Revakhanda of the Vayupurana 227

एतानि तव संक्षेपात् प्राधान्यात् कथितानि च । न शक्तो विस्तराद् वक्तुं संख्यां तीर्थेषु पाण्डव

etāni tava saṃkṣepāt prādhānyāt kathitāni ca / na śakto vistarād vaktuṃ saṃkhyāṃ tīrtheṣu pāṇḍava

Sanskrit only: no published translation is held for this verse.

एषा पवित्रा विमला नदी त्रैलोक्यविश्रुता । नर्मदा सरितां श्रेष्ठा महादेवस्य वल्लभा

eṣā pavitrā vimalā nadī trailokyaviśrutā / narmadā saritāṃ śreṣṭhā mahādevasya vallabhā

Sanskrit only: no published translation is held for this verse.

मनसा संस्मरेद् यस्तु नर्मदां सततं नृप । चान्द्रायणशतस्याशु लभते फलमुत्तमम्

manasā saṃsmared yastu narmadāṃ satataṃ nṛpa / cāndrāyaṇaśatasyāśu labhate phalamuttamam

Sanskrit only: no published translation is held for this verse.

अश्रद्दधानाः पुरुषा नास्तिकाश्चात्र ये स्थिताः । पतन्ति नरके घोरे प्राहैवं परमेश्वरः

aśraddadhānāḥ puruṣā nāstikāścātra ye sthitāḥ / patanti narake ghore prāhaivaṃ parameśvaraḥ

Sanskrit only: no published translation is held for this verse.

नर्मदां सेवते नित्यं स्वयं देवो महेश्वरः । तेन पुण्या नदी ज्ञेया ब्रह्महत्यापहारिणी

narmadāṃ sevate nityaṃ svayaṃ devo maheśvaraḥ / tena puṇyā nadī jñeyā brahmahatyāpahāriṇī

Sanskrit only: no published translation is held for this verse.

इयं माहेश्वरी गङ्गा महेश्वरतनूद्भवा । प्रोक्ता दक्षिणगङ्गेति भारतस्य युधिष्ठिर

iyaṃ māheśvarī gaṅgā maheśvaratanūdbhavā / proktā dakṣiṇagaṅgeti bhāratasya yudhiṣṭhira

Sanskrit only: no published translation is held for this verse.

जाह्नवी वैष्णवी गङ्गा ब्राह्मी गङ्गा सरस्वती । इयं माहेश्वरी गङ्गा रेवा नास्त्यत्र संशयः

jāhnavī vaiṣṇavī gaṅgā brāhmī gaṅgā sarasvatī / iyaṃ māheśvarī gaṅgā revā nāstyatra saṃśayaḥ

Sanskrit only: no published translation is held for this verse.

यथा हि पुरुषे देवस् त्रैमूर्तत्वम् उपाश्रितः । ब्रह्मविष्णुमहेशाख्यं न भेदस् तत्र वै यथा । तथा सरित्त्रये पार्थ भेदं मनसि मा कृथाः

yathā hi puruṣe devas traimūrtatvam upāśritaḥ / brahmaviṣṇumaheśākhyaṃ na bhedas tatra vai yathā / tathā sarittraye pārtha bhedaṃ manasi mā kṛthāḥ

Sanskrit only: no published translation is held for this verse.

कोटिशो ह्यत्र तीर्थानि लक्षशश्चापि भारत । तथा सहस्रशो रेवातीरद्वयगतानि तु

koṭiśo hyatra tīrthāni lakṣaśaścāpi bhārata / tathā sahasraśo revātīradvayagatāni tu

Sanskrit only: no published translation is held for this verse.

वृक्षान्तरिक्षसंस्थानि जलस्थलगतानि च । कः शक्तस्तानि निर्णेतुं वागीशो वा महेश्वरः

vṛkṣāntarikṣasaṃsthāni jalasthalagatāni ca / kaḥ śaktastāni nirṇetuṃ vāgīśo vā maheśvaraḥ

Sanskrit only: no published translation is held for this verse.

स्मरणाज्जन्मजनितं दर्शनाच्च त्रिजन्मजम् । सप्तजन्मकृतं नश्येत् पापं रेवावगाहनात्

smaraṇājjanmajanitaṃ darśanācca trijanmajam / saptajanmakṛtaṃ naśyet pāpaṃ revāvagāhanāt

Sanskrit only: no published translation is held for this verse.

