Revakhanda of the Vayupurana 28

को ऽप्यत्र विधिरुद्दिष्टः पतने ऋषिसत्तम । एतन्मे सर्वमाचक्ष्व संशयो ऽस्ति महामुने

ko 'pyatra vidhiruddiṣṭaḥ patane ṛṣisattama / etanme sarvamācakṣva saṃśayo 'sti mahāmune

Sanskrit only: no published translation is held for this verse.

शृणुष्व कथयिष्यामि तं विधिं पाण्डुनन्दन । यत्कृत्वा प्रथमं कर्म निपतेत्तदनन्तरम्

śṛṇuṣva kathayiṣyāmi taṃ vidhiṃ pāṇḍunandana / yatkṛtvā prathamaṃ karma nipatettadanantaram

Sanskrit only: no published translation is held for this verse.

कृत्वा कृच्छ्रत्रयं पूर्वं जप्त्वा लक्षं दशैव तु । शाकयावकभुक्चैव शुचिस्त्रिषवणो नृप

kṛtvā kṛcchratrayaṃ pūrvaṃ japtvā lakṣaṃ daśaiva tu / śākayāvakabhukcaiva śucistriṣavaṇo nṛpa

Sanskrit only: no published translation is held for this verse.

त्रिकालमर्चयेदीशं देवदेवं त्रिलोचनम् । दशांशेन तु राजेन्द्र होमं तत्रैव कारयेत्

trikālamarcayedīśaṃ devadevaṃ trilocanam / daśāṃśena tu rājendra homaṃ tatraiva kārayet

Sanskrit only: no published translation is held for this verse.

लक्षवारं जपेद्देवं गन्धमाल्यैश्च पूजयेत् । रात्रौ स्वप्ने तदा पश्येद्विमानस्थं ततः क्षिपेत्

lakṣavāraṃ japeddevaṃ gandhamālyaiśca pūjayet / rātrau svapne tadā paśyedvimānasthaṃ tataḥ kṣipet

Sanskrit only: no published translation is held for this verse.

अनेनैव विधानेन आत्मानं यस्तु निक्षिपेत् । स्वर्गलोकमनुप्राप्य क्रीडते त्रिदशैः सह

anenaiva vidhānena ātmānaṃ yastu nikṣipet / svargalokamanuprāpya krīḍate tridaśaiḥ saha

Sanskrit only: no published translation is held for this verse.

त्रिंशद्वर्षसहस्राणि त्रिंशत्कोट्यस् तथैव च । मुक्त्वा मनोरमान्भोगांस् तदा गच्छेन्महीतलम्

triṃśadvarṣasahasrāṇi triṃśatkoṭyas tathaiva ca / muktvā manoramānbhogāṃs tadā gacchenmahītalam

Sanskrit only: no published translation is held for this verse.

पृथिवीमेकच्छत्रेण भुनक्ति लोकपूजितः । व्याधिशोकविनिर्मुक्तो जीवेच्च शरदां शतम्

pṛthivīmekacchatreṇa bhunakti lokapūjitaḥ / vyādhiśokavinirmukto jīvecca śaradāṃ śatam

Sanskrit only: no published translation is held for this verse.

ज्वालेश्वरं तु तत्तीर्थं त्रिषु लोकेषु विश्रुतम् । तत्र ज्वाला नदी पार्थ प्रस्रुता शिवनिर्मिता

jvāleśvaraṃ tu tattīrthaṃ triṣu lokeṣu viśrutam / tatra jvālā nadī pārtha prasrutā śivanirmitā

Sanskrit only: no published translation is held for this verse.

निर्वाप्य तद् बाणपुरं रेवया सह संगता । तत्र स्नात्वा महाराज विधिना मन्त्रसंयुतः

nirvāpya tad bāṇapuraṃ revayā saha saṃgatā / tatra snātvā mahārāja vidhinā mantrasaṃyutaḥ

Sanskrit only: no published translation is held for this verse.

तिलसंमिश्रतोयेन तर्पयेत् पितृदेवताः । पिण्डदानेन च पित्ःन् पैण्डरीकफलं लभेत्

tilasaṃmiśratoyena tarpayet pitṛdevatāḥ / piṇḍadānena ca pitḥn paiṇḍarīkaphalaṃ labhet

Sanskrit only: no published translation is held for this verse.

