Revakhanda of the Vayupurana 193

इत्युक्ते ऽप्सरसः सर्वाः प्रणिपत्य पुनः पुनः । ऊचुर् नारायणं देवं तद्दर्शनसमीहया

ityukte 'psarasaḥ sarvāḥ praṇipatya punaḥ punaḥ / ūcur nārāyaṇaṃ devaṃ taddarśanasamīhayā

Sanskrit only: no published translation is held for this verse.

वसन्तकामाप्सरस ऊचुः । भगवन्भवता यो ऽयमुपदेशो हितार्थिना । प्रोक्तः स सर्वो विज्ञातो माहात्म्यं विदितं च ते

vasantakāmāpsarasa ūcuḥ / bhagavanbhavatā yo 'yamupadeśo hitārthinā / proktaḥ sa sarvo vijñāto māhātmyaṃ viditaṃ ca te

Sanskrit only: no published translation is held for this verse.

यत्त्वेतद्भवता प्रोक्तं प्रसन्नेनान्तरात्मना । दर्शितेयं विशालाक्षी दर्शयिष्यामि वो जगत्

yattvetadbhavatā proktaṃ prasannenāntarātmanā / darśiteyaṃ viśālākṣī darśayiṣyāmi vo jagat

Sanskrit only: no published translation is held for this verse.

तत्रार्थे सर्वभावेन प्रपन्नानां जगत्पते । दर्शयात्मानमखिलं दर्शितेयं यथोर्वशी

tatrārthe sarvabhāvena prapannānāṃ jagatpate / darśayātmānamakhilaṃ darśiteyaṃ yathorvaśī

Sanskrit only: no published translation is held for this verse.

यदि देवापराधे ऽपि नास्मासु कुपितं तव । नमस्ते जगतामीश दर्शयात्मानमात्मना

yadi devāparādhe 'pi nāsmāsu kupitaṃ tava / namaste jagatāmīśa darśayātmānamātmanā

Sanskrit only: no published translation is held for this verse.

पश्यतेहाखिलांल् लोकान् मम देहे सुराङ्गनाः । मधुं मदनम् आत्मानं यच् चान्यद् द्रष्टुमिच्छथ

paśyatehākhilāṃl lokān mama dehe surāṅganāḥ / madhuṃ madanam ātmānaṃ yac cānyad draṣṭumicchatha

Sanskrit only: no published translation is held for this verse.

इत्युक्त्वा भगवान्देवस्तदा नारायणो नृप । उच्चैर्जहास स्वनवत्तत्राभूदखिलं जगत्

ityuktvā bhagavāndevastadā nārāyaṇo nṛpa / uccairjahāsa svanavattatrābhūdakhilaṃ jagat

Sanskrit only: no published translation is held for this verse.

ब्रह्मा प्रजापतिः शक्रः सह रुद्रैः पिनाकधृक् । आदित्या वसवः साध्या विश्वेदेवा महर्षयः

brahmā prajāpatiḥ śakraḥ saha rudraiḥ pinākadhṛk / ādityā vasavaḥ sādhyā viśvedevā maharṣayaḥ

Sanskrit only: no published translation is held for this verse.

नासत्यदस्रावनिलः सर्वशश्च तथाग्नयः । यक्षगन्धर्वसिद्धाश्च पिशाचोरगकिन्नराः

nāsatyadasrāvanilaḥ sarvaśaśca tathāgnayaḥ / yakṣagandharvasiddhāśca piśācoragakinnarāḥ

Sanskrit only: no published translation is held for this verse.

समस्ताप्सरसो विद्याः साङ्गा वेदास्तदुक्तयः । मनुष्याः पशवः कीटाः पक्षिणः पादपास्तथा

samastāpsaraso vidyāḥ sāṅgā vedāstaduktayaḥ / manuṣyāḥ paśavaḥ kīṭāḥ pakṣiṇaḥ pādapāstathā

Sanskrit only: no published translation is held for this verse.

सरीसृपाश्चाथ सूक्ष्मा यच्चान्यज्जीवसंज्ञितम् । समुद्राः सकलाः शैलाः सरितः काननानि च

sarīsṛpāścātha sūkṣmā yaccānyajjīvasaṃjñitam / samudrāḥ sakalāḥ śailāḥ saritaḥ kānanāni ca

Sanskrit only: no published translation is held for this verse.

