Revakhanda of the Vayupurana 187

जालेश्वरं ततो गच्छेल्लिङ्गमाद्यं स्वयम्भुवः । कालाग्निरुद्रं विख्यातं भृगुकच्छे व्यवस्थितम्

jāleśvaraṃ tato gacchelliṅgamādyaṃ svayambhuvaḥ / kālāgnirudraṃ vikhyātaṃ bhṛgukacche vyavasthitam

Sanskrit only: no published translation is held for this verse.

सर्वपापप्रशमनं सर्वोपद्रवनाशनम् । क्षेत्रपापविनाशाय कृपया च समुत्थितम्

sarvapāpapraśamanaṃ sarvopadravanāśanam / kṣetrapāpavināśāya kṛpayā ca samutthitam

Sanskrit only: no published translation is held for this verse.

पुरा कल्पे ऽसुरगणैराक्रान्ते भुवनत्रये । वेदोक्तकर्मनाशे च धर्मे च विलयं गते

purā kalpe 'suragaṇairākrānte bhuvanatraye / vedoktakarmanāśe ca dharme ca vilayaṃ gate

Sanskrit only: no published translation is held for this verse.

देवर्षिमुनिसिद्धेषु विश्वासपरमेषु च । कालाग्निरुद्राद् उत्पन्नो धूमः कालोद्भवोद्भवः

devarṣimunisiddheṣu viśvāsaparameṣu ca / kālāgnirudrād utpanno dhūmaḥ kālodbhavodbhavaḥ

Sanskrit only: no published translation is held for this verse.

धूमात्समुत्थितं लिङ्गं भित्त्वा पातालसप्तकम् । अवटं दक्षिणे कृत्वा लिङ्गं तत्रैव तिष्ठति

dhūmātsamutthitaṃ liṅgaṃ bhittvā pātālasaptakam / avaṭaṃ dakṣiṇe kṛtvā liṅgaṃ tatraiva tiṣṭhati

Sanskrit only: no published translation is held for this verse.

तत्र तीर्थे नृपश्रेष्ठ कुण्डं ज्वालासमुद्भवम् । यत्र सा पतिता ज्वाला शिवस्य दहतः पुरम्

tatra tīrthe nṛpaśreṣṭha kuṇḍaṃ jvālāsamudbhavam / yatra sā patitā jvālā śivasya dahataḥ puram

Sanskrit only: no published translation is held for this verse.

तत्रावटं समुद्भूतं धूमावर्तस् ततो ऽभवत् । तस्मिन्कुण्डे तु यः स्नानं कृत्वा वै नर्मदाजले

tatrāvaṭaṃ samudbhūtaṃ dhūmāvartas tato 'bhavat / tasminkuṇḍe tu yaḥ snānaṃ kṛtvā vai narmadājale

Sanskrit only: no published translation is held for this verse.

कुर्याच्छ्राद्धं पितृभ्यो वै पूजयेच्च त्रिलोचनम् । कालाग्निरुद्रनामानि स गच्छेत् परमां गतिम्

kuryācchrāddhaṃ pitṛbhyo vai pūjayecca trilocanam / kālāgnirudranāmāni sa gacchet paramāṃ gatim

Sanskrit only: no published translation is held for this verse.

यत्किंचित्कामिकं कर्म ह्याभिचारिकमेव वा । रिपुसंक्षयकृद्वापि सांतानिकमथापि वा । अत्र तीर्थे कृतं सर्वम् अचिरात् सिध्यते नृप

yatkiṃcitkāmikaṃ karma hyābhicārikameva vā / ripusaṃkṣayakṛdvāpi sāṃtānikamathāpi vā / atra tīrthe kṛtaṃ sarvam acirāt sidhyate nṛpa

Sanskrit only: no published translation is held for this verse.