देवकार्यं कृतं तेन अग्नयो विधिवद्धुताः । वेदा अधीताश्चत्वारो येन रेवावगाहिता

devakāryaṃ kṛtaṃ tena agnayo vidhivaddhutāḥ / vedā adhītāścatvāro yena revāvagāhitā

Sanskrit only: no published translation is held for this verse.

प्राधान्याच्चापि संक्षेपात् तीर्थान्युक्तानि ते मया । न शक्यो विस्तरः पार्थ श्रोतुं वक्तुं च वै मया

prādhānyāccāpi saṃkṣepāt tīrthānyuktāni te mayā / na śakyo vistaraḥ pārtha śrotuṃ vaktuṃ ca vai mayā

Sanskrit only: no published translation is held for this verse.

विधानं च यमांश्चैव नियमांश्च वदस्व मे । प्रायश्चित्तार्थगमने को विधिस्तं वदस्व मे

vidhānaṃ ca yamāṃścaiva niyamāṃśca vadasva me / prāyaścittārthagamane ko vidhistaṃ vadasva me

Sanskrit only: no published translation is held for this verse.

साधु पृष्टं महाराज यच्छ्रेयः पारलौकिकम् । शृणुष्वावहितो भूत्वा यथाज्ञानं वदामि ते

sādhu pṛṣṭaṃ mahārāja yacchreyaḥ pāralaukikam / śṛṇuṣvāvahito bhūtvā yathājñānaṃ vadāmi te

Sanskrit only: no published translation is held for this verse.

अध्रुवेण शरीरेण ध्रुवं कर्म समाचरेत् । अवश्यमेव यास्यन्ति प्राणाः प्राघूर्णिका इव

adhruveṇa śarīreṇa dhruvaṃ karma samācaret / avaśyameva yāsyanti prāṇāḥ prāghūrṇikā iva

Sanskrit only: no published translation is held for this verse.

दानं वित्तादृतं वाचः कीर्तिधर्मौ तथा ख्युषः । परोपकरणं कायादसारात्सारम् उद्धरेत्

dānaṃ vittādṛtaṃ vācaḥ kīrtidharmau tathā khyuṣaḥ / paropakaraṇaṃ kāyādasārātsāram uddharet

Sanskrit only: no published translation is held for this verse.

अस्मिन्महामोहमये कटाहे सूर्याग्निना रात्रिदिवेन्धनेन । मासर्तुदर्वीपरिघट्टनेन भूतानि कालः पचतीति वार्ता

asminmahāmohamaye kaṭāhe sūryāgninā rātridivendhanena / māsartudarvīparighaṭṭanena bhūtāni kālaḥ pacatīti vārtā

Sanskrit only: no published translation is held for this verse.

ज्ञात्वा शास्त्रविधानोक्तं कर्म कर्तुम् इहार्हसि । नायं लोको ऽस्ति न परो न सुखं संशयात्मनः

jñātvā śāstravidhānoktaṃ karma kartum ihārhasi / nāyaṃ loko 'sti na paro na sukhaṃ saṃśayātmanaḥ

Sanskrit only: no published translation is held for this verse.

मन्त्रे तीर्थे द्विजे देवे दैवज्ञे भेषजे गुरौ । यादृशी भावना यस्य सिद्धिर् भवति तादृशी

mantre tīrthe dvije deve daivajñe bheṣaje gurau / yādṛśī bhāvanā yasya siddhir bhavati tādṛśī

Sanskrit only: no published translation is held for this verse.

अश्रद्धया हुतं दत्तं तपस्तप्तं कृतं च यत् । असदित्युच्यते पार्थ न च तत्प्रेत्य नो इह

aśraddhayā hutaṃ dattaṃ tapastaptaṃ kṛtaṃ ca yat / asadityucyate pārtha na ca tatpretya no iha

Sanskrit only: no published translation is held for this verse.

यः शास्त्रविधिम् उत्सृज्य वर्तते कामकारतः । न स सिद्धिम् अवाप्नोति न सुखं न परां गतिम्

yaḥ śāstravidhim utsṛjya vartate kāmakārataḥ / na sa siddhim avāpnoti na sukhaṃ na parāṃ gatim

Sanskrit only: no published translation is held for this verse.

सन्तीह विविधोपाया नृणां देहविशोधनाः । तीर्थसेवासमं नास्ति स्वशरीरस्य शोधनम्

santīha vividhopāyā nṛṇāṃ dehaviśodhanāḥ / tīrthasevāsamaṃ nāsti svaśarīrasya śodhanam

Sanskrit only: no published translation is held for this verse.

