vyavasthitam

Sanskrit only: no published translation is held for this verse.

दशाश्वमेधं राजेन्द्र सर्वतीर्थोत्तमोत्तमम् । तीर्थं सर्वगुणोपेतं महापातकनाशनम्

daśāśvamedhaṃ rājendra sarvatīrthottamottamam / tīrthaṃ sarvaguṇopetaṃ mahāpātakanāśanam

Sanskrit only: no published translation is held for this verse.

तत्रागता महाभागा स्नातुकामा सरस्वती । पुण्यानां परमा पुण्या नदीनाम् उत्तमा नदी

tatrāgatā mahābhāgā snātukāmā sarasvatī / puṇyānāṃ paramā puṇyā nadīnām uttamā nadī

Sanskrit only: no published translation is held for this verse.

नाममात्रेण यस्यास्तु सर्वपापैः प्रमुच्यते । स्नातास्तत्र दिवं यान्ति ये मृतास्ते ऽपुनर्भवाः

nāmamātreṇa yasyāstu sarvapāpaiḥ pramucyate / snātāstatra divaṃ yānti ye mṛtāste 'punarbhavāḥ

Sanskrit only: no published translation is held for this verse.

दशाश्वमेधे सा राजन्नियता ब्रह्मचारिणी । आराधयित्वा देवेशं परं निर्वाणमागतीः

daśāśvamedhe sā rājanniyatā brahmacāriṇī / ārādhayitvā deveśaṃ paraṃ nirvāṇamāgatīḥ

Sanskrit only: no published translation is held for this verse.

कालुष्यं ब्रह्मसम्भूता संवत्सरसमुद्भवम् । प्रक्षालयितुम् आयाति दशम्यामाश्विनस्य च

kāluṣyaṃ brahmasambhūtā saṃvatsarasamudbhavam / prakṣālayitum āyāti daśamyāmāśvinasya ca

Sanskrit only: no published translation is held for this verse.

उपोष्य रजनीं तां तु सम्पूज्य त्रिपुरान्तकम् । राजन्निष्कल्मषा यान्ति श्वोभूते शाश्वतं पदम्

upoṣya rajanīṃ tāṃ tu sampūjya tripurāntakam / rājanniṣkalmaṣā yānti śvobhūte śāśvataṃ padam

Sanskrit only: no published translation is held for this verse.

राजन्नाश्वयुजे मासि दशम्यां तद्विशिष्यते । पार्थिवेषु च तीर्थे तु सर्वेष्वेव न संशयः

rājannāśvayuje māsi daśamyāṃ tadviśiṣyate / pārthiveṣu ca tīrthe tu sarveṣveva na saṃśayaḥ

Sanskrit only: no published translation is held for this verse.

दशाश्वमेधिके राजन्नित्यं हि दशमी शुभा । विशेषादाश्विने शुक्ला महापातकनाशिनी

daśāśvamedhike rājannityaṃ hi daśamī śubhā / viśeṣādāśvine śuklā mahāpātakanāśinī

Sanskrit only: no published translation is held for this verse.

तस्यास्नात्वार्चयेद् देवानुपवासपरायणः । श्राद्धं कृत्वा विधानेन पश्चात् सम्पूजयेच्छिवम्

tasyāsnātvārcayed devānupavāsaparāyaṇaḥ / śrāddhaṃ kṛtvā vidhānena paścāt sampūjayecchivam

Sanskrit only: no published translation is held for this verse.

तत्रस्थां पूजयेद् देवीं स्नातुकामां सरस्वतीम् । नमो नमस्ते देवेशि ब्रह्मदेहसमुद्भवे

tatrasthāṃ pūjayed devīṃ snātukāmāṃ sarasvatīm / namo namaste deveśi brahmadehasamudbhave

Sanskrit only: no published translation is held for this verse.

