Revakhanda of the Vayupurana 20

श्रुता मे विविधा धर्माः संहारास्त्वत्प्रसादतः । कृता देवेन सर्वेण ये च दृष्टास्त्वयानघ

śrutā me vividhā dharmāḥ saṃhārāstvatprasādataḥ / kṛtā devena sarveṇa ye ca dṛṣṭāstvayānagha

Sanskrit only: no published translation is held for this verse.

साम्प्रतं श्रोतुमिच्छामि प्रभावं शार्ङ्गधन्वनः । त्वयानुभूतं विप्रेन्द्र तन्मे त्वं वक्तुमर्हसि

sāmprataṃ śrotumicchāmi prabhāvaṃ śārṅgadhanvanaḥ / tvayānubhūtaṃ viprendra tanme tvaṃ vaktumarhasi

Sanskrit only: no published translation is held for this verse.

अतः परं प्रवक्ष्यामि प्रजासंहारलक्षणम् । यच्चिह्नं दृश्यते तत्र यथा कल्पो विधीयते

ataḥ paraṃ pravakṣyāmi prajāsaṃhāralakṣaṇam / yaccihnaṃ dṛśyate tatra yathā kalpo vidhīyate

Sanskrit only: no published translation is held for this verse.

उल्कापाताः सनिर्घाता भूमिकम्पस्तथैव च । पतते पांशुवर्षं च निर्घोषश्चैव दारुणः

ulkāpātāḥ sanirghātā bhūmikampastathaiva ca / patate pāṃśuvarṣaṃ ca nirghoṣaścaiva dāruṇaḥ

Sanskrit only: no published translation is held for this verse.

यक्षकिन्नरगन्धर्वाः पिशाचोरगराक्षसाः । सर्वे ते प्रलयं यान्ति युगान्ते समुपस्थिते

yakṣakinnaragandharvāḥ piśācoragarākṣasāḥ / sarve te pralayaṃ yānti yugānte samupasthite

Sanskrit only: no published translation is held for this verse.

पर्वताः सागरा नद्यः सरांसि विविधानि च । वृक्षाः शेषं समायान्ति वल्लीजातं तृणानि च

parvatāḥ sāgarā nadyaḥ sarāṃsi vividhāni ca / vṛkṣāḥ śeṣaṃ samāyānti vallījātaṃ tṛṇāni ca

Sanskrit only: no published translation is held for this verse.

एवं हि व्याकुलीभूते सर्वौषधिजलोज्झिते । काष्ठभूते तु संजाते त्रैलोक्ये सचराचरे

evaṃ hi vyākulībhūte sarvauṣadhijalojjhite / kāṣṭhabhūte tu saṃjāte trailokye sacarācare

Sanskrit only: no published translation is held for this verse.

यावत्पश्यामि मध्याह्ने स्नानकाल उपस्थिते । त्रैलोक्यं ज्वलनाकारं दुर्निरीक्षं दुरासदम्

yāvatpaśyāmi madhyāhne snānakāla upasthite / trailokyaṃ jvalanākāraṃ durnirīkṣaṃ durāsadam

Sanskrit only: no published translation is held for this verse.

द्वौ सूर्यौ पूर्वतस्तात पश्चिमोत्तरयोस्तथा । तथैव दक्षिणे द्वौ च सूर्यौ दृष्टौ प्रतापिनौ

dvau sūryau pūrvatastāta paścimottarayostathā / tathaiva dakṣiṇe dvau ca sūryau dṛṣṭau pratāpinau

Sanskrit only: no published translation is held for this verse.

द्वौ सूर्यौ नागलोकस्थौ मध्ये द्वौ गगनस्य च । इत्येते द्वादशादित्यास्तपन्ते सर्वतो दिशम्

dvau sūryau nāgalokasthau madhye dvau gaganasya ca / ityete dvādaśādityāstapante sarvato diśam

Sanskrit only: no published translation is held for this verse.