कृच्छ्रचान्द्रायणाद् यैर् वा द्वितीयं तीर्थसेवया । यदा तीर्थं समुद्दिश्य प्रयाति पुरुषो नृप । तदा देवाश्च पितरस् तं व्रजन्त्यनु खेचराः

kṛcchracāndrāyaṇād yair vā dvitīyaṃ tīrthasevayā / yadā tīrthaṃ samuddiśya prayāti puruṣo nṛpa / tadā devāśca pitaras taṃ vrajantyanu khecarāḥ

Sanskrit only: no published translation is held for this verse.

परमा मोदपूर्णास्ते प्रयान्त्य् अस्यानुयायिनः । कृत्वाभ्युदयिकं श्राद्धं समापृच्छय तु देवताम्

paramā modapūrṇāste prayānty asyānuyāyinaḥ / kṛtvābhyudayikaṃ śrāddhaṃ samāpṛcchaya tu devatām

Sanskrit only: no published translation is held for this verse.

इष्टबन्धूंश्च विष्णुं च शङ्करं सगणेश्वरम् । व्रजेद्द्विजाभ्यनुज्ञातो गृहीत्वा नियमानपि

iṣṭabandhūṃśca viṣṇuṃ ca śaṅkaraṃ sagaṇeśvaram / vrajeddvijābhyanujñāto gṛhītvā niyamānapi

Sanskrit only: no published translation is held for this verse.

एकाशनं ब्रह्मचर्यं भूशय्यां सत्यवादिताम् । वर्जनं च परान्नस्य प्रतिग्रहविवर्जनम्

ekāśanaṃ brahmacaryaṃ bhūśayyāṃ satyavāditām / varjanaṃ ca parānnasya pratigrahavivarjanam

Sanskrit only: no published translation is held for this verse.

वर्जयित्वा तथा द्रोहवञ्चनादि नृपोत्तम । साधुवेषं समास्थाय विनयेन विभूषितः

varjayitvā tathā drohavañcanādi nṛpottama / sādhuveṣaṃ samāsthāya vinayena vibhūṣitaḥ

Sanskrit only: no published translation is held for this verse.

दम्भाहङ्कारमुक्तो यः स तीर्थफलमश्नुते । यस्य हस्तौ च पादौ च मनश्चैव सुसंयतम्

dambhāhaṅkāramukto yaḥ sa tīrthaphalamaśnute / yasya hastau ca pādau ca manaścaiva susaṃyatam

Sanskrit only: no published translation is held for this verse.

विद्या तपश्च कीर्तिश्च स तीर्थफलमश्नुते । अक्रोधनश्च राजेन्द्र सत्यशीलो दृढव्रतः

vidyā tapaśca kīrtiśca sa tīrthaphalamaśnute / akrodhanaśca rājendra satyaśīlo dṛḍhavrataḥ

Sanskrit only: no published translation is held for this verse.

आत्मोपमश्च भूतेषु स तीर्थफलमश्नुते । मुण्डनं चोपवासश्च सर्वतीर्थेष्वयं विधिः

ātmopamaśca bhūteṣu sa tīrthaphalamaśnute / muṇḍanaṃ copavāsaśca sarvatīrtheṣvayaṃ vidhiḥ

Sanskrit only: no published translation is held for this verse.

वर्जयित्वा कुरुक्षेत्रं विशालां विरजां गयाम् । स्नानं सुरार्चनं चैव श्राद्धे वै पिण्डपातनम्

varjayitvā kurukṣetraṃ viśālāṃ virajāṃ gayām / snānaṃ surārcanaṃ caiva śrāddhe vai piṇḍapātanam

Sanskrit only: no published translation is held for this verse.

विप्राणां भोजनं शक्त्या सर्वतीर्थेष्वयं विधिः । प्रायश्चित्तनिमित्तं च यो व्रजेद्यतमानसः

viprāṇāṃ bhojanaṃ śaktyā sarvatīrtheṣvayaṃ vidhiḥ / prāyaścittanimittaṃ ca yo vrajedyatamānasaḥ

Sanskrit only: no published translation is held for this verse.

