Revakhanda of the Vayupurana 188

ततः परं महाराज चत्वारिंशत्क्रमान्तरे । शालग्रामं ततो गच्छेत् सर्वदैवतपूजितम्

tataḥ paraṃ mahārāja catvāriṃśatkramāntare / śālagrāmaṃ tato gacchet sarvadaivatapūjitam

Sanskrit only: no published translation is held for this verse.

यत्रादिदेवो भगवान्वासुदेवस्त्रिविक्रमः । स्वयं तिष्ठति लोकात्मा सर्वेषां हितकाम्यया

yatrādidevo bhagavānvāsudevastrivikramaḥ / svayaṃ tiṣṭhati lokātmā sarveṣāṃ hitakāmyayā

Sanskrit only: no published translation is held for this verse.

नारदेन तपस्तप्त्वा कृता शाला द्विजन्मनाम् । सिद्धिक्षेत्रं भृगुक्षेत्रं ज्ञात्वा रेवातटे स्वयम्

nāradena tapastaptvā kṛtā śālā dvijanmanām / siddhikṣetraṃ bhṛgukṣetraṃ jñātvā revātaṭe svayam

Sanskrit only: no published translation is held for this verse.

शालग्रामाभिधो देवो विप्राणां त्वधिवासितः । साधूनां चोपकाराय वासुदेवः प्रतिष्ठितः

śālagrāmābhidho devo viprāṇāṃ tvadhivāsitaḥ / sādhūnāṃ copakārāya vāsudevaḥ pratiṣṭhitaḥ

Sanskrit only: no published translation is held for this verse.

योगिनामुपकाराय योगिध्येयो जनार्दनः । शालग्रामेति तेनैव नर्मदातटमाश्रितः

yogināmupakārāya yogidhyeyo janārdanaḥ / śālagrāmeti tenaiva narmadātaṭamāśritaḥ

Sanskrit only: no published translation is held for this verse.

मासि मार्गशिरे शुक्ला भवत्येकादशी यदा । स्नात्वा रेवाजले पुण्ये तद्दिनं समुपोषयेत्

māsi mārgaśire śuklā bhavatyekādaśī yadā / snātvā revājale puṇye taddinaṃ samupoṣayet

Sanskrit only: no published translation is held for this verse.

रात्रौ जागरणं कुर्यात् सम्पूज्य च जनार्दनम् । पुनः प्रभातसमये द्वादश्यां नर्मदाजले

rātrau jāgaraṇaṃ kuryāt sampūjya ca janārdanam / punaḥ prabhātasamaye dvādaśyāṃ narmadājale

Sanskrit only: no published translation is held for this verse.

स्नात्वा संतर्प्य देवांश्च पित्ःन्मात्ःस् तथैव च । श्राद्धं कृत्वा ततः पश्चात् पितृभ्यो विधिपूर्वकम्

snātvā saṃtarpya devāṃśca pitḥnmātḥs tathaiva ca / śrāddhaṃ kṛtvā tataḥ paścāt pitṛbhyo vidhipūrvakam

Sanskrit only: no published translation is held for this verse.

शक्तितो ब्राह्मणान्पूज्य स्वर्णवस्त्रान्नदानतः । क्षमापयित्वा तान्विप्रांस्तथा देवं खगध्वजम्

śaktito brāhmaṇānpūjya svarṇavastrānnadānataḥ / kṣamāpayitvā tānviprāṃstathā devaṃ khagadhvajam

Sanskrit only: no published translation is held for this verse.

एवं कृते महाराज यत्पुण्यं च भवेन्न्ःणाम् । शृणुष्वावहितो भूत्वा तत्पुण्यं नृपसत्तम

evaṃ kṛte mahārāja yatpuṇyaṃ ca bhavennḥṇām / śṛṇuṣvāvahito bhūtvā tatpuṇyaṃ nṛpasattama

Sanskrit only: no published translation is held for this verse.

न शोकदुःखे प्रतिपत्स्यतीह जीवन्मृतो याति मुरारिसाम्यम् । महान्ति पापानि विसृज्य दुग्धं पुनर्न मातुः पिबते स्तनोद्यत्

na śokaduḥkhe pratipatsyatīha jīvanmṛto yāti murārisāmyam / mahānti pāpāni visṛjya dugdhaṃ punarna mātuḥ pibate stanodyat

Sanskrit only: no published translation is held for this verse.

शालग्रामं पश्यते यो हि नित्यं स्नात्वा जले नार्मदे ऽघौघहारे । स मुच्यते ब्रह्महत्यादिपापैर्नारायणानुस्मरणेन तेन

śālagrāmaṃ paśyate yo hi nityaṃ snātvā jale nārmade 'ghaughahāre / sa mucyate brahmahatyādipāpairnārāyaṇānusmaraṇena tena

Sanskrit only: no published translation is held for this verse.

वसन्ति ये संन्यसित्वा च तत्र निगृह्य दुःखानि विमुक्तसङ्घाः । ध्यायन्तो वै सांख्यवृत्त्या तुरीयं पदं मुरारेस्ते ऽपि तत्रैव यान्ति

vasanti ye saṃnyasitvā ca tatra nigṛhya duḥkhāni vimuktasaṅghāḥ / dhyāyanto vai sāṃkhyavṛttyā turīyaṃ padaṃ murāreste 'pi tatraiva yānti

Sanskrit only: no published translation is held for this verse.