Revakhanda of the Vayupurana 182

ततो भृगुः श्रिया चैव समेतः कच्छपं गतः । अभिनन्द्य यथान्यायम् उवाच वचनं शुभम्

tato bhṛguḥ śriyā caiva sametaḥ kacchapaṃ gataḥ / abhinandya yathānyāyam uvāca vacanaṃ śubham

Sanskrit only: no published translation is held for this verse.

त्वया धृता धरा सर्वा तथा लोकाश्चराचराः । तथैव पुण्यभावत्वात्स्थितस्तत्र महामते

tvayā dhṛtā dharā sarvā tathā lokāścarācarāḥ / tathaiva puṇyabhāvatvātsthitastatra mahāmate

Sanskrit only: no published translation is held for this verse.

चातुर्विद्यस्य संस्थानं करोमि रमया सह । यदि त्वं मन्यसे देव तदादेशय मां विभो

cāturvidyasya saṃsthānaṃ karomi ramayā saha / yadi tvaṃ manyase deva tadādeśaya māṃ vibho

Sanskrit only: no published translation is held for this verse.

एवमेव द्विजश्रेष्ठ मम नामाङ्कितं पुरम् । भविष्यति महत्कालं ममोपरि सुसंस्थितम्

evameva dvijaśreṣṭha mama nāmāṅkitaṃ puram / bhaviṣyati mahatkālaṃ mamopari susaṃsthitam

Sanskrit only: no published translation is held for this verse.

अचलं सुस्थिरं तात न भीः कार्या सुलोचने । एतच्छ्रुत्वा शुभं वाक्यं कच्छपस्य मुखाच्च्युतम्

acalaṃ susthiraṃ tāta na bhīḥ kāryā sulocane / etacchrutvā śubhaṃ vākyaṃ kacchapasya mukhāccyutam

Sanskrit only: no published translation is held for this verse.

हृष्टस्तुष्टः श्रिया सार्द्धं पद्मयोनिसुतो भृगुः । अभीचि उदये प्राप्ते कृतकौतुकमङ्गलः

hṛṣṭastuṣṭaḥ śriyā sārddhaṃ padmayonisuto bhṛguḥ / abhīci udaye prāpte kṛtakautukamaṅgalaḥ

Sanskrit only: no published translation is held for this verse.

नन्दने वत्सरे माघे पञ्चम्यां भरतर्षभ । शस्ते तु ह्युत्तरायोगे कुम्भस्थे शशिमण्डले

nandane vatsare māghe pañcamyāṃ bharatarṣabha / śaste tu hyuttarāyoge kumbhasthe śaśimaṇḍale

Sanskrit only: no published translation is held for this verse.

रेवाया उत्तरे तीरे गम्भीरे चाभिवारुणि । प्रागुदक्प्रवणे देशे कोटितीर्थसमन्वितम्

revāyā uttare tīre gambhīre cābhivāruṇi / prāgudakpravaṇe deśe koṭitīrthasamanvitam

Sanskrit only: no published translation is held for this verse.

क्रोशप्रमाणं तत्क्षेत्रं प्रासादशतसंकुलम् । अचिरेणैव कालेन तपोबलसमन्वितः । विचिन्त्य विश्वकर्माणं चकार भृगुसत्तमः

krośapramāṇaṃ tatkṣetraṃ prāsādaśatasaṃkulam / acireṇaiva kālena tapobalasamanvitaḥ / vicintya viśvakarmāṇaṃ cakāra bhṛgusattamaḥ

Sanskrit only: no published translation is held for this verse.

ब्राह्मणा वेदविद्वांसः क्षत्रिया राज्यपालकाः । वैश्या वृत्तिरतास्तत्र शूद्राः शुश्रूषकास्त्रिषु

brāhmaṇā vedavidvāṃsaḥ kṣatriyā rājyapālakāḥ / vaiśyā vṛttiratāstatra śūdrāḥ śuśrūṣakāstriṣu

Sanskrit only: no published translation is held for this verse.

एवं श्रिया वृतं क्षेत्रं परमानन्दनन्दितम् । निर्मितं भृगुणा तात सर्वपातकनाशनम् । इति भृगुकच्छोत्पत्तिः

evaṃ śriyā vṛtaṃ kṣetraṃ paramānandananditam / nirmitaṃ bhṛguṇā tāta sarvapātakanāśanam / iti bhṛgukacchotpattiḥ

Sanskrit only: no published translation is held for this verse.