द्वीपान्यशेषाणि तथा तथा सर्वसरांसि च । नगरग्रामपूर्णा च मेदिनी मेदिनीपते । देवाङ्गनाभिर्देवस्य देहे दृष्टं महात्मनः

dvīpānyaśeṣāṇi tathā tathā sarvasarāṃsi ca / nagaragrāmapūrṇā ca medinī medinīpate / devāṅganābhirdevasya dehe dṛṣṭaṃ mahātmanaḥ

Sanskrit only: no published translation is held for this verse.

नक्षत्रग्रहताराभिः सुसम्पूर्णं नभस्तलम् । ददृशुस् ताः सुचार्वङ्ग्यस् तस्यान्तर्विश्वं रूपिणः

nakṣatragrahatārābhiḥ susampūrṇaṃ nabhastalam / dadṛśus tāḥ sucārvaṅgyas tasyāntarviśvaṃ rūpiṇaḥ

Sanskrit only: no published translation is held for this verse.

ऊर्ध्वं न तिर्यङ्नाधस्ताद्यदान्तस् तस्य दृश्यते । तमनन्तमनादिं च ततस्तास् तुष्टुवुः प्रभुम्

ūrdhvaṃ na tiryaṅnādhastādyadāntas tasya dṛśyate / tamanantamanādiṃ ca tatastās tuṣṭuvuḥ prabhum

Sanskrit only: no published translation is held for this verse.

मदनेन समं सर्वा मधुना च वराङ्गनाः । ससाध्वसा भक्तिपराः परं विस्मयमागताः

madanena samaṃ sarvā madhunā ca varāṅganāḥ / sasādhvasā bhaktiparāḥ paraṃ vismayamāgatāḥ

Sanskrit only: no published translation is held for this verse.

वसन्तकामाप्सरस ऊचुः । पश्याम नादिं तव देव नान्तं न मध्यमव्याकृतरूपपारम् । परायणं त्वां जगताम् अनन्तं नताः स्म नारायणमात्मभूतम्

vasantakāmāpsarasa ūcuḥ / paśyāma nādiṃ tava deva nāntaṃ na madhyamavyākṛtarūpapāram / parāyaṇaṃ tvāṃ jagatām anantaṃ natāḥ sma nārāyaṇamātmabhūtam

Sanskrit only: no published translation is held for this verse.

महीनभोवायुजलाग्नयस्त्वं शब्दादिरूपस्तु परापरात्मन् । त्वत्तो भवत्यच्युते सर्वम् एतद्भेदादिरूपो ऽसि विभो त्वमात्मन्

mahīnabhovāyujalāgnayastvaṃ śabdādirūpastu parāparātman / tvatto bhavatyacyute sarvam etadbhedādirūpo 'si vibho tvamātman

Sanskrit only: no published translation is held for this verse.

द्रष्टासि रूपस्य परस्य वेत्ता श्रोता च शब्दस्य हरे त्वमेकः । स्रष्टा भवान् सर्वगतो ऽखिलस्य घ्राता च गन्धस्य पृथक् शरीरी

draṣṭāsi rūpasya parasya vettā śrotā ca śabdasya hare tvamekaḥ / sraṣṭā bhavān sarvagato 'khilasya ghrātā ca gandhasya pṛthak śarīrī

Sanskrit only: no published translation is held for this verse.

सुरेषु सर्वेषु न सो ऽस्ति कश्चिन् मनुष्यलोकेषु न सो ऽस्ति कश्चित् । पश्वादिवर्गेषु न सो ऽस्ति कश्चिद् यो नांशभूतस्तव देवदेव

sureṣu sarveṣu na so 'sti kaścin manuṣyalokeṣu na so 'sti kaścit / paśvādivargeṣu na so 'sti kaścid yo nāṃśabhūtastava devadeva

Sanskrit only: no published translation is held for this verse.

ब्रह्माम्बुधीन्दुप्रमुखानि सौम्य शक्रादिरूपाणि तवोत्तमानि । समुद्ररूपं तव धैर्यवत्सु तेजः स्वरूपेषु रविस्तथाग्निः

brahmāmbudhīndupramukhāni saumya śakrādirūpāṇi tavottamāni / samudrarūpaṃ tava dhairyavatsu tejaḥ svarūpeṣu ravistathāgniḥ

Sanskrit only: no published translation is held for this verse.