तस्यापि च विधिं वक्ष्ये शृणु पार्थ समाहितः । एकाशनं ब्रह्मचर्यमक्षारलवणाशनम्

tasyāpi ca vidhiṃ vakṣye śṛṇu pārtha samāhitaḥ / ekāśanaṃ brahmacaryamakṣāralavaṇāśanam

Sanskrit only: no published translation is held for this verse.

स्नात्वा तीर्थाभिगमनं हविष्यैकान्नभोजनम् । वर्जयेत् पतितालापं बहुभाषणमेव च

snātvā tīrthābhigamanaṃ haviṣyaikānnabhojanam / varjayet patitālāpaṃ bahubhāṣaṇameva ca

Sanskrit only: no published translation is held for this verse.

परीवादं परान्नं च नीचसङ्गं विवर्जयेत् । व्रजेच्च निरुपानत्को वसानो वाससी शुचिः

parīvādaṃ parānnaṃ ca nīcasaṅgaṃ vivarjayet / vrajecca nirupānatko vasāno vāsasī śuciḥ

Sanskrit only: no published translation is held for this verse.

संकल्पं मनसा कृत्वा ब्राह्मणानुज्ञया व्रजेत् । तीर्थे गत्वा तथा स्नात्वा कृत्वा चैव सुरार्चनम्

saṃkalpaṃ manasā kṛtvā brāhmaṇānujñayā vrajet / tīrthe gatvā tathā snātvā kṛtvā caiva surārcanam

Sanskrit only: no published translation is held for this verse.

दुष्कर्मतो विमुक्तः स्याद् अनुतापी भवेद् यदि । वेदे तीर्थे च देवे च दैवज्ञे चौषधे गुरौ

duṣkarmato vimuktaḥ syād anutāpī bhaved yadi / vede tīrthe ca deve ca daivajñe cauṣadhe gurau

Sanskrit only: no published translation is held for this verse.

यादृशी भावना यस्य सिद्धिर् भवति तादृशी । उक्ततीर्थफलानां च पुराणेषु स्मृतिष्वपि

yādṛśī bhāvanā yasya siddhir bhavati tādṛśī / uktatīrthaphalānāṃ ca purāṇeṣu smṛtiṣvapi

Sanskrit only: no published translation is held for this verse.

अर्थवादभवां शङ्कां विहाय भरतर्षभ । कृत्वा विचारं शास्त्रोक्तं परिकल्प्य यथोचितम्

arthavādabhavāṃ śaṅkāṃ vihāya bharatarṣabha / kṛtvā vicāraṃ śāstroktaṃ parikalpya yathocitam

Sanskrit only: no published translation is held for this verse.

कायेन कृच्छ्रचरणे ह्यशक्तानां विशुद्धये । ज्ञात्वा तीर्थाविशेषं हि प्रायश्चित्तं समाचरेत्

kāyena kṛcchracaraṇe hyaśaktānāṃ viśuddhaye / jñātvā tīrthāviśeṣaṃ hi prāyaścittaṃ samācaret

Sanskrit only: no published translation is held for this verse.

तच्छृणुष्व महाराज नर्मदायां यथोचितम् । चतुर्विंशतिसंख्येभ्यो योजनेभ्यो व्रजेन्नरः

tacchṛṇuṣva mahārāja narmadāyāṃ yathocitam / caturviṃśatisaṃkhyebhyo yojanebhyo vrajennaraḥ

Sanskrit only: no published translation is held for this verse.

चतुर्विंशतिकृच्छ्राणां फलमाप्नोति शोभनम् । अत ऊर्ध्वं योजनेषु पादकृच्छ्रम् उदाहृतः

caturviṃśatikṛcchrāṇāṃ phalamāpnoti śobhanam / ata ūrdhvaṃ yojaneṣu pādakṛcchram udāhṛtaḥ

Sanskrit only: no published translation is held for this verse.

तन्मध्ये च महाराज यो व्रजेच्छुद्धिकाङ्क्षया । योजने योजने तस्य प्रायश्चित्तं विदुर्बुधाः

tanmadhye ca mahārāja yo vrajecchuddhikāṅkṣayā / yojane yojane tasya prāyaścittaṃ vidurbudhāḥ

Sanskrit only: no published translation is held for this verse.

प्रणवाख्ये महाराज तथा रेवोरिसंगमे । भृगुक्षेत्रे तथा गत्वा फलं तद्द्विगुणं स्मृतम्

praṇavākhye mahārāja tathā revorisaṃgame / bhṛgukṣetre tathā gatvā phalaṃ taddviguṇaṃ smṛtam

Sanskrit only: no published translation is held for this verse.