ततः कालेन महता कस्मिंश्चित् कारणान्तरे । देवलोकं जगामाशु लक्ष्मीर् ऋषिसमागमे

tataḥ kālena mahatā kasmiṃścit kāraṇāntare / devalokaṃ jagāmāśu lakṣmīr ṛṣisamāgame

Sanskrit only: no published translation is held for this verse.

समर्प्य कुञ्चिकाट्टालं भृगवे ब्रह्मवादिने । पालयस्व यथार्थं वै स्थानकं मम सुव्रत

samarpya kuñcikāṭṭālaṃ bhṛgave brahmavādine / pālayasva yathārthaṃ vai sthānakaṃ mama suvrata

Sanskrit only: no published translation is held for this verse.

देवकार्याण्यशेषाणि कृत्वा श्रीः पुनरागता । आजगाम रमा देवी भृगुकच्छं त्वरान्विता

devakāryāṇyaśeṣāṇi kṛtvā śrīḥ punarāgatā / ājagāma ramā devī bhṛgukacchaṃ tvarānvitā

Sanskrit only: no published translation is held for this verse.

प्रार्थितं कुञ्चिकाट्टालं स्वगृहं सपरिग्रहम् । भृगुर्यदा तदा पार्थ मिथ्या नास्ति तदा वदत

prārthitaṃ kuñcikāṭṭālaṃ svagṛhaṃ saparigraham / bhṛguryadā tadā pārtha mithyā nāsti tadā vadata

Sanskrit only: no published translation is held for this verse.

एव विवादः सुमहान्संजातश्च नरेश्वर । ममेति मम चैवेति परस्परसमागमे

eva vivādaḥ sumahānsaṃjātaśca nareśvara / mameti mama caiveti parasparasamāgame

Sanskrit only: no published translation is held for this verse.

ततः कालेन महता भृगुणा परमर्षिणा । चातुर्विद्यप्रमाणार्थं चकार महतीं स्थितिम्

tataḥ kālena mahatā bhṛguṇā paramarṣiṇā / cāturvidyapramāṇārthaṃ cakāra mahatīṃ sthitim

Sanskrit only: no published translation is held for this verse.

अस्मदीयं यथा सर्वं नगरं मृगलोचने । चातुर्विद्या द्विजाः सर्वे तथा जानन्ति सुन्दरि

asmadīyaṃ yathā sarvaṃ nagaraṃ mṛgalocane / cāturvidyā dvijāḥ sarve tathā jānanti sundari

Sanskrit only: no published translation is held for this verse.

प्रमाणं मम विप्रेन्द्र चातुर्वण्या न संशयः । मदीयं वा त्वदीयं वा कथयन्तु द्विजोत्तमाः

pramāṇaṃ mama viprendra cāturvaṇyā na saṃśayaḥ / madīyaṃ vā tvadīyaṃ vā kathayantu dvijottamāḥ

Sanskrit only: no published translation is held for this verse.

ततः समस्तैर्विबुधैः सम्प्रधार्य परस्परम् । द्विधा तैर्वाक्स्थलं दृष्ट्वा ब्राह्मणा नृपसंहितम्

tataḥ samastairvibudhaiḥ sampradhārya parasparam / dvidhā tairvāksthalaṃ dṛṣṭvā brāhmaṇā nṛpasaṃhitam

Sanskrit only: no published translation is held for this verse.

अष्टादशसहस्राणि नोचुर्वै किंचिदुत्तरम् । अष्टादशसहस्रेषु भृगुकोपभयान्नृप । उक्तं च तालकं हस्ते यस्य तस्येदमुत्तरम्

aṣṭādaśasahasrāṇi nocurvai kiṃciduttaram / aṣṭādaśasahasreṣu bhṛgukopabhayānnṛpa / uktaṃ ca tālakaṃ haste yasya tasyedamuttaram

Sanskrit only: no published translation is held for this verse.

एतच्छ्रुत्वा तु सा देवी निगमं नैगमैः कृतम् । क्रोधेन महताविष्टा शशाप द्विजपुंगवान्

etacchrutvā tu sā devī nigamaṃ naigamaiḥ kṛtam / krodhena mahatāviṣṭā śaśāpa dvijapuṃgavān

Sanskrit only: no published translation is held for this verse.