क्षमाधनेषु क्षितिरूपमग्र्यं शीघ्रो बलवत्सु वायुः । मनुष्यरूपं तव राजवेषो मूढेषु सर्वेश्वर पादपो ऽसि

kṣamādhaneṣu kṣitirūpamagryaṃ śīghro balavatsu vāyuḥ / manuṣyarūpaṃ tava rājaveṣo mūḍheṣu sarveśvara pādapo 'si

Sanskrit only: no published translation is held for this verse.

सर्वानयेष्वच्युत दानवस्त्वं सनत्सजातश्च विवेकवत्सु । रसस्वरूपेण जलस्थितो ऽसि गन्धस्वरूपं भवतो धरित्र्याम्

sarvānayeṣvacyuta dānavastvaṃ sanatsajātaśca vivekavatsu / rasasvarūpeṇa jalasthito 'si gandhasvarūpaṃ bhavato dharitryām

Sanskrit only: no published translation is held for this verse.

दृश्यस्वरूपश्च हुताशनस्त्वं स्पर्शस्वरूपं भवतः समीरे । शब्दादिकं ते नभसि स्वरूपं मन्तव्यरूपो मनसि प्रभो त्वम्

dṛśyasvarūpaśca hutāśanastvaṃ sparśasvarūpaṃ bhavataḥ samīre / śabdādikaṃ te nabhasi svarūpaṃ mantavyarūpo manasi prabho tvam

Sanskrit only: no published translation is held for this verse.

बोधस्वरूपश्च मतौ त्वमेकः सर्वत्र सर्वेश्वर सर्वभूत । पश्यामि ते नाभिसरोजमध्ये ब्रह्माणमीशं च हरं भृकुट्याम्

bodhasvarūpaśca matau tvamekaḥ sarvatra sarveśvara sarvabhūta / paśyāmi te nābhisarojamadhye brahmāṇamīśaṃ ca haraṃ bhṛkuṭyām

Sanskrit only: no published translation is held for this verse.

तवाश्विनौ कर्णगतौ समस्तास्तवास्थिता बाहुषु लोकपालाः । घ्राणो ऽनिलो नेत्रगतौ रवीन्दु जिह्वा च ते नाथ सरस्वतीयम्

tavāśvinau karṇagatau samastāstavāsthitā bāhuṣu lokapālāḥ / ghrāṇo 'nilo netragatau ravīndu jihvā ca te nātha sarasvatīyam

Sanskrit only: no published translation is held for this verse.

पादौ धरित्री जठरं समस्तांल् लोकान् हृषीकेश विलोकयामः । जङ्घे वयं पादतलाङ्गुलीषु पिशाचयक्षोरगसिद्धसङ्घाः

pādau dharitrī jaṭharaṃ samastāṃl lokān hṛṣīkeśa vilokayāmaḥ / jaṅghe vayaṃ pādatalāṅgulīṣu piśācayakṣoragasiddhasaṅghāḥ

Sanskrit only: no published translation is held for this verse.

पुंस्त्वे प्रजानां पतिरोष्ठयुग्मे प्रतिष्ठितास्ते क्रतवः समस्ताः । सर्वे वयं ते दशनेषु देव दंष्ट्रासु देवा ह्यभवंश्च दन्ताः

puṃstve prajānāṃ patiroṣṭhayugme pratiṣṭhitāste kratavaḥ samastāḥ / sarve vayaṃ te daśaneṣu deva daṃṣṭrāsu devā hyabhavaṃśca dantāḥ

Sanskrit only: no published translation is held for this verse.

रोमाण्यशेषास् तव देवसङ्घा विद्याधरा नाथ तवाङ्घ्रिरेखाः । साङ्गाः समस्तास्तव देव वेदाः समास्थिताः सन्धिषु बाहुभूताः

romāṇyaśeṣās tava devasaṅghā vidyādharā nātha tavāṅghrirekhāḥ / sāṅgāḥ samastāstava deva vedāḥ samāsthitāḥ sandhiṣu bāhubhūtāḥ

Sanskrit only: no published translation is held for this verse.

