Revakhanda of the Vayupurana 40

ततो गच्छेत्तु राजेन्द्र करञ्जेश्वरम् उत्तमम् । यत्र सिद्धो महाभागो दैत्यो लोकेषु विश्रुतः

tato gacchettu rājendra karañjeśvaram uttamam / yatra siddho mahābhāgo daityo lokeṣu viśrutaḥ

Sanskrit only: no published translation is held for this verse.

यो ऽसौ सिद्धो महाभाग तत्र तीर्थे महातपाः । कस्य पुत्रः कथं सिद्धः कस्मिन्काले वद द्विज

yo 'sau siddho mahābhāga tatra tīrthe mahātapāḥ / kasya putraḥ kathaṃ siddhaḥ kasminkāle vada dvija

Sanskrit only: no published translation is held for this verse.

पुरा कृतयुगे राजन्मानसो ब्रह्मणः सुतः । वेदवेदाङ्गतत्त्वज्ञो मरीचिर्नाम नामतः

purā kṛtayuge rājanmānaso brahmaṇaḥ sutaḥ / vedavedāṅgatattvajño marīcirnāma nāmataḥ

Sanskrit only: no published translation is held for this verse.

तस्यापि तपसो राशेः कालेन महतानघ । पुत्रो ऽथ मानसो जातः साक्षाद् ब्रह्मेव चापरः

tasyāpi tapaso rāśeḥ kālena mahatānagha / putro 'tha mānaso jātaḥ sākṣād brahmeva cāparaḥ

Sanskrit only: no published translation is held for this verse.

क्षमा दमो दया दानं सत्यं शौचम् अथार्जवम् । मरीचेश्च गुणा ह्येते सन्ति तस्य च भारत

kṣamā damo dayā dānaṃ satyaṃ śaucam athārjavam / marīceśca guṇā hyete santi tasya ca bhārata

Sanskrit only: no published translation is held for this verse.

एवं गुणगणाकीर्णं कश्यपं द्विजसत्तमम् । ज्ञात्वा प्रजापतिर् दक्षो भार्यार्थे स्वसुतां ददौ

evaṃ guṇagaṇākīrṇaṃ kaśyapaṃ dvijasattamam / jñātvā prajāpatir dakṣo bhāryārthe svasutāṃ dadau

Sanskrit only: no published translation is held for this verse.

अदितिर्दितिर्दनुश्चैव तथाप्येवं दशापराः । यासां पुत्राश्च संजाताः पौत्राश्च भरतर्षभ

aditirditirdanuścaiva tathāpyevaṃ daśāparāḥ / yāsāṃ putrāśca saṃjātāḥ pautrāśca bharatarṣabha

Sanskrit only: no published translation is held for this verse.

अदितिर्जनयामास पुत्रान् इन्द्रपुरोगमान् । जातास्तस्य महाबाहो कश्यपस्य प्रजापतेः

aditirjanayāmāsa putrān indrapurogamān / jātāstasya mahābāho kaśyapasya prajāpateḥ

Sanskrit only: no published translation is held for this verse.

यैस्तु लोकत्रयं व्याप्तं स्थावरं जङ्गमं महत् । तथान्यस्य महाभागो दनोः पुत्रो व्यजायत

yaistu lokatrayaṃ vyāptaṃ sthāvaraṃ jaṅgamaṃ mahat / tathānyasya mahābhāgo danoḥ putro vyajāyata

Sanskrit only: no published translation is held for this verse.

सर्वलक्षणसम्पन्नः करञ्जो नाम नामतः । बाल एव महाभाग चचार स महत्तपः

sarvalakṣaṇasampannaḥ karañjo nāma nāmataḥ / bāla eva mahābhāga cacāra sa mahattapaḥ

Sanskrit only: no published translation is held for this verse.

नर्मदातटमाश्रित्य चातिघोरम् अनुत्तमम् । दिव्यं वर्षसहस्रं च कृच्छ्रचान्द्रायणं नृप

narmadātaṭamāśritya cātighoram anuttamam / divyaṃ varṣasahasraṃ ca kṛcchracāndrāyaṇaṃ nṛpa

Sanskrit only: no published translation is held for this verse.

शाकमूलफलाहारः स्नानहोमपरायणः । ततस्तुष्टो महादेव उमया सहितः किल

śākamūlaphalāhāraḥ snānahomaparāyaṇaḥ / tatastuṣṭo mahādeva umayā sahitaḥ kila

Sanskrit only: no published translation is held for this verse.

वरेण छन्दयामास त्रिपुरान्तकरः प्रभुः । भोः करञ्ज महासत्त्व परितुष्टो ऽस्मि ते ऽनघ

vareṇa chandayāmāsa tripurāntakaraḥ prabhuḥ / bhoḥ karañja mahāsattva parituṣṭo 'smi te 'nagha

Sanskrit only: no published translation is held for this verse.

