Revakhanda of the Vayupurana 42

ततो गच्छेत्तु राजेन्द्र पिप्पलेश्वरमुत्तमम् । यत्र सिद्धो महायोगी पिप्पलादो महातपाः

tato gacchettu rājendra pippaleśvaramuttamam / yatra siddho mahāyogī pippalādo mahātapāḥ

Sanskrit only: no published translation is held for this verse.

पिप्पलादस्य चरितं श्रोतुमिच्छाम्यहं विभो । माहात्म्यं तस्य तीर्थस्य यत्र सिद्धो महातपाः

pippalādasya caritaṃ śrotumicchāmyahaṃ vibho / māhātmyaṃ tasya tīrthasya yatra siddho mahātapāḥ

Sanskrit only: no published translation is held for this verse.

कस्य पुत्रो महाभाग किमर्थं कृतवांस्तपः । एतद्विस्तरतः सर्वं कथयस्व ममानघ

kasya putro mahābhāga kimarthaṃ kṛtavāṃstapaḥ / etadvistarataḥ sarvaṃ kathayasva mamānagha

Sanskrit only: no published translation is held for this verse.

मिथिलास्थो महाभागो वेदवेदाङ्गपारगः । याज्ञवल्क्यः पुरा तात चचार विपुलं तपः

mithilāstho mahābhāgo vedavedāṅgapāragaḥ / yājñavalkyaḥ purā tāta cacāra vipulaṃ tapaḥ

Sanskrit only: no published translation is held for this verse.

तापसी तस्य भगिनी याज्ञवल्क्यस्य धीमतः । सा सप्तमे ऽपि वर्षे च वैधव्यं प्राप दैवतः

tāpasī tasya bhaginī yājñavalkyasya dhīmataḥ / sā saptame 'pi varṣe ca vaidhavyaṃ prāpa daivataḥ

Sanskrit only: no published translation is held for this verse.

पूर्वकर्मविपाकेन हीनाभूत्पितृमातृतः । नाभूत्तत्पतिपक्षे ऽपि कोऽपीत्येकाकिनी स्थिता

pūrvakarmavipākena hīnābhūtpitṛmātṛtaḥ / nābhūttatpatipakṣe 'pi ko'pītyekākinī sthitā

Sanskrit only: no published translation is held for this verse.

भूमौ भ्रमन्ती भ्रातुः सा समीपमगमच्छनैः । चचार च तपः सो ऽपि परलोकसुखेप्सया

bhūmau bhramantī bhrātuḥ sā samīpamagamacchanaiḥ / cacāra ca tapaḥ so 'pi paralokasukhepsayā

Sanskrit only: no published translation is held for this verse.

चचार सापि तत्रस्था शुश्रूषन्ती महत्तपः । कस्मिंश्चित् समये साथ स्नाताहनि रजस्वला

cacāra sāpi tatrasthā śuśrūṣantī mahattapaḥ / kasmiṃścit samaye sātha snātāhani rajasvalā

Sanskrit only: no published translation is held for this verse.

अन्तर्वासो धृतवती दृष्ट्वा कर्पटकं रहः । याज्ञवल्क्यो ऽपि तद्रात्रौ सुप्तो यत्र सुसंवृतः

antarvāso dhṛtavatī dṛṣṭvā karpaṭakaṃ rahaḥ / yājñavalkyo 'pi tadrātrau supto yatra susaṃvṛtaḥ

Sanskrit only: no published translation is held for this verse.

स्वप्नं दृष्ट्वात्यजच्छुक्रं कौपीने रक्तबिन्दुवत् । विराजितेन तपसा सिद्धं तदनलप्रभम्

svapnaṃ dṛṣṭvātyajacchukraṃ kaupīne raktabinduvat / virājitena tapasā siddhaṃ tadanalaprabham

Sanskrit only: no published translation is held for this verse.

