Revakhanda of the Vayupurana 207

तस्याग्रे पावनं तीर्थं स्वर्णबिन्द्विति विश्रुतम् । यत्र स्नात्वा दिवं यान्ति मृताश्च न पुनर्भवम्

tasyāgre pāvanaṃ tīrthaṃ svarṇabindviti viśrutam / yatra snātvā divaṃ yānti mṛtāśca na punarbhavam

Sanskrit only: no published translation is held for this verse.

तत्र तीर्थे तु यः स्नात्वा दत्ते विप्राय काञ्चनम् । तेन यत्तु फलं प्रोक्तं तच्छृणुष्व महीपते

tatra tīrthe tu yaḥ snātvā datte viprāya kāñcanam / tena yattu phalaṃ proktaṃ tacchṛṇuṣva mahīpate

Sanskrit only: no published translation is held for this verse.

सर्वेषाम् एव रत्नानां काञ्चनं रत्नमुत्तमम् । अग्नितेजःसमुद्भूतं तेन तत्परमं भुवि

sarveṣām eva ratnānāṃ kāñcanaṃ ratnamuttamam / agnitejaḥsamudbhūtaṃ tena tatparamaṃ bhuvi

Sanskrit only: no published translation is held for this verse.

तेनैव दत्ता पृथिवी सशैलवनकानना । सपत्तनपुरा सर्वा काञ्चनं यः प्रयच्छति

tenaiva dattā pṛthivī saśailavanakānanā / sapattanapurā sarvā kāñcanaṃ yaḥ prayacchati

Sanskrit only: no published translation is held for this verse.

मानसं वाचिकं पापं कर्मणा यत्पुरा कृतम् । तत्सर्वं नश्यति क्षिप्रं स्वर्णदानेन भारत

mānasaṃ vācikaṃ pāpaṃ karmaṇā yatpurā kṛtam / tatsarvaṃ naśyati kṣipraṃ svarṇadānena bhārata

Sanskrit only: no published translation is held for this verse.

स्वर्णदानं तु यो दत्त्वा ह्यपि वालाग्रमात्रकम् । तत्र तीर्थे मृतो याति दिवं नास्त्यत्र संशयः

svarṇadānaṃ tu yo dattvā hyapi vālāgramātrakam / tatra tīrthe mṛto yāti divaṃ nāstyatra saṃśayaḥ

Sanskrit only: no published translation is held for this verse.

तत्र विद्याधरैः सिद्धैर् विमानवरमास्थितः । पूज्यमानो वसेत्तावद्यावदाभूतसम्प्लवम्

tatra vidyādharaiḥ siddhair vimānavaramāsthitaḥ / pūjyamāno vasettāvadyāvadābhūtasamplavam

Sanskrit only: no published translation is held for this verse.

पूर्णे तत्र ततः काले प्राप्य मानुष्यमुत्तमम् । सुवर्णकोटिसहिते गृहे वै जायते द्विजः

pūrṇe tatra tataḥ kāle prāpya mānuṣyamuttamam / suvarṇakoṭisahite gṛhe vai jāyate dvijaḥ

Sanskrit only: no published translation is held for this verse.

सर्वव्याधिविनिर्मुक्तः सर्वलोकेषु पूजितः । जीवेद्वर्षशतं साग्रं राजसं सत्सु विश्रुतः

sarvavyādhivinirmuktaḥ sarvalokeṣu pūjitaḥ / jīvedvarṣaśataṃ sāgraṃ rājasaṃ satsu viśrutaḥ

Sanskrit only: no published translation is held for this verse.