Revakhanda of the Vayupurana 32

पत्त्रेश्वरं ततो गच्छेत् सर्वपापप्रणाशनम् । यत्र सिद्धो महाभागश्चित्रसेनसुतो बली

pattreśvaraṃ tato gacchet sarvapāpapraṇāśanam / yatra siddho mahābhāgaścitrasenasuto balī

Sanskrit only: no published translation is held for this verse.

को ऽसौ सिद्धस् तदा ब्रह्मंस्तस्मिंस्तीर्थे महातपाः । पुत्रः कस्य तु को हेतुरेतदिच्छामि वेदितुम्

ko 'sau siddhas tadā brahmaṃstasmiṃstīrthe mahātapāḥ / putraḥ kasya tu ko heturetadicchāmi veditum

Sanskrit only: no published translation is held for this verse.

चित्रोनाम महातेजा इन्द्रस्य दयितः पुरा । तस्य पुत्रो नृपश्रेष्ठ पत्त्रेश्वर इति श्रुतः

citronāma mahātejā indrasya dayitaḥ purā / tasya putro nṛpaśreṣṭha pattreśvara iti śrutaḥ

Sanskrit only: no published translation is held for this verse.

रूपवान् सुभगश्चैव सर्वशत्रुभयंकरः । इन्द्रस्य दयितो ऽत्यर्थं जय इत्येव चापरः

rūpavān subhagaścaiva sarvaśatrubhayaṃkaraḥ / indrasya dayito 'tyarthaṃ jaya ityeva cāparaḥ

Sanskrit only: no published translation is held for this verse.

स कदाचित् सभामध्ये सर्वदेवसमागमे । मेनकानृत्यगीतेन मोहितः सुचिरं किल

sa kadācit sabhāmadhye sarvadevasamāgame / menakānṛtyagītena mohitaḥ suciraṃ kila

Sanskrit only: no published translation is held for this verse.

तिष्ठते गतमर्यादो गतप्राण इव क्षणात् । तावत्सुरपतिर्देवः शशापाथाजितेन्द्रियम्

tiṣṭhate gatamaryādo gataprāṇa iva kṣaṇāt / tāvatsurapatirdevaḥ śaśāpāthājitendriyam

Sanskrit only: no published translation is held for this verse.

यस्मात् त्वं स्वर्गसंस्थो ऽपि मर्त्यधर्मम् उपेयिवान् । तस्मान् मर्त्ये चिरं कालं क्षपयिष्यस्यसंशयम्

yasmāt tvaṃ svargasaṃstho 'pi martyadharmam upeyivān / tasmān martye ciraṃ kālaṃ kṣapayiṣyasyasaṃśayam

Sanskrit only: no published translation is held for this verse.

एवम् उक्तः सुरेन्द्रेण चित्रसेनसुतो युवा । वेपमानः सुरश्रेष्ठः कृताञ्जलिरुवाच ह

evam uktaḥ surendreṇa citrasenasuto yuvā / vepamānaḥ suraśreṣṭhaḥ kṛtāñjaliruvāca ha

Sanskrit only: no published translation is held for this verse.

मया पापेन मूढेन अजितेन्द्रियचेतसा । प्राप्तं वै यत्फलं तस्य प्रसादं कर्तुम् अर्हसि

mayā pāpena mūḍhena ajitendriyacetasā / prāptaṃ vai yatphalaṃ tasya prasādaṃ kartum arhasi

Sanskrit only: no published translation is held for this verse.

नर्मदातटमाश्रित्य द्वादशाब्दं जितेन्द्रियः । आराधय शिवं शान्तं पुनः प्राप्स्यसि सद्गतिम्

narmadātaṭamāśritya dvādaśābdaṃ jitendriyaḥ / ārādhaya śivaṃ śāntaṃ punaḥ prāpsyasi sadgatim

Sanskrit only: no published translation is held for this verse.

सत्यशौचरतानां च धर्मिष्ठानां जितात्मनाम् । लोकोऽयं पापिनां नैव इति शास्त्रस्य निश्चयः

satyaśaucaratānāṃ ca dharmiṣṭhānāṃ jitātmanām / loko'yaṃ pāpināṃ naiva iti śāstrasya niścayaḥ

Sanskrit only: no published translation is held for this verse.

एवमुक्ते महाराज सहस्राक्षेण धीमता । गन्धर्वतनयो धीमान्प्रणम्यागात्तु भूतलम्

evamukte mahārāja sahasrākṣeṇa dhīmatā / gandharvatanayo dhīmānpraṇamyāgāttu bhūtalam

Sanskrit only: no published translation is held for this verse.

रेवाया विमले तोये ब्रह्मावर्तसमीपतः । स्नात्वा जप्त्वा विधानेन अर्चयित्वा च शङ्करम्

revāyā vimale toye brahmāvartasamīpataḥ / snātvā japtvā vidhānena arcayitvā ca śaṅkaram

Sanskrit only: no published translation is held for this verse.