यावत्प्रबुद्धो विप्रो ऽसौ वीक्ष्योच्छिष्टं तद् अंशुकम् । चिक्षेप दूरतो ऽस्पृश्यं शौचं कृत्वा विधानतः

yāvatprabuddho vipro 'sau vīkṣyocchiṣṭaṃ tad aṃśukam / cikṣepa dūrato 'spṛśyaṃ śaucaṃ kṛtvā vidhānataḥ

Sanskrit only: no published translation is held for this verse.

निषिद्धं तु निशि स्नानमिति सुष्वाप स द्विजः । निशीथे सापि तद्वस्त्रं भगस्यावरणं व्यधात्

niṣiddhaṃ tu niśi snānamiti suṣvāpa sa dvijaḥ / niśīthe sāpi tadvastraṃ bhagasyāvaraṇaṃ vyadhāt

Sanskrit only: no published translation is held for this verse.

प्रातर् अन्वेषयामास मुनिर्वस्त्रमितस्ततः । ततः सा ब्राह्मणी प्राह किं अन्वेषयसे प्रभो । केन कार्यं तव तथा वदस्व मम तत्त्वतः

prātar anveṣayāmāsa munirvastramitastataḥ / tataḥ sā brāhmaṇī prāha kiṃ anveṣayase prabho / kena kāryaṃ tava tathā vadasva mama tattvataḥ

Sanskrit only: no published translation is held for this verse.

अपवित्रो मया भद्रे स्वप्नो दृष्टो ऽद्य वै निशि । सक्लेदं तत्र मे वस्त्रं निक्षिप्तं तन्न दृश्यते

apavitro mayā bhadre svapno dṛṣṭo 'dya vai niśi / sakledaṃ tatra me vastraṃ nikṣiptaṃ tanna dṛśyate

Sanskrit only: no published translation is held for this verse.

तच्छ्रुत्वा ब्राह्मणी वाक्यं भीतभीतावदन् नृप । तद्वस्त्रं तु मया विप्र स्नात्वा ह्यन्तः कृतं महत्

tacchrutvā brāhmaṇī vākyaṃ bhītabhītāvadan nṛpa / tadvastraṃ tu mayā vipra snātvā hyantaḥ kṛtaṃ mahat

Sanskrit only: no published translation is held for this verse.

तस्यास्तद्वचनं श्रुत्वा हाहेत्युक्त्वा महामुनिः । निपपात तदा भूमौ छिन्नमूल इव द्रुमः

tasyāstadvacanaṃ śrutvā hāhetyuktvā mahāmuniḥ / nipapāta tadā bhūmau chinnamūla iva drumaḥ

Sanskrit only: no published translation is held for this verse.

किमेतदिति सेत्युक्त्वा ह्याकाशमिव निर्मला । आश्वासयन्ती तं विप्रं प्रोवाच वचनं तदा

kimetaditi setyuktvā hyākāśamiva nirmalā / āśvāsayantī taṃ vipraṃ provāca vacanaṃ tadā

Sanskrit only: no published translation is held for this verse.

वदस्व कारणं तात गुह्याद् गुह्यतरं यदि । प्रतीकारो ऽस्य येनैव विमृश्य क्रियते त्वरा

vadasva kāraṇaṃ tāta guhyād guhyataraṃ yadi / pratīkāro 'sya yenaiva vimṛśya kriyate tvarā

Sanskrit only: no published translation is held for this verse.

ततः स सुचिरं ध्यात्वा लब्धवाग्वै ततः क्षणम् । प्रोवाच साध्वसमना यत्तच्छृणु नरेश्वर

tataḥ sa suciraṃ dhyātvā labdhavāgvai tataḥ kṣaṇam / provāca sādhvasamanā yattacchṛṇu nareśvara

Sanskrit only: no published translation is held for this verse.

नात्र दोषो ऽस्ति ते कश्चिन्मम चैव शुभव्रते । तवोदरे तु गर्भो यस्तत्र दैवं परायणम्

nātra doṣo 'sti te kaścinmama caiva śubhavrate / tavodare tu garbho yastatra daivaṃ parāyaṇam

Sanskrit only: no published translation is held for this verse.

