Revakhanda of the Vayupurana 208

भूमिपाल ततो गच्छेत्तीर्थं परमशोभनम् । विख्यातं त्रिषु लोकेषु पित्ःणाम् ऋणमोचनम्

bhūmipāla tato gacchettīrthaṃ paramaśobhanam / vikhyātaṃ triṣu lokeṣu pitḥṇām ṛṇamocanam

Sanskrit only: no published translation is held for this verse.

तत्र स्नात्वा विधानेन संतर्प्य पितृदेवताः । मनुष्यश्च नृपश्रेष्ठ दानं दत्त्वानृणो भवेत्

tatra snātvā vidhānena saṃtarpya pitṛdevatāḥ / manuṣyaśca nṛpaśreṣṭha dānaṃ dattvānṛṇo bhavet

Sanskrit only: no published translation is held for this verse.

इच्छन्ति पितरः सर्वे स्वार्थहेतोः सुतं यतः । पुन्नाम्नो नरकात्पुत्रो ऽस्मानयं मोचयिष्यति

icchanti pitaraḥ sarve svārthahetoḥ sutaṃ yataḥ / punnāmno narakātputro 'smānayaṃ mocayiṣyati

Sanskrit only: no published translation is held for this verse.

पिण्डदानं जलं तात ऋणमुत्तममुच्यते । पित्ःणां तद्धि वै प्रोक्तमृणं दैवमतः परम्

piṇḍadānaṃ jalaṃ tāta ṛṇamuttamamucyate / pitḥṇāṃ taddhi vai proktamṛṇaṃ daivamataḥ param

Sanskrit only: no published translation is held for this verse.

अग्निहोत्रं तथा यज्ञाः पशुबन्धास्तथेष्टयः । इति देवर्णं प्रोक्तं शृणु मानुष्यकं ततः

agnihotraṃ tathā yajñāḥ paśubandhāstatheṣṭayaḥ / iti devarṇaṃ proktaṃ śṛṇu mānuṣyakaṃ tataḥ

Sanskrit only: no published translation is held for this verse.

ब्राह्मणेषु च तीर्थेषु देवायतनकर्मसु । प्रतिश्रुत्य ददेत्तत्तद्व्यवहारः कृतो यथा

brāhmaṇeṣu ca tīrtheṣu devāyatanakarmasu / pratiśrutya dadettattadvyavahāraḥ kṛto yathā

Sanskrit only: no published translation is held for this verse.

ऋणत्रयमिदं प्रोक्तं पुत्राणां धर्मनन्दन । सत्पुत्रास्ते तु राजेन्द्र स्नाता य ऋणमोचने

ṛṇatrayamidaṃ proktaṃ putrāṇāṃ dharmanandana / satputrāste tu rājendra snātā ya ṛṇamocane

Sanskrit only: no published translation is held for this verse.

ऋणत्रयाद्विमुच्यन्ते ह्यपुत्राः पुत्रिणस्तथा । तस्मात्तीर्थवरं प्राप्य पुत्रेण नियतात्मना । पितृभ्यस्तर्पणं कार्यं पिण्डदानं विशेषतः

ṛṇatrayādvimucyante hyaputrāḥ putriṇastathā / tasmāttīrthavaraṃ prāpya putreṇa niyatātmanā / pitṛbhyastarpaṇaṃ kāryaṃ piṇḍadānaṃ viśeṣataḥ

Sanskrit only: no published translation is held for this verse.

तत्र तीर्थे हुतं दत्तं गुरवस्तोषिता यदि । मृतानां सप्त जन्मानि फलमक्षयमश्नुते

tatra tīrthe hutaṃ dattaṃ guravastoṣitā yadi / mṛtānāṃ sapta janmāni phalamakṣayamaśnute

Sanskrit only: no published translation is held for this verse.