वरं वृणीष्व ते दद्मि ह्यमरत्वमृते मम

varaṃ vṛṇīṣva te dadmi hyamaratvamṛte mama

Sanskrit only: no published translation is held for this verse.

यदि तुष्टो महादेव यदि देयो वरो मम । तर्हि पुत्राश्च पौत्राश्च सन्तु मे धर्मवत्सलाः

yadi tuṣṭo mahādeva yadi deyo varo mama / tarhi putrāśca pautrāśca santu me dharmavatsalāḥ

Sanskrit only: no published translation is held for this verse.

तथेत्युक्त्वा महादेव उमया सहितस् तदा । वृषारूढो गणैः सार्द्धं तत्रैवान्तरधीयत

tathetyuktvā mahādeva umayā sahitas tadā / vṛṣārūḍho gaṇaiḥ sārddhaṃ tatraivāntaradhīyata

Sanskrit only: no published translation is held for this verse.

गते चादर्शनं देवे सो ऽपि दैत्यो मुदान्वितः । स्वनाम्नात्र महादेवं स्थापयित्वा ययौ गृहम्

gate cādarśanaṃ deve so 'pi daityo mudānvitaḥ / svanāmnātra mahādevaṃ sthāpayitvā yayau gṛham

Sanskrit only: no published translation is held for this verse.

तदाप्रभृति तत्तीर्थं सर्वतीर्थेष्वनुत्तमम् । स्नानमात्रानरस्तत्र मुच्यते सर्वपातकैः

tadāprabhṛti tattīrthaṃ sarvatīrtheṣvanuttamam / snānamātrānarastatra mucyate sarvapātakaiḥ

Sanskrit only: no published translation is held for this verse.

तत्र तीर्थे तु यः स्नात्वा तर्पयेत् पितृदेवताः । सो ऽग्निष्टोमस्य यज्ञस्य फलं प्राप्नोत्य् असंशयम्

tatra tīrthe tu yaḥ snātvā tarpayet pitṛdevatāḥ / so 'gniṣṭomasya yajñasya phalaṃ prāpnoty asaṃśayam

Sanskrit only: no published translation is held for this verse.

अनाशकं तु यः कुर्यात् तस्मिंस्तीर्थे नराधिप । अनिवर्त्या गतिस्तस्य रुद्रलोकं स गच्छति

anāśakaṃ tu yaḥ kuryāt tasmiṃstīrthe narādhipa / anivartyā gatistasya rudralokaṃ sa gacchati

Sanskrit only: no published translation is held for this verse.

अथवाग्निजले प्राणान्यस्त्यजेद् धर्मनन्दन । अयुतद्वितयं वस्ते वर्षाणां शिवमन्दिरे

athavāgnijale prāṇānyastyajed dharmanandana / ayutadvitayaṃ vaste varṣāṇāṃ śivamandire

Sanskrit only: no published translation is held for this verse.

ततश्चैव क्षये जाते जायते विमले कुले । वेदवेदाङ्गतत्त्वज्ञः सर्वशास्त्रविशारदः

tataścaiva kṣaye jāte jāyate vimale kule / vedavedāṅgatattvajñaḥ sarvaśāstraviśāradaḥ

Sanskrit only: no published translation is held for this verse.

राजा वा राजतुल्यो वा जीवेच्च शरदः शतम् । पुत्रपौत्रसमोपेतः सर्वव्याधिविवर्जितः

rājā vā rājatulyo vā jīvecca śaradaḥ śatam / putrapautrasamopetaḥ sarvavyādhivivarjitaḥ

Sanskrit only: no published translation is held for this verse.

एवं ते सर्वमाख्यातं पृष्टं यद्यत्त्वयानघ । तीर्थस्य तु फलं तस्य स्नानदानेषु भारत

evaṃ te sarvamākhyātaṃ pṛṣṭaṃ yadyattvayānagha / tīrthasya tu phalaṃ tasya snānadāneṣu bhārata

Sanskrit only: no published translation is held for this verse.

एतत्पुण्यं पापहरं धन्यं दुःस्वप्ननाशनम् । पठतां शृण्वतां चैव तीर्थमाहात्म्यमुत्तमम्

etatpuṇyaṃ pāpaharaṃ dhanyaṃ duḥsvapnanāśanam / paṭhatāṃ śṛṇvatāṃ caiva tīrthamāhātmyamuttamam

Sanskrit only: no published translation is held for this verse.

यस्तु श्रावयते श्राद्धे पठेत् पितृपरायणः । अक्षयं जायते पुण्यमित्येवं शङ्करो ऽब्रवीत्

yastu śrāvayate śrāddhe paṭhet pitṛparāyaṇaḥ / akṣayaṃ jāyate puṇyamityevaṃ śaṅkaro 'bravīt

Sanskrit only: no published translation is held for this verse.