तस्य तत्त्वेन रक्षा च त्वया कार्या सदैव हि । विनाशी नैव कर्तव्यो यावत्कालस्य पर्ययः

tasya tattvena rakṣā ca tvayā kāryā sadaiva hi / vināśī naiva kartavyo yāvatkālasya paryayaḥ

Sanskrit only: no published translation is held for this verse.

तथेति व्रीडिता साध्वी दूयमानेन चेतसा । अपालयच्च तं गर्भं यावत्पुत्रो ह्यजायत

tatheti vrīḍitā sādhvī dūyamānena cetasā / apālayacca taṃ garbhaṃ yāvatputro hyajāyata

Sanskrit only: no published translation is held for this verse.

जातमात्रं च तं गर्भं गृहीत्वा ब्राह्मणी च सा । अश्वत्थच्छायाम् आश्रित्य तम् उत्सृज्य वचो ऽब्रवीत्

jātamātraṃ ca taṃ garbhaṃ gṛhītvā brāhmaṇī ca sā / aśvatthacchāyām āśritya tam utsṛjya vaco 'bravīt

Sanskrit only: no published translation is held for this verse.

यानि सत्त्वानि लोकेषु स्थावराणि चराणि च । तानि सर्वाणि रक्षन्तु त्यक्तं वै बालकं मया

yāni sattvāni lokeṣu sthāvarāṇi carāṇi ca / tāni sarvāṇi rakṣantu tyaktaṃ vai bālakaṃ mayā

Sanskrit only: no published translation is held for this verse.

एवमुक्त्वा गता सा तु ब्राह्मणी नृपसत्तम । तथागतः स तु शिशुस् तत्र स्थित्वा मुहूर्तकम्

evamuktvā gatā sā tu brāhmaṇī nṛpasattama / tathāgataḥ sa tu śiśus tatra sthitvā muhūrtakam

Sanskrit only: no published translation is held for this verse.

पाणिपादौ विनिक्षिप्य निकुञ्च्य नयने शुभे । आस्यं तु विकृतं कृत्वा रुरोद विकृतैः स्वरैः

pāṇipādau vinikṣipya nikuñcya nayane śubhe / āsyaṃ tu vikṛtaṃ kṛtvā ruroda vikṛtaiḥ svaraiḥ

Sanskrit only: no published translation is held for this verse.

तेन शब्देन वित्रस्ताः स्थावरा जङ्गमाश्च ये । आकम्पिता महोत्पातैः सशैलवनकानना

tena śabdena vitrastāḥ sthāvarā jaṅgamāśca ye / ākampitā mahotpātaiḥ saśailavanakānanā

Sanskrit only: no published translation is held for this verse.

ततो ज्ञात्वा महद्भूतं क्षुधाविष्टं द्विजर्षभम् । न जहाति नगश्छायां पानार्थाय ततः परम् । अपिबच्च सुतं तस्मादभृतं चैव भारत

tato jñātvā mahadbhūtaṃ kṣudhāviṣṭaṃ dvijarṣabham / na jahāti nagaśchāyāṃ pānārthāya tataḥ param / apibacca sutaṃ tasmādabhṛtaṃ caiva bhārata

Sanskrit only: no published translation is held for this verse.

एवं स वर्धितस् तत्र कुमारो निजचेतसि । चिन्तयामास विश्रब्धः किं मम ग्रहगोचरम्

evaṃ sa vardhitas tatra kumāro nijacetasi / cintayāmāsa viśrabdhaḥ kiṃ mama grahagocaram

Sanskrit only: no published translation is held for this verse.

ततः क्रूरसभाचारः क्रूरं दृष्ट्वा निरीक्षितः । पपात सहसा भूमौ शनैश्चारी शनैश्चरः

tataḥ krūrasabhācāraḥ krūraṃ dṛṣṭvā nirīkṣitaḥ / papāta sahasā bhūmau śanaiścārī śanaiścaraḥ

Sanskrit only: no published translation is held for this verse.

उवाच च भयत्रस्तः कृताञ्जलिपुटस्तदा । किं मयापकृतं विप्र पिप्पलाद महामुने

uvāca ca bhayatrastaḥ kṛtāñjalipuṭastadā / kiṃ mayāpakṛtaṃ vipra pippalāda mahāmune

Sanskrit only: no published translation is held for this verse.