पृथिवीमदहन्सर्वां सशैलवनकाननाम् । नादग्धं दृश्यते किंचिदृते रेवां च मां तथा

pṛthivīmadahansarvāṃ saśailavanakānanām / nādagdhaṃ dṛśyate kiṃcidṛte revāṃ ca māṃ tathā

Sanskrit only: no published translation is held for this verse.

पृथिव्यां दह्यमानायां हविर्गन्धश्च जायते । ततो मे शुष्यते गात्रं तृषाप्येवं दुरासदा

pṛthivyāṃ dahyamānāyāṃ havirgandhaśca jāyate / tato me śuṣyate gātraṃ tṛṣāpyevaṃ durāsadā

Sanskrit only: no published translation is held for this verse.

न हि विन्दामि पानीयं शोषितं च दिवाकरैः । यावत्कमण्डलुं वीक्षे शुष्कं तत्रापि तज्जलम्

na hi vindāmi pānīyaṃ śoṣitaṃ ca divākaraiḥ / yāvatkamaṇḍaluṃ vīkṣe śuṣkaṃ tatrāpi tajjalam

Sanskrit only: no published translation is held for this verse.

ततो ऽहं शोकसंतप्तो विशेषात्क्षुत्तृषार्दितः । उत्पपात क्षितेरूर्ध्वं पश्यमानो दिवं प्रति

tato 'haṃ śokasaṃtapto viśeṣātkṣuttṛṣārditaḥ / utpapāta kṣiterūrdhvaṃ paśyamāno divaṃ prati

Sanskrit only: no published translation is held for this verse.

तावत्पश्यामि गगने गृहं शृङ्गारभूषितम् । ततस्तज्ज्ञातुकामो ऽहं प्रस्थितो राजसत्तम

tāvatpaśyāmi gagane gṛhaṃ śṛṅgārabhūṣitam / tatastajjñātukāmo 'haṃ prasthito rājasattama

Sanskrit only: no published translation is held for this verse.

प्राकारेण विचित्रेण कपाटार्गलभूषितम् । विचित्रशिखरोपेतं द्वारदेशमुपागतः

prākāreṇa vicitreṇa kapāṭārgalabhūṣitam / vicitraśikharopetaṃ dvāradeśamupāgataḥ

Sanskrit only: no published translation is held for this verse.

षडशीतिसहस्राणि योजनानां समुच्छ्रये । तदर्धं तु पृथक्त्वेन काञ्चनं रत्नभूषितम्

ṣaḍaśītisahasrāṇi yojanānāṃ samucchraye / tadardhaṃ tu pṛthaktvena kāñcanaṃ ratnabhūṣitam

Sanskrit only: no published translation is held for this verse.

तत्र मध्ये परां शय्यां पश्यामि नृपसत्तम । शय्योपरि शयानं तु पुरुषं दिव्यमूर्धजम्

tatra madhye parāṃ śayyāṃ paśyāmi nṛpasattama / śayyopari śayānaṃ tu puruṣaṃ divyamūrdhajam

Sanskrit only: no published translation is held for this verse.

विकुञ्चिताग्रकेशान्तं समस्तं योजनायतम् । मुकुटेन विचित्रेण दीप्तिकान्तेन शोभितम्

vikuñcitāgrakeśāntaṃ samastaṃ yojanāyatam / mukuṭena vicitreṇa dīptikāntena śobhitam

Sanskrit only: no published translation is held for this verse.

श्यामं कमलपत्राभं सुप्रभं च सुनासिकम् । सिंहास्यमायतभुजं गल्लश्मश्रुवराङ्कितम्

śyāmaṃ kamalapatrābhaṃ suprabhaṃ ca sunāsikam / siṃhāsyamāyatabhujaṃ gallaśmaśruvarāṅkitam

Sanskrit only: no published translation is held for this verse.

त्रिवलीभङ्गसुभगं कर्णकुण्डलभूषितम् । विशालाभं सुपीनाङ्गं पार्श्वस्वावर्तभूषितम्

trivalībhaṅgasubhagaṃ karṇakuṇḍalabhūṣitam / viśālābhaṃ supīnāṅgaṃ pārśvasvāvartabhūṣitam

Sanskrit only: no published translation is held for this verse.

