Revakhanda of the Vayupurana 31

ततो गच्छेच्च राजेन्द्र तीर्थं त्रैलोक्यविश्रुतम् । ब्रह्मावर्तमिति ख्यातं सर्वपापप्रणाशनम्

tato gacchecca rājendra tīrthaṃ trailokyaviśrutam / brahmāvartamiti khyātaṃ sarvapāpapraṇāśanam

Sanskrit only: no published translation is held for this verse.

तत्र संनिहितो ब्रह्मा नित्यसेवी युधिष्ठिर । ऊर्ध्वबाहुर्निरालम्बचकार भ्रमणं सदा

tatra saṃnihito brahmā nityasevī yudhiṣṭhira / ūrdhvabāhurnirālambacakāra bhramaṇaṃ sadā

Sanskrit only: no published translation is held for this verse.

एकाहारवशे ऽतिष्ठद्द्वादशाब्दं महाव्रती । अत्र तीर्थे विधानेन चिन्तयन् वै महेश्वरम्

ekāhāravaśe 'tiṣṭhaddvādaśābdaṃ mahāvratī / atra tīrthe vidhānena cintayan vai maheśvaram

Sanskrit only: no published translation is held for this verse.

तेन तत्पुण्यमाख्यातं ब्रह्मावर्तमिति प्रभो । तत्र स्नात्वा विधानेन तर्पयेत् पितृदेवताः

tena tatpuṇyamākhyātaṃ brahmāvartamiti prabho / tatra snātvā vidhānena tarpayet pitṛdevatāḥ

Sanskrit only: no published translation is held for this verse.

अर्चयेद्देवमीशानं विष्णुं वा परमेश्वरम् । यत्फलं सर्वयज्ञानां विधिवद्दक्षिणावताम्

arcayeddevamīśānaṃ viṣṇuṃ vā parameśvaram / yatphalaṃ sarvayajñānāṃ vidhivaddakṣiṇāvatām

Sanskrit only: no published translation is held for this verse.

तत्फलं समवाप्नोति तत्तीर्थस्य प्रभावतः । यस्मिंस्तीर्थे तु यो देवो दानवो वा द्विजो ऽथ वा

tatphalaṃ samavāpnoti tattīrthasya prabhāvataḥ / yasmiṃstīrthe tu yo devo dānavo vā dvijo 'tha vā

Sanskrit only: no published translation is held for this verse.

सिद्धस्तेनैव तन्नाम्ना ख्यातं लोके महच्च तत् । न जलं न स्थलं नाम क्षेत्रं वा ह्यूषराणि च

siddhastenaiva tannāmnā khyātaṃ loke mahacca tat / na jalaṃ na sthalaṃ nāma kṣetraṃ vā hyūṣarāṇi ca

Sanskrit only: no published translation is held for this verse.

पवित्रत्वं लभन्त्येते पौरुषेण विना नृणाम् । सामर्थ्यान्निश्चयाद्धैर्यात्सिध्यन्ति पुरुषा नृप

pavitratvaṃ labhantyete pauruṣeṇa vinā nṛṇām / sāmarthyānniścayāddhairyātsidhyanti puruṣā nṛpa

Sanskrit only: no published translation is held for this verse.

प्रमादात् तस्य लोभेन पतन्ति नरके ध्रुवम्

pramādāt tasya lobhena patanti narake dhruvam

Sanskrit only: no published translation is held for this verse.

संनिरुध्येन्द्रियग्रामं यत्र यत्र वसेन् मुनिः । तत्र तत्र कुरुक्षेत्रं नैमिषं पुष्कराणि च

saṃnirudhyendriyagrāmaṃ yatra yatra vasen muniḥ / tatra tatra kurukṣetraṃ naimiṣaṃ puṣkarāṇi ca

Sanskrit only: no published translation is held for this verse.