अथान्यत् सम्प्रवक्ष्यामि देवस्य चरितं महत् । श्रुतमात्रेण येनाशु सर्वपापैः प्रमुच्यते
athānyat sampravakṣyāmi devasya caritaṃ mahat / śrutamātreṇa yenāśu sarvapāpaiḥ pramucyate
Sanskrit only: no published translation is held for this verse.
Library·Revakhanda of the Vayupurana·212
Revakhanda of the Vayupurana 212
भिक्षुरूपं परं कृत्वा देवदेवो महेश्वरः । एकशालां गतो ग्रामं भिक्षार्थी क्षुत्पिपासितः
bhikṣurūpaṃ paraṃ kṛtvā devadevo maheśvaraḥ / ekaśālāṃ gato grāmaṃ bhikṣārthī kṣutpipāsitaḥ
Sanskrit only: no published translation is held for this verse.
अक्षसूत्रोद्यतकरो भस्मगुण्ठितविग्रहः । स्फुरत्त्रिशूलो विश्वेशो जटाकुण्डलभूषितः
akṣasūtrodyatakaro bhasmaguṇṭhitavigrahaḥ / sphurattriśūlo viśveśo jaṭākuṇḍalabhūṣitaḥ
Sanskrit only: no published translation is held for this verse.
कृत्तिवासा महाकायो महाहिकृतभूषणः । वादयन्वै डमरुकं डिण्डिमप्रतिमं शुभम्
kṛttivāsā mahākāyo mahāhikṛtabhūṣaṇaḥ / vādayanvai ḍamarukaṃ ḍiṇḍimapratimaṃ śubham
Sanskrit only: no published translation is held for this verse.
कपालपाणिर्भगवान्बालकैर् बहुभिर् वृतः । क्वचिद्गायन्हसंश्चैव नृत्यन्वदन् क्वचित् क्वचित्
kapālapāṇirbhagavānbālakair bahubhir vṛtaḥ / kvacidgāyanhasaṃścaiva nṛtyanvadan kvacit kvacit
Sanskrit only: no published translation is held for this verse.
यत्र यत्र गृहे देवो लीलया डिण्डमं न्यसेत् । भाराक्रान्तं गृहं पार्थ तत्रतत्र विनश्यति
yatra yatra gṛhe devo līlayā ḍiṇḍamaṃ nyaset / bhārākrāntaṃ gṛhaṃ pārtha tatratatra vinaśyati
Sanskrit only: no published translation is held for this verse.
एवं सम्प्रचरन् देवो वेष्टितो बहुभिर् जनैः । दृश्यादृश्येन रूपेण निर्जगाम बहिः प्रभुः
evaṃ sampracaran devo veṣṭito bahubhir janaiḥ / dṛśyādṛśyena rūpeṇa nirjagāma bahiḥ prabhuḥ
Sanskrit only: no published translation is held for this verse.
इतश्चेतश्च धावन्तं न पश्यन्ति यदा जनाः । विस्मितास्ते स्थिताः शम्भुर्भविष्यति ततो ऽस्तुवन्
itaścetaśca dhāvantaṃ na paśyanti yadā janāḥ / vismitāste sthitāḥ śambhurbhaviṣyati tato 'stuvan
Sanskrit only: no published translation is held for this verse.
तेषां तु स्तुवतां भक्त्या शङ्करं जगतां पतिम् । डिण्डिरूपो हि भगवांस्तदासौ प्रत्यदृश्यत
teṣāṃ tu stuvatāṃ bhaktyā śaṅkaraṃ jagatāṃ patim / ḍiṇḍirūpo hi bhagavāṃstadāsau pratyadṛśyata
Sanskrit only: no published translation is held for this verse.
तदाप्रभृति देवेशो डिण्डिमेश्वर उच्यते । दर्शनात् स्पर्शनाद् राजन् सर्वपापैः प्रमुच्यते
tadāprabhṛti deveśo ḍiṇḍimeśvara ucyate / darśanāt sparśanād rājan sarvapāpaiḥ pramucyate
Sanskrit only: no published translation is held for this verse.