यस्मात्सत्यं समुत्सृज्य लोभोपहतमानसैः । मदीयं लोपितं स्थानं तस्माच्छृण्वन्तु मे गिरम्

yasmātsatyaṃ samutsṛjya lobhopahatamānasaiḥ / madīyaṃ lopitaṃ sthānaṃ tasmācchṛṇvantu me giram

Sanskrit only: no published translation is held for this verse.

त्रिपौरुषा भवेद्विद्या त्रिपुरुषं न भवेद्धनम् । न द्वितीयस्तु वो वेदः पठितो भवति द्विजाः

tripauruṣā bhavedvidyā tripuruṣaṃ na bhaveddhanam / na dvitīyastu vo vedaḥ paṭhito bhavati dvijāḥ

Sanskrit only: no published translation is held for this verse.

गृहाणि न द्विभौमानि न च भूतिः स्थिरा द्विजाः । पक्षपातेन वो धर्मो न च निःश्रेयभावतः

gṛhāṇi na dvibhaumāni na ca bhūtiḥ sthirā dvijāḥ / pakṣapātena vo dharmo na ca niḥśreyabhāvataḥ

Sanskrit only: no published translation is held for this verse.

इष्टो गोत्रजनः कश्चिल्लोभेनावृतमानसः । न च द्वैधं परित्यज्य ह्येकं सत्यं भविष्यति

iṣṭo gotrajanaḥ kaścillobhenāvṛtamānasaḥ / na ca dvaidhaṃ parityajya hyekaṃ satyaṃ bhaviṣyati

Sanskrit only: no published translation is held for this verse.

अद्यप्रभृति सर्वेषाम् अहङ्कारो द्विजन्मनाम् । न पिता पुत्रवाक्येन न पुत्रः पितृकर्मणि

adyaprabhṛti sarveṣām ahaṅkāro dvijanmanām / na pitā putravākyena na putraḥ pitṛkarmaṇi

Sanskrit only: no published translation is held for this verse.

अहङ्कारकृताः सर्वे भविष्यन्ति न संशयः । इति शप्त्वा रमादेवी तदैव च दिवं ययौ

ahaṅkārakṛtāḥ sarve bhaviṣyanti na saṃśayaḥ / iti śaptvā ramādevī tadaiva ca divaṃ yayau

Sanskrit only: no published translation is held for this verse.

ततो गतायां वै लक्ष्म्यां देवा ब्रह्मर्षयो ऽमलाः । क्रोधलोभमिदं स्थानं ते ऽपि चोक्त्वा दिवं ययुः

tato gatāyāṃ vai lakṣmyāṃ devā brahmarṣayo 'malāḥ / krodhalobhamidaṃ sthānaṃ te 'pi coktvā divaṃ yayuḥ

Sanskrit only: no published translation is held for this verse.

गतां दृष्ट्वा ततो देवीम् ऋषींश्चैव तपोधनान् । भृगुश्च परमेष्ठी स विषादम् अगमत् परम् । प्रसादयामास पुनः शङ्करं त्रिपुरान्तकम्

gatāṃ dṛṣṭvā tato devīm ṛṣīṃścaiva tapodhanān / bhṛguśca parameṣṭhī sa viṣādam agamat param / prasādayāmāsa punaḥ śaṅkaraṃ tripurāntakam

Sanskrit only: no published translation is held for this verse.

तपसा महता पार्थ ततस्तुष्टो महेश्वरः । उवाच वचनं काले हर्षयन् भृगुसत्तमम्

tapasā mahatā pārtha tatastuṣṭo maheśvaraḥ / uvāca vacanaṃ kāle harṣayan bhṛgusattamam

Sanskrit only: no published translation is held for this verse.

किं विषण्णो ऽसि विप्रेन्द्र किं वा सन्तापकारणम् । मयि प्रसन्ने ऽपि तव ह्येतत्कथय मे ऽनघ

kiṃ viṣaṇṇo 'si viprendra kiṃ vā santāpakāraṇam / mayi prasanne 'pi tava hyetatkathaya me 'nagha

Sanskrit only: no published translation is held for this verse.

शापयित्वा द्विजान्सर्वान्पुरा लक्ष्मीर्विनिर्गता । अपवित्रमिदं चोक्त्वा ततो देवा विनिर्गताः

śāpayitvā dvijānsarvānpurā lakṣmīrvinirgatā / apavitramidaṃ coktvā tato devā vinirgatāḥ

Sanskrit only: no published translation is held for this verse.