शोभितं कटिभागेन विभक्तं जानुजङ्घयोः । पद्माङ्किततलं देवम् आताम्रसुनखाङ्गुलिम्

śobhitaṃ kaṭibhāgena vibhaktaṃ jānujaṅghayoḥ / padmāṅkitatalaṃ devam ātāmrasunakhāṅgulim

Sanskrit only: no published translation is held for this verse.

मेघनादसुगम्भीरं सर्वावयवसुन्दरम् । शय्यामध्यगतं देवमपश्यं पुरुषोत्तमम्

meghanādasugambhīraṃ sarvāvayavasundaram / śayyāmadhyagataṃ devamapaśyaṃ puruṣottamam

Sanskrit only: no published translation is held for this verse.

शङ्खचक्रगदापाणिं शयानं दक्षिणेन तु । अक्षसूत्रोद्यतकरं सूर्यायुतसमप्रभम्

śaṅkhacakragadāpāṇiṃ śayānaṃ dakṣiṇena tu / akṣasūtrodyatakaraṃ sūryāyutasamaprabham

Sanskrit only: no published translation is held for this verse.

तं दृष्ट्वा भक्तिमान्देवं स्तोतुकामो व्यवस्थितः । जयेश जय वागीश जय दिव्याङ्गभूषण

taṃ dṛṣṭvā bhaktimāndevaṃ stotukāmo vyavasthitaḥ / jayeśa jaya vāgīśa jaya divyāṅgabhūṣaṇa

Sanskrit only: no published translation is held for this verse.

जय देवपते श्रीमन्साक्षाद्ब्रह्म सनातन । तव लोकाः शरीरस्थास्त्वं गतिः परमेश्वर

jaya devapate śrīmansākṣādbrahma sanātana / tava lokāḥ śarīrasthāstvaṃ gatiḥ parameśvara

Sanskrit only: no published translation is held for this verse.

त्वदाधारा हि देवेश सर्वे लोका व्यवस्थिताः । त्वं श्रेष्ठः सर्वसत्त्वानां त्वं कर्ता धरणीधरः

tvadādhārā hi deveśa sarve lokā vyavasthitāḥ / tvaṃ śreṣṭhaḥ sarvasattvānāṃ tvaṃ kartā dharaṇīdharaḥ

Sanskrit only: no published translation is held for this verse.

त्वं हौत्रम् अग्निहोत्राणां सूत्रमन्त्रस्त्वमेव च । गोकर्णं भद्रकर्णं च त्वं च माहेश्वरं पदम्

tvaṃ hautram agnihotrāṇāṃ sūtramantrastvameva ca / gokarṇaṃ bhadrakarṇaṃ ca tvaṃ ca māheśvaraṃ padam

Sanskrit only: no published translation is held for this verse.

त्वं कीर्तिः सर्वकीर्तीनां दैन्यपापप्रणाशिनी । त्वं नैमिषं कुरुक्षेत्रं त्वं च विष्णुपदं परम्

tvaṃ kīrtiḥ sarvakīrtīnāṃ dainyapāpapraṇāśinī / tvaṃ naimiṣaṃ kurukṣetraṃ tvaṃ ca viṣṇupadaṃ param

Sanskrit only: no published translation is held for this verse.

त्वया तु लीलया देव पदाक्रान्ता च मेदिनी । त्वया बद्धो बलिर्देव त्वयेन्द्रस्य पदं कृतम्

tvayā tu līlayā deva padākrāntā ca medinī / tvayā baddho balirdeva tvayendrasya padaṃ kṛtam

Sanskrit only: no published translation is held for this verse.

त्वं कलिर्द्वापरं देव त्रेता कृतयुगं तथा । प्रलम्बदमनश्च त्वं स्रष्टा त्वं च विनाशकृत्

tvaṃ kalirdvāparaṃ deva tretā kṛtayugaṃ tathā / pralambadamanaśca tvaṃ sraṣṭā tvaṃ ca vināśakṛt

Sanskrit only: no published translation is held for this verse.