चरन्वै गगनाद् येन पातितो धरणीतले । सौरिणा ह्येवमुक्तस्तु पिप्पलादो महामुनिः

caranvai gaganād yena pātito dharaṇītale / sauriṇā hyevamuktastu pippalādo mahāmuniḥ

Sanskrit only: no published translation is held for this verse.

क्रोधरूपो ऽब्रवीद्वाक्यं तच्छृणुष्व नराधिप । पितृमातृविहीनस्य मम बालस्य दुर्मते । पीडां करोषि कस्मात् त्वं सौरे ब्रूहि ह्यशेषतः

krodharūpo 'bravīdvākyaṃ tacchṛṇuṣva narādhipa / pitṛmātṛvihīnasya mama bālasya durmate / pīḍāṃ karoṣi kasmāt tvaṃ saure brūhi hyaśeṣataḥ

Sanskrit only: no published translation is held for this verse.

क्रूरस्वभावः सहजो मम दृष्टिस्तथेदृशी । मुञ्चस्व मां तथा कर्ता यद्ब्रवीषि न संशयः

krūrasvabhāvaḥ sahajo mama dṛṣṭistathedṛśī / muñcasva māṃ tathā kartā yadbravīṣi na saṃśayaḥ

Sanskrit only: no published translation is held for this verse.

अद्यप्रभृति बालानां वर्षाद् आ षोडशाद्ग्रह । पीडा त्वया न कर्तव्या एष ते समयः कृतः

adyaprabhṛti bālānāṃ varṣād ā ṣoḍaśādgraha / pīḍā tvayā na kartavyā eṣa te samayaḥ kṛtaḥ

Sanskrit only: no published translation is held for this verse.

एवमस्त्विति चोक्त्वा स जगाम पुनरागतः । देवमार्गं शनैश्चारी प्रणम्य ऋषिसत्तमम्

evamastviti coktvā sa jagāma punarāgataḥ / devamārgaṃ śanaiścārī praṇamya ṛṣisattamam

Sanskrit only: no published translation is held for this verse.

गते चादर्शनं तत्र सो ऽपि बालो महाग्रहः । विचिन्तयन्वै पितरं क्रोधेन कलुषीकृतः

gate cādarśanaṃ tatra so 'pi bālo mahāgrahaḥ / vicintayanvai pitaraṃ krodhena kaluṣīkṛtaḥ

Sanskrit only: no published translation is held for this verse.

आग्नेयीं धारणां ध्यात्वा जनयामास पावकम् । कृत्यामन्त्रैर्जुहावाग्नौ कृत्या वै संभवत्विति

āgneyīṃ dhāraṇāṃ dhyātvā janayāmāsa pāvakam / kṛtyāmantrairjuhāvāgnau kṛtyā vai saṃbhavatviti

Sanskrit only: no published translation is held for this verse.

तावज्झटिति सा कन्या ज्वालामालाविभूषिता । हुतभुक्सदृशाकारा किं करोमीति चाब्रवीत्

tāvajjhaṭiti sā kanyā jvālāmālāvibhūṣitā / hutabhuksadṛśākārā kiṃ karomīti cābravīt

Sanskrit only: no published translation is held for this verse.

शोषयामि समुद्रान् किं चूर्णयामि च पर्वतान् । अवनिं वेष्टयामीति पातये किं नभस्तलम्

śoṣayāmi samudrān kiṃ cūrṇayāmi ca parvatān / avaniṃ veṣṭayāmīti pātaye kiṃ nabhastalam

Sanskrit only: no published translation is held for this verse.

कस्य मूर्ध्नि पतिष्यामि घातयामि च कं द्विज । शीघ्रमादिश्यतां कार्यं मा मे कालात्ययो भवेत्

kasya mūrdhni patiṣyāmi ghātayāmi ca kaṃ dvija / śīghramādiśyatāṃ kāryaṃ mā me kālātyayo bhavet

Sanskrit only: no published translation is held for this verse.