वराहभूतं धरणीधरस्ते नृसिंहरूपं च सदा करालम् । पश्याम ते वाजिशिरस्तथोच्चैस्त्रिविक्रमे यच्च तदाप्रमेयम्

varāhabhūtaṃ dharaṇīdharaste nṛsiṃharūpaṃ ca sadā karālam / paśyāma te vājiśirastathoccaistrivikrame yacca tadāprameyam

Sanskrit only: no published translation is held for this verse.

अमी समुद्रास्तव देव देहे मौर्वालयः शैलधरास् तथामी । इमाश्च गङ्गाप्रमुखाः स्रवन्त्यो द्वीपाण्यशेषाणि वनादिदेशाः

amī samudrāstava deva dehe maurvālayaḥ śailadharās tathāmī / imāśca gaṅgāpramukhāḥ sravantyo dvīpāṇyaśeṣāṇi vanādideśāḥ

Sanskrit only: no published translation is held for this verse.

स्तुवन्ति चेमे मुनयस्तवेश देहे स्थितास्त्वन्महिमानमग्र्यम् । त्वामीशितारं जगतामनन्तं यजन्ति यज्ञैः किल यज्ञिनो ऽमी

stuvanti ceme munayastaveśa dehe sthitāstvanmahimānamagryam / tvāmīśitāraṃ jagatāmanantaṃ yajanti yajñaiḥ kila yajñino 'mī

Sanskrit only: no published translation is held for this verse.

त्वत्तोहि सौम्यं जगतीह किंचित् त्वत्तो न रौद्रं च समस्तमूर्ते । त्वत्तो न शीतं च न केशवोष्णं सर्वस्वरूपातिशयी त्वमेव

tvattohi saumyaṃ jagatīha kiṃcit tvatto na raudraṃ ca samastamūrte / tvatto na śītaṃ ca na keśavoṣṇaṃ sarvasvarūpātiśayī tvameva

Sanskrit only: no published translation is held for this verse.

प्रसीद सर्वेश्वर सर्वभूत सनातनात्मपरमेश्वरेश । त्वन्मायया मोहितमानसाभिर्यत्ते ऽपराद्धं तदिदं क्षमस्व

prasīda sarveśvara sarvabhūta sanātanātmaparameśvareśa / tvanmāyayā mohitamānasābhiryatte 'parāddhaṃ tadidaṃ kṣamasva

Sanskrit only: no published translation is held for this verse.

किं वापराद्धं तव देवदेव यन्मायया नो हृदयं तवापि । मायाभिशङ्किप्रणतार्तिहन्तर् मनो हि नो विह्वलतामुपैति

kiṃ vāparāddhaṃ tava devadeva yanmāyayā no hṛdayaṃ tavāpi / māyābhiśaṅkipraṇatārtihantar mano hi no vihvalatāmupaiti

Sanskrit only: no published translation is held for this verse.

न ते ऽपराद्धं यदि ते ऽपराद्धम् अस्माभिर् उन्मार्गविवर्तिनीभिः । तत्क्षम्यतां सृष्टिकृतस्तवैव देवापराधः सृजतो विवेकम्

na te 'parāddhaṃ yadi te 'parāddham asmābhir unmārgavivartinībhiḥ / tatkṣamyatāṃ sṛṣṭikṛtastavaiva devāparādhaḥ sṛjato vivekam

Sanskrit only: no published translation is held for this verse.

नमो नमस्ते गोविन्द नारायण जनार्दन । त्वन्नामस्मरणात् पापमशेषं नः प्रणश्यतु

namo namaste govinda nārāyaṇa janārdana / tvannāmasmaraṇāt pāpamaśeṣaṃ naḥ praṇaśyatu

Sanskrit only: no published translation is held for this verse.

नमो ऽनन्त नमस् तुभ्यं विश्वात्मन्विश्वभावन । त्वन्नामस्मरणात् पापमशेषं नः प्रणश्यतु

namo 'nanta namas tubhyaṃ viśvātmanviśvabhāvana / tvannāmasmaraṇāt pāpamaśeṣaṃ naḥ praṇaśyatu

Sanskrit only: no published translation is held for this verse.

