Revakhanda of the Vayupurana 222

ततः क्रोशान्तरे गच्छेत्तिलादं तीर्थमुत्तमम् । तिलप्राशनकृद्यत्र जाबालिः शुद्धिमाप्तवान्

tataḥ krośāntare gacchettilādaṃ tīrthamuttamam / tilaprāśanakṛdyatra jābāliḥ śuddhimāptavān

Sanskrit only: no published translation is held for this verse.

पितृमातृपरित्यागी भ्रातुर्भार्याभिलाषकृत् । पुत्रविक्रयकृत्पापश्छलकृद्गुरुणा सह

pitṛmātṛparityāgī bhrāturbhāryābhilāṣakṛt / putravikrayakṛtpāpaśchalakṛdguruṇā saha

Sanskrit only: no published translation is held for this verse.

एवं दोषसमाविष्टो यत्र यत्रापि गच्छति । तत्र तत्रापि धिक्कारं लभते सत्सु भारत । न कोऽपि संगतिं धत्ते तेन सार्द्धं सभास्वपि

evaṃ doṣasamāviṣṭo yatra yatrāpi gacchati / tatra tatrāpi dhikkāraṃ labhate satsu bhārata / na ko'pi saṃgatiṃ dhatte tena sārddhaṃ sabhāsvapi

Sanskrit only: no published translation is held for this verse.

इति लज्जान्वितो विप्रः काले न महता नृप । चिन्तामवाप महतीम् अगतिज्ञो हि पावने

iti lajjānvito vipraḥ kāle na mahatā nṛpa / cintāmavāpa mahatīm agatijño hi pāvane

Sanskrit only: no published translation is held for this verse.

चकार सर्वतीर्थानि रेवां चाप्यवगाहयत्

cakāra sarvatīrthāni revāṃ cāpyavagāhayat

Sanskrit only: no published translation is held for this verse.

अणिवापान्तम् आसाद्य दक्षिणे नर्मदातटे । तस्थौ यत्र व्रती पार्थ जाबालिः प्राशयंस्तिलान्

aṇivāpāntam āsādya dakṣiṇe narmadātaṭe / tasthau yatra vratī pārtha jābāliḥ prāśayaṃstilān

Sanskrit only: no published translation is held for this verse.

तिलैरेकाशनं कुर्वंस् तथैवैकान्तराशनम् । त्र्यहषड्द्वादशाहाशी पक्षमासाशनस्तथा

tilairekāśanaṃ kurvaṃs tathaivaikāntarāśanam / tryahaṣaḍdvādaśāhāśī pakṣamāsāśanastathā

Sanskrit only: no published translation is held for this verse.

कृच्छ्रचान्द्रायणादीनि व्रतानि च तिलैरपि । तिलादत्वमनुप्राप्तो ह्यब्दद्वासप्ततिं क्रमात्

kṛcchracāndrāyaṇādīni vratāni ca tilairapi / tilādatvamanuprāpto hyabdadvāsaptatiṃ kramāt

Sanskrit only: no published translation is held for this verse.

कालेन गच्छता तस्य प्रसन्नो ऽभवदीश्वरः । प्रादाद् इहामुत्रिकीं तु शुद्धिं सालोक्यमात्मकम्

kālena gacchatā tasya prasanno 'bhavadīśvaraḥ / prādād ihāmutrikīṃ tu śuddhiṃ sālokyamātmakam

Sanskrit only: no published translation is held for this verse.

तेन स स्थापितो देवः स्वनाम्ना भरतर्षभ । तिलादेश्वरसंज्ञां च प्राप लोकादपि प्रभुः

tena sa sthāpito devaḥ svanāmnā bharatarṣabha / tilādeśvarasaṃjñāṃ ca prāpa lokādapi prabhuḥ

Sanskrit only: no published translation is held for this verse.

तदा प्रभृति विख्यातं तीर्थं पापप्रणाशनम् । तत्र तीर्थे नरः स्नात्वा चतुर्दश्यष्टमीषु च

tadā prabhṛti vikhyātaṃ tīrthaṃ pāpapraṇāśanam / tatra tīrthe naraḥ snātvā caturdaśyaṣṭamīṣu ca

Sanskrit only: no published translation is held for this verse.

उपवासपरः पार्थ तथैव हरिवासरे । तिलहोमी तिलोद्वर्ती तिलस्नायी तिलोदकी

upavāsaparaḥ pārtha tathaiva harivāsare / tilahomī tilodvartī tilasnāyī tilodakī

Sanskrit only: no published translation is held for this verse.

तिलदाता च भोक्ता च नानापापैः प्रमुच्यते । तिलैरापूरयेल्लिङ्गं तिलतैलेन दीपदः । रुद्रलोकम् अवाप्नोति पुनात्य् आ सप्तमं कुलम्

tiladātā ca bhoktā ca nānāpāpaiḥ pramucyate / tilairāpūrayelliṅgaṃ tilatailena dīpadaḥ / rudralokam avāpnoti punāty ā saptamaṃ kulam

Sanskrit only: no published translation is held for this verse.

तिलपिण्डप्रदानेन श्राद्धे नृपतिसत्तम । विकर्मस्थाश्च गच्छन्ति गतिमिष्टां हि पूर्वजाः

tilapiṇḍapradānena śrāddhe nṛpatisattama / vikarmasthāśca gacchanti gatimiṣṭāṃ hi pūrvajāḥ

Sanskrit only: no published translation is held for this verse.

स्वर्गलोकस्थिताः श्राद्धैर् ब्राह्मणानां च भोजनैः । अक्षयां तृप्तिमासाद्य मोदन्ते शाश्वतीः समाः

svargalokasthitāḥ śrāddhair brāhmaṇānāṃ ca bhojanaiḥ / akṣayāṃ tṛptimāsādya modante śāśvatīḥ samāḥ

Sanskrit only: no published translation is held for this verse.

पितुः कुलं मातृकुलं तथा भार्याकुलं नृप । कुलत्रयं समुद्धृत्य स्वर्गं नयति वै नरः

pituḥ kulaṃ mātṛkulaṃ tathā bhāryākulaṃ nṛpa / kulatrayaṃ samuddhṛtya svargaṃ nayati vai naraḥ

Sanskrit only: no published translation is held for this verse.