त्वया वै धार्यते लोकास्त्वं कालः सर्वसंक्षयः । त्वया हि देव सृष्टास्ताः सर्वा वै देवयोनयः

tvayā vai dhāryate lokāstvaṃ kālaḥ sarvasaṃkṣayaḥ / tvayā hi deva sṛṣṭāstāḥ sarvā vai devayonayaḥ

Sanskrit only: no published translation is held for this verse.

त्वं पन्थाः सर्वलोकानां त्वं च मोक्षः परा गतिः । ब्रह्मा त्वदुद्भवो देवो रजोरूपः सनातनः । रुद्रः क्रोधोद्भवो ऽप्येवं त्वं च सत्त्वे व्यवस्थितः

tvaṃ panthāḥ sarvalokānāṃ tvaṃ ca mokṣaḥ parā gatiḥ / brahmā tvadudbhavo devo rajorūpaḥ sanātanaḥ / rudraḥ krodhodbhavo 'pyevaṃ tvaṃ ca sattve vyavasthitaḥ

Sanskrit only: no published translation is held for this verse.

एतच्चराचरं देव क्रीडनार्थं त्वया कृतम् । एवं संतप्तदेहेन स्तुतो देवो मया प्रभुः

etaccarācaraṃ deva krīḍanārthaṃ tvayā kṛtam / evaṃ saṃtaptadehena stuto devo mayā prabhuḥ

Sanskrit only: no published translation is held for this verse.

भक्त्या परमया राजन्सर्वभूतपतिः प्रभुः । स्तुवन्वै तत्र पश्यामि वारिपूर्णांस्ततो घटान्

bhaktyā paramayā rājansarvabhūtapatiḥ prabhuḥ / stuvanvai tatra paśyāmi vāripūrṇāṃstato ghaṭān

Sanskrit only: no published translation is held for this verse.

ततो मया विस्मृता या तृषा सा वर्धिता पुनः । उपासर्पं ततस्तस्य पार्श्वं वै पुरुषस्य हि

tato mayā vismṛtā yā tṛṣā sā vardhitā punaḥ / upāsarpaṃ tatastasya pārśvaṃ vai puruṣasya hi

Sanskrit only: no published translation is held for this verse.

पानीयं पातुकामेन चिन्तितं च मया पुनः । नापश्यत हि मां चैष सुप्तो ऽपि न च बुध्यते

pānīyaṃ pātukāmena cintitaṃ ca mayā punaḥ / nāpaśyata hi māṃ caiṣa supto 'pi na ca budhyate

Sanskrit only: no published translation is held for this verse.

यस्तु पापेन संमूढः सुखं सुप्तं प्रबोधयेत् । जायते तस्य पापस्य ब्रह्महत्याफलं महत्

yastu pāpena saṃmūḍhaḥ sukhaṃ suptaṃ prabodhayet / jāyate tasya pāpasya brahmahatyāphalaṃ mahat

Sanskrit only: no published translation is held for this verse.

एवं संचिन्त्यमाने तु द्वितीयो ह्यागतः पुमान् । नेक्षते जल्पते किंचिद्वामस्कन्धे मृगाजिनी

evaṃ saṃcintyamāne tu dvitīyo hyāgataḥ pumān / nekṣate jalpate kiṃcidvāmaskandhe mṛgājinī

Sanskrit only: no published translation is held for this verse.

जटी कमण्डलुधरो दण्डी मेखलया वृतः । भस्मोन्मृदितसर्वाङ्गो महातेजास्त्रिलोचनः

jaṭī kamaṇḍaludharo daṇḍī mekhalayā vṛtaḥ / bhasmonmṛditasarvāṅgo mahātejāstrilocanaḥ

Sanskrit only: no published translation is held for this verse.

यावत् तं स्तोतुकामो ऽहम् अपश्यं स्वच्छचक्षुषा । तावत् सर्वाङ्गसम्भूत्यामहत्या रूपसम्पदा

yāvat taṃ stotukāmo 'ham apaśyaṃ svacchacakṣuṣā / tāvat sarvāṅgasambhūtyāmahatyā rūpasampadā

Sanskrit only: no published translation is held for this verse.

