Revakhanda of the Vayupurana 199

तस्यैवानन्तरं राजन्नाश्विनं तीर्थमुत्तमम् । कामिकं सर्वतीर्थानां प्राणिनां सिद्धिदायकम्

tasyaivānantaraṃ rājannāśvinaṃ tīrthamuttamam / kāmikaṃ sarvatīrthānāṃ prāṇināṃ siddhidāyakam

Sanskrit only: no published translation is held for this verse.

तत्र तीर्थे ऽश्विनौ देवौ सुरूपौ भिषजां वरौ । तपः कृत्वा सुविपुलं संजातौ यज्ञभागिनौ

tatra tīrthe 'śvinau devau surūpau bhiṣajāṃ varau / tapaḥ kṛtvā suvipulaṃ saṃjātau yajñabhāginau

Sanskrit only: no published translation is held for this verse.

संमतौ सर्वदेवानामादित्यतनयावुभौ । नासत्यौ सत्त्वं पन्नौ सर्वदुःखघ्नसत्तमौ

saṃmatau sarvadevānāmādityatanayāvubhau / nāsatyau sattvaṃ pannau sarvaduḥkhaghnasattamau

Sanskrit only: no published translation is held for this verse.

आदित्यस्य सुतौ तात नासत्यौ येन हेतुना । संजातौ श्रोतुम् इच्छामि निर्णयं परमं द्विज

ādityasya sutau tāta nāsatyau yena hetunā / saṃjātau śrotum icchāmi nirṇayaṃ paramaṃ dvija

Sanskrit only: no published translation is held for this verse.

पुराणे भास्करे तात एतद्विस्तरतो मया । संश्रुतं देवदेवस्य मार्तण्डस्य महात्मनः

purāṇe bhāskare tāta etadvistarato mayā / saṃśrutaṃ devadevasya mārtaṇḍasya mahātmanaḥ

Sanskrit only: no published translation is held for this verse.

तत्ते संक्षेपतः सर्वं भक्तियुक्तस्य भारत । कथयामि न सन्देहो वृद्धभावेन कर्शितः

tatte saṃkṣepataḥ sarvaṃ bhaktiyuktasya bhārata / kathayāmi na sandeho vṛddhabhāvena karśitaḥ

Sanskrit only: no published translation is held for this verse.

अतितेजोरवेर्दृष्ट्वा राज्ञी देवी नरोत्तम । चचार मेरुकान्तारे वडवा तप उल्बणम्

atitejoraverdṛṣṭvā rājñī devī narottama / cacāra merukāntāre vaḍavā tapa ulbaṇam

Sanskrit only: no published translation is held for this verse.

ततः कतिपयाहस्य कालस्य भगवान्रविः । दृष्ट्वा तु रूपमुत्सृज्य परमं तेज उज्ज्वलम्

tataḥ katipayāhasya kālasya bhagavānraviḥ / dṛṣṭvā tu rūpamutsṛjya paramaṃ teja ujjvalam

Sanskrit only: no published translation is held for this verse.

मनोभववशीभूतो हयो भूत्वा लघुक्रमः । विस्फुरन्ती यथाप्राणं धावमाना इतस्ततः

manobhavavaśībhūto hayo bhūtvā laghukramaḥ / visphurantī yathāprāṇaṃ dhāvamānā itastataḥ

Sanskrit only: no published translation is held for this verse.

हेषमाणः स्वरेणासौ मैथुनायोपचक्रमे । सम्मुखी तु ततो देवी निवृत्ता लघुविक्रमा

heṣamāṇaḥ svareṇāsau maithunāyopacakrame / sammukhī tu tato devī nivṛttā laghuvikramā

Sanskrit only: no published translation is held for this verse.

यथा तथा नासिकायां प्रविष्टं बीजमुत्तमम् । ततो नासागते बीजे संजातो गर्भ उत्तमः

yathā tathā nāsikāyāṃ praviṣṭaṃ bījamuttamam / tato nāsāgate bīje saṃjāto garbha uttamaḥ

Sanskrit only: no published translation is held for this verse.

जातौ यतः सुतौ पार्थ नासत्यौ विश्रुतौ ततः । सुसमौ सुविभक्ताङ्गौ बिम्बाद्बिम्बमिवोद्यतौ

jātau yataḥ sutau pārtha nāsatyau viśrutau tataḥ / susamau suvibhaktāṅgau bimbādbimbamivodyatau

Sanskrit only: no published translation is held for this verse.

अधिकौ सर्वदेवानां रूपैश् चर्यसमन्वितौ । नर्मदातटमाश्रित्य भृगुकच्छे गतावुभौ । परां सिद्धिमनुप्राप्तौ तपः कृत्वा सुदुश्चरम्

adhikau sarvadevānāṃ rūpaiś caryasamanvitau / narmadātaṭamāśritya bhṛgukacche gatāvubhau / parāṃ siddhimanuprāptau tapaḥ kṛtvā suduścaram

Sanskrit only: no published translation is held for this verse.

तत्र तीर्थे तु यः स्नात्वा तर्पयेत् पितृदेवताः । सुरूपः सुभगः पार्थ जायते यत्र तत्र च

tatra tīrthe tu yaḥ snātvā tarpayet pitṛdevatāḥ / surūpaḥ subhagaḥ pārtha jāyate yatra tatra ca

Sanskrit only: no published translation is held for this verse.