Revakhanda of the Vayupurana 27

नारदस्य वचः श्रुत्वा राज्ञी वचनम् अब्रवीत् । प्रसादं कुरु विप्रेन्द्र गृह्ण दानं यथेप्सितम्

nāradasya vacaḥ śrutvā rājñī vacanam abravīt / prasādaṃ kuru viprendra gṛhṇa dānaṃ yathepsitam

Sanskrit only: no published translation is held for this verse.

सुवर्णमणिरत्नानि वस्त्राणि विविधानि च । तत्ते दारयामि विप्रेन्द्र यच्चान्यद् अपि दुर्लभम्

suvarṇamaṇiratnāni vastrāṇi vividhāni ca / tatte dārayāmi viprendra yaccānyad api durlabham

Sanskrit only: no published translation is held for this verse.

राज्ञ्यास्तु वचनं श्रुत्वा नारदो वाक्यम् अब्रवीत् । अन्येषां दीयतां भद्रे ये द्विजाः क्षीणवृत्तयः

rājñyāstu vacanaṃ śrutvā nārado vākyam abravīt / anyeṣāṃ dīyatāṃ bhadre ye dvijāḥ kṣīṇavṛttayaḥ

Sanskrit only: no published translation is held for this verse.

वयं तु सर्वसम्पन्ना भक्तिग्राह्याः सदैव हि । इत्युक्ता सा तदा राज्ञी वेदवेदाङ्गपारगान्

vayaṃ tu sarvasampannā bhaktigrāhyāḥ sadaiva hi / ityuktā sā tadā rājñī vedavedāṅgapāragān

Sanskrit only: no published translation is held for this verse.

आहूय ब्राह्मणान् निःस्वान्दातुं समुपचक्रमे । यत् किंचिन्नारदेनोक्तं दानसौभाग्यवर्धनम्

āhūya brāhmaṇān niḥsvāndātuṃ samupacakrame / yat kiṃcinnāradenoktaṃ dānasaubhāgyavardhanam

Sanskrit only: no published translation is held for this verse.

तेन दानेन मे नित्यं प्रीयेतां हरिशङ्करौ । ततो राज्ञी च सा प्राह नारदं मुनिपुंगवम्

tena dānena me nityaṃ prīyetāṃ hariśaṅkarau / tato rājñī ca sā prāha nāradaṃ munipuṃgavam

Sanskrit only: no published translation is held for this verse.

दानं दत्तं त्वयोक्तं यद्भर्तृकर्मपरं हि तत् । आजन्मजन्म मे भर्ता भवेद्बाणो द्विजोत्तम

dānaṃ dattaṃ tvayoktaṃ yadbhartṛkarmaparaṃ hi tat / ājanmajanma me bhartā bhavedbāṇo dvijottama

Sanskrit only: no published translation is held for this verse.

नान्यो हि दैवतं तात मुक्त्वा बाणं द्विजोत्तम । तेन सत्येन मे भर्ता जीवेच्च शरदां शतम्

nānyo hi daivataṃ tāta muktvā bāṇaṃ dvijottama / tena satyena me bhartā jīvecca śaradāṃ śatam

Sanskrit only: no published translation is held for this verse.

नान्यो धर्मो भवेत् स्त्रीणां दैवतं हि पतिर्यथा । तथापि तव वाक्येन दानं दत्तं यथाविधि

nānyo dharmo bhavet strīṇāṃ daivataṃ hi patiryathā / tathāpi tava vākyena dānaṃ dattaṃ yathāvidhi

Sanskrit only: no published translation is held for this verse.

स्वकं कर्म करिष्यामो भर्तारं प्रति मानद । ब्रह्मर्षे गच्छ चेदानीं त्वमाशीर्वादः प्रदीयताम्

svakaṃ karma kariṣyāmo bhartāraṃ prati mānada / brahmarṣe gaccha cedānīṃ tvamāśīrvādaḥ pradīyatām

Sanskrit only: no published translation is held for this verse.

तथेति तामनुज्ञाप्य नारदो नृपसत्तम । सर्वासां मानसं हृत्वा अन्यतः कृतमानसः

tatheti tāmanujñāpya nārado nṛpasattama / sarvāsāṃ mānasaṃ hṛtvā anyataḥ kṛtamānasaḥ

Sanskrit only: no published translation is held for this verse.

जगामादर्शनं विप्रः पूज्यमानस्तु खेचरैः । ततो गतमनस्कास्ता भर्तारं प्रति भारत

jagāmādarśanaṃ vipraḥ pūjyamānastu khecaraiḥ / tato gatamanaskāstā bhartāraṃ prati bhārata

Sanskrit only: no published translation is held for this verse.

विवर्णा निष्प्रभा जाता नारदेन विमोहिताः

vivarṇā niṣprabhā jātā nāradena vimohitāḥ

Sanskrit only: no published translation is held for this verse.