अपश्यं संवृतां नारीं सर्वाभरणभूषिताम् । दृष्ट्वा तां पतितो भूमौ जयस्वेति ब्रुवंस्ततः

apaśyaṃ saṃvṛtāṃ nārīṃ sarvābharaṇabhūṣitām / dṛṣṭvā tāṃ patito bhūmau jayasveti bruvaṃstataḥ

Sanskrit only: no published translation is held for this verse.

जय रुद्राङ्गसम्भूते जयवाहिनि सनातनि । जय कौमारि माहेन्द्रि वैष्णवी वारुणी तथा

jaya rudrāṅgasambhūte jayavāhini sanātani / jaya kaumāri māhendri vaiṣṇavī vāruṇī tathā

Sanskrit only: no published translation is held for this verse.

जय कौबेरि सावित्रि जय धात्रि वरानने । तृष्णया तप्तदे हस्य रक्षां कुरु चराचरे

jaya kauberi sāvitri jaya dhātri varānane / tṛṣṇayā taptade hasya rakṣāṃ kuru carācare

Sanskrit only: no published translation is held for this verse.

प्रसन्ना विप्रशार्दूल तव वाक्यैः सुशोभनैः । वर्तते मानसे यत्ते मया ज्ञातं द्विजोत्तम

prasannā vipraśārdūla tava vākyaiḥ suśobhanaiḥ / vartate mānase yatte mayā jñātaṃ dvijottama

Sanskrit only: no published translation is held for this verse.

शृणु विप्र ममाप्यस्ति व्रतमेतत्सुदारुणम् । स्त्रीलघुत्वान्मयारब्धं दुष्करं मन्दमेधया

śṛṇu vipra mamāpyasti vratametatsudāruṇam / strīlaghutvānmayārabdhaṃ duṣkaraṃ mandamedhayā

Sanskrit only: no published translation is held for this verse.

यदि भावी च मे पुत्रो धर्मिष्ठो लोकविश्रुतः । विप्रस्य तु स्तनं दत्त्वा पश्चाद्दास्यामि बालके

yadi bhāvī ca me putro dharmiṣṭho lokaviśrutaḥ / viprasya tu stanaṃ dattvā paścāddāsyāmi bālake

Sanskrit only: no published translation is held for this verse.

स मे पुत्रः समुत्पन्नो यथोक्तो मे महामुने । स्तनं पिब त्वं विप्रेन्द्र यदि जीवितुमिच्छसि

sa me putraḥ samutpanno yathokto me mahāmune / stanaṃ piba tvaṃ viprendra yadi jīvitumicchasi

Sanskrit only: no published translation is held for this verse.

अकार्यमेतद्विप्राणां यस्त्विमं पिबते स्तनम् । पुनश्चैवोपनयनं व्रतसिद्धिं न गच्छति

akāryametadviprāṇāṃ yastvimaṃ pibate stanam / punaścaivopanayanaṃ vratasiddhiṃ na gacchati

Sanskrit only: no published translation is held for this verse.

ब्राह्मणत्वं त्रिभिर्लोकैर्दुर्लभं पद्मलोचने । संस्कारैः संस्कृतो विप्रो यैश्च जायेत तच्छृणु

brāhmaṇatvaṃ tribhirlokairdurlabhaṃ padmalocane / saṃskāraiḥ saṃskṛto vipro yaiśca jāyeta tacchṛṇu

Sanskrit only: no published translation is held for this verse.

प्रथमं चैव नारीषु संस्कारैर् बीजवापतम् । बीजप्रक्षेपणादेव बीजक्षेपः स उच्यते

prathamaṃ caiva nārīṣu saṃskārair bījavāpatam / bījaprakṣepaṇādeva bījakṣepaḥ sa ucyate

Sanskrit only: no published translation is held for this verse.