कुरु पापक्षयं देवि संसारान्मां समुद्धर । गन्धधूपैश्च सम्पूज्य ह्यर्चयित्वा पुनःपुनः

kuru pāpakṣayaṃ devi saṃsārānmāṃ samuddhara / gandhadhūpaiśca sampūjya hyarcayitvā punaḥpunaḥ

Sanskrit only: no published translation is held for this verse.

दश प्रदक्षिणा दत्त्वा सूत्रेण परिवेष्टयेत् । कपिलां तु ततो विप्रे दद्याद् विगतमत्सरः

daśa pradakṣiṇā dattvā sūtreṇa pariveṣṭayet / kapilāṃ tu tato vipre dadyād vigatamatsaraḥ

Sanskrit only: no published translation is held for this verse.

सर्वलक्षणसम्पन्नां सर्वोपस्करसंयुताम् । दत्त्वा विप्राय कपिलां न शोचति कृताकृते

sarvalakṣaṇasampannāṃ sarvopaskarasaṃyutām / dattvā viprāya kapilāṃ na śocati kṛtākṛte

Sanskrit only: no published translation is held for this verse.

पश्चाज्जागरणं कुर्याद् घृतेनाज्वाल्य दीपकम् । पुराणपठनेनैव नृत्यगीतविवादनैः

paścājjāgaraṇaṃ kuryād ghṛtenājvālya dīpakam / purāṇapaṭhanenaiva nṛtyagītavivādanaiḥ

Sanskrit only: no published translation is held for this verse.

वेदोक्तैश्चैव पूजयेच् छशिशेखरम् । प्रभाते विमले पश्चात्स्नात्वा वै नर्मदाजले

vedoktaiścaiva pūjayec chaśiśekharam / prabhāte vimale paścātsnātvā vai narmadājale

Sanskrit only: no published translation is held for this verse.

ब्राह्मणान् भोजयेद् भक्त्या शिवभक्तांश्च योगिनः । एवं कृते ततो राजन् सम्यक् तीर्थफलं लभेत्

brāhmaṇān bhojayed bhaktyā śivabhaktāṃśca yoginaḥ / evaṃ kṛte tato rājan samyak tīrthaphalaṃ labhet

Sanskrit only: no published translation is held for this verse.

तत्र तीर्थे तु यः स्नात्वा पूजयेच्छङ्करं नरः । दशाश्वमेधावभृथं लभते पुण्यमुत्तमम्

tatra tīrthe tu yaḥ snātvā pūjayecchaṅkaraṃ naraḥ / daśāśvamedhāvabhṛthaṃ labhate puṇyamuttamam

Sanskrit only: no published translation is held for this verse.

पूतात्मा तेन पुण्येन रुद्रलोकं स गच्छति । आरूढः परमं यानं कामगं च सुशोभनम्

pūtātmā tena puṇyena rudralokaṃ sa gacchati / ārūḍhaḥ paramaṃ yānaṃ kāmagaṃ ca suśobhanam

Sanskrit only: no published translation is held for this verse.

तत्र दिव्याप्सरोभिस्तु वीज्यमानो ऽथ चामरैः । क्रीडते सुचिरं कालं जयशब्दादिमङ्गलैः

tatra divyāpsarobhistu vījyamāno 'tha cāmaraiḥ / krīḍate suciraṃ kālaṃ jayaśabdādimaṅgalaiḥ

Sanskrit only: no published translation is held for this verse.

ततो ऽवतीर्णः कालेन इह राजा भवेद् ध्रुवम् । हस्त्यश्वरथसम्पन्नो महाभोगी परंतपः

tato 'vatīrṇaḥ kālena iha rājā bhaved dhruvam / hastyaśvarathasampanno mahābhogī paraṃtapaḥ

Sanskrit only: no published translation is held for this verse.

दशाश्वमेधे यद्दानं दीयते शिवयोगिनाम् । दशाश्वमेधसदृशं भवेत् तन्नात्र संशयः

daśāśvamedhe yaddānaṃ dīyate śivayoginām / daśāśvamedhasadṛśaṃ bhavet tannātra saṃśayaḥ

Sanskrit only: no published translation is held for this verse.

