Revakhanda of the Vayupurana 204

भृगुतीर्थं ततो गच्छेत् तीर्थराजमनुत्तमम् । पैतामहं महापुण्यं सर्वपातकनाशनम्

bhṛgutīrthaṃ tato gacchet tīrtharājamanuttamam / paitāmahaṃ mahāpuṇyaṃ sarvapātakanāśanam

Sanskrit only: no published translation is held for this verse.

ब्रह्मणा तत्र तीर्थे तु पुरा वर्षशतत्रयम् । आराधनं कृतं शम्भोः कस्मिंश्चित् कारणान्तरे

brahmaṇā tatra tīrthe tu purā varṣaśatatrayam / ārādhanaṃ kṛtaṃ śambhoḥ kasmiṃścit kāraṇāntare

Sanskrit only: no published translation is held for this verse.

किमर्थं मुनिशार्दूल ब्रह्मा लोकपितामहः । आराधयद् देवदेवं महाभक्त्या महेश्वरम्

kimarthaṃ muniśārdūla brahmā lokapitāmahaḥ / ārādhayad devadevaṃ mahābhaktyā maheśvaram

Sanskrit only: no published translation is held for this verse.

आराध्यः सर्वभूतानां जगद्भर्ता जगद्गुरुः । श्रोतव्यं श्रोतुम् इच्छामि महदाश्चर्यमुत्तमम्

ārādhyaḥ sarvabhūtānāṃ jagadbhartā jagadguruḥ / śrotavyaṃ śrotum icchāmi mahadāścaryamuttamam

Sanskrit only: no published translation is held for this verse.

धर्मपुत्रवचः श्रुत्वा मार्कण्डेयो मुनीश्वरः । कथयामास तद्वृत्तमितिहासं पुरातनम्

dharmaputravacaḥ śrutvā mārkaṇḍeyo munīśvaraḥ / kathayāmāsa tadvṛttamitihāsaṃ purātanam

Sanskrit only: no published translation is held for this verse.

स्वपुत्रिकामभिगन्तुमिच्छन्पूर्वं पितामहः । शप्तस्तु देवदेवेन कोपाविष्टेन सत्तम

svaputrikāmabhigantumicchanpūrvaṃ pitāmahaḥ / śaptastu devadevena kopāviṣṭena sattama

Sanskrit only: no published translation is held for this verse.

वेदास्तव विनश्यन्ति ज्ञानं च कमलासन । अपूज्यः सर्वलोकानां भविष्यसि न संशयः

vedāstava vinaśyanti jñānaṃ ca kamalāsana / apūjyaḥ sarvalokānāṃ bhaviṣyasi na saṃśayaḥ

Sanskrit only: no published translation is held for this verse.

एवं दत्ते ततः शापे ब्रह्मा खेदावृतस्तदा । रेवाया उत्तरे कूले स्नात्वा वर्षशतत्रयम् । तोषयामास देवेशं तुष्टः प्रोवाच शङ्करः

evaṃ datte tataḥ śāpe brahmā khedāvṛtastadā / revāyā uttare kūle snātvā varṣaśatatrayam / toṣayāmāsa deveśaṃ tuṣṭaḥ provāca śaṅkaraḥ

Sanskrit only: no published translation is held for this verse.

पूज्यस्त्वं भविता लोके प्राप्ते पर्वणि पर्वणि । अहमत्र च वत्स्यामि देवैश्च पितृभिः सह

pūjyastvaṃ bhavitā loke prāpte parvaṇi parvaṇi / ahamatra ca vatsyāmi devaiśca pitṛbhiḥ saha

Sanskrit only: no published translation is held for this verse.

तदाप्रभृति तत्तीर्थं ख्यातिं प्राप्तं पितामहात् । सर्वपापहरं पुण्यं सर्वतीर्थेष्वनुत्तमम्

tadāprabhṛti tattīrthaṃ khyātiṃ prāptaṃ pitāmahāt / sarvapāpaharaṃ puṇyaṃ sarvatīrtheṣvanuttamam

Sanskrit only: no published translation is held for this verse.

तत्र भाद्रपदे मासि कृष्णपक्षे विशेषतः । अमावास्यां तु यः स्नात्वा तर्पयेत्पितृदेवताः

tatra bhādrapade māsi kṛṣṇapakṣe viśeṣataḥ / amāvāsyāṃ tu yaḥ snātvā tarpayetpitṛdevatāḥ

Sanskrit only: no published translation is held for this verse.

पिण्डदानेन चैकेन तिलतोयेन वा नृप । तृप्यन्ति द्वादशाब्दानि पितरो नात्र संशयः

piṇḍadānena caikena tilatoyena vā nṛpa / tṛpyanti dvādaśābdāni pitaro nātra saṃśayaḥ

Sanskrit only: no published translation is held for this verse.

कन्यागते तु यस्तत्र नित्यं श्राद्धप्रदो भवेत् । अवाप्य तृप्तिं तत्पूर्वे वल्गन्ति च हसन्ति च

kanyāgate tu yastatra nityaṃ śrāddhaprado bhavet / avāpya tṛptiṃ tatpūrve valganti ca hasanti ca

Sanskrit only: no published translation is held for this verse.

सर्वेषु पितृतीर्थेषु श्राद्धं कृत्वास्ति यत्फलम् । तत्फलं समवाप्नोति दर्शे तत्र न संशयः

sarveṣu pitṛtīrtheṣu śrāddhaṃ kṛtvāsti yatphalam / tatphalaṃ samavāpnoti darśe tatra na saṃśayaḥ

Sanskrit only: no published translation is held for this verse.

पैतामहे नरः स्नात्वा पूजयन्पार्वतीपतिम् । मुच्यते नात्र सन्देहः पातकैश्चोपपातकैः

paitāmahe naraḥ snātvā pūjayanpārvatīpatim / mucyate nātra sandehaḥ pātakaiścopapātakaiḥ

Sanskrit only: no published translation is held for this verse.

तत्र तीर्थे मृतानां तु नराणां भावितात्मनाम् । अनिवर्तिका गती राजन्रुद्रलोकादसंशयम्

tatra tīrthe mṛtānāṃ tu narāṇāṃ bhāvitātmanām / anivartikā gatī rājanrudralokādasaṃśayam

Sanskrit only: no published translation is held for this verse.