तदन्ते च महाभागे गर्भाधानं द्वितीयकम् । पुंसवनं तृतीयं तु सीमन्तं च चतुर्थकम्

tadante ca mahābhāge garbhādhānaṃ dvitīyakam / puṃsavanaṃ tṛtīyaṃ tu sīmantaṃ ca caturthakam

Sanskrit only: no published translation is held for this verse.

पञ्चमं जातकर्म स्यान्नाम वै षष्ठमुच्यते । निष्क्रामः सप्तमश्चैव ह्यन्नप्राशनमष्टमम्

pañcamaṃ jātakarma syānnāma vai ṣaṣṭhamucyate / niṣkrāmaḥ saptamaścaiva hyannaprāśanamaṣṭamam

Sanskrit only: no published translation is held for this verse.

नवमं वै चूडकर्म दशमं मौञ्जिबन्धनम् । ऐषिकं दार्विकं चैव सौमिकं भौमिकं तथा

navamaṃ vai cūḍakarma daśamaṃ mauñjibandhanam / aiṣikaṃ dārvikaṃ caiva saumikaṃ bhaumikaṃ tathā

Sanskrit only: no published translation is held for this verse.

पत्नीसंयोजनं चान्यद्दैवकर्म ततः परम् । मानुष्यं पितृकर्म स्याद्दशमाष्टासु शोभने

patnīsaṃyojanaṃ cānyaddaivakarma tataḥ param / mānuṣyaṃ pitṛkarma syāddaśamāṣṭāsu śobhane

Sanskrit only: no published translation is held for this verse.

भूतं भव्यं तथेष्टं च पार्वणं च ततः परम्

bhūtaṃ bhavyaṃ tatheṣṭaṃ ca pārvaṇaṃ ca tataḥ param

Sanskrit only: no published translation is held for this verse.

श्राद्धं श्रावण्यामाग्रयणं च चैत्राश्वयुज्यां दशपौर्णमास्याम् । निरूढपशुसवनसौत्रामण्यग्निष्टोमात्यग्निष्टोमाः

śrāddhaṃ śrāvaṇyāmāgrayaṇaṃ ca caitrāśvayujyāṃ daśapaurṇamāsyām / nirūḍhapaśusavanasautrāmaṇyagniṣṭomātyagniṣṭomāḥ

Sanskrit only: no published translation is held for this verse.

षोडषीवाजपेयातिरात्राप्तोर्यामोदशवाजपेयाः । सर्वभूतेषु क्षान्तिरनसूया शौचमङ्गलम् अकार्पण्यम् अस्पृहेति

ṣoḍaṣīvājapeyātirātrāptoryāmodaśavājapeyāḥ / sarvabhūteṣu kṣāntiranasūyā śaucamaṅgalam akārpaṇyam aspṛheti

Sanskrit only: no published translation is held for this verse.

एभिर् अष्टचत्वारिंशद्भिः संस्कारैः संकृतो ब्राह्मणो भवति

ebhir aṣṭacatvāriṃśadbhiḥ saṃskāraiḥ saṃkṛto brāhmaṇo bhavati

Sanskrit only: no published translation is held for this verse.

एवं ज्ञात्वा महाभागे न तु मां पातुमर्हसि । शिशुपेयं स्तनं भद्रे कथं वै मद्विधः पिबेत्

evaṃ jñātvā mahābhāge na tu māṃ pātumarhasi / śiśupeyaṃ stanaṃ bhadre kathaṃ vai madvidhaḥ pibet

Sanskrit only: no published translation is held for this verse.

ममैतद्वचनं श्रुत्वा नारी वचनमब्रवीत्

mamaitadvacanaṃ śrutvā nārī vacanamabravīt

Sanskrit only: no published translation is held for this verse.

यदि त्वं न पिबेः स्तन्यं पयो बालो मरिष्यति । श्रूयते त्रिषु लोकेषु वेदेषु च स्मृतिष्वपि । मुच्यते सर्वपापेभ्यो भ्रूणहत्या न मुञ्चति

yadi tvaṃ na pibeḥ stanyaṃ payo bālo mariṣyati / śrūyate triṣu lokeṣu vedeṣu ca smṛtiṣvapi / mucyate sarvapāpebhyo bhrūṇahatyā na muñcati

Sanskrit only: no published translation is held for this verse.