पुरा मया यथा प्रोक्तं तत्तथा न तदन्यथा । क्रोधस्थानम् असंदेहं तथान्यदपि तच्छृणु

purā mayā yathā proktaṃ tattathā na tadanyathā / krodhasthānam asaṃdehaṃ tathānyadapi tacchṛṇu

Sanskrit only: no published translation is held for this verse.

तत्र स्थानसमुद्भूता महद्भयविवर्जिताः । ब्राह्मणा मत्प्रसादेन भविष्यन्ति न संशयः

tatra sthānasamudbhūtā mahadbhayavivarjitāḥ / brāhmaṇā matprasādena bhaviṣyanti na saṃśayaḥ

Sanskrit only: no published translation is held for this verse.

वेदविद्याव्रतस्नाताः सर्वशास्त्रविशारदाः । ये ऽपि ते शतसाहस्रास्त्वरिता ह्यागतास्त्विह

vedavidyāvratasnātāḥ sarvaśāstraviśāradāḥ / ye 'pi te śatasāhasrāstvaritā hyāgatāstviha

Sanskrit only: no published translation is held for this verse.

अपठस्यापि मूर्खस्य सर्वावस्थां गतस्य च । उत्तरादुत्तरं शक्रो दातुं न तु भृगूत्तम

apaṭhasyāpi mūrkhasya sarvāvasthāṃ gatasya ca / uttarāduttaraṃ śakro dātuṃ na tu bhṛgūttama

Sanskrit only: no published translation is held for this verse.

कोटितीर्थम् इदं स्थानं सर्वपापप्रणाशनम् । अद्यप्रभृति विप्रेन्द्र भविष्यति न संशयः

koṭitīrtham idaṃ sthānaṃ sarvapāpapraṇāśanam / adyaprabhṛti viprendra bhaviṣyati na saṃśayaḥ

Sanskrit only: no published translation is held for this verse.

मत्प्रसादाद्देवगणैः सेवितं च भविष्यति । भृगुक्षेत्रे मृता ये तु कृमिकीटपतंगकाः

matprasādāddevagaṇaiḥ sevitaṃ ca bhaviṣyati / bhṛgukṣetre mṛtā ye tu kṛmikīṭapataṃgakāḥ

Sanskrit only: no published translation is held for this verse.

वासस् तेषां शिवे लोके मत्प्रसादाद् भविष्यति । वृषखाते नरः स्नात्वा पूजयित्वा महेश्वरम्

vāsas teṣāṃ śive loke matprasādād bhaviṣyati / vṛṣakhāte naraḥ snātvā pūjayitvā maheśvaram

Sanskrit only: no published translation is held for this verse.

सर्वमेधस्य यज्ञस्य फलं प्राप्नोत्यसंशयम् । भृगुतीर्थे नरः स्नात्वा तर्पयेत् पितृदेवताः

sarvamedhasya yajñasya phalaṃ prāpnotyasaṃśayam / bhṛgutīrthe naraḥ snātvā tarpayet pitṛdevatāḥ

Sanskrit only: no published translation is held for this verse.

तस्य ते द्वादशाब्दानि शान्तिं गच्छन्ति तर्पिताः । दधिक्षीरेण तोयेन घृतेन मधुना सह

tasya te dvādaśābdāni śāntiṃ gacchanti tarpitāḥ / dadhikṣīreṇa toyena ghṛtena madhunā saha

Sanskrit only: no published translation is held for this verse.

ये स्नपन्ति विरूपाक्षं तेषां वासस्त्रिविष्टपे । मत्प्रसादाद् द्विजश्रेष्ठ सर्वदेवानुसेवितम्

ye snapanti virūpākṣaṃ teṣāṃ vāsastriviṣṭape / matprasādād dvijaśreṣṭha sarvadevānusevitam

Sanskrit only: no published translation is held for this verse.

भविष्यति भृगुक्षेत्रं कुरुक्षेत्रादिभिः समम् । मार्तण्डग्रहणे प्राप्ते यवं कृत्वा हिरण्मयम्

bhaviṣyati bhṛgukṣetraṃ kurukṣetrādibhiḥ samam / mārtaṇḍagrahaṇe prāpte yavaṃ kṛtvā hiraṇmayam

Sanskrit only: no published translation is held for this verse.

