Revakhanda of the Vayupurana 223

ततः क्रोशान्तरे पार्थ वासवं तीर्थमुत्तमम् । वसुभिः स्थापितं तत्र स्थित्वा वै द्वादशाब्दकम्

tataḥ krośāntare pārtha vāsavaṃ tīrthamuttamam / vasubhiḥ sthāpitaṃ tatra sthitvā vai dvādaśābdakam

Sanskrit only: no published translation is held for this verse.

धरो ध्रुवश्च सोमश्च आपश्चैवानिलो ऽनलः । प्रत्यूषश्च प्रभासश्च वसवो ऽष्टाविमे पुरा

dharo dhruvaśca somaśca āpaścaivānilo 'nalaḥ / pratyūṣaśca prabhāsaśca vasavo 'ṣṭāvime purā

Sanskrit only: no published translation is held for this verse.

पितृशापपरिक्लिष्टा गर्भवासाय भारत । नार्मदं तीर्थमासाद्य तपश्चक्रुर्यतेन्द्रियाः

pitṛśāpaparikliṣṭā garbhavāsāya bhārata / nārmadaṃ tīrthamāsādya tapaścakruryatendriyāḥ

Sanskrit only: no published translation is held for this verse.

आराधयन्तः परमं भवानीपतिम् अव्यम् । द्वादशाब्दानि राजेन्द्र ततस्तुष्टो महेश्वरः

ārādhayantaḥ paramaṃ bhavānīpatim avyam / dvādaśābdāni rājendra tatastuṣṭo maheśvaraḥ

Sanskrit only: no published translation is held for this verse.

प्रत्यक्षः प्रददौ तेभ्यस्त्वभीष्टं वरमुत्तमम् । ततः स्वनाम्ना संस्थाप्य वसवस्तं महेश्वरम् । जग्मुराकाशमाविश्य प्रसन्ने सति शङ्करे

pratyakṣaḥ pradadau tebhyastvabhīṣṭaṃ varamuttamam / tataḥ svanāmnā saṃsthāpya vasavastaṃ maheśvaram / jagmurākāśamāviśya prasanne sati śaṅkare

Sanskrit only: no published translation is held for this verse.

ततः प्रभृति विख्यातं तीर्थं तद्वासवाह्वयम् । तस्मिंस्तीर्थे महाराज यो भक्त्या पूजयेच्छिवम् । यथालब्धोपहारैश्च दीपं दद्यात् प्रयत्नतः

tataḥ prabhṛti vikhyātaṃ tīrthaṃ tadvāsavāhvayam / tasmiṃstīrthe mahārāja yo bhaktyā pūjayecchivam / yathālabdhopahāraiśca dīpaṃ dadyāt prayatnataḥ

Sanskrit only: no published translation is held for this verse.

शुक्लपक्षे तदाष्टम्यां प्रत्यहं वापि शक्तितः । अष्टौ वर्षसहस्राणि स वसेच्छिवसंनिधौ

śuklapakṣe tadāṣṭamyāṃ pratyahaṃ vāpi śaktitaḥ / aṣṭau varṣasahasrāṇi sa vasecchivasaṃnidhau

Sanskrit only: no published translation is held for this verse.

ततः शिवालयं याति गर्भवासं न पश्यति । पुष्पैर्वा पल्लवैर्वापि फलैर्धान्यैस् तथापि वा

tataḥ śivālayaṃ yāti garbhavāsaṃ na paśyati / puṣpairvā pallavairvāpi phalairdhānyais tathāpi vā

Sanskrit only: no published translation is held for this verse.

पूजयेद्देवमीशानं स दैन्यं नाप्नुयात् क्वचित् । सर्वशोकविनिर्मुक्तः स्वर्गलोके महीयते

pūjayeddevamīśānaṃ sa dainyaṃ nāpnuyāt kvacit / sarvaśokavinirmuktaḥ svargaloke mahīyate

Sanskrit only: no published translation is held for this verse.

एकाहमपि कौन्तेय यो वसेद्वासवेश्वरे । पापराशिं विनिर्धूय भानुवद्दिवि मोदते

ekāhamapi kaunteya yo vasedvāsaveśvare / pāparāśiṃ vinirdhūya bhānuvaddivi modate

Sanskrit only: no published translation is held for this verse.

विप्रांश्च भोजयेद्भक्त्या दद्याद् वासांसि दक्षिणाम्

viprāṃśca bhojayedbhaktyā dadyād vāsāṃsi dakṣiṇām

Sanskrit only: no published translation is held for this verse.