Revakhanda of the Vayupurana 203

ततो गच्छेद्धराधीश कोटितीर्थमनुत्तमम् । यत्र सिद्धा महाभागाः कोटिसंख्या महर्षयः

tato gaccheddharādhīśa koṭitīrthamanuttamam / yatra siddhā mahābhāgāḥ koṭisaṃkhyā maharṣayaḥ

Sanskrit only: no published translation is held for this verse.

तपः कृत्वा सुविपुलमृषिभिः स्थापितः शिवः । तथा कोटीश्वरी देवी चामुण्डा महिषार्दिनी

tapaḥ kṛtvā suvipulamṛṣibhiḥ sthāpitaḥ śivaḥ / tathā koṭīśvarī devī cāmuṇḍā mahiṣārdinī

Sanskrit only: no published translation is held for this verse.

कृष्णपक्षे चतुर्दश्यां मासि भाद्रपदे नृप । तीर्थकोटीः समाहूय मुनिभिः स्थापितः शिवः

kṛṣṇapakṣe caturdaśyāṃ māsi bhādrapade nṛpa / tīrthakoṭīḥ samāhūya munibhiḥ sthāpitaḥ śivaḥ

Sanskrit only: no published translation is held for this verse.

तस्यां तिथौ च हस्तर्क्षं सर्वपापप्रणाशनम् । तत्र तीर्थे तदा गत्वा स्नानं कृत्वा समाहितः

tasyāṃ tithau ca hastarkṣaṃ sarvapāpapraṇāśanam / tatra tīrthe tadā gatvā snānaṃ kṛtvā samāhitaḥ

Sanskrit only: no published translation is held for this verse.

नरकाद् उद्धरत्य् आशु पुरुषानेकविंशतिम् । तिलोदकप्रदानेन किमुत श्राद्धदो नरः

narakād uddharaty āśu puruṣānekaviṃśatim / tilodakapradānena kimuta śrāddhado naraḥ

Sanskrit only: no published translation is held for this verse.

स्नानं दानं जपो होमः स्वाध्यायो देवतार्चनम् । तस्य तीर्थस्य योगेन सर्वं कोटिगुणं भवेत्

snānaṃ dānaṃ japo homaḥ svādhyāyo devatārcanam / tasya tīrthasya yogena sarvaṃ koṭiguṇaṃ bhavet

Sanskrit only: no published translation is held for this verse.