तस्यास्तद्वचनं श्रुत्वा पिप्पलादो महातपाः । क्रोधसंरक्तनयन इदं वचनम् अब्रवीत्

tasyāstadvacanaṃ śrutvā pippalādo mahātapāḥ / krodhasaṃraktanayana idaṃ vacanam abravīt

Sanskrit only: no published translation is held for this verse.

महता क्रोधवेगेन मया त्वं चिन्तिता शुभे । पिता मे याज्ञवल्क्यश्च तस्य त्वं पत माचिरम्

mahatā krodhavegena mayā tvaṃ cintitā śubhe / pitā me yājñavalkyaśca tasya tvaṃ pata māciram

Sanskrit only: no published translation is held for this verse.

एवमुक्त्वागमच्छीघ्रं स्फोटयन्ती नभस्तलम् । मिथिलास्थो महाप्राज्ञस्तपस्तेपे महामनाः

evamuktvāgamacchīghraṃ sphoṭayantī nabhastalam / mithilāstho mahāprājñastapastepe mahāmanāḥ

Sanskrit only: no published translation is held for this verse.

यावत्पश्यति दिग्भागं ज्वलनार्कसमप्रभम् । याज्ञवल्क्यो महातेजा महद्भूतमुपस्थितम्

yāvatpaśyati digbhāgaṃ jvalanārkasamaprabham / yājñavalkyo mahātejā mahadbhūtamupasthitam

Sanskrit only: no published translation is held for this verse.

तद् दृष्ट्वा सहसायान्तं भीतभीतो महामुनिः । अनुयुक्तो ऽथ भूतेन जनकं नृपतिं ययौ

tad dṛṣṭvā sahasāyāntaṃ bhītabhīto mahāmuniḥ / anuyukto 'tha bhūtena janakaṃ nṛpatiṃ yayau

Sanskrit only: no published translation is held for this verse.

शरण्यं माम् अनुप्राप्तं विद्धि त्वं नृपसत्तम । महद्भूतभयाद्रक्ष यदि शक्नोषि पार्थिव

śaraṇyaṃ mām anuprāptaṃ viddhi tvaṃ nṛpasattama / mahadbhūtabhayādrakṣa yadi śaknoṣi pārthiva

Sanskrit only: no published translation is held for this verse.

ब्रह्मतेजोभवं भूतमनिवार्यं दुरासदम् । न च शक्नोम्यहं त्रातुं राजा वचनम् अब्रवीत्

brahmatejobhavaṃ bhūtamanivāryaṃ durāsadam / na ca śaknomyahaṃ trātuṃ rājā vacanam abravīt

Sanskrit only: no published translation is held for this verse.

ततश्चान्यं नृपश्रेष्ठं शरणार्थी महातपाः । जगाम तेन मुक्तो ऽसौ चेन्द्रस्य सदनं भयात्

tataścānyaṃ nṛpaśreṣṭhaṃ śaraṇārthī mahātapāḥ / jagāma tena mukto 'sau cendrasya sadanaṃ bhayāt

Sanskrit only: no published translation is held for this verse.

देवराज नमस्ते ऽस्तु महाभूतभयान्नृप । कम्पमानो ऽब्रवीद् विप्रो रक्षस्वेति पुनःपुनः

devarāja namaste 'stu mahābhūtabhayānnṛpa / kampamāno 'bravīd vipro rakṣasveti punaḥpunaḥ

Sanskrit only: no published translation is held for this verse.

तस्य तद्वचनं श्रुत्वा देवराजो ऽब्रवीद् इदम् । न शक्नोमि परित्रातुं ब्रह्मकोपादहं मुने

tasya tadvacanaṃ śrutvā devarājo 'bravīd idam / na śaknomi paritrātuṃ brahmakopādahaṃ mune

Sanskrit only: no published translation is held for this verse.

ततः स ब्रह्मभवनं ब्राह्मणो ब्रह्मवित्तमः । जगाम विष्णुलोकं च तेनापीत्युक्त एव सः

tataḥ sa brahmabhavanaṃ brāhmaṇo brahmavittamaḥ / jagāma viṣṇulokaṃ ca tenāpītyukta eva saḥ

Sanskrit only: no published translation is held for this verse.