भवित्री तव हत्या च महाभागवतः पुनः । जन्मानि च शतान्यष्टौ क्लिश्यते भ्रूणहत्यया

bhavitrī tava hatyā ca mahābhāgavataḥ punaḥ / janmāni ca śatānyaṣṭau kliśyate bhrūṇahatyayā

Sanskrit only: no published translation is held for this verse.

मृतः शुनत्वं चाप्नोति वर्षाणां तु शतत्रयम् । ततस्तस्य क्षये जाते काकयोनिं व्रजेत्पुनः

mṛtaḥ śunatvaṃ cāpnoti varṣāṇāṃ tu śatatrayam / tatastasya kṣaye jāte kākayoniṃ vrajetpunaḥ

Sanskrit only: no published translation is held for this verse.

तत्रापि च शतान्यष्टौ क्लिश्यते पापकर्मणि । वराहो दश जन्मानि तदन्ते जायते कृमिः

tatrāpi ca śatānyaṣṭau kliśyate pāpakarmaṇi / varāho daśa janmāni tadante jāyate kṛmiḥ

Sanskrit only: no published translation is held for this verse.

ततश्चारोहिणीं प्राप्य गोगजाश्वनृजन्मभाक् । श्रूयते श्रुतिशास्त्रेषु वेदेषु च परंतप

tataścārohiṇīṃ prāpya gogajāśvanṛjanmabhāk / śrūyate śrutiśāstreṣu vedeṣu ca paraṃtapa

Sanskrit only: no published translation is held for this verse.

सर्वपापाधिकं पापं बालहत्या द्विजोत्तम । बालहत्यायुतो विप्रः पच्यते नरके ध्रुवम्

sarvapāpādhikaṃ pāpaṃ bālahatyā dvijottama / bālahatyāyuto vipraḥ pacyate narake dhruvam

Sanskrit only: no published translation is held for this verse.

वर्षाणि च शतान्यष्टौ प्राप्नोति यमयातनाम् । तस्मादल्पतरो दोषः पिबतो मे स्तनं तव

varṣāṇi ca śatānyaṣṭau prāpnoti yamayātanām / tasmādalpataro doṣaḥ pibato me stanaṃ tava

Sanskrit only: no published translation is held for this verse.

तथैवापिबतः पापं जायते बहुवर्षिकम् । क्षुधातृषाविरामस्ते पुण्यं च पिबतः स्तनम्

tathaivāpibataḥ pāpaṃ jāyate bahuvarṣikam / kṣudhātṛṣāvirāmaste puṇyaṃ ca pibataḥ stanam

Sanskrit only: no published translation is held for this verse.

अतो न चेतः संदिग्धं कर्तव्यमिह कर्हिचित् । एहि विप्र यथाकामं बालार्थे पिब मे स्तनम्

ato na cetaḥ saṃdigdhaṃ kartavyamiha karhicit / ehi vipra yathākāmaṃ bālārthe piba me stanam

Sanskrit only: no published translation is held for this verse.

ततो ऽहं वचनं श्रुत्वा स्तनं पातुं समुद्यतः । न च तृप्तिं विजानामि पिबतः स्तनमुत्तमम्

tato 'haṃ vacanaṃ śrutvā stanaṃ pātuṃ samudyataḥ / na ca tṛptiṃ vijānāmi pibataḥ stanamuttamam

Sanskrit only: no published translation is held for this verse.

त्रिंशद्वर्षसहस्राणि भारतैवं शतानि च । ततः प्रबुद्धोत्सङ्गे ऽहं मायानिद्राविमोहितः

triṃśadvarṣasahasrāṇi bhārataivaṃ śatāni ca / tataḥ prabuddhotsaṅge 'haṃ māyānidrāvimohitaḥ

Sanskrit only: no published translation is held for this verse.

