Revakhanda of the Vayupurana 36

ततो गच्छेच्च राजेन्द्र दारुतीर्थमनुत्तमम् । दारुको यत्र संसिद्ध इन्द्रस्य दयितः पुरा

tato gacchecca rājendra dārutīrthamanuttamam / dāruko yatra saṃsiddha indrasya dayitaḥ purā

Sanskrit only: no published translation is held for this verse.

दारुकेण कथं तात तपश्चीर्णं पुरानघ । विधानं श्रोतुमिच्छामि त्वत्सकाशाद्द्विजोत्तम

dārukeṇa kathaṃ tāta tapaścīrṇaṃ purānagha / vidhānaṃ śrotumicchāmi tvatsakāśāddvijottama

Sanskrit only: no published translation is held for this verse.

हन्त ते कथयिष्यामि विचित्रं यत्पुरातनम् । वृत्तं स्वर्गसभामध्ये ऋषीणां भावितात्मनाम्

hanta te kathayiṣyāmi vicitraṃ yatpurātanam / vṛttaṃ svargasabhāmadhye ṛṣīṇāṃ bhāvitātmanām

Sanskrit only: no published translation is held for this verse.

सूतो वज्रधरस्येष्टो मातलिर्नाम नामतः । स पुत्रं शप्तवान्पूर्वं कस्मिंश्चित्कारणान्तरे

sūto vajradharasyeṣṭo mātalirnāma nāmataḥ / sa putraṃ śaptavānpūrvaṃ kasmiṃścitkāraṇāntare

Sanskrit only: no published translation is held for this verse.

शापाहतो वेपमान इन्द्रस्य चरणौ शुभौ । प्रपीड्य मूर्ध्ना देवेशं विज्ञापयति भारत

śāpāhato vepamāna indrasya caraṇau śubhau / prapīḍya mūrdhnā deveśaṃ vijñāpayati bhārata

Sanskrit only: no published translation is held for this verse.

तमुवाचाभिशप्तं चाप्यनाथं च सुरेश्वरः । कर्मणा केन शापस्य घोरस्यान्तो भविष्यति

tamuvācābhiśaptaṃ cāpyanāthaṃ ca sureśvaraḥ / karmaṇā kena śāpasya ghorasyānto bhaviṣyati

Sanskrit only: no published translation is held for this verse.

नर्मदातटमाश्रित्य तोषयन्वै महेश्वरम् । तिष्ठ यावद् युगस्यान्तं पुनर्जन्म ह्यवाप्स्यसि

narmadātaṭamāśritya toṣayanvai maheśvaram / tiṣṭha yāvad yugasyāntaṃ punarjanma hyavāpsyasi

Sanskrit only: no published translation is held for this verse.

पुनर्भूत्वा तु पूतस्त्वं दारुको नाम विश्रुतः । संसेव्य परमं देवं शङ्खचक्रगदाधरम्

punarbhūtvā tu pūtastvaṃ dāruko nāma viśrutaḥ / saṃsevya paramaṃ devaṃ śaṅkhacakragadādharam

Sanskrit only: no published translation is held for this verse.

मानुषं भावमापन्नस्ततः सिद्धिमवाप्स्यसि । एवमुक्तस्तु देवेन सहस्राक्षेण धीमता

mānuṣaṃ bhāvamāpannastataḥ siddhimavāpsyasi / evamuktastu devena sahasrākṣeṇa dhīmatā

Sanskrit only: no published translation is held for this verse.

प्रणम्य शिरसा भूमिम् आगतो ऽसौ ह्यचेतनः । नर्मदातटमाश्रित्य कर्षयन्निजविग्रहम्

praṇamya śirasā bhūmim āgato 'sau hyacetanaḥ / narmadātaṭamāśritya karṣayannijavigraham

Sanskrit only: no published translation is held for this verse.

व्रतोपवाससंखिन्नो जपहोमरतः सदा । महादेवं महात्मानं वरदं शूलपाणिनम्

vratopavāsasaṃkhinno japahomarataḥ sadā / mahādevaṃ mahātmānaṃ varadaṃ śūlapāṇinam

Sanskrit only: no published translation is held for this verse.

भक्त्या तु परया राजन्यावदाभूतसम्प्लवम् । अंशावतरणाद् विष्णोः सूतो भूत्वा महामतिः

bhaktyā tu parayā rājanyāvadābhūtasamplavam / aṃśāvataraṇād viṣṇoḥ sūto bhūtvā mahāmatiḥ

Sanskrit only: no published translation is held for this verse.

तोषयन् वै जगन्नाथं ततो यातो हि सद्गतिम्

toṣayan vai jagannāthaṃ tato yāto hi sadgatim

Sanskrit only: no published translation is held for this verse.

एष तत्सम्भवस्तात दारुतीर्थस्य सुव्रत । कथितो ऽयं मया पूर्वं यथा मे शङ्करो ऽब्रवीत्

eṣa tatsambhavastāta dārutīrthasya suvrata / kathito 'yaṃ mayā pūrvaṃ yathā me śaṅkaro 'bravīt

Sanskrit only: no published translation is held for this verse.

ततो युधिष्ठिरः श्रुत्वा विस्मयं परमं गतः । भ्रात्ःन् विलोकयामास हृष्टरोमा मुहुर्मुहुः

tato yudhiṣṭhiraḥ śrutvā vismayaṃ paramaṃ gataḥ / bhrātḥn vilokayāmāsa hṛṣṭaromā muhurmuhuḥ

Sanskrit only: no published translation is held for this verse.

तस्मिंस्तीर्थे नरः स्नात्वा विधिपूर्वं नरेश्वर । उपास्य संध्यां देवेशमर्चयेद्यश्च शङ्करम्

tasmiṃstīrthe naraḥ snātvā vidhipūrvaṃ nareśvara / upāsya saṃdhyāṃ deveśamarcayedyaśca śaṅkaram

Sanskrit only: no published translation is held for this verse.

वेदाभ्यासं तु तत्रैव यः करोति समाहितः । सो ऽश्वमेधफलं राजंल्लभते नात्र संशयः

vedābhyāsaṃ tu tatraiva yaḥ karoti samāhitaḥ / so 'śvamedhaphalaṃ rājaṃllabhate nātra saṃśayaḥ

Sanskrit only: no published translation is held for this verse.

तस्मिंस्तीर्थे तु यो भक्त्या भोजयेद् ब्राह्मणाञ्छुचिः । स तु विप्रसहस्रस्य लभते फलमुत्तमम्

tasmiṃstīrthe tu yo bhaktyā bhojayed brāhmaṇāñchuciḥ / sa tu viprasahasrasya labhate phalamuttamam

Sanskrit only: no published translation is held for this verse.

स्नानं दानं जपो होमः स्वाध्यायो देवतार्चनम् । यत्कृतं शुद्धभावेन तत्सर्वं सफलं भवेत्

snānaṃ dānaṃ japo homaḥ svādhyāyo devatārcanam / yatkṛtaṃ śuddhabhāvena tatsarvaṃ saphalaṃ bhavet

Sanskrit only: no published translation is held for this verse.