वाय्वम्बुपिण्याकफलैश्च पुष्पैः पर्णैश्च मूलाशनयावकेन । तताप पञ्चाग्नितपोभिर् उग्रैस्ततश्च तोषं समगात् स देवः

vāyvambupiṇyākaphalaiśca puṣpaiḥ parṇaiśca mūlāśanayāvakena / tatāpa pañcāgnitapobhir ugraistataśca toṣaṃ samagāt sa devaḥ

Sanskrit only: no published translation is held for this verse.

पिनाकपाणिं वरदं त्रिशूलिनमुमापतिं ह्यन्धकनाशनं च । चन्द्रार्धमौलिं गजकृत्तिवाससं दृष्ट्वा पपाताग्रगतं समीक्ष्य

pinākapāṇiṃ varadaṃ triśūlinamumāpatiṃ hyandhakanāśanaṃ ca / candrārdhamauliṃ gajakṛttivāsasaṃ dṛṣṭvā papātāgragataṃ samīkṣya

Sanskrit only: no published translation is held for this verse.

वरं वृणीष्व भद्रं ते वरदो ऽहं तवानघ । यमिच्छसि ददाम्यद्य नात्र कार्या विचारणा

varaṃ vṛṇīṣva bhadraṃ te varado 'haṃ tavānagha / yamicchasi dadāmyadya nātra kāryā vicāraṇā

Sanskrit only: no published translation is held for this verse.

यदि तुष्टो ऽसि देवेश यदि देयो वरो मम । अत्र त्वं सततं तीर्थे मम नाम्ना भव प्रभो

yadi tuṣṭo 'si deveśa yadi deyo varo mama / atra tvaṃ satataṃ tīrthe mama nāmnā bhava prabho

Sanskrit only: no published translation is held for this verse.

एतच्छ्रुत्वा महादेवो हर्षगद्गदया गिरा । तथेत्युक्त्वा ययौ हृष्ट उमया सह शङ्करः

etacchrutvā mahādevo harṣagadgadayā girā / tathetyuktvā yayau hṛṣṭa umayā saha śaṅkaraḥ

Sanskrit only: no published translation is held for this verse.

सो ऽपि तत्तीर्थम् आप्लुत्य गते देवे दिवं प्रति । स्नात्वा जाप्यविधानेन तर्पयित्वा पित्ःन् पुनः

so 'pi tattīrtham āplutya gate deve divaṃ prati / snātvā jāpyavidhānena tarpayitvā pitḥn punaḥ

Sanskrit only: no published translation is held for this verse.

स्थापयामास देवेशं तस्मिंस् तीर्थे विधानतः । पत्त्रेश्वरं तु विख्यातं त्रिषु लोकेषु भारत

sthāpayāmāsa deveśaṃ tasmiṃs tīrthe vidhānataḥ / pattreśvaraṃ tu vikhyātaṃ triṣu lokeṣu bhārata

Sanskrit only: no published translation is held for this verse.

इन्द्रलोकं गतः शापान्मुक्तः सो ऽपि नरेश्वर । हृष्टः प्रमुदितो रम्यं जयशब्दादिमङ्गलैः

indralokaṃ gataḥ śāpānmuktaḥ so 'pi nareśvara / hṛṣṭaḥ pramudito ramyaṃ jayaśabdādimaṅgalaiḥ

Sanskrit only: no published translation is held for this verse.

एष ते कथितः प्रश्नः पृष्टो यो वै युधिष्ठिर । तत्र स्नानेन चैकेन सर्वपापैः प्रमुच्यते

eṣa te kathitaḥ praśnaḥ pṛṣṭo yo vai yudhiṣṭhira / tatra snānena caikena sarvapāpaiḥ pramucyate

Sanskrit only: no published translation is held for this verse.

यस्त्वर्चयेन्महादेवं तस्मिंस्तीर्थे युधिष्ठिर । स्नात्वाभ्यर्च्य पित्ःन् देवान् सो ऽश्वमेधफलं लभेत्

yastvarcayenmahādevaṃ tasmiṃstīrthe yudhiṣṭhira / snātvābhyarcya pitḥn devān so 'śvamedhaphalaṃ labhet

Sanskrit only: no published translation is held for this verse.

मृतो वर्षशतं साग्रं क्रीडित्वा च शिवे पुरे । राजा वा राजतुल्यो वा पश्चान्मर्त्येषु जायते

mṛto varṣaśataṃ sāgraṃ krīḍitvā ca śive pure / rājā vā rājatulyo vā paścānmartyeṣu jāyate

Sanskrit only: no published translation is held for this verse.

वेदवेदाङ्गतत्त्वज्ञो जीवेच्च शरदः शतम् । व्याधिशोकविनिर्मुक्तः पुनः स्मरति तज्जलम्

vedavedāṅgatattvajño jīvecca śaradaḥ śatam / vyādhiśokavinirmuktaḥ punaḥ smarati tajjalam

Sanskrit only: no published translation is held for this verse.