वरेण्य यज्ञपुरुष प्रजापालन वामन । त्वन्नामस्मरणात् पापमशेषं नः प्रणश्यतु

vareṇya yajñapuruṣa prajāpālana vāmana / tvannāmasmaraṇāt pāpamaśeṣaṃ naḥ praṇaśyatu

Sanskrit only: no published translation is held for this verse.

नमो ऽस्तु ते ऽब्जनाभाय प्रजापतिकृते हर । त्वन्नामस्मरणात् पापमशेषं नः प्रणश्यतु

namo 'stu te 'bjanābhāya prajāpatikṛte hara / tvannāmasmaraṇāt pāpamaśeṣaṃ naḥ praṇaśyatu

Sanskrit only: no published translation is held for this verse.

संसारार्णवपोताय नमस् तुभ्यमधोक्षज । त्वन्नामस्मरणात् पापमशेषं नः प्रणश्यतु

saṃsārārṇavapotāya namas tubhyamadhokṣaja / tvannāmasmaraṇāt pāpamaśeṣaṃ naḥ praṇaśyatu

Sanskrit only: no published translation is held for this verse.

नमः परस्मै श्रीशाय वासुदेवाय वेधसे । स्वेच्छया गुणयुक्ताय सर्गस्थित्यन्तकारिणे

namaḥ parasmai śrīśāya vāsudevāya vedhase / svecchayā guṇayuktāya sargasthityantakāriṇe

Sanskrit only: no published translation is held for this verse.

उपसंहर विश्वात्मन्रूपमेतत्सनातनम् । वर्धमानं न नो द्रष्टुं समर्थं चक्षुरीश्वर

upasaṃhara viśvātmanrūpametatsanātanam / vardhamānaṃ na no draṣṭuṃ samarthaṃ cakṣurīśvara

Sanskrit only: no published translation is held for this verse.

प्रलयाग्निसहस्रस्य समा दीप्तिस्तवाच्युत । प्रमाणेन दिशो भूमिर्गगनं च समावृतम्

pralayāgnisahasrasya samā dīptistavācyuta / pramāṇena diśo bhūmirgaganaṃ ca samāvṛtam

Sanskrit only: no published translation is held for this verse.

न विद्मः कुत्र वर्तामो भवान्नाथोपलक्ष्यते । सर्वं जगदिऐकस्थं पिण्डितं लक्षयामहे

na vidmaḥ kutra vartāmo bhavānnāthopalakṣyate / sarvaṃ jagadiaikasthaṃ piṇḍitaṃ lakṣayāmahe

Sanskrit only: no published translation is held for this verse.

किं वर्णयामो रूपं ते किं प्रमाणमिदं हरे । माहात्म्यं किं नु ते देव यज्जिह्वाया न गोचरे

kiṃ varṇayāmo rūpaṃ te kiṃ pramāṇamidaṃ hare / māhātmyaṃ kiṃ nu te deva yajjihvāyā na gocare

Sanskrit only: no published translation is held for this verse.

वक्तारो वायुतेनापि बुद्धीनामयुतायुतैः । गुणनिर्वर्णनं नाथ कर्तुं तव न शक्यते

vaktāro vāyutenāpi buddhīnāmayutāyutaiḥ / guṇanirvarṇanaṃ nātha kartuṃ tava na śakyate

Sanskrit only: no published translation is held for this verse.

तदेतद्दर्शितं रूपं प्रसादः परमः कृतः । छन्दतो जगतामीश तदेतदुपसंहर

tadetaddarśitaṃ rūpaṃ prasādaḥ paramaḥ kṛtaḥ / chandato jagatāmīśa tadetadupasaṃhara

Sanskrit only: no published translation is held for this verse.

इत्येवं संस्तुतस् ताभिर् अप्सरोभिर् जनार्दनः । दिव्यज्ञानोपपन्नानां तासां प्रत्यक्षमीश्वरः

ityevaṃ saṃstutas tābhir apsarobhir janārdanaḥ / divyajñānopapannānāṃ tāsāṃ pratyakṣamīśvaraḥ

Sanskrit only: no published translation is held for this verse.

विवेश सर्वभूतानि स्वैरंशैर्भूतभावनः । तं दृष्ट्वा सर्वभूतेषु लीयमानमधोक्षजम्

viveśa sarvabhūtāni svairaṃśairbhūtabhāvanaḥ / taṃ dṛṣṭvā sarvabhūteṣu līyamānamadhokṣajam

Sanskrit only: no published translation is held for this verse.