सङ्गमे देवनद्याश्च शूलभेदे नृपोत्तम । द्विगुणं पादहीनं स्यात् करजासंगमे तथा

saṅgame devanadyāśca śūlabhede nṛpottama / dviguṇaṃ pādahīnaṃ syāt karajāsaṃgame tathā

Sanskrit only: no published translation is held for this verse.

एरण्डीसङ्गमे तद्वत् कपिलायाश्च संगमे । केचित् त्रिगुणितं प्राहुः कुब्जारेवोत्थसङ्गमे

eraṇḍīsaṅgame tadvat kapilāyāśca saṃgame / kecit triguṇitaṃ prāhuḥ kubjārevotthasaṅgame

Sanskrit only: no published translation is held for this verse.

ॐकारे च महाराज तदपि स्यात् समञ्जसम् । सङ्गमेषु तथान्यासां नदीनां रेवया सह

oṃkāre ca mahārāja tadapi syāt samañjasam / saṅgameṣu tathānyāsāṃ nadīnāṃ revayā saha

Sanskrit only: no published translation is held for this verse.

प्राहुस्ते सार्धकृच्छ्रं वै फलं पूर्वं युधिष्ठिर । त्रिगुणं कृच्छ्रम् आप्नोति रेवासागरसङ्गमे

prāhuste sārdhakṛcchraṃ vai phalaṃ pūrvaṃ yudhiṣṭhira / triguṇaṃ kṛcchram āpnoti revāsāgarasaṅgame

Sanskrit only: no published translation is held for this verse.

कृच्छ्रं चतुर्गुणं प्रोक्तं शुक्लतीर्थे युधिष्ठिर । योजने योजने गत्वा चतुर्विंशतियोजनम् । तत्र तत्र वसेद्यस्तु सुचिरं नृवरोत्तम

kṛcchraṃ caturguṇaṃ proktaṃ śuklatīrthe yudhiṣṭhira / yojane yojane gatvā caturviṃśatiyojanam / tatra tatra vasedyastu suciraṃ nṛvarottama

Sanskrit only: no published translation is held for this verse.

रेवासेवासमाचारः संयुक्तः शुद्धबुद्धिमान् । दम्भाहङ्काररहितः शुद्ध्यर्थं स विमुच्यते

revāsevāsamācāraḥ saṃyuktaḥ śuddhabuddhimān / dambhāhaṅkārarahitaḥ śuddhyarthaṃ sa vimucyate

Sanskrit only: no published translation is held for this verse.

इति ते कथितं पार्थ प्रायश्चित्तार्थलक्षणम् । रेवायात्राविधानं च गुह्यमेतद् युधिष्ठिर

iti te kathitaṃ pārtha prāyaścittārthalakṣaṇam / revāyātrāvidhānaṃ ca guhyametad yudhiṣṭhira

Sanskrit only: no published translation is held for this verse.

योजनस्य प्रमाणं मे वद त्वं मुनिसत्तम । यज्ज्ञात्वा निश्चितं मे स्यान् मनःशुद्धेस्तु कारणम्

yojanasya pramāṇaṃ me vada tvaṃ munisattama / yajjñātvā niścitaṃ me syān manaḥśuddhestu kāraṇam

Sanskrit only: no published translation is held for this verse.

शृणु पाण्डव वक्ष्यामि प्रमाणं योजनस्य यत् । तथा यात्राविशेषेण विशेषं कृच्छ्रसम्भवम्

śṛṇu pāṇḍava vakṣyāmi pramāṇaṃ yojanasya yat / tathā yātrāviśeṣeṇa viśeṣaṃ kṛcchrasambhavam

Sanskrit only: no published translation is held for this verse.

तिर्यग्यवोदराण्यष्टावूर्ध्वा वा व्रीहयस्त्रयः । प्रमाणमङ्गुलस्याहुर्वितस्तिर् द्वादशांगुला

tiryagyavodarāṇyaṣṭāvūrdhvā vā vrīhayastrayaḥ / pramāṇamaṅgulasyāhurvitastir dvādaśāṃgulā

Sanskrit only: no published translation is held for this verse.

वितस्तिद्वितयं हस्तश्चतुर्हस्तं धनुः स्मृतम् । स एव दण्डो गदितो विशेषज्ञैर् युधिष्ठिर

vitastidvitayaṃ hastaścaturhastaṃ dhanuḥ smṛtam / sa eva daṇḍo gadito viśeṣajñair yudhiṣṭhira

Sanskrit only: no published translation is held for this verse.