दत्त्वा शिरसि यः स्नाति भृगुक्षेत्रे द्विजोत्तम । अविचारेण तं विद्धि संस्नातं कुरुजाङ्गले

dattvā śirasi yaḥ snāti bhṛgukṣetre dvijottama / avicāreṇa taṃ viddhi saṃsnātaṃ kurujāṅgale

Sanskrit only: no published translation is held for this verse.

अहं चैव वसिष्यामि अम्बिका च मम प्रिया । सर्वदुःखापहा देवी नाम्ना सौभाग्यसुन्दरी

ahaṃ caiva vasiṣyāmi ambikā ca mama priyā / sarvaduḥkhāpahā devī nāmnā saubhāgyasundarī

Sanskrit only: no published translation is held for this verse.

वसिष्यामि तया देव्या सहितो भृगुकच्छके । एवमुक्त्वा स्थितो देवो भृगुकच्छे ऽम्बिका तथा

vasiṣyāmi tayā devyā sahito bhṛgukacchake / evamuktvā sthito devo bhṛgukacche 'mbikā tathā

Sanskrit only: no published translation is held for this verse.

भृगुस्तु स्वपुरं प्रायाद्ब्रह्मघोषनिनादितम् । ऋग्यजुःसामघोषेण ह्यथर्वणनिनादितम्

bhṛgustu svapuraṃ prāyādbrahmaghoṣanināditam / ṛgyajuḥsāmaghoṣeṇa hyatharvaṇanināditam

Sanskrit only: no published translation is held for this verse.

तत्र तीर्थे तु यः स्नात्वा वृषमुत्सृजते नरः । स याति शिवसायुज्यमित्येवं शङ्करो ऽब्रवीत्

tatra tīrthe tu yaḥ snātvā vṛṣamutsṛjate naraḥ / sa yāti śivasāyujyamityevaṃ śaṅkaro 'bravīt

Sanskrit only: no published translation is held for this verse.

तत्र तीर्थे तु यः स्नात्वा चैत्रे मासि समाचरेत् । दद्याच्च लवणं विप्रे पूज्य सौभाग्यसुन्दरीम्

tatra tīrthe tu yaḥ snātvā caitre māsi samācaret / dadyācca lavaṇaṃ vipre pūjya saubhāgyasundarīm

Sanskrit only: no published translation is held for this verse.

गोभूहिरण्यं विप्रेभ्यः प्रीयेतां ललिताशिवौ । न दुःखं दुर्भगत्वं च वियोगं पतिना सह

gobhūhiraṇyaṃ viprebhyaḥ prīyetāṃ lalitāśivau / na duḥkhaṃ durbhagatvaṃ ca viyogaṃ patinā saha

Sanskrit only: no published translation is held for this verse.

प्राप्नोति नारी राजेन्द्र भृगुतीर्थाप्लवेन च । यस्तु नित्यं भृगुं देवं पश्येद्वै पाण्डुनन्दन

prāpnoti nārī rājendra bhṛgutīrthāplavena ca / yastu nityaṃ bhṛguṃ devaṃ paśyedvai pāṇḍunandana

Sanskrit only: no published translation is held for this verse.

आ ब्रह्मसदनं यावत्तत्रस्थैर्दैवतैः सह । यत्फलं समवाप्नोति तच्छृणुष्व नृपोत्तम

ā brahmasadanaṃ yāvattatrasthairdaivataiḥ saha / yatphalaṃ samavāpnoti tacchṛṇuṣva nṛpottama

Sanskrit only: no published translation is held for this verse.

सुवर्णशृङ्गीं कपिलां पयस्विनीं साध्वीं सुशीलां तरुणीं सवत्साम् । दत्त्वा द्विजे सर्वव्रतोपपन्ने फलं च यत्स्यात्तदिहैव नूनम्

suvarṇaśṛṅgīṃ kapilāṃ payasvinīṃ sādhvīṃ suśīlāṃ taruṇīṃ savatsām / dattvā dvije sarvavratopapanne phalaṃ ca yatsyāttadihaiva nūnam

Sanskrit only: no published translation is held for this verse.

समाः सहस्राणि तु सप्त वै जले म्रियेल् लभेद् द्वादशवह्निमध्ये । त्यजंस्तनुं शूरवृत्त्या नरेन्द्र शक्रातिथ्यं याति वै मर्त्यधर्मा

samāḥ sahasrāṇi tu sapta vai jale mriyel labhed dvādaśavahnimadhye / tyajaṃstanuṃ śūravṛttyā narendra śakrātithyaṃ yāti vai martyadharmā

Sanskrit only: no published translation is held for this verse.