विस्मयं परमं चक्रुः समस्ता देवयोषितः । स च सर्वेश्वरः शैलान्पादपान्सागरान्भुवम्

vismayaṃ paramaṃ cakruḥ samastā devayoṣitaḥ / sa ca sarveśvaraḥ śailānpādapānsāgarānbhuvam

Sanskrit only: no published translation is held for this verse.

जलमग्निं तथा वायुम् आकाशं च विवेश ह । काले दिक्ष्वथ सर्वात्म ह्य् आत्मनश्चान्यथापि च

jalamagniṃ tathā vāyum ākāśaṃ ca viveśa ha / kāle dikṣvatha sarvātma hy ātmanaścānyathāpi ca

Sanskrit only: no published translation is held for this verse.

आत्मरूपस्थितं स्वेन महिम्ना भावयञ्जगत् । देवदानवरक्षांसि यक्षीविद्याधरोरगाः

ātmarūpasthitaṃ svena mahimnā bhāvayañjagat / devadānavarakṣāṃsi yakṣīvidyādharoragāḥ

Sanskrit only: no published translation is held for this verse.

मनुष्यपशुकीटादिमृगपश्वन्तरिक्षगाः । ये ऽन्तरिक्षे तथा भूमौ दिवि ये च जलाश्रयाः

manuṣyapaśukīṭādimṛgapaśvantarikṣagāḥ / ye 'ntarikṣe tathā bhūmau divi ye ca jalāśrayāḥ

Sanskrit only: no published translation is held for this verse.

तान्विवेश स विश्वात्मा पुनस्तद्रूपम् आस्थितः । नरेण सार्धं यत् ताभिर् दृष्टपूर्वम् अरिन्दम

tānviveśa sa viśvātmā punastadrūpam āsthitaḥ / nareṇa sārdhaṃ yat tābhir dṛṣṭapūrvam arindama

Sanskrit only: no published translation is held for this verse.

ताः परं विस्मयं जग्मुः सर्वास्त्रिदशयोषितः । प्रणेमुः साध्वसात् पाण्डुवदना नृपसत्तम

tāḥ paraṃ vismayaṃ jagmuḥ sarvāstridaśayoṣitaḥ / praṇemuḥ sādhvasāt pāṇḍuvadanā nṛpasattama

Sanskrit only: no published translation is held for this verse.

नारायणो ऽपि भगवानाह तास्त्रिदशाङ्गनाः

nārāyaṇo 'pi bhagavānāha tāstridaśāṅganāḥ

Sanskrit only: no published translation is held for this verse.

नीयतामुर्वशी भद्रा यत्रासौ त्रिदशेश्वरः । भवतीनां हितार्थाय सर्वभूतेष्वसाविति

nīyatāmurvaśī bhadrā yatrāsau tridaśeśvaraḥ / bhavatīnāṃ hitārthāya sarvabhūteṣvasāviti

Sanskrit only: no published translation is held for this verse.

ज्ञानमुत्पादितं भूयो लयं भूतेषु कुर्वता । तद्गच्छध्वं समस्तो ऽयं भूतग्रामो मदंशकः

jñānamutpāditaṃ bhūyo layaṃ bhūteṣu kurvatā / tadgacchadhvaṃ samasto 'yaṃ bhūtagrāmo madaṃśakaḥ

Sanskrit only: no published translation is held for this verse.

अहमद्यात्मभूतस्य वासुदेवस्य योगिनः । अस्मात्परतरं नास्ति यो ऽनन्तः परिपथ्यते

ahamadyātmabhūtasya vāsudevasya yoginaḥ / asmātparataraṃ nāsti yo 'nantaḥ paripathyate

Sanskrit only: no published translation is held for this verse.

तमजं सर्वभूतेशं जानीत परमं पदम् । अहं भवत्यो देवाश्च मनुष्याः पशवश्च ये । एतत्सर्वमनन्तस्य वासुदेवस्य वै कृतम्

tamajaṃ sarvabhūteśaṃ jānīta paramaṃ padam / ahaṃ bhavatyo devāśca manuṣyāḥ paśavaśca ye / etatsarvamanantasya vāsudevasya vai kṛtam

Sanskrit only: no published translation is held for this verse.