ततः स मुनिरुद्विग्नो निराशो जीविते नृप । अनुगम्यमानो भूतेन अगच्छच्छङ्करालयम्

tataḥ sa munirudvigno nirāśo jīvite nṛpa / anugamyamāno bhūtena agacchacchaṅkarālayam

Sanskrit only: no published translation is held for this verse.

तस्य योगबलोपेतो महादेवस्य पाण्डव । नखमांसान्तरे गुप्तो यथा देवो न पश्यति

tasya yogabalopeto mahādevasya pāṇḍava / nakhamāṃsāntare gupto yathā devo na paśyati

Sanskrit only: no published translation is held for this verse.

तदन्ते चागमद्भूतं ज्वलनार्कसमप्रभम् । मुञ्च मुञ्चेति पुरुषं देवदेवं महेश्वरम्

tadante cāgamadbhūtaṃ jvalanārkasamaprabham / muñca muñceti puruṣaṃ devadevaṃ maheśvaram

Sanskrit only: no published translation is held for this verse.

एवमुक्तो महादेवस् तेन भूतेन भारत । योगीन्द्रं दर्शयामास नखमांसान्तरे तदा

evamukto mahādevas tena bhūtena bhārata / yogīndraṃ darśayāmāsa nakhamāṃsāntare tadā

Sanskrit only: no published translation is held for this verse.

संस्थाप्य भूतं भूतेशः परमापद्गतं मुनिम् । उवाच मा भैस्त्वं विप्र निर्गच्छस्व महामुने

saṃsthāpya bhūtaṃ bhūteśaḥ paramāpadgataṃ munim / uvāca mā bhaistvaṃ vipra nirgacchasva mahāmune

Sanskrit only: no published translation is held for this verse.

ततः सुसूक्ष्मदेहस्थं भूतं दृष्ट्वाब्रवीदिदम् । किमस्य त्वं महाभूत करिष्यसि वदस्व मे

tataḥ susūkṣmadehasthaṃ bhūtaṃ dṛṣṭvābravīdidam / kimasya tvaṃ mahābhūta kariṣyasi vadasva me

Sanskrit only: no published translation is held for this verse.

क्रोधाविष्टेन देवेश पिप्पलादेन चिन्तिता । अस्य देहं हनिष्यामि हिंसार्थं विद्धि मां प्रभो

krodhāviṣṭena deveśa pippalādena cintitā / asya dehaṃ haniṣyāmi hiṃsārthaṃ viddhi māṃ prabho

Sanskrit only: no published translation is held for this verse.

एतच्छ्रुत्वा महादेवो भूतस्य वदनाच्च्युतम् । कटिस्थं याज्ञवल्क्यं च मन्त्रयामास मन्त्रवित्

etacchrutvā mahādevo bhūtasya vadanāccyutam / kaṭisthaṃ yājñavalkyaṃ ca mantrayāmāsa mantravit

Sanskrit only: no published translation is held for this verse.

योगीश्वरेति विप्रस्य कृत्वा नाम युधिष्ठिर । विसर्जयित्वा देवेशस्तत्रैवान्तरधीयत

yogīśvareti viprasya kṛtvā nāma yudhiṣṭhira / visarjayitvā deveśastatraivāntaradhīyata

Sanskrit only: no published translation is held for this verse.

प्रेषयित्वा तु तं भूतं पिप्पलादो ऽपि दुर्मनाः । पितृमातृसमुद्विग्नो नर्मदातटमाश्रितः

preṣayitvā tu taṃ bhūtaṃ pippalādo 'pi durmanāḥ / pitṛmātṛsamudvigno narmadātaṭamāśritaḥ

Sanskrit only: no published translation is held for this verse.

एकाङ्गुष्ठो निराहारो वर्षाद् आ षोडशान् नृप । तोषयामास देवेशमुमया सह शङ्करम्

ekāṅguṣṭho nirāhāro varṣād ā ṣoḍaśān nṛpa / toṣayāmāsa deveśamumayā saha śaṅkaram

Sanskrit only: no published translation is held for this verse.