सर्वेषामेव यज्ञानाम् अश्वमेधो विशिष्यते । दुर्लभः स्वल्पवित्तानां भूरिशः पापकर्मणाम्

sarveṣāmeva yajñānām aśvamedho viśiṣyate / durlabhaḥ svalpavittānāṃ bhūriśaḥ pāpakarmaṇām

Sanskrit only: no published translation is held for this verse.

तत्र तीर्थे तु राजेन्द्र दुर्लभो ऽपि सुरासुरैः । प्राप्यते स्नानदानेन इत्येवं शङ्करो ऽब्रवीत्

tatra tīrthe tu rājendra durlabho 'pi surāsuraiḥ / prāpyate snānadānena ityevaṃ śaṅkaro 'bravīt

Sanskrit only: no published translation is held for this verse.

अकामो वा सकामो वा मृतस्तत्र नरेश्वर । देवत्वं प्राप्नुयात् सो ऽपि नात्र कार्या विचारणा

akāmo vā sakāmo vā mṛtastatra nareśvara / devatvaṃ prāpnuyāt so 'pi nātra kāryā vicāraṇā

Sanskrit only: no published translation is held for this verse.

अग्निप्रवेशं यः कुर्यात् तत्र तीर्थे नरोत्तम । अग्निलोके वसेत् तावद् यावद् आभूतसम्प्लवम्

agnipraveśaṃ yaḥ kuryāt tatra tīrthe narottama / agniloke vaset tāvad yāvad ābhūtasamplavam

Sanskrit only: no published translation is held for this verse.

जलप्रवेशं यः कुर्यात् तत्र तीर्थे नराधिप । ध्यायमानो महादेवं वारुणं लोकमाप्नुयात्

jalapraveśaṃ yaḥ kuryāt tatra tīrthe narādhipa / dhyāyamāno mahādevaṃ vāruṇaṃ lokamāpnuyāt

Sanskrit only: no published translation is held for this verse.

दशाश्वमेधे यः कश्चिच्छूरवृत्त्या तनुं त्यजेत् । अक्षया नु गतिस्तस्य इत्येवं श्रुतिनोदना

daśāśvamedhe yaḥ kaścicchūravṛttyā tanuṃ tyajet / akṣayā nu gatistasya ityevaṃ śrutinodanā

Sanskrit only: no published translation is held for this verse.

न तां गतिं यान्ति भृगुप्रपातिनो न दण्डिनो नैव च सांख्ययोगिनः । ध्वजाकुले दुन्दुभिशङ्खनादिते क्षणेन यां यान्ति महाहवे मृताः

na tāṃ gatiṃ yānti bhṛguprapātino na daṇḍino naiva ca sāṃkhyayoginaḥ / dhvajākule dundubhiśaṅkhanādite kṣaṇena yāṃ yānti mahāhave mṛtāḥ

Sanskrit only: no published translation is held for this verse.

यत्र तत्र हतः शूरः शत्रुभिः परिवेष्टितः । अक्षयांल् लभते लोकान्यदि क्लीबं न भाषते

yatra tatra hataḥ śūraḥ śatrubhiḥ pariveṣṭitaḥ / akṣayāṃl labhate lokānyadi klībaṃ na bhāṣate

Sanskrit only: no published translation is held for this verse.

दशाश्वमेधे संन्यासं यः करोति विधानतः । अनिवर्तिका गतिस् तस्य रुद्रलोकात्कदाचन

daśāśvamedhe saṃnyāsaṃ yaḥ karoti vidhānataḥ / anivartikā gatis tasya rudralokātkadācana

Sanskrit only: no published translation is held for this verse.

दशाश्वमेधे यत्पुण्यं संक्षेपेण युधिष्ठिर । कथितं परया भक्त्या सर्वपापप्रणाशनम्

daśāśvamedhe yatpuṇyaṃ saṃkṣepeṇa yudhiṣṭhira / kathitaṃ parayā bhaktyā sarvapāpapraṇāśanam

Sanskrit only: no published translation is held for this verse.