निद्राविगतमोहो ऽहं यावत्पश्यामि पाण्डव । तावत्सुप्तं न पश्यामि न च तं बालकं विभो

nidrāvigatamoho 'haṃ yāvatpaśyāmi pāṇḍava / tāvatsuptaṃ na paśyāmi na ca taṃ bālakaṃ vibho

Sanskrit only: no published translation is held for this verse.

चतुरस्तांश्च वै कुम्भान् पश्यामि तत्र भारत । न च पश्यामि तां देवीं गता वै कुत्रचिच्च ते

caturastāṃśca vai kumbhān paśyāmi tatra bhārata / na ca paśyāmi tāṃ devīṃ gatā vai kutracicca te

Sanskrit only: no published translation is held for this verse.

एवं विमृश्यमानस्य चिन्तयानस्य तिष्ठतः । ईषद्धसितया वाचा देवी वचनमब्रवीत्

evaṃ vimṛśyamānasya cintayānasya tiṣṭhataḥ / īṣaddhasitayā vācā devī vacanamabravīt

Sanskrit only: no published translation is held for this verse.

कृष्णः स पुरुषः सुप्तो द्वितीयो ऽप्यागतो हरः । ये चत्वारश्च ते कुम्भाः समुद्रास्ते द्विजोत्तम

kṛṣṇaḥ sa puruṣaḥ supto dvitīyo 'pyāgato haraḥ / ye catvāraśca te kumbhāḥ samudrāste dvijottama

Sanskrit only: no published translation is held for this verse.

यश्च बालस्त्वया दृष्टो ब्राह्मा लोकपितामहः । अहं च पृथिवी ज्ञेया सप्तद्वीपा सर्वता

yaśca bālastvayā dṛṣṭo brāhmā lokapitāmahaḥ / ahaṃ ca pṛthivī jñeyā saptadvīpā sarvatā

Sanskrit only: no published translation is held for this verse.

या गता त्वां परित्यज्य भूतले सुप्रतिष्ठिता । इमां च प्रेक्षसे विप्र नर्मदां सरितां वराम्

yā gatā tvāṃ parityajya bhūtale supratiṣṭhitā / imāṃ ca prekṣase vipra narmadāṃ saritāṃ varām

Sanskrit only: no published translation is held for this verse.

सर्वसत्त्वोपकाराय बृहते पुण्यलक्षणा । रेवानदी तु विख्याता न मृता तेन नर्मदा

sarvasattvopakārāya bṛhate puṇyalakṣaṇā / revānadī tu vikhyātā na mṛtā tena narmadā

Sanskrit only: no published translation is held for this verse.

एवं ज्ञात्वा शमं गच्छ स्वस्थो भव महामुने । इत्युक्त्वा मां तदा देवी तत्रैवान्तरधीयत

evaṃ jñātvā śamaṃ gaccha svastho bhava mahāmune / ityuktvā māṃ tadā devī tatraivāntaradhīyata

Sanskrit only: no published translation is held for this verse.

एवं हि शेते भगवान्सत्त्वस्थः प्रलये सदा । सत्त्वरूपो महादेवो यदाधारे जगत्स्थितम्

evaṃ hi śete bhagavānsattvasthaḥ pralaye sadā / sattvarūpo mahādevo yadādhāre jagatsthitam

Sanskrit only: no published translation is held for this verse.

एवं मयानुभूतं तु दृष्टमाश्चर्यमुत्तमम् । सर्वपापहरं पुण्यं कथितं ते नरोत्तम

evaṃ mayānubhūtaṃ tu dṛṣṭamāścaryamuttamam / sarvapāpaharaṃ puṇyaṃ kathitaṃ te narottama

Sanskrit only: no published translation is held for this verse.

विष्णोश्चरितमित्युक्तं यत्त्वया परिपृच्छितम् । भूय एव महाबाहो किमन्यच्छ्रोतुमिच्छसि

viṣṇoścaritamityuktaṃ yattvayā paripṛcchitam / bhūya eva mahābāho kimanyacchrotumicchasi

Sanskrit only: no published translation is held for this verse.