ततस्तत्तपसा तुष्टः शङ्करो वाक्यमब्रवीत्

tatastattapasā tuṣṭaḥ śaṅkaro vākyamabravīt

Sanskrit only: no published translation is held for this verse.

परितुष्टो ऽस्मि ते विप्र तपसानेन सुव्रत । वरं वृणीष्व ते दद्मि मनसा चेप्सितं शुभम्

parituṣṭo 'smi te vipra tapasānena suvrata / varaṃ vṛṇīṣva te dadmi manasā cepsitaṃ śubham

Sanskrit only: no published translation is held for this verse.

यदि मे भगवांस् तुष्टो यदि देयो वरो मम । अत्र संनिहितो देव तीर्थे भव महेश्वर

yadi me bhagavāṃs tuṣṭo yadi deyo varo mama / atra saṃnihito deva tīrthe bhava maheśvara

Sanskrit only: no published translation is held for this verse.

एवमुक्तस्तथेत्युक्त्वा पिप्पलादं महामुनिम् । जगामादर्शनं देवो भूतसङ्घसमन्वितः

evamuktastathetyuktvā pippalādaṃ mahāmunim / jagāmādarśanaṃ devo bhūtasaṅghasamanvitaḥ

Sanskrit only: no published translation is held for this verse.

पिप्पलादो गते देवे स्नात्वा तत्र महाम्भसि । स्थापयित्वा महादेवं जगामोत्तरपर्वतम्

pippalādo gate deve snātvā tatra mahāmbhasi / sthāpayitvā mahādevaṃ jagāmottaraparvatam

Sanskrit only: no published translation is held for this verse.

तत्र तीर्थे नरो भक्त्या स्नात्वा मन्त्रयुतं नृप । तर्पयित्वा पित्ःन् देवान् पूजयेच्च महेश्वरम्

tatra tīrthe naro bhaktyā snātvā mantrayutaṃ nṛpa / tarpayitvā pitḥn devān pūjayecca maheśvaram

Sanskrit only: no published translation is held for this verse.

अश्वमेधस्य यज्ञस्य फलं प्राप्नोत्यनुत्तमम् । मृतो रुद्रपुरं याति नात्र कार्या विचारणा

aśvamedhasya yajñasya phalaṃ prāpnotyanuttamam / mṛto rudrapuraṃ yāti nātra kāryā vicāraṇā

Sanskrit only: no published translation is held for this verse.

अथ यो भोजयेद् विप्रान् पित्ःन् उद्दिश्य भारत । तस्य ते द्वादशाब्दानि मोदन्ते दिवि तर्पिताः

atha yo bhojayed viprān pitḥn uddiśya bhārata / tasya te dvādaśābdāni modante divi tarpitāḥ

Sanskrit only: no published translation is held for this verse.

संन्यासेन तु यः कश्चित् तत्र तीर्थे तनुं त्यजेत् । अनिवर्तिका गतिस्तस्य रुद्रलोकात् कदाचन

saṃnyāsena tu yaḥ kaścit tatra tīrthe tanuṃ tyajet / anivartikā gatistasya rudralokāt kadācana

Sanskrit only: no published translation is held for this verse.

एतत्सर्वं समाख्यातं यत्पृष्ठे हि त्वयानघ । माहात्म्यं पिप्पलादस्य तीर्थस्योत्पत्तिरेव च

etatsarvaṃ samākhyātaṃ yatpṛṣṭhe hi tvayānagha / māhātmyaṃ pippalādasya tīrthasyotpattireva ca

Sanskrit only: no published translation is held for this verse.

एतत्पुण्यं पापहरं धन्यं दुःस्वप्ननाशनम् । पठतां शृण्वतां चैव सर्वपापक्षयो भवेत्

etatpuṇyaṃ pāpaharaṃ dhanyaṃ duḥsvapnanāśanam / paṭhatāṃ śṛṇvatāṃ caiva sarvapāpakṣayo bhavet

Sanskrit only: no published translation is held for this verse.