आख्यानमेतच्च सदा यशस्यं स्वर्ग्यं धन्यं पुत्र्यमायुष्यकारि । शृण्वंल्लभेत्सर्वमेतद्धि भक्त्या पर्वणि पर्वण्याजमीढस् सदैव

ākhyānametacca sadā yaśasyaṃ svargyaṃ dhanyaṃ putryamāyuṣyakāri / śṛṇvaṃllabhetsarvametaddhi bhaktyā parvaṇi parvaṇyājamīḍhas sadaiva

Sanskrit only: no published translation is held for this verse.

संन्यासं कुरुते यस्तु भृगुतीर्थे विधानतः । स मृतः परमं स्थानं गच्छेद्वै यच्च दुर्लभम्

saṃnyāsaṃ kurute yastu bhṛgutīrthe vidhānataḥ / sa mṛtaḥ paramaṃ sthānaṃ gacchedvai yacca durlabham

Sanskrit only: no published translation is held for this verse.

एतच्छ्रुत्वा भृगुश्रेष्ठो देवदेवेन भाषितम् । प्रहृष्टवदनो भूत्वा तत्रैव संस्थितो द्विजः

etacchrutvā bhṛguśreṣṭho devadevena bhāṣitam / prahṛṣṭavadano bhūtvā tatraiva saṃsthito dvijaḥ

Sanskrit only: no published translation is held for this verse.

तिरोभावं गते देवे भृगुः श्रेष्ठो द्विजोत्तमः । स्वमूर्ति तत्र मुक्त्वा तु ब्रह्मलोकं जगाम ह

tirobhāvaṃ gate deve bhṛguḥ śreṣṭho dvijottamaḥ / svamūrti tatra muktvā tu brahmalokaṃ jagāma ha

Sanskrit only: no published translation is held for this verse.

भृगुकच्छस्य चोत्पत्तिः कथिता तव पाण्डव । संक्षेपेण महाराज सर्वपामप्रणाशनी

bhṛgukacchasya cotpattiḥ kathitā tava pāṇḍava / saṃkṣepeṇa mahārāja sarvapāmapraṇāśanī

Sanskrit only: no published translation is held for this verse.

एतत्पुण्यं पापहरं क्षेत्रं देवेन कीर्तितम् । चतुर्युगसहस्रेण पितामहदिनं स्मृतम्

etatpuṇyaṃ pāpaharaṃ kṣetraṃ devena kīrtitam / caturyugasahasreṇa pitāmahadinaṃ smṛtam

Sanskrit only: no published translation is held for this verse.

प्राप्ते ब्रह्मदिने विप्रा जायते युगसम्भवः । न पश्यामि त्विदं क्षेत्रम् इति रुद्रः स्वयं जगौ

prāpte brahmadine viprā jāyate yugasambhavaḥ / na paśyāmi tvidaṃ kṣetram iti rudraḥ svayaṃ jagau

Sanskrit only: no published translation is held for this verse.

यः शृणोति त्विदं भक्त्या नारी वा पुरुषो ऽपि वा । स याति परमं लोकम् इति रुद्रः स्वयं जगौ

yaḥ śṛṇoti tvidaṃ bhaktyā nārī vā puruṣo 'pi vā / sa yāti paramaṃ lokam iti rudraḥ svayaṃ jagau

Sanskrit only: no published translation is held for this verse.

देवखाते नरः स्नात्वा पिण्डदानादिसत्क्रियाम् । यां करोति नृपश्रेष्ठ ताम् अक्षयफलां विदुः

devakhāte naraḥ snātvā piṇḍadānādisatkriyām / yāṃ karoti nṛpaśreṣṭha tām akṣayaphalāṃ viduḥ

Sanskrit only: no published translation is held for this verse.

य इमं शृणुयाद् भक्त्या भृगुकच्छस्य विस्तरम् । कोटितीर्थफलं तस्य भवेद् वै नात्र संशयः

ya imaṃ śṛṇuyād bhaktyā bhṛgukacchasya vistaram / koṭitīrthaphalaṃ tasya bhaved vai nātra saṃśayaḥ

Sanskrit only: no published translation is held for this verse.