Revakhanda of the Vayupurana 214

चतुर्थं सम्प्रवक्ष्यामि देवस्य चरितं महत् । श्रुतमात्रेण येनैव सर्वपापैः प्रमुच्यते

caturthaṃ sampravakṣyāmi devasya caritaṃ mahat / śrutamātreṇa yenaiva sarvapāpaiḥ pramucyate

Sanskrit only: no published translation is held for this verse.

कपाली कान्थिको भूत्वा यथा स व्यचरन्महीम् । पिशाचैर् राक्षसैर् भूतैर् डाकिनीयोगिनीवृतः

kapālī kānthiko bhūtvā yathā sa vyacaranmahīm / piśācair rākṣasair bhūtair ḍākinīyoginīvṛtaḥ

Sanskrit only: no published translation is held for this verse.

भैरवं रूपमास्थाय प्रेतासनपरिग्रहः । त्रैलोक्यस्याभयं दत्त्वा चचार विपुलं तपः

bhairavaṃ rūpamāsthāya pretāsanaparigrahaḥ / trailokyasyābhayaṃ dattvā cacāra vipulaṃ tapaḥ

Sanskrit only: no published translation is held for this verse.

आषाढी तु कृता तत्र ह्याषाढीनाम विश्रुतम् । कन्था मुक्ता ततो ऽन्यत्र देवेन परमेष्ठिना

āṣāḍhī tu kṛtā tatra hyāṣāḍhīnāma viśrutam / kanthā muktā tato 'nyatra devena parameṣṭhinā

Sanskrit only: no published translation is held for this verse.

तदाप्रभृति राजेन्द्र स कन्थेश्वर उच्यते । तस्य दर्शनमात्रेण ह्यश्वमेधफलं लभेत्

tadāprabhṛti rājendra sa kantheśvara ucyate / tasya darśanamātreṇa hyaśvamedhaphalaṃ labhet

Sanskrit only: no published translation is held for this verse.

देवो मार्गे पुनस्तत्र भ्रमते च यदृच्छया । विक्रीणाति बलाकारो दृष्ट्वा चोक्तो हरेण तु

devo mārge punastatra bhramate ca yadṛcchayā / vikrīṇāti balākāro dṛṣṭvā cokto hareṇa tu

Sanskrit only: no published translation is held for this verse.

यदि भद्र न चेत्कोपं करोषि मयि साम्प्रतम् । बलाभिर्भर मे लिङ्गं ददामि बहु ते धनम्

yadi bhadra na cetkopaṃ karoṣi mayi sāmpratam / balābhirbhara me liṅgaṃ dadāmi bahu te dhanam

Sanskrit only: no published translation is held for this verse.

एवमुक्तो ऽथ देवेन स वणिग्लोभमोहितः । योजयामास बलका लिङ्गे चोत्तममध्यमान्

evamukto 'tha devena sa vaṇiglobhamohitaḥ / yojayāmāsa balakā liṅge cottamamadhyamān

Sanskrit only: no published translation is held for this verse.

तावद्यावत्क्षयं सर्वे गताः काले सुसंचिताः । स्थितं समुन्नतं लिङ्गं दृष्ट्वा शोकमुपागमत्

tāvadyāvatkṣayaṃ sarve gatāḥ kāle susaṃcitāḥ / sthitaṃ samunnataṃ liṅgaṃ dṛṣṭvā śokamupāgamat

Sanskrit only: no published translation is held for this verse.

कृत्वा तु खण्डखण्डानि स देवः परमेश्वरः । उवाच प्रहसन्वाक्यं तं दृष्ट्वा गतसाध्वसम्

kṛtvā tu khaṇḍakhaṇḍāni sa devaḥ parameśvaraḥ / uvāca prahasanvākyaṃ taṃ dṛṣṭvā gatasādhvasam

Sanskrit only: no published translation is held for this verse.

न च मे पूरितं लिङ्गं यास्यामि यदि मन्यसे । ददामि तत्र वित्तं ते यदि लिङ्गं प्रपूरितम्

na ca me pūritaṃ liṅgaṃ yāsyāmi yadi manyase / dadāmi tatra vittaṃ te yadi liṅgaṃ prapūritam

Sanskrit only: no published translation is held for this verse.

अधन्यः कृतपुण्यो ऽहं निग्राह्यः परमेश्वर । तव प्रियम् अकुर्वाणः शोचिष्ये शाश्वतीः समाः

adhanyaḥ kṛtapuṇyo 'haṃ nigrāhyaḥ parameśvara / tava priyam akurvāṇaḥ śociṣye śāśvatīḥ samāḥ

Sanskrit only: no published translation is held for this verse.

एतच्छ्रुत्वा वचस् तस्य वणिक्पुत्रस्य भारत । असंक्षयं धनं दत्त्वा स्थितस् तत्र महेश्वरः

etacchrutvā vacas tasya vaṇikputrasya bhārata / asaṃkṣayaṃ dhanaṃ dattvā sthitas tatra maheśvaraḥ

Sanskrit only: no published translation is held for this verse.

तदा प्रभृति राजेन्द्र बलाकैरिव भूषितम् । प्रत्ययार्थं स्थितं लिङ्गं लोकानुग्रहकाम्यया

tadā prabhṛti rājendra balākairiva bhūṣitam / pratyayārthaṃ sthitaṃ liṅgaṃ lokānugrahakāmyayā

Sanskrit only: no published translation is held for this verse.

देवेन रचितं पार्थ क्रीडया सुप्रतिष्ठितम् । देवमार्गम् इति ख्यातं त्रिषु लोकेषु विश्रुतम् । पश्यन् प्रपूजयन् वापि सर्वपापैः प्रमुच्यते

devena racitaṃ pārtha krīḍayā supratiṣṭhitam / devamārgam iti khyātaṃ triṣu lokeṣu viśrutam / paśyan prapūjayan vāpi sarvapāpaiḥ pramucyate

Sanskrit only: no published translation is held for this verse.

देवमार्गे तु यो गत्वा पूजयेद् बलाकेश्वरम् । पञ्चायतनमासाद्य रुद्रलोकं स गच्छति

devamārge tu yo gatvā pūjayed balākeśvaram / pañcāyatanamāsādya rudralokaṃ sa gacchati

Sanskrit only: no published translation is held for this verse.

देवमार्गे मृतानां तु नराणां भावितात्मनाम् । न भवेत् पुनरावृत्ती रुद्रलोकात् कदाचन

devamārge mṛtānāṃ tu narāṇāṃ bhāvitātmanām / na bhavet punarāvṛttī rudralokāt kadācana

Sanskrit only: no published translation is held for this verse.

देवमार्गस्य माहात्म्यं भक्त्या श्रुत्वा नरोत्तम । मुच्यते सर्वपापेभ्यो नात्र कार्या विचारणा

devamārgasya māhātmyaṃ bhaktyā śrutvā narottama / mucyate sarvapāpebhyo nātra kāryā vicāraṇā

Sanskrit only: no published translation is held for this verse.