एवं ज्ञात्वा समं सर्वं सदेवासुरमानुषम् । सपश्वादिगुणं चैव द्रष्टव्यं त्रिदशाङ्गनाः

evaṃ jñātvā samaṃ sarvaṃ sadevāsuramānuṣam / sapaśvādiguṇaṃ caiva draṣṭavyaṃ tridaśāṅganāḥ

Sanskrit only: no published translation is held for this verse.

इत्युक्तास् तेन देवेन समस्तास्ताः सुरस्त्रियः । प्रणम्य तौ समदनाः सवसन्ताश्च पार्थिव

ityuktās tena devena samastāstāḥ surastriyaḥ / praṇamya tau samadanāḥ savasantāśca pārthiva

Sanskrit only: no published translation is held for this verse.

आदाय चोर्वशीं भूयो देवराजमुपागताः । आचख्युश्च यथावृत्तं देवराजाय तत्तथा

ādāya corvaśīṃ bhūyo devarājamupāgatāḥ / ācakhyuśca yathāvṛttaṃ devarājāya tattathā

Sanskrit only: no published translation is held for this verse.

तथा त्वमपि राजेन्द्र सर्वभूतेषु केशवम् । चिन्तयन्समतां गच्छ समतैव हि मुक्तये

tathā tvamapi rājendra sarvabhūteṣu keśavam / cintayansamatāṃ gaccha samataiva hi muktaye

Sanskrit only: no published translation is held for this verse.

राजन्नेवं विशेषेण भूतेषु परमेश्वरम् । वासुदेव कथं दोषांल् लोभादीन्न प्रहास्यसि

rājannevaṃ viśeṣeṇa bhūteṣu parameśvaram / vāsudeva kathaṃ doṣāṃl lobhādīnna prahāsyasi

Sanskrit only: no published translation is held for this verse.

सर्वभूतानि गोविन्दाद् यदा नान्यानि भूपते । तदा वैरादयो भावाः क्रियताम् न तु पुत्रक

sarvabhūtāni govindād yadā nānyāni bhūpate / tadā vairādayo bhāvāḥ kriyatām na tu putraka

Sanskrit only: no published translation is held for this verse.

इति पश्य जगत्सर्वं वासुदेवात्मकं नृप । एतदेव हि कृष्णेन रूपमाविष्कृतं नृप

iti paśya jagatsarvaṃ vāsudevātmakaṃ nṛpa / etadeva hi kṛṣṇena rūpamāviṣkṛtaṃ nṛpa

Sanskrit only: no published translation is held for this verse.

परमेश्वरेति यद्रूपं तदेतत्कथितं तव । जन्मादिभावरहितं तद् विष्णोः परमं पदम्

parameśvareti yadrūpaṃ tadetatkathitaṃ tava / janmādibhāvarahitaṃ tad viṣṇoḥ paramaṃ padam

Sanskrit only: no published translation is held for this verse.

संक्षेपेणाथ भूपाल श्रूयतां यद्वदामि ते । यन्मतं पुरुषः कृत्वा परं निर्वाणमृच्छति

saṃkṣepeṇātha bhūpāla śrūyatāṃ yadvadāmi te / yanmataṃ puruṣaḥ kṛtvā paraṃ nirvāṇamṛcchati

Sanskrit only: no published translation is held for this verse.

सर्वो विष्णुसमासो हि भावाभावौ च तन्मयौ । सदसत्सर्वमीशो ऽसौ महादेवः परं पदम्

sarvo viṣṇusamāso hi bhāvābhāvau ca tanmayau / sadasatsarvamīśo 'sau mahādevaḥ paraṃ padam

Sanskrit only: no published translation is held for this verse.

भवजलधिगतानां द्वन्द्ववाताहतानां सुतदुहितृकलत्रत्राणभारार्दितानाम् । विषमविषयतोये मज्जतामप्लवानां भवति शरणमेको विष्णुपोतो नराणाम्

bhavajaladhigatānāṃ dvandvavātāhatānāṃ sutaduhitṛkalatratrāṇabhārārditānām / viṣamaviṣayatoye majjatāmaplavānāṃ bhavati śaraṇameko viṣṇupoto narāṇām

Sanskrit only: no published translation is held for this verse.