Revakhanda of the Vayupurana 23

तत्रैव सङ्गमे राजन्भक्त्या परमया नृप । प्राणांस्त्यजन्ति ये मर्त्यास्ते यान्ति परमां गतिम्

tatraiva saṅgame rājanbhaktyā paramayā nṛpa / prāṇāṃstyajanti ye martyāste yānti paramāṃ gatim

Sanskrit only: no published translation is held for this verse.

संन्यस्तसर्वसंकल्पो यस्तु प्राणान्परित्यजेत् । अमरेश्वरमासाद्य स स्वर्गे नियतं वसेत्

saṃnyastasarvasaṃkalpo yastu prāṇānparityajet / amareśvaramāsādya sa svarge niyataṃ vaset

Sanskrit only: no published translation is held for this verse.

शैलेन्द्रं यः समासाद्य आत्मानं मुञ्चते नरः । विमानेनार्कवर्णेन स गच्छेदमरावतीम्

śailendraṃ yaḥ samāsādya ātmānaṃ muñcate naraḥ / vimānenārkavarṇena sa gacchedamarāvatīm

Sanskrit only: no published translation is held for this verse.

नरं पतन्तमालोक्य नगाद् अमरकण्टकात् । ब्रुवन्त्यप्सरसः सर्वा मम भर्ता भवेदिति

naraṃ patantamālokya nagād amarakaṇṭakāt / bruvantyapsarasaḥ sarvā mama bhartā bhavediti

Sanskrit only: no published translation is held for this verse.

समं जलं धर्मविदो वदन्ति सारस्वतं गाङ्गमिति प्रबुद्धाः । तस्योपरिष्टात् प्रवदन्ति तज्ज्ञा रेवाजलं नात्र विचारणास्ति

samaṃ jalaṃ dharmavido vadanti sārasvataṃ gāṅgamiti prabuddhāḥ / tasyopariṣṭāt pravadanti tajjñā revājalaṃ nātra vicāraṇāsti

Sanskrit only: no published translation is held for this verse.

अनेकविद्याधरकिन्नराद्यैर् अध्यासितं पुण्यतमाधिवासैः । रेवाजलं धारयतो हि मूर्ध्ना स्थानं सुरेन्द्राधिपतेः समीपे

anekavidyādharakinnarādyair adhyāsitaṃ puṇyatamādhivāsaiḥ / revājalaṃ dhārayato hi mūrdhnā sthānaṃ surendrādhipateḥ samīpe

Sanskrit only: no published translation is held for this verse.

नर्मदा सर्वदा सेव्या बहुनोक्तेन किं नृप । यदीच्छेन्न पुनर्द्रष्टुं घोरं संसारसागरम्

narmadā sarvadā sevyā bahunoktena kiṃ nṛpa / yadīcchenna punardraṣṭuṃ ghoraṃ saṃsārasāgaram

Sanskrit only: no published translation is held for this verse.

त्रयाणामपि लोकानां महती पावनी स्मृता । यत्र तत्र मृतस्यापि ध्रुवं गाणेश्वरी गतिः

trayāṇāmapi lokānāṃ mahatī pāvanī smṛtā / yatra tatra mṛtasyāpi dhruvaṃ gāṇeśvarī gatiḥ

Sanskrit only: no published translation is held for this verse.

अनेकयज्ञायतनैर् वृताङ्गी न ह्यत्र किंचिद्यदतीर्थमस्ति । तस्यास्तु तीरे भवता यदुक्तं तपस्विनो वाप्यतपस्विनो वा

anekayajñāyatanair vṛtāṅgī na hyatra kiṃcidyadatīrthamasti / tasyāstu tīre bhavatā yaduktaṃ tapasvino vāpyatapasvino vā

Sanskrit only: no published translation is held for this verse.

म्रियन्ति ये पापकृतो मनुष्यास्ते स्वर्गमायान्ति यथा ऽमरेन्द्राः

mriyanti ye pāpakṛto manuṣyāste svargamāyānti yathā 'marendrāḥ

Sanskrit only: no published translation is held for this verse.

एवं तु कपिला चैव विशल्या राजसत्तम । ईश्वरेण पुरा सृष्टा लोकानां हितकाम्यया

evaṃ tu kapilā caiva viśalyā rājasattama / īśvareṇa purā sṛṣṭā lokānāṃ hitakāmyayā

Sanskrit only: no published translation is held for this verse.

तत्र स्नात्वा नरो राजन्सोपवासो जितेन्द्रियः । अश्वमेधस्य महतो ऽसंशयं फलमाप्नुयात्

tatra snātvā naro rājansopavāso jitendriyaḥ / aśvamedhasya mahato 'saṃśayaṃ phalamāpnuyāt

Sanskrit only: no published translation is held for this verse.

अनाशकं च यः कुर्यात् तस्मिंस्तीर्थे नराधिप । सर्वपापविनिर्मुक्तो याति वै शिवमन्दिरम्

anāśakaṃ ca yaḥ kuryāt tasmiṃstīrthe narādhipa / sarvapāpavinirmukto yāti vai śivamandiram

Sanskrit only: no published translation is held for this verse.

पृथिव्यां सागरान्तायां स्नानदानेन यत्फलम् । विशल्यासङ्गमे स्नात्वा सकृत्तत्फलमश्नुते

pṛthivyāṃ sāgarāntāyāṃ snānadānena yatphalam / viśalyāsaṅgame snātvā sakṛttatphalamaśnute

Sanskrit only: no published translation is held for this verse.

एवं पुण्या पवित्रा च कथिता तव भूपते । भूयो मां पृच्छसि च यत्तच्चैव कथयाम्यहम्

evaṃ puṇyā pavitrā ca kathitā tava bhūpate / bhūyo māṃ pṛcchasi ca yattaccaiva kathayāmyaham

Sanskrit only: no published translation is held for this verse.