Revakhanda of the Vayupurana 206

गच्छेत्ततः क्षोणिनाथ तीर्थं परमशोभनम् । सर्वपापहरं पुण्यं दशकन्येति विश्रुतम् । महादेवकृतं पुण्यं सर्वकामफलप्रदम्

gacchettataḥ kṣoṇinātha tīrthaṃ paramaśobhanam / sarvapāpaharaṃ puṇyaṃ daśakanyeti viśrutam / mahādevakṛtaṃ puṇyaṃ sarvakāmaphalapradam

Sanskrit only: no published translation is held for this verse.

तत्र तीर्थे महादेवो दशकन्या गुणान्विताः । ब्रह्मणो वरयामास ह्युद्वाहेन युयोज ह

tatra tīrthe mahādevo daśakanyā guṇānvitāḥ / brahmaṇo varayāmāsa hyudvāhena yuyoja ha

Sanskrit only: no published translation is held for this verse.

तदाप्रभृति तत्तीर्थं दशकन्येति विश्रुतम् । सर्वपापहरं पुण्यमक्षयं कीर्तितं फलम्

tadāprabhṛti tattīrthaṃ daśakanyeti viśrutam / sarvapāpaharaṃ puṇyamakṣayaṃ kīrtitaṃ phalam

Sanskrit only: no published translation is held for this verse.

तत्र तीर्थे तु यः कन्यां ददाति समलंकृताम् । प्राप्नोति पुरुषो दत्त्वा यथाशक्त्या स्वलंकृताम्

tatra tīrthe tu yaḥ kanyāṃ dadāti samalaṃkṛtām / prāpnoti puruṣo dattvā yathāśaktyā svalaṃkṛtām

Sanskrit only: no published translation is held for this verse.

तेन दानोत्थपुण्येन पूतात्मानो नराधिप । वसन्ति रोमसंख्यानि वर्षाणि शिवसन्निधौ

tena dānotthapuṇyena pūtātmāno narādhipa / vasanti romasaṃkhyāni varṣāṇi śivasannidhau

Sanskrit only: no published translation is held for this verse.

ततः कालेन महता त्विह लोके नरेश्वर । मानुष्यं प्राप्य दुष्प्राप्यं धनकोटीपतिर्भवेत्

tataḥ kālena mahatā tviha loke nareśvara / mānuṣyaṃ prāpya duṣprāpyaṃ dhanakoṭīpatirbhavet

Sanskrit only: no published translation is held for this verse.

तत्र तीर्थे तु यो भक्त्या स्नात्वा विप्राय काञ्चनम् । सम्प्रयच्छति शान्ताय सो ऽत्यन्तं सुखम् अश्नुते

tatra tīrthe tu yo bhaktyā snātvā viprāya kāñcanam / samprayacchati śāntāya so 'tyantaṃ sukham aśnute

Sanskrit only: no published translation is held for this verse.

वाचिकं मानसं वापि कर्मजं यत्पुरा कृतम् । तत्सर्वं विलयं याति स्वर्णदानेन भारत

vācikaṃ mānasaṃ vāpi karmajaṃ yatpurā kṛtam / tatsarvaṃ vilayaṃ yāti svarṇadānena bhārata

Sanskrit only: no published translation is held for this verse.

नरो दत्त्वा सुवर्णं चापि वालाग्रमात्रकम् । तत्र तीर्थे दिवं याति मृतो नास्त्यत्र संशयः

naro dattvā suvarṇaṃ cāpi vālāgramātrakam / tatra tīrthe divaṃ yāti mṛto nāstyatra saṃśayaḥ

Sanskrit only: no published translation is held for this verse.

तत्र विद्याधरैः सिद्धैर्विमानवरमास्थितः । पूज्यमानो वसेत् तावद् यावद् आभूतसम्प्लवम्

tatra vidyādharaiḥ siddhairvimānavaramāsthitaḥ / pūjyamāno vaset tāvad yāvad ābhūtasamplavam

Sanskrit only: no published translation is held for this verse.