अनाशकं तु यः कुर्यात्तस्मिंस्तीर्थे नराधिप । मुच्यते सर्वपापेभ्यो रुद्रलोकं स गच्छति

anāśakaṃ tu yaḥ kuryāttasmiṃstīrthe narādhipa / mucyate sarvapāpebhyo rudralokaṃ sa gacchati

Sanskrit only: no published translation is held for this verse.

अमराणां शतैश्चैव सेवितो ह्यमरेश्वरः । तथैव ऋषिसङ्घैश्च तेन पुण्यतमो महान्

amarāṇāṃ śataiścaiva sevito hyamareśvaraḥ / tathaiva ṛṣisaṅghaiśca tena puṇyatamo mahān

Sanskrit only: no published translation is held for this verse.

समन्ताद्योजनं तीर्थं पुण्यं ह्य् अमरकण्टकम् । रुद्रकोटिसमोपेतं तेन तत्पुण्यमुत्तमम्

samantādyojanaṃ tīrthaṃ puṇyaṃ hy amarakaṇṭakam / rudrakoṭisamopetaṃ tena tatpuṇyamuttamam

Sanskrit only: no published translation is held for this verse.

तस्य पर्वतराजस्य यः करोति प्रदक्षिणम् । प्रदक्षिणीकृता तेन पृथिवी नात्र संशयः

tasya parvatarājasya yaḥ karoti pradakṣiṇam / pradakṣiṇīkṛtā tena pṛthivī nātra saṃśayaḥ

Sanskrit only: no published translation is held for this verse.

वाचिकं मानसं चैव कायिकं त्रिविधं च यत् । नश्यते पातकं सर्वमित्येवं शङ्करो ऽब्रवीत्

vācikaṃ mānasaṃ caiva kāyikaṃ trividhaṃ ca yat / naśyate pātakaṃ sarvamityevaṃ śaṅkaro 'bravīt

Sanskrit only: no published translation is held for this verse.

अमरेश्वरपार्श्वे च तीर्थं शक्रेश्वरं नृप । तपस् तप्त्वा पुरा तत्र शक्रेण स्थापितं किल

amareśvarapārśve ca tīrthaṃ śakreśvaraṃ nṛpa / tapas taptvā purā tatra śakreṇa sthāpitaṃ kila

Sanskrit only: no published translation is held for this verse.

कुशावर्तं नाम तीर्थं ब्रह्मणा च कृतं शुभम् । ब्रह्मकुण्डमिति ख्यातं हंसतीर्थं तथा परम्

kuśāvartaṃ nāma tīrthaṃ brahmaṇā ca kṛtaṃ śubham / brahmakuṇḍamiti khyātaṃ haṃsatīrthaṃ tathā param

Sanskrit only: no published translation is held for this verse.

अम्बरीषस्य तीर्थं च महाकालेश्वरं तथा । कावेर्याः पूर्वभागे च तीर्थं वै मातृकेश्वरम्

ambarīṣasya tīrthaṃ ca mahākāleśvaraṃ tathā / kāveryāḥ pūrvabhāge ca tīrthaṃ vai mātṛkeśvaram

Sanskrit only: no published translation is held for this verse.

एतानि दक्षिणे तीरे रेवाया भरतर्षभ । संसेवनस्नानदानैः पापसङ्घहराणि च

etāni dakṣiṇe tīre revāyā bharatarṣabha / saṃsevanasnānadānaiḥ pāpasaṅghaharāṇi ca

Sanskrit only: no published translation is held for this verse.

भृगुतुङ्गे महाराज प्रसिद्धो भैरवः शिवः । तस्य याम्यविभागे च तीर्थं वै चपलेश्वरम्

bhṛgutuṅge mahārāja prasiddho bhairavaḥ śivaḥ / tasya yāmyavibhāge ca tīrthaṃ vai capaleśvaram

Sanskrit only: no published translation is held for this verse.

एतौ स्थितौ दुःखहरौ रेवाया उत्तरे तटे । तावभ्यर्च्य तथा नत्वा सम्यग् यात्राफलं भवेत् । अदृष्टपूजितौ तौ हि नराणां विघ्नकारकौ

etau sthitau duḥkhaharau revāyā uttare taṭe / tāvabhyarcya tathā natvā samyag yātrāphalaṃ bhavet / adṛṣṭapūjitau tau hi narāṇāṃ vighnakārakau

Sanskrit only: no published translation is held for this verse.