धनुःसहस्रे द्वे क्रोशश् चतुःक्रोशं च योजनम् । एतद्योजनमानं ते कथितं भरतर्षभ

dhanuḥsahasre dve krośaś catuḥkrośaṃ ca yojanam / etadyojanamānaṃ te kathitaṃ bharatarṣabha

Sanskrit only: no published translation is held for this verse.

येन यात्रां व्रजन् वेत्ति फलमानं निजार्जितम् । उक्तं कृच्छ्रफलं तीर्थे जलरूपे नृपोत्तम

yena yātrāṃ vrajan vetti phalamānaṃ nijārjitam / uktaṃ kṛcchraphalaṃ tīrthe jalarūpe nṛpottama

Sanskrit only: no published translation is held for this verse.

यथाविशेषं ते वच्मि पूर्वोक्ते तत्र तत्र च । तन्मे शृणु महीपाल श्रद्दधानाय कथ्यते

yathāviśeṣaṃ te vacmi pūrvokte tatra tatra ca / tanme śṛṇu mahīpāla śraddadhānāya kathyate

Sanskrit only: no published translation is held for this verse.

यस्मिंस्तीर्थे हि यत्प्रोक्तं फलं कृच्छ्रादिकं नृप । तत्राप्युपोषणात् कृच्छ्रफलं प्राप्नोत्यथाधिकम्

yasmiṃstīrthe hi yatproktaṃ phalaṃ kṛcchrādikaṃ nṛpa / tatrāpyupoṣaṇāt kṛcchraphalaṃ prāpnotyathādhikam

Sanskrit only: no published translation is held for this verse.

दिनजाप्याच्च लभते फलं कृच्छ्रस्य शक्तितः । तत्र विख्यातदेवेशं स्नात्वा दृष्ट्वाभिपूज्य च

dinajāpyācca labhate phalaṃ kṛcchrasya śaktitaḥ / tatra vikhyātadeveśaṃ snātvā dṛṣṭvābhipūjya ca

Sanskrit only: no published translation is held for this verse.

प्रणम्य लभते पार्थ फलं कृच्छ्रभवं सुधीः । तीर्थे मुख्यफलं स्नानाद् द्वितीयं चाप्युपोषणात्

praṇamya labhate pārtha phalaṃ kṛcchrabhavaṃ sudhīḥ / tīrthe mukhyaphalaṃ snānād dvitīyaṃ cāpyupoṣaṇāt

Sanskrit only: no published translation is held for this verse.

तृतीयं ख्यातदेवस्य दर्शनाभ्यर्चनादिभिः । चतुर्थं जाप्ययोगेन देहशक्त्या त्वहर्निशम्

tṛtīyaṃ khyātadevasya darśanābhyarcanādibhiḥ / caturthaṃ jāpyayogena dehaśaktyā tvaharniśam

Sanskrit only: no published translation is held for this verse.

पञ्चमं सर्वतीर्थेषु कल्पनीयं हि दूरतः । तीरस्थो योजनादर्वाग्दशांशं लभते फलम्

pañcamaṃ sarvatīrtheṣu kalpanīyaṃ hi dūrataḥ / tīrastho yojanādarvāgdaśāṃśaṃ labhate phalam

Sanskrit only: no published translation is held for this verse.

उक्ततीर्थफलात्पार्थ नात्र कार्या विचारणा

uktatīrthaphalātpārtha nātra kāryā vicāraṇā

Sanskrit only: no published translation is held for this verse.

उपवासेन सहितं महानद्यां हि मज्जनम् । अप्यर्वाग्योजनात्पार्थ दद्यात्कृच्छ्रफलं नृणाम्

upavāsena sahitaṃ mahānadyāṃ hi majjanam / apyarvāgyojanātpārtha dadyātkṛcchraphalaṃ nṛṇām

Sanskrit only: no published translation is held for this verse.

षड्योजनवहा कुल्य नद्यो ऽल्पा द्वादशैव च । चतुर्विंशतिगा नद्यो महानद्यस् ततो ऽधिकाः

ṣaḍyojanavahā kulya nadyo 'lpā dvādaśaiva ca / caturviṃśatigā nadyo mahānadyas tato 'dhikāḥ

Sanskrit only: no published translation is held for this verse.